Հայաստանում կսկսի գործել առաջին ուսանողաստեղծ հիմնադրամը. «Ռեստարտ» ուսանողական-քաղաքացիական նախաձեռնություն

28/06/2019 schedule21:04

«Ռեստարտ» ուսանողական-քաղաքացիական նախաձեռնությունը շուտով կյանքի կկոչի ևս մեկ կարևոր ծրագիր՝ 2019 թ․ հուլիսի 6-ին Հայաստանում կսկսի գործել առաջին ուսանողաստեղծ հիմնադրամը։

Այս մասին ասվում է «Ռեստարտ» ուսանողական-քաղաքացիական նախաձեռնության տարածած հաղորդագրությունում:

«Շատերս գիտենք, որ ՀՀ բարձրագույն կրթական համակարգի գլխավոր խնդիրներից մեկը ուսանողների` վարձերի, կրթաթոշակների հետ ունեցած խնդիրներն են։ Նախ պետք է նշել, որ համալսարաններում չի գործում ուսանողակենտրոն, ճկուն ու ուսանողին մոտիվացնող զեղչային համակարգ, սրան գումարած համալսարաններից դուրս գործող հիմնադրամների թիվը, որոնք կարող են ուսանողին օգնել, թեթևացնելով ուսման ֆինանասական բեռը, բավականին քիչ են։ Չենք կարող չհիշել նաև դեպքերը, երբ ուսանողները ուսման վարձը չմուծելու պատճառով կանգնած են եղել համալսարանից հեռացվելու վտանգի առաջ։ Ուստի, հիմնադրամի նպատակն է աջակցել բարձր առաջադիմություն կամ ուսումը սկսելու ու այն շարունակելու մոտիվացիա ունեցող այն ուսանողներին, որոնք ունեն ֆինանսական խնդիրներ և դժվարանում են վճարել ուսման վարձերը։

Վերջին շրջանում նախաձեռնության անդամների ֆեյսբուքյան էջերում հաճախ ենք հանդիպում պետական տարբեր կառույցների աշխատակիցների, քաղաքացիական հասարակության ներկայացուցիչների և տարատեսակ այլ կազմակերպությունների ու անհատների համար նախատեսված հրավիրատոմսերի բացիկներին: Հիմնադրամի բացման միջոցառմանը հրավիրված են ՀՀ կառավարության, Ազգային ժողովի, տեղական ինքնակառավարման մարմինների, քաղաքացիական հասարակության, բիզնես ոլորտի և ՀՀ գրեթե բոլոր բուհերից ներկայացուցիչներ:

Նախաձեռնության անդամ Դավիթ Պետրոսյանը նշում է՝ «Այս օրվան շատ ենք սպասել ու երազել։ Մեկ տարվա ընթացքում մենք հասցրել ենք մի քանի ուսանողների օգնել, որ շարունակեն իրենց ուսումը, բայց դա շատ քիչ է, դրա համար մենք որոշեցինք ձեռնամուխ լինել ՀՀ-ում առաջին ուսանողաստեղծ հիմնադրամի ձևավորմանը»։

Հարկ է նշել, որ հիմնադրամը չի ստեղծվել միայն ուսման վարձերի փոխհատուցման նպատակով․ կարևորելով ուսանողների քաղաքացիական ակտիվությունը և ուսանողների նեղ մասնագիտական գիտելիքները՝ հիմնադրամի կողմից կհայտարարվեն դրամաշնորհներ՝ հետազոտությունների, ուսումնասիրությունների և այլ աշխատանքների համար։ Հիմնադրամի կողմից տրամադրվող կրթաթոշակների, դրամաշնորհների և դրամական միջոցների տրամադրման չափանիշները և չափորոշիչները մշակված են հիմնադրամի հոգաբարձուների խորհրդի կողմից։

Հուսով ենք, որ «Ռեստարտ» գիտակրթական-բարեգործական հիմնադրամի գործառնման արդյունքում ՀՀ շատ երիտասարդների համար ֆինանսական միջոցների սղությունը էլ չի հանդիսանա պատճառ բարձրագույն կրթություն չստանալու և այն չշարունակելու համար։ Կրթության մեջ ներդրումը ամենակայուն և երկարաժամկետ ներդրումն է, որ մենք կարող ենք անել»,- ասվում է հաղորդագրությունում:

Տպել
1499 դիտում

Նիկոլ Փաշինյանը՝ մեծ կտավի մեկ մասնիկի առաջին գնորդն ու կտավն ամբողջացնող վերջին այցելուն Գյումրիում

Աննա Հակոբյանը մասնակցել է Ararat challange փառատոնի բացման արարողությանը

Բաքվում չարտոնված ցույցի պատճառով փակել են մետրոյի երեք կայարան

Աննա Հակոբյանը մասնակցել է «Առողջ ապրելակերպը՝ բոլորի համար» խորագրով սպորտային տոնին

Ուկրաինայի խորհրդարանում Հայաստանի հետ միջխորհրդարանական կապերի պատգամավորական խումբ է ստեղծվել

Հյուսիսային մաքսատունը Գյումրիում կբացվի այս տարի. հստակ ժամկետ, սակայն, չկա

«Էրեբունի-Երեւան» միջոցառումների շրջանակներում սպասվում է անակնկալ. Հայկ Մարության

Ապօրինի գույքի «քաղհալածյալ» սեփականատերերը․ նախկին իշխանություններին խիստ մտահոգել է օրենքի նախագիծը

Վարչապետը ծանոթացել է Արտաքին տնտեսական գործունեության սպասարկման կենտրոնի շինաշխատանքներին

Այս տարվա առաջին 9 ամիսներին արձանագրվել է 3444 ճանապարհատրանսպորտային պատահար

Ոստիկանությունում տեղի ունեցած նիստից հետո մարզային պետեր են ազատվել

Հայկ Մարությանը Երվանդ Մանարյանին հանձնեց Երեւանի պատվավոր քաղաքացու կոչումը

Երկիր մոլորակին կմոտենա մեկ կիլոմետր տրամագծով երկնաքար

Արմեն Կարապետյանն ազատվել է էկոնոմիկայի նախարարության գլխավոր քարտուղարի պաշտոնից

Հերքվել է Սամվել Ֆարմանյանի հայտնած այն տեղեկությունը, թե շոգեբաղնիքում իրեն ՀՔԾ քննիչ է մոտեցել․ ոստիկանություն

Դատախազները քննարկումներ են անցկացրել հանրակրթական եւ հատուկ դպրոցների աշակերտների հետ

Մեր տարածաշրջանը վառոդի տակառ է, մեր անվտանգության երաշխիքները՝ երկուսը

Նիկոլ Փաշինյանի ելույթը՝ Պետական եկամուտների կոմիտեի Գյումրիում կազմակերպած ռազմավարական պլանավորման աշխատաժողովին

Գեղարքունիքի մարզում մեքենան բախվել է բետոնե պատնեշին․ 18-ամյա վարորդն ու նույն տարիքի ուղեւորը մահացել են

Երեւանցին նա է, ով սիրում է Երեւանը, սիրում է՝ հոգատար ծնողի ու պատասխանատու ընկերոջ նման․ Հայկ Մարության