Գյումրիի «ՑԱՅԳ»-ը կտուգանվի նվազագույն աշխատավարձի հինգհարյուրապատիկի չափով

Հեռուստատեսության և ռադիոյի հանձնաժողովը Գյումրիի «ՑԱՅԳ» հեռուստաընկերության նկատմամբ վարչական տույժ կկիրառի: Հարցը քննարկվել է Հեռուստատեսության և ռադիոյի հանձնաժողովում գումարված նիստում: «ՑԱՅԳ»-ի նկատմամբ վարչական տույժ կիրառելու մասին վարչական վարույթը, որը բացվել է Հանձնաժողով մուտքագրված դիմումի համաձայն՝ մարզային սփռում իրականացնող հեռուստածրագրերի եթերում անչափահասների առողջության, մտավոր զարգացման, դաստիարակության վրա հնարավոր բացասական ազդեցություն ունեցող հաղորդում հեռարձակելու համար, Հանձնաժողովը քննարկել էր դեռևս նախորդ շաբաթ կայացած նիստում: Սակայն հարցի վերաբերյալ որոշում չէր կայացվել՝ հաշվի առնելով ընկերության ներկայացուցիչների խնդրանքը՝ մեկ շաբաթով որոշման կայացումը հետաձգելու, նյութերին ծանոթանալու և պարզաբանում ներկայացնելու համար, որն ընդունվել էր: Հիշեցնենք, որ խնդիրը կապված էր կրոնական բնույթի հաղորդում եթեր հեռարձակելու հետ: Այն կոչվում է «Հայտնություն»: Դեռ մայիսի 3-ին ՀԺ-ի հետ զրույցում «Ցայգ» հը տնօրեն Մարգարիտա Միանսյանն ասել էր, որ «Հայտնություն» հաղորդմանը եթերը տրամադրվել է վճարովի հիմունքներով, ըստ առկա  պայմանագրի, որը կնքվել է 2019 թվականի մայիսի 1-ին: «Մենք բազմակարծության կողմնակիցն ենք եւ մշտապես ենք դա ապահովում բոլոր ոլորտներում: Իսկ մինչ այս հաղորդումը տեւական ժամանակ «Ցայգ» հեռուստաընկերությունը յուրաքանչյուր կիրակի եթեր էր հեռարձակում Հայ Առաքելական եկեղեցու Շիրակի թեմի «Եղիցի լույս» հաղորդաշարը, որն արդեն 1.5 տարի է՝ դադարեցված է հենց թեմի առաջնորդ Միքայել արքեպիսկոպոս Աջապահյանի որոշմամբ»,-բացատրել էր տնօրենը:

Խնդրի մասին մայիսին խոսել էր նաեւ ԱԺ պատգամավոր Նազելի Բաղդասարյանը: Նա եւ այդ հեռուստաընկերության «Իրականում» հաղորդաշարի հեղինակն ու վարողն է եղել, եւ հեռուստաընկերության տնօրեն Մարգարիտա Մինասյանի դուստրն է: Պատգամավորը ՀԺ-ի հետ զրույցում ասել էր, որ գրավոր դիմել է Հեռուստատեսության և ռադիոյի հանձնաժողովին, որպեսզի պարզաբանեն, թե արդյոք տվյալ հաղորդումը ատելություն ու խտրականություն քարոզու՞մ է, թե՝ ոչ: Նաեւ խնդրել էր նմանատիպ տարրերի հայտնաբերման դեպքում միջնորդել, որպեսզի հաղորդումը դադարեցվի:

Այսօր արդեն ՀՌՀ-ն կայացրել է իր որոշումը: Կայացած նիստի ընթացքում Հանձնաժողովի անդամները, քննարկելով «ՑԱՅԳ» ընկերության ներակայացուցիչների ներկայացրած գրավոր պարզաբանումները, միաձայն որոշում են կայացրել ընկերության նկատմամբ կիրառել «Հեռուստատեսության և ռադիոյի մասին» ՀՀ օրենքի 60-րդ հոդվածի 15-րդ մասով սահմանված տույժը` տուգանելով սահմանված նվազագույն աշխատավարձի հինգհարյուրապատիկի չափով:

«ՑԱՅԳ» հը վերաբերմունքն ու դիրքորոշումը կայացված որոշման վերաբերյալ հստակեցնել հնարավոր չեղավ: Տնօրեն Մարգարիտա Մինասյանը ՀԺ-ի հետ զրույցում ասաց, այս պահին արձակուրդում է: «Մեկ ամսից արձակուրդից կգամ, իմ խոսքը, վերաբերմունքն ու ընդհանրապես, այն, ինչը կապված է այս հարցի հետ կասեմ»,-հեռախոսազրույցի ժամանակ ասաց տնօրենը: Նշենք որ «Հայտնություն» հաղորդումը «ՑԱՅԳ»-ի եթերում մինչ այս պահը հեռարձակվում է:

Նույն նիստում ՀՌՀ-ն նաեւ «ԱՐՄՆՅՈՒԶ», «ՇԱՐԿ» և «ՀԱՅԱՍՏԱՆԻ ՀԱՆՐԱՅԻՆ ՀԵՌՈՒՍՏԱԸՆԿԵՐՈՒԹՅՈՒՆ» ՓԲ ընկերությունների նկատմամբ վարչական տույժ կիրառելու որոշում է կայացրել. պատճառ է հանդիսացել լրատվական թողարկումների ընթացքում տարբեր ընկերությունների տարբերանշաններով գովազդ հեռարձակելը՝ խախտելով «Գովազդի մասին» ՀՀ օրենքի 15-րդ հոդվածի 5-րդ մասի պահանջը:

«ՅՈՒՔՈՄ» ՍՊ ընկերության նկատմամբ վարչական տույժ կիրառելու համար պատճառ է հանդիսացել Ընկերության կողմից «Արմենիա Պրեմիում» հեռուստածրագրի վերահեռարձակման ժամանակ «Գովազդի մասին» ՀՀ օրենքի խախտումը։

Ուսումնասիրելով հեռուստաընկերությունների կողմից ներկայացված պարզաբանումները՝ Հանձնաժողովը 4 կողմ, 2 դեմ ձայների հարաբերակցությամբ որոշում է կայացրել նշված ընկերությունների նկատմամբ կիրառել «Հեռուստատեսության և ռադիոյի մասին» ՀՀ օրենքի 60-րդ հոդվածի 11-րդ մասով սահմանված տույժը`«ԱՐՄՆՅՈՒԶ», «ՇԱՐԿ» ՍՊ և «ՀԱՅԱՍՏԱՆԻ ՀԱՆՐԱՅԻՆ ՀԵՌՈՒՍՏԱԸՆԿԵՐՈՒԹՅՈՒՆ» ՓԲ ընկերություններին տուգանելով սահմանված նվազագույն աշխատավարձի երեքհարյուրապատիկի չափով, իսկ «ՅՈՒՔՈՄ» ընկերության նկատմամբ կիրառել գրավոր նախազգուշացում՝ խախտումները հետագայում վերացնելու հանձնարարությամբ:

Հանձնաժողովի նիստում բավարարվել են «ՔՈԼԼ ՄԱՍՏԵՐ» ՍՊ և «ԷՅ-ԱՓ» ՓԲ ընկերություններին ոչ սեփական հեռուստածրագրեր վերահեռարձակելու թույլտվություն ստանալու վերաբերյալ դիմումները:

Տպել
1562 դիտում

Չափազանց թանկ կվճարեն, եթե ռազմական «ավանտյուրաներ»-ի դիմեն. Թրամփը սպառնում է Իրանին

Վլադիմիր Զելենսկին 11 դեսպանների է ազատել աշխատանքից, այդ թվում՝ ՀՀ-ում Ուկրաինայի դեսպանին

Ոստիկանությունը բացահայտել է «Սևան» ազգային պարկի կապալառուի կողմից 24 միլիոն 630 դրամի յուրացում

2019-ի առաջին կիսամյակում գրանցված հանցագործությունների ընդհանուր թիվն աճել է 9 տոկոսով

Զորամասի հրամանատարի դրդմամբ մոտ 9 մլն դրամի հափշտակության մասին քրգործը 8 անձի մեղադրանքով դատարանում է

ՀՀ հավաքականի ֆուտբոլիստ Կարապետյանը պատմել է, որ գերմանական անձագրով խնդիրներ չի ունենում

Երեւանում եւ մարզերում միայն այսօր 43.63 հա խոտածածկ տարածք է հրդեհվել

ՀՀ ֆուտբոլի Բարձրագույն խմբի 2019-20 մրցաշրջանը կմեկնարկի օգոստոսի 1-ին

Նախորդ տարիների համեմատ աննախադեպ աճել են արտակարգ դեպքերը. կայացել է ԱԻՆ օպերատիվ խմբի առաջին նիստը

Բեյոնսեի կատարմամբ «Առյուծ արքան» ֆիլմի սաունդթրեքի դիտումները ժամ առ ժամ ավելանում են (տեսանյութ)

Իջեւանում գործել է մի խումբ, որը եղել է ոգելից խմիչքի ազդեցության տակ. Սիփան Փաշինյան

Սա այն բարեփոխումն է, որից մենք ակնկալում ենք կոնկրետ արդյունքներ. վարչապետը՝ Հակոբ Արշակյանին

Անշարժ գույքի առքուվաճառքի գործարքներն աճել են 11.1%-ով. Նիկոլ Փաշինյան

Հայաստանի, Ռուսաստանի եւ Բելառուսի ՔԿ ղեկավարները համագործակցության ծրագիր են կնքել

Ադրբեջանցիները ժամանակին սպառնացել են ՀՀ հավաքականի ֆուտբոլիստ Ալեքսանդր Կարապետյանին

Ռաֆիկ Գրիգորյանը նշանակվել է արդարադատության նախարարի առաջին տեղակալ

«Ես ճամփորդ դեսպան եմ». Պյոտր Սվիտալսկի

Հրդեհ` Հաղթանակ զբոսայգու մոտակայքում, հայտարարվել է հրդեհի բարդության «1-ԲԻՍ» կանչ

Արմեն Սարգսյանը ստորագրել է Ազգային ժողովի ընդունած 6 օրենքներ

«Յուվեի» սկաուտները Երեւանում բացահայտել են «Բարսայի» տաղանդին. ուզում են գնել