Ռոբերտ Քոչարյանն ընդդեմ Նիկոլ Փաշինյանի գործի վարույթը կարճվել է. Քոչարյանից հօգուտ Փաշինյանի կգանձվի 200 հազար դրամ

Ռոբերտ Քոչարյանն ընդդեմ ՀՀ վարչապետ Նիկոլ Փաշինյանի գործի վարույթը կարճվել է:

Այսօր այս որոշումը կայացրել է Երեւան քաղաքի ընդհանուր իրավասության դատարանի դատավոր ԼիլիթՍարգսյանը:

Գործի վարույթը կարճվել է այն հիմքով, որ հայցվոր կողմը հրաժարվել է հայցադիմումից:

Դատարանը միաժամանակ որոշել է Ռոբերտ Քոչարյանից հօգուտ Նիկոլ Փաշինյանի բռնագանձել 200 հազար ՀՀ դրամ որպես փաստաբանի խելամիտ վարձատրության գումար:

Նշենք, որ որոշումը հրապարակային չի եղել. ըստ ՀՀ քաղաքացիական դատավարության օրենսգրքի 17 հոդվածի 7-րդ մասի՝ Դատարանի` եզրափակիչ, իսկ սույն օրենսգրքով կամ Բարձրագույն դատական խորհրդի որոշմամբ նախատեսված դեպքերում նաեւ այլ դատական ակտերը հրապարակվում են դատական իշխանության պաշտոնական կայքի միջոցով: (Խոսքը դատական տեղեկատվական համակարգի մասին է,-հեղ.):

Քոչարյանը 2018 թվականի սեպտեմբերի 17-ին դիմել էր դատարան՝ հրապարակայնորեն արտահայտված զրպարտությունից պատիվը եւ արժանապատվությունը պաշտպանելու պահանջով: Հայցադիմում ներկայացնելու առիթը Ֆրանսիայի Հանրապետություն կատարած աշխատանքային այցի ժամանակ Նիկոլ Փաշինյանի հրապարակային հայտարարությունն է, որը ըստ հայցվոր կողմի՝ վերաբերել է նաեւ Քոչարյանին: Հայ համայնքի հետ հանդիպման ժամանակ Փաշինյանը պարզաբանումներ է ներկայացրել, մասնավորապես՝ ԱԱԾ տնօրեն Արթուր Վանեցյանի եւ ՀՔԾ պետ Սասուն Խաչատրյանի հայտնի հեռախոսազրույցի վերաբերյալ: Ուժային կառույցի ղեկավարների զրույցը վերաբերել է Ռոբերտ Քոչարյանին, Յուրի Խաչատուրովին:

Հայցվոր կողմը զրպարտություն է համարում Փաշինյանի զրույցի հետեւյալ հատվածը. «Կամ թեկուզ Ռոբերտ Քոչարյանին ազատ արձակելու մեկնաբանությունը: Ասում է՝ անձեռնմխելի է: Ի՞նչ է նշանակում անձեռնմխելի: Այսինքն, կարելի է մարդկանց սպանությունը կազմակերպել ու ասել՝ «Ես անձեռնմխելի՞ եմ»: Այդ որտե՞ղ է այդպես գրած»:

Դատարանի կայացրած որոշման մեջ մանրամասն ներկայացած է թե հայցվոր, թե պատասխան կողմերի դիրքորոշումները: Ըստ այդմ, ներկայացնելով վերոգրյալ արտահայտությունները, հայցվորի ներկայացուցիչը, 12.06.2019թ. կայացած նախնական դատական նիստին հայտնել է, որ եթե պատասխանող կողմը պատրաստ է դատական նիստին աներկբա հայտարարել, որ քննարկվող հայտարարությունը անելով, պարոն Փաշինյանը նկատի չի ունեցել պարոն Քոչարյանին, ապա պատրաստ է հրաժարվել հայցապահանջից:

Պատասխանողի ներկայացուցիչ Գեւորգ Գյոզալյանը դատարանին ներկայացված հայցադիմումի պատասխանով հայտնել է, որ հայցադիմումի պատասխանով ամբողջությամբ առարկում են ներկայացված հայցի դեմ եւ գտնում, որ հայցն անհիմն է եւ ամբողջությամբ պետք է մերժվի հետեւյալ պատճառաբանությամբ. 15.09.2018թ. ժամը 11.25-ին, համացանցում` armtimes.com կայքում տեղադրված է պատասխանողի հրապարակային խոսքը, որի` սույն գործին վերաբերելի մասում նշված է. «Կամ թեկուզ Ռոբերտ Քոչարյանին ազատ արձակելու մեկնաբանությունը: Ասում է` անձեռնմխելի է: Ի՞նչ է նշանակում անձեռնմխելի: Այսինքն, կարելի է մարդկանց սպանությունը կազմակերպել ու ասել` ես անձեռնմխելի՞ եմ: Այդ որտե՞ղ է այդպես գրած»: Պատասխանողի ներկայացուցիչը նախ անհրաժեշտ է համարել նշել, որ պատասխանողի կողմից արված արտահայտությունը վերաբերվում է Ռոբերտ Քոչարյանին ազատ արձակելու մասին որոշմամբ անձեռնմխելիության սահմանադրական ինստիտուտի մեկնաբանությանը, կազմված է հարցական ձեւով, որտեղ արտահայտության հեղինակը առհասարակ հարցնում է, թե ի՞նչ է նշանակում անձեռնմխելի եւ կրկին հարցական ձեւով, ընդհանրական տեսքով, հռետորական հարց է բարձրացնում ասելով. «Այսինքն, կարելի է մարդկանց սպանությունը կազմակերպել ու ասել` ես անձեռնմխելի՞ եմ:»: Այնուհետև կրկին է հարց է տալիս. «Այդ որտե՞ղ է այդպես գրած»:

«Ակնհայտ է, որ հայցվորի պնդումն առ այն, որ մեջբերված արտահայտությամբ պատասխանողն իրեն վերագրում է սպանության կազմակերպման մեղադրանք` անհիմն է: Ինչպես արդեն նշվեց, պատասխանողը, պարզ շարադրանքով ուղղակիորեն անդրադարձել է բացառապես պետության գլխի անձեռնմխելիության մասին սահմանադրական նորմի մեկնաբանության իրավաչափությանը եւ չի հետապնդել որեւէ մեկին, այդ թվում նաեւ հայցվորին, առանց դատարանի կողմից օրինական ուժի մեջ մտած դատավճռի որեւէ հանցավոր արարք վերագրելու նպատակ»- որպես հայցի պատասխան նշել է փաստաբան Գյոզալյանը եւ վերոգրյալի հիման վրա խնդրել է դատարանից հայցն ամբողջությամբ մերժել՝ անհիմն լինելու պատճառաբանությամբ: Պատասխանողի ներկայացուցիչը, 12.06.2019թ. նախնական դատական նիստին հայտնել է, որ լիազորված է իր վստահորդի անունից հայտարարել, որ վերջինիս կողմից արված արտահայտությունը վերաբերել է սահմանադրաիրավական նորմի մեկնաբանությանը եւ միանշանակ չի վերաբերվել պարոն Քոչարյանին: Ինչից հետո էլ հայցվոր կողմը հաջորդ նիստին հրաժարվել է հայցապահանջից:

Ինչ վերաբերում է դատական ծախսին, ապա Գյոզալյանը խնդրել է դատական ծախսերի մեջ ներառել պատասխանողի կողմից վճարված փաստաբանական ծախսի գումարը` 650 հազար դրամի չափով: Դատարանը, սակայն, որոշել է հօգուտ Փաշինյանի Քոչարյանից բռնագանձել 200 հազար ՀՀ դրամ՝ որպես փաստաբանի խելամիտ վարձատրության գումար, իսկ մնացած մասով փաստաբանի վարձատրության գումարի բռնագանձման պահանջը մերժել:

Մեր զրույցում Գյոզալյանն այս առնչությամբ ասաց. «Ես այս հարցին չեմ կարող պատասխանել, քանի դեռ իմ վստահորդի հետ չեմ քննարկել այս հարցը՝ արդյոք նրան այս գումարը գոհացնում է, թե՝ ոչ: Ամեն դեպքում շատ կարեւոր արձանագրում էր, եթե չնայենք գումարի չափին, որովհետեւ յուրաքանչյուր անձ պետք է տեղյակ լինի, որ անհիմն հայց ներկայացնելու համար պետք է վճարել: Սա շատ կարեւոր արձանագրում էր մեզ համար»,- ասաց Գյոզալյանը:

Տպել
3878 դիտում

Երևանի թիվ 200 դպրոցը կկրի Լեոնիդ Ազգալդյանի անունը

Շիրակի մարզպետարանի սոցիալական ապահովության բաժնի տեսուչը բռնվել է կաշառք ստանալու պահին

26-ամյա աղջիկը «խիստ հուզմունքի մեջ» ինքնասպանություն գործելու նպատակով քացախաթթու է խմել

Իջեւանի բախումների գործով կալանավորված մեղադրյալի դեմ ցուցմունք տված ոստիկանը վրեժխնդի՞ր է եղել. հին հաշիվներ ունեն

Հուլիսի 30-ին ու օգոստոսի 2-ին դատարանը վճիռ կհրապարակի. փաստաբանը՝ «ՍԵՔՅՈՒՐԻԹԻ ԴՐԻՄ»-ից ազատված աշխատակիցների մասին

Երևանի մետրոպոլիտենում կլինեն նաև կայարանների անվանումներով անգլերեն ցուցանակներ

Կան մարդիկ, որոնք ցանկացած պատճառաբանություն բերում են, միայն թե օրինական դաշտ չմտնեն. Վահագ Ռաշ

Գյումրիում աղբատարի վարորդի՝ նռնակի պայթյունից վնասվածք ստանալու դեպքով քննություն է կատարվում

Արարատ գյուղում մասամբ այրվել են մեքենաներ եւ 50 քմ խոտածածկույթ

Էջմիածնում 57-ամյա տղամարդը թափառող շների սպանդն իրականացրել է սեփական հրացանով

Կառավարությունը կփոխհատուցի «խելացի» անասնաշենքերի կառուցման ծախսերի մի մասը (տեսանյութ)

Ucom-ի աջակցությամբ կայացած «Արմաթ» տեխնոճամբարին մասնակցել է ավելի քան  400 դպրոցական

Արցախում է Պարի համաշխարհային խորհրդի փոխնախագահ Ստանիսլավ Պոպովը

Զարեհ Սինանյանը հանդիպել է Ռուսաստանի ազգությունների գործերի դաշնային գործակալության ղեկավարի տեղակալի հետ

Իջեւանյան սադրանք․ նախկինների բացառիկ լկտիությունն ու երեսպաշտությունն ամենաապշեցուցիչն է

Երևանում թիվ 9 երթուղին սպասարկող տրոլեյբուսը վրաերթի է ենթարկել 27-ամյա քաղաքացու

Զարեհ Սինանյանը հանդիպել է Ռուսաստանի փոխարտգործնախարար Գրիգորի Կարասինի հետ

Նիկոլ Փաշինյանը ցավակցական հեռագիր է հղել Յուկիյա Ամանոյի մահվան կապակցությամբ

Մեկ ամսից երանի ենք տալու այս օրերին. Գագիկ Սուրենյան

«Փյունիկը» «Յաբլոնեցին» հաղթելու դեպքում կարող է խաղալ «Վուլվերհեմփթոնի» դեմ