Ազգային ժողովն 1-ին ընթերցմամբ ընդունեց Սահմանադրական դատարանի մասին օրենքում փոփոխություններ կատարելու մասին նախագիծը

Ազգային ժողովն այսօր՝ մարտի 28-ին, հերթական նիստի ավարտից հետո արտահերթ նիստում քննարկեց «ԱԺ կանոնակարգ օրենքում» եւ «Սահմանադրական դատարանի մասին» օրենքներում փոփոխություններ կատարելու հարցերը։

Ինչպես ավելի վաղ հայտնել էինք՝ վերոնշյալ օրենքներում փոփոխություն կատարելու նախագծով առաջարկվում է օրենքում ամրագրել, որ եթե ՍԴ դատավոր չի ընտրվում, ապա քվեարկությունից հետո մեկամսյա ժամկետում իրավասու մարմինը պետք է առաջադրի Սահմանադրական դատարանի դատավորի նոր թեկնածու։

Նախագծի հիմնական զեկուցողն արդարադատության նախարար Արտակ Զեյնալյանն է։ Նախագծերը ներկայացնելուց հետո ԱԺ «Լուսավոր Հայաստան» խմբակցության պատգամավոր Կարեն Սիմոնյանը նախարարին հարց ուղղեց՝ հնարավո՞ր է նույն անձին որպես ՍԴ դատավորի թեկնածու մի քանի անգամ առաջադրել։ 

Արտակ Զեյնալյանը պատասխանեց, որ եթե որեւէ անձ մի անգամ չի ընտրվել ԱԺ-ի կողմից, ապա չկա որեւէ սահմանադրական արգելք, որ նույն անձին նույն սուբյեկտը չի կարող ներկայացնել նույն կամ այլ գումարման Ազգային ժողովի։ Ըստ Զեյնալյանի՝ չի կարող իրավաչափ համարվել, որ խորհրդարանի կողմից չընտրված նույն անձը կրկին չկարողանա առաջադրվել։ Նա եւս մեկ անգամ ընդգծեց՝ Սահմանադրական արգելքը բացակայում է այստեղ, եւ Սահմանադրությունը չի կարող անտրամաբանական լինել եւ մեկ անգամ ինչ-ինչ պատճառներով չընտրված մարդու առաջ նորից առաջադրվելու արգելք դնել։

Հարցի հարակից զեկուցող, Պետական-իրավական հարցերի մշտական հանձնաժողովի նախագահ Վլադիմիր Վարդանյանն էլ իր հերթին ասաց, որ օրենքի փոփոխություններն ավելի շատ ամրագրված ժամկետները հստակեցնելու եւ որոշակի տեխնիկական թերություններ շտկելուն են վերաբերում․

«Տրամաբանական չէ, որ իքս պաշտոնում անընդհատ նույն մարդուն են ներկայացնում, սա իրոք անարգանք է այդ կառույցի նկատմամբ, բայց չպետք է մոռանանք, որ խոսքը գնում է երկարատեւ գործընթացի մասին, խորհրդարանի գումարումեր են փոխվում, եւ, առհասարակ, նույն անձի առաջադրման արգելք որեւէ նորմատիվ իրավական ակտում չեմ տեսել»,-ասաց Վարդանյանը՝ ընդգծելով, որ այդ կերպ սահմանափակվում է տվյալ քաղաքացու ընտրելու եւ ընտրվելու իրավունքը։

Հարցն առաջին ընթերցմամբ ներկայացվեց քվեարկության եւ ընդունվեց միաձայն․ կողմ քվեարկեց 117 պատգամավոր։ Այն երկրորդ ընթերցմամբ եւ ամբողջությամբ քվեարկության կդրվի վաղը՝ մարտի 29-ին։

Ինչպես ավելի վաղ հայտնել էինք՝ նախագահ Արմեն Սարգսյանը ՍԴ անդամի պաշտոնում Ազգային ժողովին է ներկայացրել փաստաբան Գոռ Հովհաննիսյանի թեկնածությունը, չնայած՝ ՍԴ դատավորի թեկնածության համար առաջադրվել էին նաեւ հայտնի փաստաբան Վահե Գրիգորյանն ու Մարտին Մանուկյանը։ Ըստ ամենայնի՝ իշխող մեծամասնությունը Գոռ Հովհաննիսյանի ընտրությունը կտապալի ճիշտ այնպես, ինչպես ժամանակին ՀՀԿ-ն տապալեց Վահե Գրիգորյանի ընտրությունը։

Մասնավորապես՝  ՍԴ դատավորի պաշտոնում Արմեն Սարգսյանի կողմից առաջադրված թեկնածու Վահե Գրիգորյանը նախորդ տարվա հոկտեմբերին չընտրվեց, ավելի կոնկրետ՝ ՀՀԿ խմբակցության արդեն նախկին պատգամավորները չընտրեցին Գրիգորյանին․ քվեարկությանը մասնակցեց ընդամենը 53 պատգամավոր։ Վահե Գրիգորյանի օգտին քվեարկել էր 30 պատգամավոր, մինչդեռ անհրաժեշտ էր 63 քվե։
Այս անգամ էլ, չնայած մասնագիտական շրջանակները միանշանակ պնդում են, որ Վահե Գրիգորյանը Հայաստանի լավագույն իրավաբաններից է եւ կարող է դատական համակարգում ակնհայտ դրական փոփոխություններ բերել, Արմեն Սարգսյանը այս անգամ որոշեց առաջադրել Գոռ Հովհաննիսյանը թեկնածությունը, եւ անգամ այն դեպքում, երբ դեռ նախորդ տարի մի շարք փաստաբաններ դիմել էին Արմեն Սարգսյանին՝ առաջարկելով ՍԴ դատավորի թափուր տեղի համար քննարկել հենց Վահե Գրիգորյանի թեկնածությունը։ 

Տպել
1342 դիտում

ՀՀ տարածքում կան փակ եւ դժվարանցանելի ճանապարհներ, մերկասառույց

Լուսանկարի երիտասարդներն էին ներկայանում որպես ԱՅՈ՛-ի լոգոյի հեղինակ. Հակոբ Կարապետյան

«Norma» ապրանքանիշը կվերսկսի արտադրությունը

Բաքուն ու Անկարան քննարկում են սպառազինության համատեղ արտադրության հարցը

Վարդենյաց լեռնանցքը փակ է կցորդիչով բեռնատարների համար, Թասի ոլորաններին տեղ-տեղ առկա է մերկասառույց

Տավուշի բնակիչներին առաջարկվում է Զանենյան ցեղատեսակի կաթնատու տոհմային այծեր

Առաջին դեպքը՝ Բրազիլիայում, առաջին մահը՝ Ֆրանսիայում, 106 մահ՝ 1 գիշերում. ԱՀԿ-ն անհանգստացած է կորոնավիրուսի թվերով

Վրաստանում արձանագրվել է կորոնավիրուսի առաջին դեպքը

Գեղարքունիքի մարզում «Թումո» ստեղծարար տեղեկատվական կենտրոնի շարժական ուսումնական առաջին կետը կտեղադրվի Գավառ քաղաքում

Ռուսաստանը եւ մի շարք երկրներ պահանջել են սկսել ԱՄՆ-ի և ՄԱԿ-ի միջեւ արբիտրաժային աշխատանքները

Հակոբ Արշակյանը Հայաստան է հրավիրել ԱՄԷ նախարար Բովարդիին

Կարևոր հայտարարություն «Այո» քարոզչական բրենդավորման շուրջ. առաջին տեղի մրցանակ 3 մլն դրամը կբաշխվի 3 անձի միջև (ուղիղ)

Շիրակի մարզում «ԱՅՈ» նախընտրական շտաբի աշխատանքները կհամակարգեն «Իմ քայլը» դաշինքի պատգամավորներն ու Շիրակի մարզպետը

Մհեր Գրիգորյանը շնորհավորել է Կանադայի նորանշանակ դեսպանին պաշտոնն ստանձնելու կապակցությամբ

Վահագն Վերմիշյանը կառավարության վաղվա նիստում կազատվի զբաղեցրած պաշտոնից

«Պատվի համարը» մարտի 9-ից կլինի Հանրայինի եթերում. դերասանական կազմում է նաեւ Արամ MP3-ի որդին

«Ճանապարհենք ձմեռը Շիրակի մարզում». հրավեր Շիրակից Հայաստանի մարզերին եւ ոչ միայն

Երեք ռուսաստանցու նոր կորոնավիրուսով վարակման փաստը հաստավել է

Արմավիրի քրեական հետախույզները մարիխուանայի իրացման դեպք են բացահայտել

Կրթական տեխնոլոգիաների ազգային կենտրոնի տնօրենի պաշտոնը թափուր է. նախկին տնօրեն Արտակ Պողոսյանը եւս կմասնակցի մրցույթին