«Բրեքզիթ»-ի նոր վերջնաժամկետ. Անվերջ կարելի է նայել ջրին, կրակին ու ԵՄ կազմից Մեծ Բրիտանիայի դուրս գալուն

11/04/2019 schedule11:20

«Բրեքզիթ»-ի վերջնաժամկետի հարցով Եվրամիություն-Մեծ Բրիտանիա բանակցությունները չեն ավարտվում: Բրյուսելում անցած գիշեր տեղի ունեցած արտահերթ գագաթնաժողովում Եվրամիության ղեկավարները և Մեծ Բրիտանիայի վարչապետ Թերեզա Մեյը պայմանավորվել են երկարաձգել «Բրեքզիթ»-ի վերջնաժամկետը մինչև հոկտեմբերի 31-ը:

«Բրեքզիթ»-ի հարցով նախկին վերջնաժամկետն ապրիլի 12-ն էր: Մեծ Բրիտանիայի վարչապետն ավելի վաղ խնդրել էր գործընթացի ժամկետները հետաձգել առնվազն մինչև հունիսի 30-ը: Եթե ԵՄ երկրների ղեկավարները մերժեին Մեյի խնդրանքը, Մեծ Բրիտանիան Միությունը պետք է լքեր արդեն վաղը՝ առանց գործարքի, ինչը հղի էր քաղաքական, տնտեսական և իրավական անհաշիվ խնդիրներով:

Այս անգամ սակայն Լոնդոնը համաձայնել է վերջնաժամկետի երկարացման դիմաց Եվրամիության բոլոր պայմաններին: Եվրոպական խորհրդի նախագահ Դոնալդ Տուսկը հայտարարել է, որ Մեյը համաձայնել է ժամկետի երկարաձգման Եվրամիության պայմաններին: Տուսկը համաձայնությունը որակել է որպես «ճկուն երկարաձգում»՝ նշելով, որ սա նշանակում է «Մեծ Բրիտանիայի համար լրացուցիչ վեց ամիս՝ հնարավոր լավագույն լուծումը գտնելու համար»:

Եվրամիության գագաթնաժողովի եզրակացության մեջ ասված է, որ Բրիտանիան այս ընթացքում պետք է «ձեռնպահ մնա ցանկացած միջոցներից», որոնք կվտանգեն Եվրամիության առանցքային ծրագրերը, մասնավորապես՝ չպետք է կիրառի վետոյի իր իրավունքը։

Միեւնույն ժամանակ Եվրամիությունում քչերն են հավատում, որ մինչ նոր ժամկետի ավարտը Մեծ Բրիտանիան ու Բրյուսելը կկարողանան համաձայնության գան «Բրեքզիթ»-ի վերջնական պայմանագրի շուրջ: Պատահական չէ, որ եվրոպական շատ փորձագետներ սեփական մեկնաբանությամբ սկսել են գործածել հայտնի ասացվածքը. «Անվերջ կարելի է նայել երեք երևույթների` ջրին, կրակին ու ԵՄ կազմից Մեծ Բրիտանիայի դուրս գալուն»:

Միեւնույն ժամանակ Մեծ Բրիտանիայում բարձրանում են եվրոպամետ տրամադրությունները: Եվրամիության կազմում մնալուն կողմ արտահայտվողները անցկացնում են հարյուր հազարանոց ցույցեր ու պահանջում՝ նոր հանրաքվե անցկացնել:

Ի դեպ, Եվրամիության արտահերթ գագաթնաժողովի արդյունքներն ամփոփող հայտարարության մեջ ասվում է նաև, որ Մեծ Բրիտանիայի կողմից Եվրախորհրդարանի՝ մայիսի 23-26-ը կայանալիք ընտրություններն անցկացնելուց հրաժարվելու դեպքում վերջնաժամկետի մասին ընդունված նոր որոշումը կդադարի գործել, և Միացյալ Թագավորությունը ստիպված կլինի հունիսի 1-ին դուրս գալ Եվրամիության կազմից:

Տպել
429 դիտում

Գյումրու Վարդանանց հրապարակի եղեւնիները կհանվեն

Կոմպոզիտորների՝ Դիլիջանի ստեղծագործական տունը կարճ ժամանակում պետք է դարձնենք ծաղկուն ու խնամված վայր. Աննա Հակոբյան

Հրաժարվեք Հայաստանում օտարերկրյա ներդրողների գործունեության մեջ քաղաքական ենթատեքստ փնտրել. «ԳեոՊրոՄայնինգ»-ը՝ ԶԼՄ-ներին

Վարչապետ Նիկոլ Փաշինյանի մոտ կայացել է խորհրդակցություն երեխաների որդեգրումների թեմայի վերաբերյալ

«Սիթի օֆ Սմայլ/Ժպիտների քաղաք»-ը անհրաժեշտության դեպքում կաջակցի 21-ամյա Արամի բուժմանը

Կեղծված են և՛ ԱԺ պատգամավորի բլանկի ձևը, և՛ իմ ստորագրությունը. Հրաչյա Հակոբյանը մեկնաբանել է ռուսական կայքի հոդվածը

Նիկոլ Փաշինյանի վերջին այցից հետո զբոսաշրջիկների թիվը Գյումրիում կրկնապատկվել է. Սամվել Բալասանյան

Գերմանիայի պաշտպանության նախարարը հրաժարական է տվել Scorpions-ի «Փոփոխությունների քամի» երգի հնչյունների ներքո

Գտնվում ենք այն քոթեջում, որտեղ ապրել և ստեղծագործել է Առնո Բաբաջանյանը, մթնոլորտը հիասքանչ է. Աննա Հակոբյան

Երեւանի ավագանու նախկին անդամ Սոնա Աղեկյանը ազատ է արձակվել

ԿԳՄՍ նախարար Արայիկ Հարությունյանն ընդունել է Ճապոնիայի դեսպան Ջուն Յամադային

Երևանի թիվ 17 հիմնական դպրոցի կառավարման խորհուրդը հայտարարում է տնօրենի թափուր պաշտոնի մրցույթ

Ձերբակալվել է «Սևան ազգային պարկ» ՊՈԱԿ-ի «Արևիկ» մասնաճյուղի անտառագետը

Արցախում 2 տարեկան երեխան թունավորվել է մոր տված սխալ դեղահաբից

Քննարկվել է «Զվարթնոց» օդանավակայանի ընդլայնման հարցը

«Պոբեդա»-ն այսօր կվերականգնի Գյումրիում ձմեռային չվացուցակով թռիչքների ավիատոմսերի վաճառքը

Սոնա Աղեկյանը քաղաքապետարան է ներկայացել կոյաջրերի տարայով. նրան բերման են ենթարկել

Հայաստանում անշարժ գույքի գործարքները աճել են, եւ աճը մարզերի ու ոչ Երեւանի հաշվին է. Նիկոլ Փաշինյան

Մալաթիայի շուկայի տարածքում հրդեհը բռնկվել է արագ սննդի կետում. մանրամասներ

Ծնելիության ցուցանիշի նվազման տեմպը դանդաղում է. Արսեն Թորոսյան