Լոռու մարզում նախորդ տարի հանցագործությունների թվի աճ է գրանցվել. մարզի դատախազ

2018թ-ին Լոռու մարզում գրանցվել է 1651 հանցագործություն, որը 291-ով ավել է 2017թ-ին արձանագրված հանցագործությունների թվից: Այս մասին այսօր լրագրողների հետ զրույցում հայտնեց Լոռու մարզի դատախազ Արսեն Մարտիրոսյանը՝ հիշեցնելով, որ նախորդ տարի աճի միտում գրանցվել է ոչ միայն Լոռու մարզում, այլ հանրապետության գրեթե բոլոր տարածքում: Ներկայացնելով վիճակագրությունն ըստ առանձին հանցատեսակների, մարզի դատախազը հայտնեց, որ առանձնակի ծանր հանցագործությունների 13 դեպք է գրանցվել՝ նախորդ տարվա 11-ի փոխարեն: Հաշվետու ժամանակաշրջանում արձանագրվել է ծանր հանցագործությունների 232 դեպք, նախորդ տարվա 132 դեպքի դիմաց: Նշված հանցագործությունները ավելացել են 75,8 տոկոսով:

Աճ է արձանագրվել նաեւ միջին ծանրության հանցագործությունների թվում՝ 559 հանցագործություն, որը 2017թ-ի դիմաց ավելացել է 234 դեպքով. «Պետք է նշել, որ աճը պայմանավորված է ոչ միայն դեպքերով, այլ նաեւ դրանց պատշաճ հաշվառման հանգամանքով, ինչպես նաեւ առանձին հանցատեսակների դեմ իրավապահ մարմինների կատարած հետեւողական աշխատանքով»,-ասաց մարզի դատախազը:

Նախորդ տարի 18 դեպքով նվազել են մարդու դեմ ուղղված հանցագործությունները՝ 437 դեպք. «Դատախազությունն առանձնահատուկ ուշադրություն է դարձնում մարդու դեմ ուղղված այն հանցագործություններին, որոնք վերաբերվում են սպանություններին, սպանության փորձերին ու դիտավորությամբ առողջությանը ծանր վնաս պատճառելու դեպքերին: Արձանագրվել է սպանության 2 դեպք, 2-ն էլ Սպիտակի տարածաշրջանում, բացահայտվել է մեկը»: Նախորդ տարի մարզի տարածքում հրազենի գործադրմամբ դեպքերի նվազում է գրանցվել:

Նվազել են նաեւ հասարակության անվտանգության կարգի դեմ ուղղված հանցագործությունները՝ 223 դեպք: Արձանագրվել է ապօրինի կերպով զենք եւ ռազմամթերք ձեռք բերելու եւ պահելու 42 դեպք. «Դեպքերը 41 տոկոսով նվազել են, հայտնաբերման ուղղությամբ տարվող աշխատանքները դատախազության մշտական հսկողության տակ են գտնվում, ու այս թվերը գոհացուցիչ չեն կարող համարվել»,- ասաց Արսեն Մարտիրոսյանը՝ նշելով, որ այս տարի եւս հետեւողական աշխատանք են տանելու զենք-զինամթերքի հայտնաբերման ուղղությամբ: Մարզի տարածքում չնայած ավելացել է ՃՏՊ-ների թիվը, սակայն նվազել է մահվան ելքով վթարների թիվը: 2018 թ-ին արձանագրվել է ապօրինի թմրաշրջանառության 51 դեպք: Այս ցուցանիշը եւս դատախազը գոհացուցիչ չհամարեց. «Իմ խորին համոզմամբ՝ այս թվերը ռեալ պատկերը չեն արձանագրում»,-ասաց դատախազը:

Սեփականության դեմ ուղղված հանցագործություններն աճել են 175 դեպքով՝ 600 դեպք, 118-ով աճել են անձնական գույքի հափշտակության դեպքերը, բնակարանային գողության դեպքերը՝ 88 դեպք. «Բնակարանային գողությունների դեմ պայքարը մեր հետեւողական աշխատանքի արդյունք պետք է լինի այս տարի, այդ ուղղությամբ արդեն իսկ որոշակի աշխատանքներ կատարվել են»,-հայտնեց Արսեն Մարտիրոսյանը: Մարզի տարածքում 2018 թ-ին նվազել են կողոպուտի դեպքերը:

Տպել
855 դիտում

Դատավոր Դավիթ Գրիգորյանը դատական հայց է ներկայացրել ԲԴԽ անդամ Լիպարիտ Մելիքջանյանի դեմ

Արմավիրի մարզադաշտը կարող է վերանվանվել Նիկիտա Սիմոնյանի անունով

Բակո Սահակյանն ընդունել է «Իմ քայլը» հիմնադրամի եւ «Վորլդ Վիժոն»-ի ներկայացուցիչներին

Չինացի ներդրողները դեռ պետք է որոշեն`գալիս են Հայաստան, թե ոչ․ վարչապետը՝ Ալավերդու պղնձաձուլարանը վերագործարկելու մասին

«ARMENIAN HELICOPTERS» ընկերության 4 ուղղաթիռները կարող են ծառայել ԱԻՆ-ին՝ հրդեհաշիջման կամ այլ աշխատանքների ժամանակ

20-ամյա տղային անազատության մեջ են պահել եւ գումար պահանջել ազատ արձակելու համար

Պանամայի քաղաքացի ներկայացած անձինք կեղծ թղթադրամների համար պահանջել են 1 միլիոն դոլար (տեսանյութ)

«Արարատ»-ի գլխավոր մարզիչը հրաժարական է տվել

Էլեկտրական գեներատորով բեռնված մեքենան թեքվել էր, առկա էր գեներատորի ընկնելու վտանգ

Աշխարհի 17 երկրներից նկարիչներ կգան Հայաստան, նրանք 10 օր կապրեն ու կստեղծագործեն Տավուշում

ԱԳ նախարար Զոհրաբ Մնացականյանը մի շարք հանդիպումներ է ունեցել Վիլնյուսում

Երեխային կարող է խփել միայն իսկական մանկավարժը. Արմինե Դավթյանի հայտարարությունը մտահոգել է ոլորտի պատասխանատուներին

ՔՊ նիստին որոշվել է ՍԴ նախագահ Հրայր Թովմասյանի լիազորությունները դադարեցնելու գործընթաց սկսել

Եթե Ադրբեջանը Ղարաբաղի հարցում կատեգորիկ եւ կոմպրոմիս չճանաչող է, մենք էլ կասենք` Արցախը Հայաստան է եւ վերջ. Փաշինյան

Վլադիմիր Կարապետյանը մեկնաբանել է Արթուր Վանեցյանի հայտարարությունը

Երեւանի բնակարաններից մեկի նկուղում հայտնաբերվել է 69-ամյա քաղաքացու դի

Փոխվարչապետ Ավինյանն ընդունել է Հայաստանում դիվանագիտական առաքելությունն ավարտող ՄԹ դեսպանին

100 փաստ Նոր Հայաստանի մասին-2. (ամբողջական)

Քաղաքապետը որոշեց քանդել շենքը, դատարանը որոշումն անվավեր ճանաչեց, բայց կառուցապատողը, մեկ է, կքանդի

Ոստիկանները հայտնաբերեցին պոռնկությամբ զբաղվելու մեջ կասկածվող 28 կնոջ (տեսանյութ)