Գյումրեցի կնոջ մահվան մեջ մեղադրվող ռուս զինվորականը ցուցմունք չի տվել, նմուշ չի հանձնել

2018 թվականի դեկտեմբերի 2-ին ռուս զինծառայողի կողմից ծեծվելու հետեւանքով մահացած Ջուլիետա Ղուկասյանի մահվան մեջ մեռադրվող ՌԴ 102-րդ ռազմաբազայի զինծառայող Անդրեյ Ռազգիլդեևը հրաժարվել է ցուցմունք տալուց եւ նմուշի հանձնումից: Այս մասին լրագրողներին տեղեկացրել է ՇՄ դատախազ Կարեն Գաբրիելյանը:

Հիշեցնենք, որ դեպքի առթիվ հարուցված է քրեական գործ՝ ՀՀ քրեական օրենսգրքի 112-րդ հոդվածի 2-րդ մասի 14-րդ կետով (դիտավորությամբ մեկ ուրիշին մարմնական վնասվածք պատճառելը կամ առողջությանն այլ ծանր վնաս պատճառելը, որն անզգուշությամբ առաջացրել է տուժողի մահ):

Այս քրեական գործն, ըստ դատախազի, քննվում է ՇՄ քննչական վարչությունում, դատավարական ղեկավարումն իրականացնում է ՇՄ դատախազությունը: «Քրեական գործով կատարվել, կատարվում են բազմածավալ աշխատանքներ: Սպասում ենք փորձաքննության եզրակացությանը, որն ամենայն հավանականությամբ կստանանք մի 20 օրից, որից հետո այդ քրեական գործը մեղադրական եզրակացությամբ կուղարկվի դատարան: Քրեական գործով արդեն իսկ ձեռք բերված բավարար ապացույցները լիարժեք են՝ անձին դատի տալու համար»,- ասաց Կարեն Գաբրիելյանը:

Դատախազի տեղեկացմամբ, իրենք գործում են ՀՀ ՌԴ համատեղ համաձայնագրի հիման վրա, որը վերաբերում է ՀՀ-ի եւ ՌԴ-ի միջեւ ՀՀ տարածքում ռուսական ռազմաբազայի գտնվելու հետ կապված իրավասության եւ փոխադարձ իրավական օգնության հարցերի վերաբերյալ:

«Նշված համաձայնագրի 4-րդ հոդվածը սահմանում է, որ ՌԴ կազմի մեջ մտնող ռազմաբազային անձանց կամ նրանց հարազատների կողմից ՀՀ տարածքում կատարված հանցավոր արարքները քննվում են ՀՀ իրավասու մարմինների կողմից: Բայց, քանի որ ենթադրյալ հանցանք կատարած անձը հայտնաբերվել եւ ձերբակալվել է ՌԴ ռազմաբազայում, նշված համաձայնագրի 8-րդ կետով այդ անձի հետ համապատասխան գործողություններն իրականացվում են նրանց ներկայացուցչի միջոցով»,-մանրամասնեց Կարեն Գաբրիելյանը:

Մեկ նկատառում: Սովորաբար Գյումրու փողոցներում  հանցագործություններ կատարած ռուս զինվորականներին օրինաչափ կերպով միշտ հայտնաբերում են հենց ռուսները: Այսինքն, հանցագործը  մարդկանց ծեծել, սպանելուց հետո հայ իրավապահների աչքից վրիպելով հասնում է ռազմաբազա, որ իրեն հայտնաբերեն, ձերբակալեն: Երբ Պերմյակովը սպանդի ենթարկեց Ավետիսյաններին եւ փախավ կամ քայլեց քաղաքի փողոցներով, առաջին ժամերին ունեցած տեղեկատվության համաձայն՝ նրան մի հայ տաքսիստ էր ինչ-որ վայր տեղափոխել, այնուհետ հայ-թուրքական սահմանին մոտ մարդասպանին գտել էին հայ գյուղացիները: Այնուհետ պատմությունը վերաշարադրվեց այնպես, որ տաքսիստը ջնջվեց իսպառ, գյուղացիների բռնելը վերագրվեց ռուս սահմանապահներին:

Նույնը եւ Ռազգիլդիեւի պարագայում է: Հայ կնոջն անմարդկային ձեւով ծեծել, մահվան հասցնելուց հետո հասել է ռազմաբազա, որ իրեն ռուս ծառայակիցները բռնեն, եվ, ոչ թե ռուսական ռազմական ոստիկանության ներկայացուցիչները, ովքեր եկան Գյումրի, սակայն, որպես այդպիսին նկատելի դերակատարում չունեն, քանզի ռուս զինվորականները օրվա բոլոր ժամերին են Գյումրու փողոցներում զբոսնում, ուտում, խմում եւ զվարճանում, այլ ռազմաբազային զինծառայողները: Թե այդ պահերին որտեղ են հայ ոստիկաններն, այս պարագայում, պարզ չէ:

Հենց ռուս զինվորականների հայտնաբերման փաստն էլ նկատի առնելով՝ ենթադրյալ հանցագործ Ռազգիլդիեւն այս պահին գտնվում է ռուսական կողմում:

«Ձերբակալում, հարցաքննությունն իրականացվել են ռուսական կողմից, եւ այս պարագայում, զինվորին մեզ տրամադրելը, մեր ՔԿՀ-ում նրա պատիժը կրելը կհակասի ՌԴ օրենսդրությանը: Այս պայմաններում, սակայն, թեկուզեւ նշված անձը գտնվում է ռուսական կարգապահական մեկուսարանում, որեիցե արգելք չի հանդիսանում գործի բազմակողմանիությունն ու օբյեկտիվությունն ապահովելու համար: Մեր քննիչն անարգել մտել է, կատարել բոլոր այն քննչական եւ դատավարական գործողությունները, որոնք անհրաժեշտ են եղել: Մեղադրյալը հրաժարվել է նմուշ տալուց, պատճառաբանելով, որ դա իր իրավունքն է, մենք այլ մեխանիզմ չունենք՝ նրանից նմուշ վերցնելու: Հարկադրաբար չենք կարող»,-ասաց Կարեն Գաբրիելյանը:

Տարվե՞լ է մեղադրյալ անձը դեպքի վայր, թե՝ ոչ: Դատախազն ասաց՝ եթե պատասխանեմ հարցին, նախաքննական գաղտնիք կբացեմ:

Տպել
765 դիտում

Վարչապետը ներկա է գտնվել արցախյան թեմային նվիրված «Դրախտի դարպասը» ֆիլմի պրեմիերային

Հրդեհ «Դիլիջան ազգային պարկ» ՊՈԱԿ-ի տարածքում. 60 ծառի կոճղ է այրվել, ջերմահարվել՝ 20 հաճարենի

Կառավարությունը «Ryanair»-ին ոչ մի 5 միլիոն էլ չի տալու. ինչո՞վ է պայմանավորված ավիատոմսերի էժան գինը

Քաղաքապետ Հայկ Մարությանը հանդիպել է Մեծ Բրիտանիայի լորդերի պալատի անդամ Արա Դարզիի հետ

Դավիթ Տոնոյանը և ԵՄ հատուկ ներկայացուցիչը քննարկել են ԼՂ հակամարտության հետ կապված հարցեր

Փաշինյանը և Ճապոնիայի վարչապետի հատուկ խորհրդականը քննարկել են ենթակառուցվածքների զարգացման ծրագրերը

Սա մեր երկրի նկատմամբ միջազգային հանրության մեծ վստահության վկայություն է. վարչապետը ՀՀ-ի՝ ՄԱԿ-ում ընտրվելու մասին

Հայաստանը 144 ձայնով ընտրվել է ՄԱԿ Մարդու իրավունքների խորհրդի անդամ 2020-2022 թթ. համար. ԱԳՆ

Նոյեմբերյանի ոստիկանները ապօրինի ծառահատումներ են բացահայտել (տեսանյութ)

Թուրքերի ռազմական օպերացիան Փայլանը որակել է որպես տեղահանություն և ցեղասպանության փորձ

Երեւանի բժշկական քոլեջում տեղի ունեցած հանելուկը. մեկ տուժած շմոլ գազից թունավորմամբ տեղափոխվել է հիվանդանոց

Առաջին անգամ եմ նման տեսակետ լսում. Իվետա Մուկուչյանը՝ իր ու Բեյոնսեի տեսահոլովակների նմանության մասին

Վարչապետը հարգանքի տուրք է մատուցել երեկ գիշեր ծառայության ընթացքում սպանված ոստիկանին (տեսանյութ)

Նախորդ մեկ ամսում Երեւանում այրվել է 10 աղբաման. վերջին դեպքով քաղաքացին ինքնախոստովանական ցուցմունք է տվել

«Էրեբունի-Երևան 2801» տոնակատարության միջոցառումների կազմակերպման համար փակ կլինեն մի շարք փողոցներ

«ԱԺ-ն իրավասու չէ տվյալ հարցով դիմելու ՍԴ». հրապարակվել են Հրայր Թովմասյանի հարցով դիմումի մերժման հիմքերը

Գորան Բրեգովիչի երևանյան համերգը հետաձգվել է եւ կկայանա նոյեմբերի 24-ին. նա կժամանի նվագախմբով

ՀՖՖ ֆուտբոլի ակադեմիայում մարզումները մի քանի տարիքային խմբերի համար այսուհետ կլինեն վճարովի

Ոստիկանի սպանության մեջ կասկածվող անչափահասն ընդունել է մեղքը, ասել, որ անկեղծորեն զղջում է

Թրամփի նամակը ստանալուց հետո Էրդողանն այն աղբամանն է նետել. BBC