Բռնցքամարտի ընտրանու մարզիկները պատրաստ են բոյկոտել Եվրոպական խաղերը, խնդրում են վարչապետի օգնությունը

ՀՀ Բռնցքամարտի հավաքականի անդամները Եվրոպական խաղերին պատրաստվելու փոխարեն զբաղված են ՀՀ բռնցքամարտի ֆեդերացիայի շուրջ ստեղծված սկանդալով: Այսօր՝ մայիսի 23-ին, լրագրողների հետ հանդիպման ժամանակ հավաքականի գլխավոր մարզիչ Ռուդիկ Մկրտչյանը եւ 2-րդ մարզիչ Վահան Ադիլխանյանն նշեցին, որ ՀԱՕԿ գլխավոր քարտուղար Հրաչյա Ռոստոմյանն իրենց ասել է, որ խաղերին մասնակցող թիմի կազմը պետք է փոխել. 10 քաշային կարգերից 5-ում պետք է լինեն ՀՀ Բռնցքամարտի ֆեդերացիայի մարզիկներ, 5-ում՝ նրանք, ովքեր ընդգրկված են այն ֆեդերացիայի կազմում, որը ձեւավորել են գործող ֆեդերացիայի դեմ բողոքողները: Այս թեմայի շուրջ այսօր խոսեցին նաեւ հավաքականի մի քանի մարզիկներ, մասնավորապես Եվրոպայի մինչեւ 22 տարեկանների չեմպիոն Անուշ Գրիգորյանն (51 կգ) իր վրդովմունքը հայտնեց ստեղծված իրավիճակի վերաբերյալ:

«Ըստ տեղեկությունների՝ մեր մարզիչների առաջ դրվել է խնդիր, որ, եթե կազմը չփոխեն, այսինքն՝ չլինեն մարզիկներ, որոնց նախարարությունն է որոշել, չեն  ֆինանսավորում, չենք մասնակցում Եվրոպայի առաջնության: Իհարկե դա սխալ է. այն ժամանակահատվածը, որի ընթացքում ես պետք է լինեի հանգիստ, մտածեի իմ մրցաշարի, մարզումների մասին, լսեի մարզիչներիս, լավ պատրաստվեի, ինձ ոգեւորեր նախարարությունը, այն մարդիկ, որոնք մտածում են, որ իրենք մարզիկի կողմից են, որ իրենք պաշտպանում են մարզիկի շահերը... այսօր մենք այդ իրավիճակում չենք, քաշքշուկի մեջ ենք»,- ասաց նա:

Ռուդիկ Մկրտչյանն ասուլիսի ժամանակ նաեւ հայտարարել էր, որ չի ընդունել Ռոստոմյանի ասածը: Ընդգծեց, որ ինքը կաշխատի միայն իր թիմի հետ ու չի կարող հավաքականից դուրս թողնել հավաքներին ու մրցաշարերին մասնակցած մարզիկներին եւ նրանց փոխարեն ընդգրկել նրանց, ովքեր մոտ մեկուկես տարի հավաքականում չեն եղել, չեն մասնակցել ՀՀ առաջնությանը: Անուշ Գրիգորյանը նշեց, որ հավաքականը մարզիչների կողքին է:

«Այդ ընտրությունն այսօր չի դրվել, մոտ տարիուկես է՝ երեւի, որ ընտրությունը կա, եւ երեւի ակնհայտ է, որ մենք մեր ընտրությունը կատարել ենք: Եթե այստեղ նստած ենք, արդեն նշանակում է, որ մենք ՀՀ Բռնցքամարտի ֆեդերացիայի կողմից ենք՝ այն ֆեդերացիայի, որն օրինական է: Իսկ այն, ինչ հիմա փորձում են անել, դա միայն տանում է բռնցքամարտի անկմանը»,- ասաց նա:

ՀԱՕԿ-ը Ծաղկաձորում ուսումնամարզական հավաք է կազմակերպել: Այն մեկնարկում է այսօրվանից: Մկրտչյանին ասել են, որ այնտեղ նա ու իր թիմը պետք է մարզվեն մյուս ֆեդերացիայի հավաքականի ու մարզիչների հետ, ինչին նա չի համաձայնվել: Իր մարզիկներին նա թողել է ինքնուրույն որոշում կայացնել: Նրանք էլ այսօր Երեւանում էին, ու Անուշ Գրիգորյանի խոսքով՝ չէին պատրաստվում միանալ այդ հավաքին: Մարզուհին նշեց, որ անհրաժետության դեպքում իրենք նույնիսկ կբոյկոտեն Եվրոպական խաղերը:

«Հնարավոր է»,- ասաց նա:

Եվրոպայի չեմպիոնը խիստ անհանգստացած է ստեղծված իրավիճակի պատճառով: Նա չգիտի՝ ինչ կլինի հետագայում ու ինչպես պետք է լուծումներ գտնել: Խնդրանքով դիմեց ՀՀ վարչապետ Նիկոլ Փաշինյանին:

«Նույնիսկ հիմա կարող եմ դիմել վարչապետին մեծ խնդրանքով, որպեսզի այս հարցին լուծում տա»,- ասաց նա:

Անուշի հետ լրագրողների հարցերին պատասխանելու էին եկել նաեւ Էրիկ Պետրոսյանը (56 կգ) եւ Կորյուն Աստոյանը (69 կգ): Մարզիկները նշեցին, որ հավաքականի կազմը քննարկելիս Անուշի փոխարեն այլ մարզիկի ընդգրկելու հարց չի քննարկվել, սակայն Պետրոսյանին (լուսանկարում՝ ձախից առաջինը) ու Աստոյանին (լուսանկարում՝ աջից առաջինը) ցանկացել են փոխարինել: Տղաներն ընդգծեցին, որ իրենք՝ երկուսն էլ համամիտ էին Անուշի խոսքերի հետ:

Եվրոպական խաղերի բռնցքամարտի մրցաշարը նաեւ Եվրոպայի 2019 թ. առաջնությունն է: Ըստ Մկրտչյանի որոշման՝ տղամարդկանց պայքարում ՀՀ-ն պետք է ներկայացուցիչ ունենա 10 քաշային կարգերից 8-ում, քանի որ մյուս քաշային կարգերի մարզիկները պատրաստ չեն: Նրանք են Արթուր Հովհաննիսյանը (49 կգ), Էրիկ Պետրոսյանը (56 կգ), Հրայր Շահվերդյանը (60 կգ), Հովհաննես Բաչկովը (64 կգ), Կորյուն Աստոյանը (69 կգ), Արման Դարչինյանը (75 կգ), Հենրիկ Սարգսյանն (91 կգ) ու գերծանր քաշային Գուրգեն Հովհաննիսյանը: Աղջիկներից կմասնակցի Անուշ Գրիգորյանը:

Ֆեդերացիայի շուրջ այս աղմուկը ստեղծվել է 2018 թ. օգոստոսի 2-ին կայացած նախագահական ընտրություններից հետո, որում վերընտրվեց Արթուր Գեւորգյանը, որը միակ թեկնածուն էր: Նրա դեմ բողոքողները նոր ֆեդերացիա ստեղծեցին, որը, սակայն, չի անդամակցում ԱԻԲԱ-ին՝ Բռնցքամարտի միջազգային միությանը, ու ՀԱՕԿ-ին, քանի որ կա ՀՀ Բռնցքամարտի ֆեդերացիան:

Վերջին ամիսներին ՀԱՕԿ-ը սառեցրել էր ՀՀ Բռնցքամարտի ֆեդերացիայի անդամակցությունը: Այնուհետեւ սպորտի նախարարությունը նշել էր, որ կասեցնում է ֆինանսավորումը: Արթուր Գեւորգյանը հայտարարություն էր տարածել, ըստ որի, դատական որոշում կա, որ ֆինանսավորումը չի կասեցվելու, ինչը նախարարի պարտականությունները կատարող Ղազարյանը հետագայում հերքել էր:

Տպել
549 դիտում

Գյումրու Վարդանանց հրապարակի եղեւնիները կհանվեն

Կոմպոզիտորների՝ Դիլիջանի ստեղծագործական տունը կարճ ժամանակում պետք է դարձնենք ծաղկուն ու խնամված վայր. Աննա Հակոբյան

Հրաժարվեք Հայաստանում օտարերկրյա ներդրողների գործունեության մեջ քաղաքական ենթատեքստ փնտրել. «ԳեոՊրոՄայնինգ»-ը՝ ԶԼՄ-ներին

Վարչապետ Նիկոլ Փաշինյանի մոտ կայացել է խորհրդակցություն երեխաների որդեգրումների թեմայի վերաբերյալ

«Սիթի օֆ Սմայլ/Ժպիտների քաղաք»-ը անհրաժեշտության դեպքում կաջակցի 21-ամյա Արամի բուժմանը

Կեղծված են և՛ ԱԺ պատգամավորի բլանկի ձևը, և՛ իմ ստորագրությունը. Հրաչյա Հակոբյանը մեկնաբանել է ռուսական կայքի հոդվածը

Նիկոլ Փաշինյանի վերջին այցից հետո զբոսաշրջիկների թիվը Գյումրիում կրկնապատկվել է. Սամվել Բալասանյան

Գերմանիայի պաշտպանության նախարարը հրաժարական է տվել Scorpions-ի «Փոփոխությունների քամի» երգի հնչյունների ներքո

Գտնվում ենք այն քոթեջում, որտեղ ապրել և ստեղծագործել է Առնո Բաբաջանյանը, մթնոլորտը հիասքանչ է. Աննա Հակոբյան

Երեւանի ավագանու նախկին անդամ Սոնա Աղեկյանը ազատ է արձակվել

ԿԳՄՍ նախարար Արայիկ Հարությունյանն ընդունել է Ճապոնիայի դեսպան Ջուն Յամադային

Երևանի թիվ 17 հիմնական դպրոցի կառավարման խորհուրդը հայտարարում է տնօրենի թափուր պաշտոնի մրցույթ

Ձերբակալվել է «Սևան ազգային պարկ» ՊՈԱԿ-ի «Արևիկ» մասնաճյուղի անտառագետը

Արցախում 2 տարեկան երեխան թունավորվել է մոր տված սխալ դեղահաբից

Քննարկվել է «Զվարթնոց» օդանավակայանի ընդլայնման հարցը

«Պոբեդա»-ն այսօր կվերականգնի Գյումրիում ձմեռային չվացուցակով թռիչքների ավիատոմսերի վաճառքը

Սոնա Աղեկյանը քաղաքապետարան է ներկայացել կոյաջրերի տարայով. նրան բերման են ենթարկել

Հայաստանում անշարժ գույքի գործարքները աճել են, եւ աճը մարզերի ու ոչ Երեւանի հաշվին է. Նիկոլ Փաշինյան

Մալաթիայի շուկայի տարածքում հրդեհը բռնկվել է արագ սննդի կետում. մանրամասներ

Ծնելիության ցուցանիշի նվազման տեմպը դանդաղում է. Արսեն Թորոսյան