Վանաձորում իրավիճակը լարվում է. գործադուլ անող վարորդները կփակեն քաղաքի գլխավոր փողոցները. ԼՐԱՑՎԱԾ

լուսանկարում գործադուլ հայտարարած վարորդների մի մասն է, հետեւում՝ մարզպետարանի շենքը

18:30- ժամը 18:20-ի Լոռու մարզպետի մոտ հանդիպման բարձրացավ 10 վարորդներից բաղկացած խումբը, որոնց առաջին հարցն է եղել, թե ուր էր մարզպետը առավոտից մինչ հիմա: Հանդիպմանը ներկա են Վանաձորի քաղաքապետն ու ոստիկանապետը: Վարորդները ներկայացնում են իրավիճակը մարզպետին: Հանդիպման մանրամասները կներկայացնենք քիչ անց:

17:50- Վանաձորում կրքերը գնալով թեժանում են: Գործադուլ հայտարարած վարորդները վաղ առավոտյան, ժամը 7:50-ից Հայքի հրապարակում գործադուլ էին հայտարարել: Հարցի լուծման տարբերակները քննարկելու համար նրանք պահանջում էին հանդիպում Լոռու մարզպետի եւ Վանաձորի քաղաքապետի հետ: Վարորդների հետ հանդիպեց միայն Վանաձորի քաղաքապետը, Լոռու մարզպետը մինչ այս ժամը այդպես էլ չհադիպեց գործադուլ հայտարարած քաղաքացիներին:

Մարզպետարանի աշխատակիցները սկզբում պատճառաբանում էին, թե մարզպետը քաղաքում չէ եւ միայն ժամը 17:00-ին կհանդիպի վարորդների հետ, սակայն հանդիպումը տեղի չի ունեցել, մարզպետը առաջարկել է մի քանի հոգով բարձրանալ իր աշխատասենյակ՝ իրավիճակը քննարկելու: Վարորդները, սակայն, պահանջում են, որպեսզի մարզպետն անձամբ իջնի մի քանի մետր եւ հանդիպի հենց մարզպետարանի դիմաց գործադուլ անող վարորդների հետ:

Վարորդների համբերության բաժակը լցվել է եւ նրանք այս պահին պատրաստվում են փակել քաղաքի գլխավոր փողոցները:

«Առավոտը 7:50-ից էստեղ ենք, մարզպետը մինչեւ էս րոպեն չհանդիպեց մեզ հետ, փոխարենը՝ պայմաններ է առաջարկում, երեւի պատվից վեր է հանդիպել իր մարզի բնակիչներին: Մարզպետի տեղը որ վարչապետը լիներ, հիմա վաղուց աշխարհի ծերից իջել ու հանդիպել էր հասարակ ժողովրդի հետ: Լոռու մարզպետը ոնց որ երդում կերած լինի, որ ոչ մի դեպքում ու ոչ մի պայմանով չի իջնելու»,-ասում են վարորդները՝ հավելելով, որ սա արհամարհական վերաբերմունք է իր մարզի բնակիչների հանդեպ:

Մի քանի վարորդներ էլ նշում էին, որ իրենց չաշխատելով իրենց ընտանիքներն են զրկվում այսօրվա հացից, սակայն այլ տարբերակ չկա:

Վարորդներին մինչ այս պահը ծայրահեղ քայլերի դիմելուց հետ է պահում ոստիկանության Վանաձորի բաժնի պետը՝ բանակցելով վերջիններիս հետ:

Հիշեցնենք, երթուղայինների վարորդները կազմակերպված աշխատանքի դուրս չեն եկել վաղ առավոտից, բողոքը մեքենայի գազի գնի թանկացման դեմ է:

Հ.Գ. 17:40-ին Լոռու մարզպետի հետ հանդիպումից դուրս եկավ ոստիկանության Վանաձորի Տարոնի բաժնի պետ Վազգեն Թորոսյանը, որը նշեց, որ Լոռու մարզպետը կրկին առաջարկում է 5 հոգով գնալ իր հետ հանդիպման: Վարորդները միաբերան դեմ են այդ առաջարկին, նրանց հետ բանակցել է միայն Վանաձորի քաղաքապետը, որը փորձում է ոստիկանների հետ միասին հանգստացնել բորբոքված վարորդներին:

Տպել
3002 դիտում

Նիկոլ Փաշինյանը՝ մեծ կտավի մեկ մասնիկի առաջին գնորդն ու կտավն ամբողջացնող վերջին այցելուն Գյումրիում

Աննա Հակոբյանը մասնակցել է Ararat challange փառատոնի բացման արարողությանը

Բաքվում չարտոնված ցույցի պատճառով փակել են մետրոյի երեք կայարան

Աննա Հակոբյանը մասնակցել է «Առողջ ապրելակերպը՝ բոլորի համար» խորագրով սպորտային տոնին

Ուկրաինայի խորհրդարանում Հայաստանի հետ միջխորհրդարանական կապերի պատգամավորական խումբ է ստեղծվել

Հյուսիսային մաքսատունը Գյումրիում կբացվի այս տարի. հստակ ժամկետ, սակայն, չկա

«Էրեբունի-Երեւան» միջոցառումների շրջանակներում սպասվում է անակնկալ. Հայկ Մարության

Ապօրինի գույքի «քաղհալածյալ» սեփականատերերը․ նախկին իշխանություններին խիստ մտահոգել է օրենքի նախագիծը

Վարչապետը ծանոթացել է Արտաքին տնտեսական գործունեության սպասարկման կենտրոնի շինաշխատանքներին

Այս տարվա առաջին 9 ամիսներին արձանագրվել է 3444 ճանապարհատրանսպորտային պատահար

Ոստիկանությունում տեղի ունեցած նիստից հետո մարզային պետեր են ազատվել

Հայկ Մարությանը Երվանդ Մանարյանին հանձնեց Երեւանի պատվավոր քաղաքացու կոչումը

Երկիր մոլորակին կմոտենա մեկ կիլոմետր տրամագծով երկնաքար

Արմեն Կարապետյանն ազատվել է էկոնոմիկայի նախարարության գլխավոր քարտուղարի պաշտոնից

Հերքվել է Սամվել Ֆարմանյանի հայտնած այն տեղեկությունը, թե շոգեբաղնիքում իրեն ՀՔԾ քննիչ է մոտեցել․ ոստիկանություն

Դատախազները քննարկումներ են անցկացրել հանրակրթական եւ հատուկ դպրոցների աշակերտների հետ

Մեր տարածաշրջանը վառոդի տակառ է, մեր անվտանգության երաշխիքները՝ երկուսը

Նիկոլ Փաշինյանի ելույթը՝ Պետական եկամուտների կոմիտեի Գյումրիում կազմակերպած ռազմավարական պլանավորման աշխատաժողովին

Գեղարքունիքի մարզում մեքենան բախվել է բետոնե պատնեշին․ 18-ամյա վարորդն ու նույն տարիքի ուղեւորը մահացել են

Երեւանցին նա է, ով սիրում է Երեւանը, սիրում է՝ հոգատար ծնողի ու պատասխանատու ընկերոջ նման․ Հայկ Մարության