Հայ բռնցքամարտիկների մասնակցությունը Եվրոպական խաղերին վտանգված է սկանդալի պատճառով

ՀՀ Բռնցքամարտի եւ ՀԱՕԿ-ի ու ՀՀ Սպորտի եւ երիտասարդության նախարարության միջեւ եղած տարաձայնությունները սկսում են ուղղակի կերպով ազդել ՀՀ հավաքականի վրա: Այս օրերին թիմի համար նախապատրաստական վերջին փուլն է հունիսին Մինսկում մեկնարկելիք Եվրոպական խաղերից առաջ, որտեղ անցակցվող բռնցքամարտի մրցաշարը նաեւ Եվրոպայի 2019 թ. առաջնությունն է: Մարզիկները, սակայն, այս շրջանում ոչ թե կենտրոնացած են մարզումների վրա, այլ փորձում ե հասկանալ՝ ինչ է լինելու իրենց մասնակցության հարցը: Օրերս Բռնցքամարտի ֆեդերացիան հայտարարություն էր տարածել, ըստ որի, սպորտի նախարարի պարտականությունները կատարող Գաբրիել Ղազարյանը հավաքականի գլխավոր մարզիչ Ռուդիկ Մկրտչյանին հանդիպման է հրավիրել, դրա ընթացքում ՀԱՕԿ գլխավոր քարտուղար Հրաչյա Ռոստոմյանն ասել է, որ, եթե իրենց նշած մարզիկները չընդգրկվեն ընտրանու կազմում, իրենք չեն ֆինանսավորի: Այսօր՝ մայիսի 23-ին, լրագրողների հետ հանդիպման ժամանակ Մկրտչյանը մեկնաբանեց դա (լուսանկարում՝ մեջտեղում):

«Որպես գլխավոր մարզիչ պարտավորված եմ այս թիմի առաջ: Այս թիմին եմ հասցրել վերջին էտապին: Ես այս թիմի տերն է, եթե ուրիշ մարդու են ուզում մտցնել, ես այդ թիմի հետ իրավունք չունեմ աշխատելու, չեմ աշխատի, որովհետեւ իմ տղաներն այնպիսի մարզիկների են հաղթել, այնպիսի մենամարտերում են հաղթել, որ ինչպե՞ս եմ նայելու նրանց աչքերի մեջ, եթե ուրիշին մտցնեմ»,- ասաց նա՝ ավելացնելով, որ Ռոստոմյանի նշած մարզիկները մոտ մեկուկես տարի չեն եղել ՀՀ հավաքականի կամզում, չեն մասնակցել ՀՀ առաջնությանը:

«Գլխավոր մարզչին պարտադրվում է՝ կամ պետք է գնա մեր ուզած կազմը, կամ էլ ո՛չ»,- ասաց հավաքականի 2-րդ մարզիչ Վահան Ադիլխանյանը (լուսանկարում՝ աջից առաջինը):

Ըստ Մկրտչյանի որոշման՝ Եվրոպական խաղերի տղամարդկանց պայքարում ՀՀ-ն պետք է ներկայացուցիչ ունենա 10 քաշային կարգերից 8-ում, քանի որ մյուս քաշային կարգերի մարզիկները պատրաստ չեն: Նրանք են Արթուր Հովհաննիսյանը (49 կգ), Էրիկ Պետրոսյանը (56 կգ), Հրայր Շահվերդյանը (60 կգ), Հովհաննես Բաչկովը (64 կգ), Կորյուն Աստոյանը (69 կգ), Արման Դարչինյանը (75 կգ), Հենրիկ Սարգսյանն (91 կգ) ու գերծանր քաշային Գուրգեն Հովհաննիսյանը: Կմասնակցի նաեւ մեկ աղջիկ՝ Անուշ Գրիգորյանը (51 կգ): Ըստ Մկրտչյանի՝ Ռոստոմյանն ասել է, որ պետք է 5 քաշային կարգում լինեն ՀՀ Բռնցքամարտի ֆեդերացիայի մարզիկներ, 5-ում էլ՝ նրանք, ովքեր ընդգրկված են այն ֆեդերացիայի կազմում, որը ձեւավորել են գործող ֆեդերացիայի դեմ բողոքողները:

«Այսքան ժամանակ ինձ ոչ ոք չի ասել՝ այս մարդը պետք է հավաքականում լինի, այս մարդը չլինի: Եկել հասել է վերջին փուլը, երբ կազմը պարզ է, ինձ ասում են՝ դու ես գլխավոր մարզիչը, բայց դու չպետք է կազմես թիմը, այս մարդիկ պետք է լինեն: Ես համաձայն չեմ: Հանդիպման ժամանակ թիմի փոփոխություն է եղել, պարոն Ռոստոմյանը փոփոխել է Մեհրաբյան Ռաֆիկի, Պետրոսյան Ռոբերտի ու Հարությունյան Արմանի հետ: Այնտեղ էլ եմ ասել նրանց, համաձայն չեմ այդ թիմի հետ աշխատել, ես իմ թիմի հետ եմ աշխատել, իմ թիմի համար եմ պատասխանատու»,- ասաց Մկրտչյանը:

Մարզիչը նաեւ նշեց, որ ՀԱՕԿ-ը Ծաղկաձորում համատեղ հավաք է կազմակերպել 2 ֆեդերացիաների հավաքականների համար: Այն մեկնարկում է այսօր: Ինքը հրաժարվել է աշխատել այլ հավաքականի հետ, իր մարզիչկներին էլ թողել է ինքնուրույն որոշել՝ գնում են, թե՝ ո՛չ: Ասուլիսից հետո նրա թիմի անդամները հայտարարեցին, որ կանգնում են իրենց մարզչի կողքին:

Ֆեդերացիայի շուրջ այս աղմուկը ստեղծվել է 2018 թ. օգոստոսի 2-ին կայացած նախագահական ընտրություններից հետո, որում վերընտրվեց Արթուր Գեւորգյանը, որը միակ թեկնածուն էր: Նրա դեմ բողոքողները նոր ֆեդերացիա ստեղծեցին, որը, սակայն, չի անդամակցում ԱԻԲԱ-ին ու ՀԱՕԿ-ին, քանի որ կա ՀՀ Բռնցքամարտի ֆեդերացիան:

Վերջին ամիսներին ՀԱՕԿ-ը սառեցրեց ՀՀ Բռնցքամարտի ֆեդերացիայի անդամակցությունը: Այնուհետեւ սպորտի նախարարությունը նշեց, որ կասեցնում է ֆինանսավորումը: Արթուր Գեւորգյանը հայտարարություն տարածեց, ըստ որի, դատական որոշում կա, որ ֆինանսավորումը չի կասեցվելու, ինչը նախարարի պարտականությունները կատարող Ղազարյանը հետագայում հերքեց:

Տպել
452 դիտում

Ավիապատահար Գյումրիում. «Պոբեդայի» ինքնաթիռը վայրէջք կատարելիս ետնամասով հպվել է վազքուղուն

Սիրիայում թուրքական զինուժը կրակ է բացել քուրդ զինյալների դեմ

Թոշակառուն գերեզմանատան տարածքից 4 սոճի է հատել. վնասի չափը պարզվում է

Մարտական հերթափոխի նախապատրաստում զորամասերից մեկում

«Ձյունիկ սառնարան» ՍՊԸ-ի պահեստներից ծուխ է նկատվել (տեսանյութ)

Ոստիկանները ակցիայի մասնակիցներին բերման ենթարկելիս կիրառել են օրենքը խախտող անհամաչափ ֆիզիկական ուժ. ՄԻՊ

Վարչապետի աշխատակազմը ներկայացրել է այսօր կառավարությունում Ամուլսարի հանքի վերաբերյալ խորհրդակցության սղագրությունը

Ամուլսարի հանքի շահագործումը ոչ Սեւանին, ոչ Ջերմուկի ջրերին ոչ մի վնաս չի հասցնելու. վարչապետ

Ո՞ւմ է պետք Սերժ Սարգսյանի ձերբակալությունը. ՀՀԿ-ի՞ն, թե՞ ինշխանությանը

Ստեփանավանի անտառներում 3 տարում ապօրինի հատվել է 1462 ծառ. մեղադրանք է առաջադրվել 16 անձի

Նովոսիբիրսկ քաղաքում վթարի հետեւանքով ՀՀ քաղաքացի է զոհվել, 9 մարդ՝ վնասվածքներ ստացել

Քրեակատարողական հիմնարկներում նշեցին Սուրբ Աստվածածնի Վերափոխման տոնը

«Լիդիանը» կառավարություն է ներկայացրել ոչ հավաստի, ոչ լիարժեք տվյալներ. ՀԲՃ-ն հաղորդում է տվել հանցագործության մասին

Ավարտվեց «Իմ քայլը» խմբակցության հանդիպումը վարչապետի հետ Ամուլսարի հարցով. Նազարյանը մանրամասներ է հայտնում

Վարչապետի որոշմամբ էկոնոմիկայի նախարարի նոր տեղակալ է նշանակվել

Կարմիր Խաչի միջազգային կոմիտեի ներկայացուցիչները այցելել են Ադրբեջանում հայտնված հայ զինծառայողին

«Արարատ-Արմենիա» - «Դյուդելանժ» խաղի տոմսերի վաճառքն արդեն սկսված է

Արոնյանը սեւերով ոչ-ոքի խաղաց Անիշ Գիրիի հետ

Թիվ 17 հատուկ դպրոցի նախկին տնօրենը յուրացրել է սնունդ և մոտ 10 մլն դրամ գումար

Դավիթ Տոնոյանը մասնակցել է «Միջազգային բանակային խաղեր-2019» մրցաշարի փակման արարողությանը