Ռուբեն Հայրապետյանը չի հերքում, որ դոկտորականում հղումները բացակայում են. իսկ աստիճանից զրկելու կարգ գոյություն չունի

Հայաստանի պետական տնտեսագիտական համալսարանում իրավիճակը շարունակում է լարված մնալ: Ռեկտորի պաշտոնակատար Ռուբեն Հայրապետյանը այսօր հրավիրված մամուլի ասուլիսի ժամանակ անդրադարձել է դրան, նաեւ մեկնաբանել իրեն ուղղված մեղադրանքները, մասնավորապես՝ գրագողության վերաբերյալ:

Նա ընդունել է, որ իր դոկտորական ատենախոսության մեջ կան խնդիրներ: Ընդգծել է, որ դրանք միայն տեսական մասում են, իսկ հետազոտական ամբողջ հատվածի հեղինակն ինքն է:

«Շատ են խոսում գրագողություն մասին: Ցավոք, ոլորտը կարգավորող օրենսդրությամբ գրագողություն հասկացություն չկա: Այն շահարկումները, որ կատարվում են՝ կապված գրագողության եւ այլնի հետ, իրականում վերաբերում են  ատենխոսության տեսական հատվածի այն գաղափարներին, մտքերին, որտեղ հղումների հետ կապված կան խնդիրներ կամ հղումները բացակայել են, որոնց հետ կապված կարող են նաեւ մի շարք պատճառներ լինել»,- ասել է Ռուբեն Հայրապետյանը` հղում անելով չափանիշների հստակության բացակայությանը, երբ հստակ չէ՝ ինչն է գրագողություն եւ ինչը՝ չէ:

«Ցավոք, մենք իրական գիտական հետազոտությունների դաշտը կերտում ենք, ըստ էության, զրոյից։ Անգամ այն ատենախոսությունները, որոնք մինչեւ հիմա պաշտպանվել են եւ որոնցում որեւէ խնդիր չի եղել, համաշխարհային տնտեսագիտության առումով 99 տոկոս դեպքերում ունեցել են զրոյական արժեք։ Եվ մենք փաստացի ձեւավորել ենք տնտեսագիտության, հետազոտությունների մի համակարգ, բայց աշխարհի համար ճանաչելի եւ ընկալելի չի եղել, թե մենք ինչով ենք զբաղված»,- կարծիք է հայտնել տնտեսագիտական համալսարանի ռեկտորի պաշտոնակատարը:

Նա ասել է, որ ռեկտորի պարտականությունները ստանձնելուց հետո էլ շարունակել է աշխատել իր ու իր դոկտորական ատենախոսության վրա, եւ «հետազոտության իրական հատվածները, որոնք արտագրության կամ գրագողության հետ կապ չունեն», այժմ ուղարկել է ազդեցության գործոն ունեցող հեղինակավոր ամսագրերի:

«Այս ամբողջ իրականությամբ հանդերձ, գտնվում են մարդիկ, որոնք սեփական ատենախոսության հեղինակը չեն, բայց հայտարարում են, որ իմ ատենախոսության տեսական հատվածում կան հղումների հետ կապված խնդիրներ։ Եվ այս ամբողջը ներկայացնում են այնպիսի լույսի ներքո, որ բոլորը լսեն եւ ասեն՝ վայ, ատենախոսությունը արտագրված է»,- զուգահեռ է անցկացրել Ռուբեն Հայրապետյանը: Նա ընդգծել է, որ Հայաստանում չկա գիտական աստիճանից զրկելու կարգ: Նման կարգ մշակվելու դեպքում պատրաստ է հրաժարվել դոկտորի գիտական աստիճանից:

Ինչ վերաբերում է դասախոսների՝ վերջերս անցկացված մրցույթին, որը նույնպես դասախոսների շրջանոմ դժգոհությունների տեղիք էր տվել, ռեկտորի պաշտոնակատարն ասել է, որ նախկին դասախոսներից 58-ը չեն ստացել մրցութային հանձնաժողովի դրական եզրակացությունը, եւս 20-ը չի մասնակցել մրցույթին: Նույն մրցույթի արդյունքում տնտեսագիտական համալսարանում կդասավանդի շուրջ 100 նոր դասախոս: Մրցույթի արդյունքները Ռուբեն Հայրապետյանը համարել է հրաշալի ու վստահեցրել, որ դա տեսանելի կդառնա արդեն սեպտեմբերին:

Տպել
1807 դիտում

Ջաջուռ գյուղում այրվել է մոտ 40 հա խոտածածկույթ, գյուղի 13 բնակիչ մասնակցել է հրդեհաշիջման աշխատանքներին

Անբարոյականությունը՝ քաղաքական պայքարի անվան տակ

Ֆրանսիան ու Գերմանիան առաջարկում են Թեհրանի միջուկային գործարքի շուրջ նոր բանակցություններ սկսել

Զորամասերից մեկի մարտավարական դաշտում անցկացվել է մարտական պատրաստության պարապմունք

«Airbus» ընկերության ներկայացուցիչները Հայաստանում կծանոթանան համագործակցության հնարավորություններին

Սպանված ոստիկան Տիգրան Առաքելյանի հոգեհանգիստը տեղի կունենա վաղը՝ Ոստիկանության ակադեմիայում

Դատական գործընթաց ենք սկսում՝ ատենախոսությանս շուրջ ստեղծված կեղծ աղմուկի եւ մեղադրանքների համար. Հայրապետյան

Շարունակվում են գերատեսչությունների բյուջետային հատկացումների հայտերի ուղղությամբ քննարկումները

Գնահատման կեղծ եզրակացությամբ պետական սեփականության գույքը մի քանի անգամ ցածր գնով օտարելու դեպքով քրգործ է հարուցվել

«Բարեփոխելով աշխարհը» կինոյի և հաղորդումների փառատոնի հատուկ մրցանակը շնորհվել է Արմեն Սարգսյանին

Վարչապետն ընդունել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցչին

ԱԳ նախարար Զոհրաբ Մնացականյանը հանդիպել է ԵՄ հատուկ ներկայացուցիչ Տոյվո Կլաարի հետ

Հայոց լեզու, գրականություն և պատմություն առարկաների դասավանդումը բուհերում այլևս պարտադիր չի՞ լինի. ԿԳՄՍ-ն պարզաբանում է

Թուրքիան խոստանում է պատասխանել Թրամփի պատժամիջոցներին, ԱՄՆ-ը նշում՝ չեն ցանկանում փչացնել հարաբերությունները

Արմեն Գրիգորյանը ընդունել է Արցախի արտաքին գործերի նախարար Մասիս Մայիլյանին

Հայաստանը Ռուսաստանում գրանցել է ապրանքների ներմուծման ռեկերդային՝ 22% ցուցանիշ

Շուտով Երեւանից Միլան հնարավոր կլինի մեկնել 28 եվրոյով, Երեւանից Բեռլին՝ 40 եվրո 99 ցենտով. տոմսերն արդեն վաճառքում են

ՀՀ ոստիկանապետի ժ/պ-ի հրամաններով զոհված ու վիրավորված ոստիկանները պարգևատրվեցին

Մխիթարյանը շարք կվերադառնա մոտ 1 շաբաթից

Ցեղասպանության թեմայով Թուրքիայի նախագահի հայտարարությունները մեկնաբանության արժանի չեն. ՀՀ ԱԳՆ