Սխալ է ու հիասթափեցնող․ Ռուսաստանը պատրաստ է Թուրքիային Սու-35 կործանիչներ մատակարարել

ԱՄՆ-ը Թուրքիային պաշտոնապես բացառել է F-35 կործանիչների ծրագրից: «ԱՄՆ-ը եւ F-35 ծրագրի մյուս գործընկերները միակարծիք են Թուրքիային ծրագրից բացառելու հարցում»,- հայտարարել է ԱՄՆ ՊՆ ներկայացուցիչը: Թուրքիան ու ԱՄՆ-ն հաշվարկում են Անկարայի վնասները, որը կազում է շուրջ 9 մլրդ դոլար։

Սպիտակ տունը հայտարարել է, որ ռուսական С-400 զենիթահրթիռային համակարգեր գնելու Թուրքիայի որոշումն անհնար է դարձնում նրա մասնակցությունը F-35 կործանիչների ծրագրում: Ընդ որում, նշվում է, որ Վաշինգտոնը նախկինի պես «բարձր է գնահատում» Անկարայի հետ իր ռազմավարական կապերը: ԱՄՆ-ի պաշտպանության նախարարի հիմնական թեկնածու Մարք Էսփերը հայտարարել է, որ ԱՄՆ-ն կանգնել է մի շարք կարեւոր ու դժվար խնդիրների առջեւ։

«Դրանցից մեկը Թուրքիան է, որ մի քանի օր առաջ սկսեց Ռուսաստանից ընդունել С-400 մակնիշի օդային պաշտպանության համակարգ, չնայած այդ մտադրությունից հետ կագնելու մասին ՆԱՏՕ-ի ու Վաշինգտոնի հորդորներին», - ասել է նա՝ հավելելով, որ Թուրքիայի այդ որոշումը «սխալ է ու հիասթափեցնող»։

ԱՄՆ-ում նշում են՝ F-35-երի գնումից հրաժարվելու արդյունքում Թուրքիան շուրջ 9 մլրդ դոլար կկորցնի: ԱՄՆ պաշտպանության փոխնախարար Էլեն Լորդն ասել է, որ Անկարան կկորցնի աշխատատեղեր և տնտեսապես շահավետ մի շարք գործարքներ, գրում է Gazeta-ն:

Նշվում է, որ չնայած F-35-երի հարցով որոշմանը՝ ԱՄՆ-ն կշարունակի Թուրքիայի հետ համատեղ զորավարժությունները: Պենտագոնի ներկայացուցիչը, միաժամանակ, հրաժարվել է պատասխանել հարցին՝ հնարավո՞ր է վերականգնվի Թուրքիայի մասնակցությունը հինգերորդ սերնդի F-35 կործանիչների ստեղծման ծրագրին:

«Ներկայում Թուրքիան որոշում է ընդունել: Մենք ասել ենք, որ F-35-ն ու C-400-ն անհամատեղելի են: Մենք կշարունակենք աշխատել՝ այդ հարաբերությունները վերականգնելու համար»,- ՏԱՍՍ-ի փոխանցմամբ՝ ասել է Էլեն Լորդը: Նա նաև չի պատասխանել հարցին՝ հնարավո՞ր է, որ F-35-ի տեխնոլոգիաները թուրքական կողմից փոխանցվեն Ռուսաստանին՝ թուրք օդաչուների կամ տեխնիկական մասնագետների կողմից, որոնք ծրագրի շրջանակում ուսանել են ԱՄՆ-ում:

«Ես այդ հարցի շուրջ ենթադրություններ չեմ անի»,- ասել է Պենտագոնի պաշտոնյան:

Միեւնույն ժամանակ Ռուսաստանում պատրաստակամություն են հայտնում ամերիկյան F-35 կործանիչների փոխարեն Թուրքիային մատակարարել ռուսական Սու-35 կործանիչներ։

«Եթե Անկարան ցանկություն հայտնի, Ռուսաստանը պատրաստ է Թուրքիային Սու-35 կործանիչներ մատակարարել», - լրագրողներին ասել է «Ռոստեխ» պետական կորպորացիայի ղեկավար Սերգեյ Չեմեզովը:

Ռուսաստանում նաեւ դրական են ընդունում ԱՄՆ-ի ու Թուրքիայի միջեւ С-400-ների վաճառքի գործարքի ֆոնին ռազմավարական հարաբերությունների վատթարացման հեռանկարը։

ՌԴ-ի և Թուրքիայի միջև ռազմա-տեխնիկական համագործակցությունը կարող է շարունակվել: Այդ մասին հայտարարել է ռուսաստանցի փորձագետ Սերգեյ Բալմասովը: Ըստ նրա, ՌԴ-ն և Թուրքիան սկսել են ակտիվ համագործակցել ԱՄՆ-Թուրքիա հակասությունների ֆոնին: Նա նշել է, որ C-400 գործարքը կայացել է և դա Մոսկվայի ու Անկարայի հաջողությունն է: Փորձագետը հավելել է, որ Թուրքիայի և նրա արևմտյան գործընկերների հակասությունները ձեռնտու են ՌԴ-ին:

Տպել
3050 դիտում

Թուրքիայում տեղի ունեցած երկրաշարժի հետեւանքով զոհերի թիվը հասել է 14-ի

Չեմ հավատում այն մարդկանց, որոնք գիրք են գրում, բայց որեւէ մրցանակ չեն ակնկալում. մրցանակբաշխություն ՀԳՄ-ում

4 մարդ է զոհվել Թուրքիայի արեւելքում տեղի ունեցած երկրաշարժի պատճառով

Դպրոցի տնօրենի մրցույթը կարող է լինել հարցազրույցով եւ ըստ զարգացման ծրագրի. օրենքում փոփոխություններ են առաջարկվում

Թուրքիայում ժամը 20:55-ին 6.8 բալ ուժգնությամբ երկրաշարժ է տեղի ունեցել

2019 թվականին Արմավիրում սեփական եկամուտների հավաքագրումների ցուցանիշն աճել է 12,0 %-ով կամ 577,1 մլն դրամով

Բուլղարիան 2 ռուս դիվանագետի է արտաքսում երկրից. պատճառը լրտեսության մեղադրանքն է

Գեղասահորդուհի Անաստասիա Գալուստյանը դուրս մնաց եվրոպայի առաջնությունից

Ժամը 22:00-ի դրությամբ Վարդենյաց լեռնանցքը բեռնատարների համար փակ է

Վանաձորում լուսացույցներից շատերը խափանվել են. քաղաքապետը միտում է տեսնում. կան նաեւ քանդված փողոցներ (լուսանկարներ)

Աշտարակի ոստիկանները թմրանյութ են հայտնաբերել. բերման է ենթարկվել Աղձքի 55-ամյա մի բնակիչ

Մարզպետ Դավիթ Գեւորգյանը ծանոթացել է Արագածոտնի սպանդանոցի տեխնիկական հագեցվածությանը

Ոստիկանության բարեփոխումների կարևորագույն նպատակը ոստիկանություն-քաղաքացի նոր հարաբերությունների հաստատումն է. վարչապետ

Թել Ավիվում՝ ձյուդոյի «Գրան պրի» օլիմպիական վարկանիշային մրցաշարում, Ֆերդինանդ Կարապետյանը բավարարվել է արծաթե մեդալով

Երեւանում մայթով երթեւեկած մեքենան ու վարորդը հայտնաբերվել են (տեսանյութ)

Եվրամիության ղեկավարությունը ստորագրել է Մեծ Բրիտանիայի՝ ԵՄ-ից դուրս գալու համաձայնագիրը

Օգտագործել միայն լավ եփված սնունդ, շշալցված ջուր, չայցելել կենդանաբանական այգիներ. ինչպես խուսափել չինաստանյան վիրուսից

Մխիթար Հայրապետյանը զորակցություն է հայտնել Ադրբեջանի կողմից հետախուզվող Էլենի Թեոխարուսին

Հանդիպել են Հայաստանի եւ Վրաստանի արտգործնախարարները

ՊԵԿ մաքսանենգության դեմ պայքարի վարչությունը 2019-ին կանխել է թմրամիջոցների տարանցիկ տեղափոխման 6 փորձ