Աշխատել եմ անաչառ, սիրով եւ եռանդով. ՍԱՊԾ նախկին պետը վստահեցնում է՝ ազատվել է սեփական դիմումի համաձայն

ՀՀ աշխատանքի եւ սոցիալական հարցերի նախարարության ենթակայությամբ գործող սոցիալական ապահովության ծառայության պետ Սուրեն Ղամբարյանն ազատվել է պաշտոնից սեփական դիմումի համաձայն: Այս մասին Ղամբարյանը հայտնեց «Հայկական ժամանակ»-ի հետ զրույցում, հավելելով. «Այլեւս այդ ոլորտում չէի ցանկանում աշխատել»:

Դիտարկմանը, թե նախորդ մեր զրույցում հրաժարականի մասին խոսք անգամ չի եղել, ՀՀ սոցիալական ապահովության ծառայության նախկին պետը պատասխանեց. «Մեր խոսակցությունը եղել է մեկ ամիս առաջ եւ որեւիցե մեկը չի կարող ասել, թե հաջորդ օրը ինչ կարող է փոխվել: Չէի ասի, թե հրաժարականս հապշտապ որոշում էր, չէի էլ ասի, որ վաղուց մտադրված էր»:

Այնուամենայինիվ, Ղամբարյանը վստահեցրեց՝ հրաժարականի կոնկրետ պատճառ չի եղել, իրենից ոչ ոք դա չի պահանջել: ՍԱՊԾ նախկին պետը մեր նախորդ զրուցում նշել էր, որ բավականին ծանր գրաֆիկով է աշխատում, սակայն այսօր վստահեցրեց, որ ծառայությունում երբեք աշխատանքից չի հոգնել, միշտ աշխատել է սիրով եւ եռանդով: «Ես աշխատել եմ անաչառ: Եվ ովքեր ինձ հետ աշխատել են ունեն օբյեկտիվ կարծիք՝ այդ մասին գիտեն: Առայժմ հանգստանում եմ, մինչեւ հասկանամ, թե հետագայում ինչով կզբաղվեմ»,-ասաց նա:

Ղամբարյանից հետաքրքրվեցինք, թե արդյո՞ք ծանոթ է ծառայության նորանշանակ պետի՝ Անի Ամիրշադյանի հետ: Վերջինս նշեց, որ ընդհանրապես ծանոթ չէ եւ որեւէ տեղեկատվության չի տիրապետում:

Ավելի վաղ հայտնել էինք, որ Սուրեն Ղամբարյանը տեւական ժամանակ կոնֆլիկտի մեջ էր ՍԱՊԾ գլխավոր քարտուղար Վանիկ Բաբաջանյանի եւ պետի տեղակալ Արսեն Օհանյանի հետ: Ղամբարյանը հասցրել էր աշխատանքից ազատել սոցիալական ապահովության ծառայության պետի տեղակալ Արսեն Օհանյանին: Դրանից առաջ էլ ազատվել էին ծառայության պետի օգնականն ու օտարերկրյա պետություններից եւ կազմակերպություններից ստացվող գրությունների բաժնի պետ Նելլի Թորոսյանը:

Սուրեն Ղամբարյանը բազմաթիվ թերացումներ էր տեսնում ՍԱՊԾ մի շարք աշխատակիցների գործողություններում:

«Հայկական ժամանակ»-ը փորձեց կապ հաստատել ՍԱՊԾ նորանշանակ պետ Անի Ամիրշադյանի հետ, սակայն վերջինիս  աշխատակազմից մեզ փոխանցեցին, որ առաջիկայում Ամիրշադյանը ցանկություն չունի լրատվամիջոցներով երեւալու եւ հարցազրույցներ տալու:

Տպել
883 դիտում

Քաղաքապետարանը շարունակաբար վատաբանում և զրպարտում է ընկերության ղեկավարությանը. «Սանիթեք»-ի հայտարարությունը

Ջորկաեֆը նշանակվել է ՖԻՖԱ-ի հիմնադրամի ղեկավար

Ոստիկանության պետի պարտականությունները ժամանակավոր կկատարի Արման Սարգսյանը

Հեռանալուս պատճառների մասին կխոսեմ հետագայում. Օսիպյանի հայտարարությունը

Կարծում եմ՝ երազելը շատ լավ է. Տոնոյանի պատասխանը՝ Ադրբեջանի պաշտպանության նախարարին

2019-ի առաջին կիսամյակում ԵՄ երկրներում ապաստան հայցած ՀՀ քաղաքացիների թիվը նվազել է 27%-ով

Օսիպյանն արդեն ոստիկանության վետերանների շարքում է. նա հրաժեշտ տվեց աշխատողներին

Վլադիմիր Գասպարյանն առաջադրված մեղադրանքում իրեն մեղավոր չի ճանաչում եւ հրաժարվել է ցուցմունք տալուց. փաստաբան

ՀՀ անկախության 28-րդ տարեդարձի միջոցառումների կազմակերպման նպատակով բյուջեից ծախսվել է 220 մլն դրամ. Աղաջանյան

Մենք մեր խոսքը Նիկոլ Փաշինյանին կասենք ռազմի դաշտում. Զաքիր Հասանով

Վալերի Օսիպյանն ազատվեց ոստիկանության պետի պաշտոնից. նախագահի հրամանագիրը

Աշխատանքի նկատմամբ սերը բնութագրիչ է հայ և իրանցի ժողովուրդների համար. Զարուհի Բաթոյանը՝ Իրանի դեսպանին

Վլադիմիր Գասպարյանին մեղադրանք է առաջադրվել՝ իշխանությունը չարաշահելու համար

Եղանակի կանխատեսում. ջերմաստիճանը սեպտեմբերի 22-23-ն աստիճանաբար կնվազի 9-11 աստիճանով

«Ռոսատոմ»-ի գլխավոր տնօրենը կայցելի Հայաստան. Պապիկյանը նրա հետ կարճատև զրույց է ունեցել

Վերցնենք Թումանյանի հեքիաթների ժողովածուն, մեր անունից տպագրենք ու ասենք՝ հղումը մոռացա. Գոգյանը՝ Հայրապետյանի մասին

Հայաստան կայցելի ԱՄՆ-ի կոնգրեսականների պատվիրակություն

Մեր նպատակն է կառուցել բռնությունից ազատ հասարակություն. Արդարադատության փոխնախարար

Ինչպե՞ս բարձրացնել Ռուսաստանում Հայաստանի ճանաչելիությունը. համաժողով

Վարչապետը Վալերի Օսիպյանին աշխատանքից ազատելու առաջարկ է ներկայացրել ՀՀ նախագահին