Մարզիչները դեմ են Ռոդնինայի մարզադպրոցն անվանափոխելուն. այն կառուցվել է 7 մլն դոլարով

Երեւանի Իրինա Ռոդնինայի գեղասահքի մարզադպրոցի մարզիչները դեմ է այն վերանվանելուն: Այս մասին «Հայկական ժամանակ»-ի հետ զրույցում ասաց դպրոցի տնօրեն Մելինե Ավագյգանը: Այն բանից հետո, ինչ Ռուսաստանի Պետդումայի պատգամավոր, օլիմպիական եռակի, աշխարհի տասնակի, Եվրոպայի 11-ակի չեմպիոն Ռոդնինան շաբաթներ առաջ Բաքվում մասնակցեց Խոջալուի դեպքերին նվիրված երթին, Երեւանի ավագանիում առաջարկեցին քննարկել վերանվանման հարցը: Ավագյանը նշեց, որ մարզիչները բացասական են վերաբերվում Ռոդնինայի այդ քայլի, սակայն մյուս կողմից հաշվի են առնում նրա դերը սպրոտում եւ հայկական գեղասահքի զարգացման մեջ:

«Մարզչական խորհուրդը՝ բոլորն էլ միանշանակ շատ վատ վերաբերվեցին այդ երթին Ռոդնինայի՝ մասնակցելուն, բայց վերանվանման մասին բոլորն էլ միանշանակ ասացին, որ կուզեին, որ անունը մնա՝ հաշվի առնելով, որ նա մեծ մարզիկ է: Բոլորս գիտենք՝ այսօրվա դրությամբ նրան գեղազանցող չի էլ եղել: Կենդանի լեգենդ է: Նա այս ընթացքում այցելել է, վարպետության դասեր է տվել: Ակնկալում էինք նրա հետ հետագա համագործակցություն, որովհետեւ, երբ հանդիպել է մեր անձնակազմի հետ, այդ մասին քննարկվել է: Նաեւ հաշվի առնելով նրանց օգնությունը մեր գեղասահքի զարգացման հարցում, գիտենք՝ ռուսական դպրոցն ինչքան առաջ է, վերանվանումից հետո չգիտեմ՝ ինչ ընթացք կստանան այդ հարաբերությունները»,- ասաց Ավագյանը՝ ավելացնելով, որ ինչ աղմուկը բարձրացել է, Ռոդնինան դպրոցի ղեկավարության հետ կապ չի հաստատել, եւ հայտնի չէ՝ երբ է հնարավոր, որ կրկին այցելի:   

Տնօրենը պատմեց, որ Ռոդնինայի աջակցությունը մեծ է եղել սահադաշտ ունենալու հարցում: Նշեց, որ դեռ այն ժամանակ, երբ դպրոցի սաները մարզվում էին Մարզահամերգային համալիրում, նա խոսել է այն մասին, որ Հայաստանին սահադաշտ է հարկավոր, ու աջակցել է, որ այն լինի: Նրա խոսքով՝ սահադաշտի կառուցումից հետո հայկական գեղասահքն առաջընթաց է գրանցել: Այս պահին ունի 500 սան: Նրանք մասնակցում են միջազգային մրցումների, անցած տարի առաջին անգամ ՀՀ-ում անցկացվեց միջազգային մրցաշար, սահադաշտը ծառայում է նաեւ ՀՀ հավաքականի անդամներին, քանի որ արտասահմանում սառույց վարձակակելը թանկ է:

Անվանափոխության հարցն ավագանիում բարձրացրել է Երեւանի «Լույս» խմբակցությունը: Առաջարկել է կոչել Հայ-ռուսական գեղասահքի դպրոց: Ավագյանն այս առաջարկի մասին ասելիք չունի:

«Իսկ ի՞նչ կտա դա: Ստացվում է՝ Ռոդնինայի անունը հանեցինք, բայց ռուսների հետ շարունակենք համագործակցե՞լ: Չեմ կարող ասել»,- ասաց նա:

Վերջերս Ռոդնինան հայտարարել էր, որ դպրոցը կառուցվել է ռուսական փողերով: Մելինե Ավագյանը նշեց, որ խոսքը ռոսւաստանցի գործարար Սերգեյ Համբարձումյանի ներդրման մասին է: Ասաց նաեւ, թե որքան գումարով է կառուցվել դպրոցը:

«7 մլն դոլար, եթե չեմ սխալվում»,- ասաց նա՝ ավելացնելով, որ լսել է, որ Համբարձումյանն էլ է դեմ անվանափոխությանը:

Դպրոցի բացումը տեղի է ունեցել 2015 թ. դեկտեմբերին: Ավելի վաղ Ռոդնինան ռուսական լրատվամիջոցների հետ զրույցում արձագանքել է Հայաստանում ընթացող քննարկումներին: Նա նշել է, որ նորմալ է վերաբերվում անվանափոխությանը: Ասել է՝ ինչ ուզում են, թող անեն: Նշել է, որ ցավում է միայն այն մարդկանց համար, ովքեր ջանքեր են ներդրել կառուցման հարցում:

Տպել
745 դիտում

Արամ Խաչատրյանի «Սուսերով պար»-ը հնչել է՝ Պուտինի եւ Կիմ Չեն Ընի պատվին ընդունելության ժամանակ

Հարկային օրենսգրքում փոփոխություններ կատարելու մասին նախագծի քննարկումների վերաբերյալ խորհրդարանական լսումներ կանցկացվեն

«Զոն» նայողների արտոնությունները, ինչը եղել է նախկին իշխանությունների ժամանակ, վերացված է. Զեյնալյան

Քավոր-սանիկական հարաբերություններ չունենք Վլադիմիր Գասպարյանի հետ. ՊՎԾ պետի տեղակալ

Մեկիդ մոտ հարց չի՞ առաջանում, թե Միհրան Պողսյանն ի՞նչ գործ ունի Ռուսաստանում․ Էդմոն Մարուքյան

Վարչապետի տիկինը փոքրիկ դստեր հետ իրենց առանձնատան պարտեզում տիկնիկային ներկայացում է բեմադրել (տեսանյութ)

Պաշտպանեք ձեր քաղաքացուն, եթե չեք կարողանում, գոնե մի ասեք, որ փայլուն հարաբերություններ կան Ռուսաստանի հետ․ Մարուքյան

Կառավարությունը մերժեց «Լուսավոր Հայաստան»-ի ներկայացրած օրենքի նախագիծը

Ինչո՞ւ էր անհրաժեշտ, որ այդ մարդիկ Հայաստանից հեռանան, որպեսզի դառնան աշխարհահռչակ երաժիշտ. վարչապետ

Քրեակատարողական ծառայությանը 30 լրացուցիչ հաստիք կտրամադրվի. նախագիծն ընդունվեց

Տպավորություն է ստեղծվում, որ երբեմն եղել են իրավիճակներ, երբ գոյություն են ունեցել սեփական դեսպանատներ. վարչապետ

Արտոնություն՝ «Ինթերնեշնլ Մանուֆաքչրինգ գրուպ»-ին. կստեղծվի 60-70 նոր աշխատատեղ՝ 200 հազար դրամ աշխատավարձով

Կառավարությունը մերժեց Տիգրան Ուրիխանյանի կողմից ներկայացված օրենքի նախագիծը

Մխիթարյանի մասով «Արսենալի» երկրպագուների համբերության բաժակը լցվել է

ՀՀ ԶՈՒ ներկայացուցիչները մեկնել են ՌԴ, կլինեն Ռյազանի օդադեսանտային բարձրագույն ուսումնարանում

Խոշոր սեփականատեր ունենալը հատուկ է միայն մեկ խմբակցության․ մեր եւ երրորդ խմբակցությունում այդպիսիք չկան․ Հայկ Գեւորգյան

ՀՀ ԶՈՒ ներկայացուցիչները մասնակցում են ՀԱՊԿ շրջանակում անցկացվող աշխատանքային հանդիպմանը

ՄԻԵԴ-ն այսօր հրապարակել է Լեւոն Տեր-Պետրոսյանն ընդդեմ Հայաստանի վճիռը

ԱՄՆ-ի նախագահի ապրիլքսանչորսյան ուղերձը որևէ արժեք չունի. Թուրքիայի ԱԳՆ

Այն մարզիկները, ովքեր ոգեշնչման օրինակ են, պետք է տեսնեն, որ ՀՀ-ն գնահատում է իրենց վաստակը պետության առաջ. վարչապետ