Ինչ-որ նոր ու լուրջ ներդրումների մասին խոսակցություն կա․ ԱԺ նախագահը՝ վարչապետի եւ Սամվել Կարապետյանի հանդիպման մասին

Վահե Գրիգորյանին «Իմ քայլ»-ի պատգամավորները շատ հարցեր չեն տվել գուցե այն պատճառով, որ խմբակցության հետ հանդիպում է եղել, գուցե նրա համար, որ մի մասը ճանաչում է Վահե Գրիգորյանին։ Այս մասին այսօր լրագրողների հետ զրույցում ասաց ԱԺ նախագահ Արարատ Միրզոյանը։

Դիտարկմանը, թե պատգամավորներն ի սկզբանե գիտեին ընտրության ելքը, որ Գրիգորյանն ընտրվելու է, Միրզոյանն ասաց, որ 7-րդ գումարման Ազգային ժողովի համար ոչ մի բան ի սկզբանե որոշված չէ․

«Բայց ես չեմ ուզում ակնհայտ ճշմարտությունները ծածկադմփոց անելու փորձ անել։ Գիտեք, որ «Իմ քայլ»-ում դրական վերաբերմունք կա նրա թեկնածության շուրջ»,- ասաց Միրզոյանը։

Անդրադառնալով ՌԴ դեսպանի եւ ԱԳՆ ներկայացուցիչների հանդիպմանը, որտեղ քննարկվել է դեսպանի եւ Ռոբերտ Քոչարյանի հետ հանդիպումը, լրագրողները հետաքրքրվեցին՝ արդյոք գործող իշխանությունը կոշտացնո՞ւմ է ՌԴ-ի հանդեպ դիրքորոշումը։ Ի պատասխան՝ Միրզոյանն ասաց, որ իրենք կոշտ դիրքորոշում ունեն աշխարհի բոլոր երկրների կողմից մեր երկրի ներքին գործերին միջամտելու որեւէ փորձի վերաբերյալ․

«Մենք, ես ինքս ՌԴ դեսպանի հետ բազմաթիվ հանդիպումներ եմ ունեցել, տարբեր հարցեր ենք քննարկել, այդ թվում խոսել ենք փոխադարձ ինքնիշխանությունը հարգելու մասին»,- ասաց Միրզոյանը։ Լրագրողի դիտարկմանը, թե այդ զրույցները կարծես թե արդյունք չեն տվել, Միրզոյանն արձագանքեց, որ դեսպանը մեկ անգամ է հանդիպել Քոչարյանի հետ եւ ինքը դա չի ողջունում։

«Ես էլի եմ ասում, նաեւ առաջին անգամ, երբ հրապարակավ խոսեցի, ասացի՝ խոսքը ոչ թե նրա մասին է, որ որեւէ երկրի դեսպան չպիտի հանդիպի հայաստանյան քաղաքական ներկապնակի որեւէ առանձին ներկայացուցչի հետ, ոչ, քավ լիցի, խոսքն այն մասին է, որ հանդիպում է մի մարդու հետ, որի հանդեպ լուրջ մեղադրանք է առաջադրված, կա դատական գործընթաց, որի շրջանակներում որեւէ նման ակնարկ կամ հանդիպում կարող է դիտվել միջամտություն»,- ասաց Միրզոյանը։

Անդրադառնալով Սամվել Կարապետյանի եւ Նիկոլ Փաշինյանի հանդիպմանը՝ ԱԺ նախագահն ասաց, որ դրական է գնահատում այդ հանդիպումը․

«Նախկինում էլ են եղել նման հանդիպումներ, այլ երկրների գործիչների հետ էլ, ոչ միայն ռուսաստանաբնակ։ Ես խոսակցության թեմային մանրամասն տեղյակ չեմ, բայց որքանով տեղյակ եմ՝ խոսել են եղած տնտեսական ծրագրերը շարունակելու, Հայաստանի տնտեսական աշխուժության մասին, ինչ-որ լուրջ ներդրումների մասին»,- նկատեց ԱԺ խոսնակը։

Տպել
4478 դիտում

Գյումրու Վարդանանց հրապարակի եղեւնիները կհանվեն

Կոմպոզիտորների՝ Դիլիջանի ստեղծագործական տունը կարճ ժամանակում պետք է դարձնենք ծաղկուն ու խնամված վայր. Աննա Հակոբյան

Հրաժարվեք Հայաստանում օտարերկրյա ներդրողների գործունեության մեջ քաղաքական ենթատեքստ փնտրել. «ԳեոՊրոՄայնինգ»-ը՝ ԶԼՄ-ներին

Վարչապետ Նիկոլ Փաշինյանի մոտ կայացել է խորհրդակցություն երեխաների որդեգրումների թեմայի վերաբերյալ

«Սիթի օֆ Սմայլ/Ժպիտների քաղաք»-ը անհրաժեշտության դեպքում կաջակցի 21-ամյա Արամի բուժմանը

Կեղծված են և՛ ԱԺ պատգամավորի բլանկի ձևը, և՛ իմ ստորագրությունը. Հրաչյա Հակոբյանը մեկնաբանել է ռուսական կայքի հոդվածը

Նիկոլ Փաշինյանի վերջին այցից հետո զբոսաշրջիկների թիվը Գյումրիում կրկնապատկվել է. Սամվել Բալասանյան

Գերմանիայի պաշտպանության նախարարը հրաժարական է տվել Scorpions-ի «Փոփոխությունների քամի» երգի հնչյունների ներքո

Գտնվում ենք այն քոթեջում, որտեղ ապրել և ստեղծագործել է Առնո Բաբաջանյանը, մթնոլորտը հիասքանչ է. Աննա Հակոբյան

Երեւանի ավագանու նախկին անդամ Սոնա Աղեկյանը ազատ է արձակվել

ԿԳՄՍ նախարար Արայիկ Հարությունյանն ընդունել է Ճապոնիայի դեսպան Ջուն Յամադային

Երևանի թիվ 17 հիմնական դպրոցի կառավարման խորհուրդը հայտարարում է տնօրենի թափուր պաշտոնի մրցույթ

Ձերբակալվել է «Սևան ազգային պարկ» ՊՈԱԿ-ի «Արևիկ» մասնաճյուղի անտառագետը

Արցախում 2 տարեկան երեխան թունավորվել է մոր տված սխալ դեղահաբից

Քննարկվել է «Զվարթնոց» օդանավակայանի ընդլայնման հարցը

«Պոբեդա»-ն այսօր կվերականգնի Գյումրիում ձմեռային չվացուցակով թռիչքների ավիատոմսերի վաճառքը

Սոնա Աղեկյանը քաղաքապետարան է ներկայացել կոյաջրերի տարայով. նրան բերման են ենթարկել

Հայաստանում անշարժ գույքի գործարքները աճել են, եւ աճը մարզերի ու ոչ Երեւանի հաշվին է. Նիկոլ Փաշինյան

Մալաթիայի շուկայի տարածքում հրդեհը բռնկվել է արագ սննդի կետում. մանրամասներ

Ծնելիության ցուցանիշի նվազման տեմպը դանդաղում է. Արսեն Թորոսյան