Նիկոլ Փաշինյանի վերջին այցից հետո զբոսաշրջիկների թիվը Գյումրիում կրկնապատկվել է. Սամվել Բալասանյան

Գյումրիում զբոսաշրջիկների թիվը կկրնապատկվել է ՀՀ վարչապետ Նիկոլ Փաշինյանի վերջին այցից հետո, երբ ուղիղ եթերում վարչապետը ներկայացրել է քաղաքն ու առկա հնարավորությունները: Այս մասին այսօր գյումրեցի լրագրողների հետ զրույցում ասել է քաղաքապետ Սամվել Բալասանյանը: «ՀՀ վարչապետը, որ էդպես ներկայացրեց մեր քաղաքը, որն իրականության մեջ կար, բայց երեւի թե բոլորը չգիտեին: Այսօր արդեն նաեւ սփյուռքի մեր հայրենակիցները, հասկացան, որ պետք է գան Գյումրի: Նիկոլ Փաշինյանի այցից եւ Գյումրիուն հրաշալի ու մանրամասնորեն ներկայացնելուց հետո տուրիստների թիվն ավելացել է: Օրինակ այսօր հյուրեր են գալիս Ֆրանսիայից: Գալիս են մեր փողոցնրում քայլելու, շրջելու: Շատ շնորհակալ եմ վարչապետից նման քայլի համար: Որեւէ մեկը Գյումրին դեռ էսպես չէր ներկայացրել: Մանավանդ որ, այսօր  քաղաքը գնում է տուրիստական դառնալու ճանապարհով, մենք հաջողություն կունենանք: Առավոտ արդեն մի քանի մեծ ավտոբուս հրապարակում տեսել եմ կանգնած: Անզեն աչքով էլ նկատելի է, թե ինչքան է ավելացել տուրիստների թիվը Գյումրիում վերջին օրերին հատկապես»,-Գյումրիում կայացած ասուլիսի ժամանակ լրագրողներին ասաց քաղաքապետ Սամվել Բալասանյանը:

Հիշեցնենք, որ օգոստոսի 11-ին ՀՀ վարչապետ Նիկոլ Փաշինյանը տիկնոջ՝ Աննա Հակոբյանի հետ ոչ աշխատանքային այցով եղել է Գյումրիում, քայլել Կումայրի պատմական միջուկում եւ ֆեյսբուքյան ուղիղ եթերում պատմել վերականգնված Գյումրու, ներդրումային բարենպաստ հնարավորությունների մասին: Վարչապետը գործարարներին կոչ էր արել իրենց ներդրումային ծրագրերով գալ Գյումրի, գնել պատմական կառույցներն ու դրանք ծառայեցնել որոշակի նպատակների՝ կառույցների արտաքին ճարտարապետական տեսքերը պահպանելու պայմանով:

Շատ լավ է լինելու պատմական կենտրոնի ճակատագիրն,-ասաց Սամվել Բալասանյանը: Հաջորդ տարի աշխատանքները կշարունակվեն Սլաբոդկա կոչվող թաղամասում: «Դե էնտեղ այդքան մեծ աշխատանք չկա անելու, հիմնական խնդիրը լուսավորությունն է: Փողոցների հետ կապված խնդիրներ ունենա: Գետինը հիմնականում մանրաքարերով է սարքած: Այդ  տարածքում էլ գտնվում է հայտնի «վառեմ-մարեմ»-ի շենքը, կառավարության կողմից կա ծրագիր, շենքը տրված է պոլիտեխնիկին, իրենք են վերականգնելու եւ տեխնոլոգիական ուղղվածության գործունեություն են ծավալելու: Մենք հիմա ծրագիր ենք ուզում անել, Գարեգինյանի հին զորամասը կարեւորագույն մշակութային կենտրոն դարձնելու համար: Տարբեր առաջարկություններ կան, պետք է խորհրդակցենք, հանրային քննարկում կազմակերպենք»: 

Պատմական միջուկում, սակայն, այնպես չէ, որ խնդիրներ չկան: Կան մարդիկ, ովքեր ժամանակին տարածք են վերցրել, սակայն մինչ օրս աշխատանքներ չեն իրականացնում: «Մենք էնտեղ մի շինություն կար, պատը վերականգնեցինք, տվեցինք Մոնտալդոյին(նկատի ունի Իտալիայի պատվո հյուպատոս Անտոնիո Մոնտալդոյին), որ  ճարտարապետների դպրոց սարքեր եւ Գյուրջիեւյան կենտրոն, բայց նա խոսքի տերը չեղավ: Հիմա նոր է շինարարություն սկսել: Ոչինչ, թող շենքը վերականգնի: Մենք կառույցները տալիս ենք, բայց մի պայմանով, որ վերականգնելու է նախկին տեսքով, առանց փոփոխությունների»,-ասաց Սամվել Բալասանյանը:Խնդիրներ կան նաեւ սեփականատերերի հետ կապված: Մարդիկ տարիներ առաջ Կումայրի պատմական միջուկում գտնվող իրենց տան դռները փակել, ՀՀ-ից հեռացել են: Հիմա, երբ Գյումրու այս հատվածը հայտնվել է աշխարհի ուշադրության կենտրոնում, իրենցից առաջ այդ տարածքները գնելու ցանկություն ունեցող ներդրողներն են տեղ հասել: Ինչպե՞ս է այդ հարցը կարգավորվելու: Սամվել Բալասանյանն ասաց, բոլորից էլ կոորդինատներ ունեն, անհրաժեշտության դեպքում կապ են հաստատում, հարցը կարգավորում են:  Ներկա պահին խնդիր կա Շիրակի թեմի առաջնորդարանի հարեւանությամբ գտնվող նախկինում մանկապարտեզ, 88-ի աղետից հետո որպես բնակարաններ ծառայած շինության հետ կապված: Շենքն ունի 3 սեփականատեր, 3-ից ոչ մեկի հետ հնարավոր չէ կապ հաստատել, Գյումրի բերել, ներդրողի եւ սեփականատիրոջ հանդիպումը կայացնել: «Այդ հարցը լուծելը շատ բարդ է, չգիտեմ, թե ոնց ենք անելու: Մյուսներն ունեն սեփականատեր, ասում են էսքանով վաճառում ենք, վաճառում են, կամ չեն վաճառում, փոշմանում, հենց իրենք էլ վերանորոգում են: Բայց սա ուրիշ է, տեսնենք, ոնց ենք կարգավորելու»,-լրագրողների հետ զրույցում ասաց քաղաքապետը:

Սամվել Բալասանյանը նաեւ վստահ է, հենց Հյուսիս-հարավ ճանապարհային միջանցքի շինարարությունն ավարտվի Գյումրիում կզարգանա ներքին տուրիզմը: «Եթե մարդիկ կարողանան 1 ժամում Երեւանից հասնել Գյումրի, ապա ամռան շոգին հաստատ կգան այստեղ: Ոնց որ տարիներ առաջ էր: Երեւանում 40, էստեղ 27 աստիճան էր օդի ջերմաստիճանը, մարդիկ գալիս էին, հանգստանում ամառները: Հիմա ճիշտն ասած 36-ի է հասնում Գյումրիում տաքությունը, բայց էլի Երեւանից հով է»:

 

 

 

 

Տպել
19544 դիտում

Նիկոլ Փաշինյանը և Աննա Հակոբյանը ներկա են գտնվել Մայր Աթոռ Սուրբ Էջմիածնի հիմնանորոգված Վեհարանի բացմանը

Հայաստանի ԱԳ նախարար Զոհրաբ Մնացականյանը հանդիպել է Լատվիայի ԱԳ նախարար Էդգարս Ռինկևիչսին

Հրդեհ Երասխ գյուղում. այրվել է 720 հակ անասնակեր

Ուկրաինայում զինված տղամարդը սպառնացել է պայթեցնել Կիեւի «Մետրո» կամուրջը. նրան ձերբակալել են

Բնակարաններից մեկից գողացել էր դրամապանակ ու օծանելիք. ոստիկանության բացահայտումը (տեսանյութ)

Վանեցյանի և Օսիպյանի գործունեությունը վարչապետին չի գոհացրել. Էդուարդ Աղաջանյան

Հրդեհ Հայթաղ գյուղում. այրվել են 2 տների տանիքներ

ԲԴԽ նախագահը ներկայացրեց Երեւանի ընդհանուր իրավասության դատարանի նորանշանակ նախագահին

Կձևավորվի ռիսկի վրա հիմնված տեսչական վերահսկողության լիարժեք համակարգ. ՍԱՏՄ

Կառավարությունում քննարկվել են Հրանտ Մաթևոսյանի մշակութային կենտրոն-թանգարանին վերաբերող հարցեր

ՔՊ-ն նիստ է հրավիրել. օրակարգում ուժային կառույցների ղեկավարների հրաժարականներն են

Անի խոշորացված համայնքի ղեկավար Արտակ Գեւորգյանին եւ եւս 2 աշխատակցի մեղադրանք է առաջադրվել

Տեղի է ունեցել Հայաստանի խաղողագործության և գինեգործության հիմնադրամի հոգաբարձուների խորհրդի նիստը

Սուրեն Պապիկյանը Դաժու Յանգի հետ քննարկել է տեխնիկական համագործակցության հեռանկարները

Սամվել Թոփալյանն առաջադրվել է կանադական կինոփառատոնի «Լավագույն դերասան» անվանակարգում

Գեղամ Գևորգյանը հանդիպել է Ռուսաստանի դաշնային հակամենաշնորհային ծառայության ղեկավարի հետ

Գագիկ Ջհանգիրյանը քիչ առաջ արդարացվեց Մարտի 1-ի գործով․ Վճռաբեկ դատարանը հրապարակեց որոշումը

ՎիվաՍել-ՄՏՍ-ն ու «Սինոփսիս Արմենիան» աջակցում են Եվրոպական համալսարանին

Վալերի Օսիպյանը նշանակվել է ՀՀ վարչապետի գլխավոր խորհրդական. որոշում

Ալիևն ու Զասը հանդիպել են. ի՞նչ քննարկելու հարցեր կարող են լինել ՀԱՊԿ-ի ապագա գլխավոր քարտուղարի ու Բաքվի միջեւ