Կամ դու ես դիմում գրում, կամ ես եմ վարչապետին միջնորդում. Լոռու նախկին փոխմարզպետը՝ իր ազատման մասին

Ինչպես արդեն հայտնել ենք, վարչապետ Նիկոլ Փաշինյանի որոշմամբ՝ երկու օր առաջ աշխատանքից ազատվեց Լոռու վերջին փոխմարզպետ Արշակ Հովսեփյանը: ՀԺ-ի հետ զրույցում Հովսեփյանն ասաց, որ վարչապետի որոշումն իր համար անակնկալ է եղել, չնայած մինչ այդ նրան կանչել է մարզպետ Անդրեյ Ղուկասյանն ու առաջարկել աշխատանքից ազատման դիմում գրել, որը, սակայն, Հովսեփյանը մերժել է. «Մարզպետը կանչեց ու ասաց, որ պետք է ցավալի լուր հայտնի ինձ, խնդրում եմ՝ դիմում գրեք. դա ինձ համար անակնկալ էր, որովհետեւ պաշտոնավարմանս ընթացքում որեւէ ոչ բանավոր, ոչ գրավոր նկատողություն երբեւէ չեմ ստացել, հարցրեցի՝ ինչի համար, ասաց՝ թույլ եք մի քիչ, իսկ ես ուզում եմ, որ որպես միակ փոխմարզպետ իմ կողքին ուժեղը լինի»,-ասաց Արշակ Հովսեփյանը՝ շարունակելով ներկայացնել իր ու մարզպետի զրույցի մանրամասները. «Մարզպետն ասաց, որ հասկանում է, որ ես նոր եմ քաղաքականության մեջ, փորձ որպես այդպիսին չունեմ, բայց ասաց նաեւ, որ չի կարող սպասել, մինչեւ ես կուժեղանամ»:

Ըստ Հովսեփյանի, մարզպետն իրեն առաջարկել է դիմում գրել՝ փոխարենը խոստանալով մի բան մտածել. «Որեւէ կերպ ես չհամաձայնեցի, քանի որ ուժեղ չլինելը քաղաքական կատեգորիա չէ: Մարզպետն ասաց՝ կամ դու ես դիմում գրում, կամ ես եմ վարչապետին միջնորդում, որ քեզ ազատի, վարչապետին միջնորդեց, վարչապետն էլ հաստատեց»:

Դիտարկմանը, որ իրեն փոխմարզպետի պաշտոնում ժամանակին առաջարկել էր մարզպետը, ինչը հանգեցրեց հարաբերությունների նման փոփոխության, Հովսեփյանն ասաց. «Իր ու Արամ Խաչատրյանի միջնորդությամբ եմ եկել: Ես փորձում եմ պատճառները հասկանալ, մարզպետը, տեսնելով իմ վատ աշխատանքը, կարող էր մի անգամ կանչել իր մոտ, նկատողություն տար կամ կառուցողական զրույց աներ, խորհուրդ ու հանձնարարական տար, բայց շաբաթներով չենք հանդիպել ու չենք խոսել: Թող կանգներ, հանձնարարական տար ու ռեզուլտատ ուզեր, բայց որեւէ մի անգամ որեւէ խնդրի մասին չենք զրուցել մենք…»:

Այն, որ մարզպետի ու Արամ Խաչատրյանի հարաբերությունները լարված են, չնայած որ երկուսն էլ նույն կուսակցությունից են, մարզում շատերը գիտեն: Մեզ հասած տեղեկություններով՝ մարզպետը ՔՊ տարածքային գրասենյակ չի այցելում, ժողովներին չի մասնակցում: Շրջանառվող լուրերի համաձայն, մարզպետը վերջերս տարբեր պատճառներով մարզպետարանից ազատեց մի քանի աշխատակիցների, ովքեր կոնրետ Արամ Խաչատրյանի նշանակած կադրերն էին: Արշակ Հովսեփյանից փորձեցինք ճշտել՝ արդյո՞ք իր ազատումը եւս այդ կոնտեկքստում է եղել. «Մասամբ իրեն եմ սատարել, մասամբ Խաչատրյանին, բայց մարզպետը էդ պատճառը հերքեց: Իրենց միջեւ եղած լարվածությունը անհերքելի փաստ է, որոշակի հակասություններ կան: Քաղաքական թիմի աշխատողներ ունենք, ովքեր այլեւս չեն աշխատում մարզպետարանում: Մարզպետը որեւէ անգամ կուսակցության գրասենյակ չի այցելում բացարձակապես, մի քիչ տրամաբանական չի, կուսակցության քվոտայով առաջադրվել է, բայց կուսակցության հարցերով չի զբաղվում: Վերջին անգամ կարող է դեկտեմբերին եկած լինի գրասենյակ…»:

ՀԺ-ի հետ զրույցում Լոռու մարզպետ Անդրեյ Ղուկասյանը հերքեց լուրերը, թե փոխմարզպետի ազատման միջնորդությունը ներկայացրել է, քանի որ Արամ Խաչատրյանի  «կադրն» էր: Ղուկասյանը չհերքեց՝ Արշակ Հովսեփյանին վարչապետն ազատել է աշխատանքից իր առաջարկով. «Գտել եմ, որ ինքը չէր համապատասխանում տվյալ պաշտոնին, միակ պատճառը դա էր»: Ղուկասյանից հետաքրքրվեցինք՝ ինչպես եղավ, որ իր բերած «կադրը» իրեն չգոհացրեց. «Հույսերս չարդարացրեց, անցել է մի քանի ամիս, բայց աշխատանքը իր գնահատում եմ ոչ բավարար»:

Ղուկասյանը հերքեց, թե Արշակ Հովսեփյանի ազատումը կապված է Արամ Խաչատրյանի հետ:

Տպել
7400 դիտում

Դատավոր Դավիթ Գրիգորյանը դատական հայց է ներկայացրել ԲԴԽ անդամ Լիպարիտ Մելիքջանյանի դեմ

Արմավիրի մարզադաշտը կարող է վերանվանվել Նիկիտա Սիմոնյանի անունով

Բակո Սահակյանն ընդունել է «Իմ քայլը» հիմնադրամի եւ «Վորլդ Վիժոն»-ի ներկայացուցիչներին

Չինացի ներդրողները դեռ պետք է որոշեն`գալիս են Հայաստան, թե ոչ․ վարչապետը՝ Ալավերդու պղնձաձուլարանը վերագործարկելու մասին

«ARMENIAN HELICOPTERS» ընկերության 4 ուղղաթիռները կարող են ծառայել ԱԻՆ-ին՝ հրդեհաշիջման կամ այլ աշխատանքների ժամանակ

20-ամյա տղային անազատության մեջ են պահել եւ գումար պահանջել ազատ արձակելու համար

Պանամայի քաղաքացի ներկայացած անձինք կեղծ թղթադրամների համար պահանջել են 1 միլիոն դոլար (տեսանյութ)

«Արարատ»-ի գլխավոր մարզիչը հրաժարական է տվել

Էլեկտրական գեներատորով բեռնված մեքենան թեքվել էր, առկա էր գեներատորի ընկնելու վտանգ

Աշխարհի 17 երկրներից նկարիչներ կգան Հայաստան, նրանք 10 օր կապրեն ու կստեղծագործեն Տավուշում

ԱԳ նախարար Զոհրաբ Մնացականյանը մի շարք հանդիպումներ է ունեցել Վիլնյուսում

Երեխային կարող է խփել միայն իսկական մանկավարժը. Արմինե Դավթյանի հայտարարությունը մտահոգել է ոլորտի պատասխանատուներին

ՔՊ նիստին որոշվել է ՍԴ նախագահ Հրայր Թովմասյանի լիազորությունները դադարեցնելու գործընթաց սկսել

Եթե Ադրբեջանը Ղարաբաղի հարցում կատեգորիկ եւ կոմպրոմիս չճանաչող է, մենք էլ կասենք` Արցախը Հայաստան է եւ վերջ. Փաշինյան

Վլադիմիր Կարապետյանը մեկնաբանել է Արթուր Վանեցյանի հայտարարությունը

Երեւանի բնակարաններից մեկի նկուղում հայտնաբերվել է 69-ամյա քաղաքացու դի

Փոխվարչապետ Ավինյանն ընդունել է Հայաստանում դիվանագիտական առաքելությունն ավարտող ՄԹ դեսպանին

100 փաստ Նոր Հայաստանի մասին-2. (ամբողջական)

Քաղաքապետը որոշեց քանդել շենքը, դատարանը որոշումն անվավեր ճանաչեց, բայց կառուցապատողը, մեկ է, կքանդի

Ոստիկանները հայտնաբերեցին պոռնկությամբ զբաղվելու մեջ կասկածվող 28 կնոջ (տեսանյութ)