Սա բիզնես է, պիտի բիզնեսը չքանդվի. «Մուլտի Գրուպ»-ի գործադիր տնօրենը՝ ազատվող աշխատակիցներին

15/04/2019 schedule15:12

Սա բիզնես է, պիտի բիզնեսը չքանդվի: Այս մասին քիչ առաջ «ԱրարատՑեմենտ» ՓԲԸ-ի աշխատակիցների հետ զրույցում ասաց «Մուլտի Գրուպ» կոնցեռնի գործադիր տնօրեն Սեդրակ Առուստամյանը: Նշենք, որ «ԱրարատՑեմենտ» ՓԲԸ մի քանի հարյուր աշխատակիցներ առավոտից բողոքի ակցիա են իրականացնում: Նրանք աշխատանքից ազատման ծանուցագրեր են ստացել, այդ իսկ պատճառով փակել են գործարան տանող ճանապարհը:

Աշխատակիցների հարցին, թե ի՞նչ եղան այն խոստումները, որ ժողովրդի կողքին են, Առուստամյանը պատասխանեց, որ էլի ժողովրդի կողքին են:

Աշխատակիցները հարցրեցին, թե արդյո՞ք Առուստամյանն այս վիճակում ի վիճակի է որոշում կայացնել, եթե ոչ, ապա թող գա այն մարդը, ով կարող է որոշում կայացնել: Առուստամյանի խոսքով՝ այս որոշումը կոնցեռնի խորհուրդն է կայացրել:

Առուստամյանը նշեց, որ Ծառուկյանն այսօր չի կարող գնալ ակցիայի մասնակիցների մոտ, քանի որ քաղաքում չէ: Աշխատակիցների պահանջը մեկն է՝ հետ վերցնել ծանուցագրերը, սակայն Առուստամյանը նշեց, որ դա միանձնյա որոշում չէ:

Աշխատակիցները Առուստամյանին հիշեցրին, որ Ծառուկյանը նշել էր, թե ինքը չի քնի, եթե այս գործարանը չաշխատի, ապա հարց ուղղեցին՝ Ծառուկյանը տեղյա՞կ է այս ամենից, ինչին ի պատասխան Առուստամյանն ասաց, որ այսօր տեղյակ է արդեն:

Առուստամյանը նշեց, որ 2 տարի է՝ ներմուծվում է ե՛ւ ցեմենտ ե՛ւ կլինկեր (մինչև եռակալումը թրծված հումքային խառնուրդ, օգտագործվում է ցեմենտի պատրաստման համար-հեղ.). «Առաջին տարին տեղավորվում էինք, որովհետեւ շատ չէր: Հիմա ցեմենտի փոխարեն կլինկեր է գալիս Հայաստան: Եթե որոշումը այնպիսին է, որ պետք է կլինկերի վրա տուրք չլինի, ավելի լավ է մենք էլ կլինկեր բերենք, որ շուկան ապահովենք: Բազմիցս եղել է, որ պարոն Ծառուկյանին խնդրել ենք, եկել է, բայց դա մարդասիրական առումով է»,- ասաց Առուստամյանը:

Առուստամյանի խոսքով՝ կլինկերը «ցեմենտից 5 րոպե պակաս է» եւ ավելի մատչելի է կլինկեր բերելը: Արդյունքում ընկերությանը միայն աղացն է պետք գալու եւ մնացած աշխատակիցների կարիքը չունեն:

Լրագրողի հարցին, թե այժմ վնասո՞վ է աշխատում ընկերությունը, Առուստամյանը ասաց, որ այս պահին՝ ոչ:

Նշենք, որ ընկերության աշխատակիցները ակցիայի ընթացքում նշել էին, որ ընկերությանը փորձում են ուղղորդել, որպեսզի այլ տեղերում ճանապարհ փակեն, սակայն նրանք կառավարության դեմ դուրս գալ չեն պատրաստվում: «Մենք հլը ուրիշ բաներ չենք խոսում: Մենք այստեղ աշխատել ենք ստրուկի կարգավիճակով ահ ու վախով: Թող գան այդ հարցին որոշում տան, դեռ այնքան բաներ կան...: Չեն կարողանում, ասում եմ՝ բարի ճանապարհ իրենց: Մենք չունենք կենտրոնական ճանապարհ փակելու, մենք չունենք մեր վարչապետի դեմ դուրս գալու»,- հայտարարել էին նրանք:

Աշխատակիցները նշում են, որ 1200 աշխատակիցների ծանուցում է ուղարկվել եւ նրանք պետք է ազատման դիմում գրեն: Նշենք նաեւ, որ աշխատակիցները հրաժարվում են ծանուցումները ստորագրել:

Տպել
2463 դիտում

Ճանաչելիության բարձրացում և ենթակառուցվածքների զարգացում․ գործադիրը գումար հատկացրեց զբոսաշրջության զարգացմանը

Հանկարծ չստացվի, որ մենք չուզողություն ենք անում, ջուրն անվճար չենք տալիս. վարչապետ

Իջեւանում քաղաքացիները մետաղյա ձողերով ու քարերով հարվածներ են հասցրել ոստիկաններին․ Օսիպյանը մանրամասներ է ներկայացնում

Սեւանում քաղաքացիները կարող են լողալ, բայց պետք է մաքուր պահեն շրջակայքը. վարչապետ

Ռուսաստանը մտադիր չէ դադարեցնել համագործակցությունը Իրանի հետ. Լավրով

«Արսենալը» հաղթեց «Բավարիային». Մխիթարյանը մասնացկեց խաղին (տեսանյութ)

Նախշուն Տավարացյանի լիազորությունների դադարեցման պահանջով նիստը կքննվի դռնբաց

Մարզպետը 200 աշխատատեղի մասին հայտնել է ծառահատողներին, սակայն նրանք ցանկանում են, որ իրենց պահանջը կատարվի

Վրաստանի ներքին գործերի նախարար Գիորգի Գախարիան հարցաքննվել է դատախազությունում

Հրդեհ Խաչիկ գյուղում. այրվել է մոտ 1.5 հա խոտածածկույթ. ԱԻՆ

Մարդիկ, որոնք 30 տարի շարունակ արել են այդ սեւ գործը, շարունակում են մնալ աղքատ. Փաշինյան

Հայաստանը լավ է գիտակցում շրջակա միջավայրի մարտահրավերներն ու բնական աղետների ռիսկերը. Ավինյան

Կառավարությանը ապօրինի պայմաններ պարտադրելու որեւէ փորձ արժանանալու է ամենակոշտ հակազդեցության. վարչապետ

Հուլիսի 15-ից օգոստոսի 8-ը Ամիրյան փողոցում երթևեկը կկազմակերպվի ջրամատակարարման ցանցի շինարարությանը զուգահեռ

Դատավորների վեթինգն անհրաժեշտ չէ՞. քաղաքացիական հասարակությունը պահանջով դիմել է ՀՀ իշխանություններին

Արժանի խաղ, ցավալի պարտություն. «Արարատ-Արմենիան» դուրս մնաց ՉԼ-ից. ԵԼ-ում մրցակիցը կիսապրոֆեսիոնալ թիմ է (տեսանյութ)

ՄԻՊ-ի որոշմամբ` հատուկ հանձնարարությամբ աշխատանքային խումբ է գործուղվել Տավուշի մարզ

Մեր անհամաձայնությունը եղել է միայն մեկ հարցի շուրջ, ավելի ստույգ՝ մի անձի. Արա Շիրինյանը պատասխանել է Պասկևիչյանին

Մեկնարկել է ՀՀ կառավարության հերթական նիստը. օրակարգում ներառված է 29 հարց

Կաթնաշոռի անվան տակ մանկատներին և տուն-ինտերնատներին մատակարարվել է այլ արտադրանք. պատժամիջոցներ են կիրառվել