Չեմ կարծում, թե կա սիրիահայ, ով Լևոն Սարգսյանին բան է խնդրել եւ նա չի արել, բայց այս գործի հետ նա կապ չունի. Բյուզանդյան

Նախորդ շաբաթ «Հայկական ժամանակ»-ը հրապարակում էր արել, որում ՀՀ ոստիկանության պետական պահպանության գլխավոր վարչության նախկին պետ Վարդան Մինասյանը խոսել էր այն մասին, որ սիրիահայ գործարար Հայկ Բյուզանդյանը փորձում է ստի, շանատաժի միջոցով ստվերել իր անունը:

Բյուզանդյանը «Ալ Համրա Ռիել Իսթեյթ» ՍՊ ընկերության տնօրենն է եւ արդեն 7 տարի է՝ Բյուզանդյանը եւ Մինասյանը դատական գործընթացների մեջ են՝ Մինասյանի հողամասը վնասելու փաստով: Մինասյանը նաեւ պատմել էր, որ Բյուզանդյանի թիկունքում բարձրաստիճան պաշտոնյա է կանգնած եղել ժամանակին, որն այժմ հետախուզման մեջ է: Իսկ մամուլում էլ տեղեկություններ էին տարածվել, որ վերոնշյալ ընկերությունն առնչվում է Սերժ Սարգսյանի եղբոր՝ Լեւոն Սարգսյանի հետ, ով այժմ հետախուզման մեջ է գտնվում:

Այսօր «Հայկական ժամանակ»-ի խմբագրություն է այցելել Հայկ Բյուզանդյանը՝ նշելով, որ Մինասյանի ասածները սուտ են:

- Պարոն Բյուզանդյան, դուք պնդում եք, որ Վարդան Մինասյանի նշածները սուտ են: Կներկայացնե՞ք, թե ձեր կարծիքով ինչպես է եղել իրականում:

- Շինարարության ընթացքում, քանի որ շատ հսկա մեծ ժայռեր եղան, երբ հողային աշխատանքները սկսեցինք, տարբերակ չկար, որ կարողանանք ասել՝ այս հողի այս մասն իմն է, այս մասը՝ քոնն է: Անկարելի է, որ շինարարության ժամանակ կողքի հողին չդիպչես:

- Այսինքն, հնարավոր չէ՞ շինարարությունն այնպես անել, որ կողքի հողամասին չդիպչեք:

- Ոչ, քանի որ մեծ տեխնիկաներ են աշխատում: Այնպես չէ, որ կարող ես ուղիղ գիծ փորել եւ ասել միայն այս մասը պիտի փորեմ: Հող է, ինքն իրեն իջնում է:

- Այսինքն, ըստ էության նաեւ ընդունո՞ւմ եք այն փաստը, որ ձեր տարածքից անցել եք դեպի Մինասյանի տարածք:

- Առաջ չեմ գնացել, մեր սահմանը շատ հստակ է: Մենք մեր հողից 1 սանտիմետր դուրս ոչինչ չենք կառուցել: Բայց փորելու ժամանակ ստիպված են եղել այդ հողին մի փոքր դիպչել:

- Այդ մի քիչը քանի՞ մետր է մոտավորապես:

- Մեկուկես մետր լայնություն, 40 մետր երկարություն:

- Մինասյանին փոխհատուցման տարբերակ առաջարկե՞լ եք:

- Այո, երբ որ տեսա, որ երկար դատական պրոցես պետք է ընթանա 50 հազար դոլար առաջարկեցի: Նա հրաժարվեց այդ գումարից:

- Իսկ դատարանն ի՞նչ է որոշել:

- 2 հարց ունենք: Առաջին հարցը իր վնասի հատուցումն է, իսկ երկրորդը, որ այդ հատվածում բետոնե հենապատ կառուցենք: Երկրորդ հարցը մեկուկես տարի է՝ կասեցված է: Հիմա դատարանում առաջին հարցն է: Դատարանը որոշել է, որ պետք է 87 միլիոն դրամ փոխհատուցում վճարեմ:

- Պատրաստվո՞ւմ եք այդ գումարը վճարել, թե բողոքարկելու եք:

- Չենք համաձայնվում: Սա գողություն է բացարձակ:

- Դուք ճանաչո՞ւմ եք Լեւոն Սարգսյանին, նա որքանո՞վ առնչություն ունի այս պատմության հետ:

- Այս գործի հետ նա կապ չունի: Ասել, որ ես նախկին իշխանությունների ժամանակ օգտվել եմ՝ զրպարտություն է: Եթե ես օգտված լինեի, այս դատը կշահեի:

- Ե՞րբ է տեղի ունեցել առաջին ատյանի դատարանի վճիռը:

- 1 տարի առաջ:

- Լեւոն Սարգսյանին անձնապես ճանաչո՞ւմ եք:

- Այո: Ես հալեպցի եմ: Արդեն 20 տարի է՝ Հալեպից հեռացել եմ: Լեւոն Սարգսյանն այն ժամանակ Սիրիայում դեսպան էր: Չեմ կարծում, թե կա սիրիահայ, ով Լեւոն Սարգսյանին բան է խնդրել եւ նա չի արել: Սա է իմ կապը, երբ նա դեսպան էր:

- Այն, որ սիրիահայերն ինչ խնդրել են Լեւոն Սարգսյանն արել է, այդտեղ չի՞ կարող նաեւ ներառված լինել այն, որ սիրիահայը խնդրած լինի նրան այս հարցում էլ օգնել:

- Բացարձակ: Ես շատ ուրախ կլինեմ, որ այստեղի դատարանները իրավապաշտ լինեն: Իմ պահանջը իրականությունն է: Ես կյանքիս մեջ վատ բան չեմ արել եւ մարդկանց էլ վատություն չեմ արել: Այստեղ միայն անարդար գողություն է:

- Ի՞նչ գողություն է: Ի՞նչն եք սխալ համարում այստեղ:

- Եթե դու հող ունես, որի արժեքը չի կարող գերազանցել 200 հազար դոլարը, վնասը այսօր կարո՞ղ է 500 հազար դոլար արժենալ:

- Մինասյանը ձեզնից 500 հազար դոլա՞ր է պահանջել:

- Այո, դատարանի միջոցով: Դատարանն էլ բավարարել է 87 միլիոն դրամ: Ես ասում եմ՝ 10 տարի է՝ մենք մեր հողը գնել ենք մետրը 200 դոլար եւ այդ օրից մինչեւ այսօր օր չի եղել, որ այդ հողը 300 դոլար դառնա անգամ:

Տպել
747 դիտում

Հրշեջները մարել են Ներքին Չարբախի գերեզմանատանը բռնկված հրդեհը

Դատավոր Դավիթ Գրիգորյանը դատական հայց է ներկայացրել ԲԴԽ անդամ Լիպարիտ Մելիքջանյանի դեմ

Արմավիրի մարզադաշտը կարող է վերանվանվել Նիկիտա Սիմոնյանի անունով

Բակո Սահակյանն ընդունել է «Իմ քայլը» հիմնադրամի եւ «Վորլդ Վիժոն»-ի ներկայացուցիչներին

Չինացի ներդրողները դեռ պետք է որոշեն`գալիս են Հայաստան, թե ոչ․ վարչապետը՝ Ալավերդու պղնձաձուլարանը վերագործարկելու մասին

«ARMENIAN HELICOPTERS» ընկերության 4 ուղղաթիռները կարող են ծառայել ԱԻՆ-ին՝ հրդեհաշիջման կամ այլ աշխատանքների ժամանակ

20-ամյա տղային անազատության մեջ են պահել եւ գումար պահանջել ազատ արձակելու համար

Պանամայի քաղաքացի ներկայացած անձինք կեղծ թղթադրամների համար պահանջել են 1 միլիոն դոլար (տեսանյութ)

«Արարատ»-ի գլխավոր մարզիչը հրաժարական է տվել

Էլեկտրական գեներատորով բեռնված մեքենան թեքվել էր, առկա էր գեներատորի ընկնելու վտանգ

Աշխարհի 17 երկրներից նկարիչներ կգան Հայաստան, նրանք 10 օր կապրեն ու կստեղծագործեն Տավուշում

ԱԳ նախարար Զոհրաբ Մնացականյանը մի շարք հանդիպումներ է ունեցել Վիլնյուսում

Երեխային կարող է խփել միայն իսկական մանկավարժը. Արմինե Դավթյանի հայտարարությունը մտահոգել է ոլորտի պատասխանատուներին

ՔՊ նիստին որոշվել է ՍԴ նախագահ Հրայր Թովմասյանի լիազորությունները դադարեցնելու գործընթաց սկսել

Եթե Ադրբեջանը Ղարաբաղի հարցում կատեգորիկ եւ կոմպրոմիս չճանաչող է, մենք էլ կասենք` Արցախը Հայաստան է եւ վերջ. Փաշինյան

Վլադիմիր Կարապետյանը մեկնաբանել է Արթուր Վանեցյանի հայտարարությունը

Երեւանի բնակարաններից մեկի նկուղում հայտնաբերվել է 69-ամյա քաղաքացու դի

Փոխվարչապետ Ավինյանն ընդունել է Հայաստանում դիվանագիտական առաքելությունն ավարտող ՄԹ դեսպանին

100 փաստ Նոր Հայաստանի մասին-2. (ամբողջական)

Քաղաքապետը որոշեց քանդել շենքը, դատարանը որոշումն անվավեր ճանաչեց, բայց կառուցապատողը, մեկ է, կքանդի