Ալիեւը նորից սպառնում է. ինչպե՞ս պատրաստվել խաղաղության

ՀՀ վարչապետ Նիկոլ Փաշինյանի եւ Ադրբեջանի նախագահ Իլհամ Ալիեւի՝ սեպտեմբերին Տաջիկստանի մայրաքաղաք Դուշանբեում ձեռք բերված պայմանավորվածոթյուններից հետո ոչ միայն զգալիորեն նվազել էին սահմանային լարվածությունը եւ կրակոցների թիվը, այլեւ կորել էր Բաքվի ռազմատենչ հռետորաբանությունը:

Չհաշված նոյեմբերի 5-ին Աղդամի շրջանում Ալիեւի՝ հակամարտության «կարգավորման ցանկացած տարբերակի» մասին խոսքերը՝ կարելի է ասել, որ այդ միտումը պահպանվեց մինչեւ այս փետրվար:

Ինչ վերաբերվում է նոյեմբերի 5-ի հայտարարությանը, ապա այն, ամենայն հավանականությամբ, կապված էր հաջորդ օրը Արցախում մեկնարկող մարտավարական զորավարժությունների հետ, եւ Ալիեւին անհրաժեշտ էր որեւէ կերպ արձագանքել դրանց՝ սեփական հանրության աչքերում թույլ չերևալու համար: 

Մինչեւ փետրվար էլ, սակայն, զգացվում էր, որ Բաքվի համար սովորական դարձած հռետորաբանության վերադարձը ժամանակի հարց է, քանի որ աստիճանաբար շրջանառության մեջ էին վերադառնում հին թեզերը, թե իբր «Հայաստանը հակամարտության պատճառով թաղված է ներքին խնդիրների մեջ», «Ադրբեջանը գերազանցում է Հայաստանին ռազմական, դիվանագիտական եւ քաղաքական կարողություններով» եւ «հայերն անմիաբան են»:

Փետրվարի 1-ին ադրբեջանական երիտասարդության օրվան ընդառաջ Բաքվի կոնգրես-կենտրոնում տեղի ունեցած հավաքի ընթացքում Ալիեւը հանդես է եկել ելույթով, որում կարեւորել է երիտասարդության դերը «Ապրիլյան մարտերում պատմական հաղթանակի» մեջ: Նրա խոսքով`«այդ հաղթանակը ցույց տվեց, որ ադրբեջանցի ժողովուրդը չի մերվի օկուպացիայի հետ»: Ըստ Ալիեւի՝ դա նաեւ ցույց տվեց, որ իրենք «գերազանցում են հայերին մարտի դաշտում»:

«Մենք պետք է ամեն պահի պատրաստ լինենք ազատագրել մեր հողերը զավթիչներից», - ասել է նա:

Հաջորդ օրը Ադրբեջանի զինված ուժերի Ուսումնակրթական կենտրոնում ոչ պակաս բարդույթավորված մտքեր է արտահայտել Ադրբեջանի պաշտպանության նախարար Զաքիր Հասանովը: Խոսելով Ադրբեջանի ԶՈւ մարտունակության բարձրացման մասին՝ Հասանովը մի քանի անգամ շնորհակալություն է հայտնել «Նախագահ, Գերագույն գլխավոր հրամանատար Իլհամ Ալիեւին՝ բանակի նկատմամբ հատուկ ուշադրության համար»: Դրանով գովերգումը չի սահմանափակվել եւ միջոցաման վերջում ադրբեջանական բանակի երիտասարդության համահանրապետկան հավաքի մասնակիցների անունից ընդունվել է դիմում-կոչ Ալիեւին, որում մասնակիցները խոստացել են «իրականացնել նախագահի երազանքները`ազատելով նախնիների հողերը օկուպացիայից:»

Դրանից տասն օր անց, Ալիեւը հարցազրույց է տվել ադրբեջանական Real TV-ին, որի ընթացքում կրկին հայարարել է, որ «Լեռնային Ղարաբաղի հակամարտությունը պետք է կարգավորվի միայն Ադրբեջանի տարածքային ամբողջականության շրջանակներում», եւ որ նա ներդնելու է բոլոր ջանքերը երկրի տարածքային ամբողջականությունը վերականգնելու համար:

«Այսօր Ադրբեջանը առավելություն ունի թե՛ բանակցային սեղանի շուրջ, թե՛ մարտի դաշտում: Միջազգային հեղինակավոր կառույցներից շատերը մեր դիրքորոշումն են պաշտպանում», - նշել է Ադրբեջանի ղեկավարը:

Նա նաեւ համոզմունք է հայտնել, որ աշխարհում ուժի գործոնը դառնում է գերիշխող, «ուժն է ծնում իրավունք»՝ այդպիսով, գործնականում, վերջնականորեն վերադարձնելով սպառնալիքների լեզուն: Միեւնույն ժամանակ, իհարկե, նա փորձել է նաեւ կառուցողական մոտեցում ցուցաբերել` խոսելով Հայաստանի եւ Ադրբեջանի արտաքին գործերի նախարարների շփումների մասին:

«Այսօր հակամարտության կարգավորման շուրջ բանակցությունները ընթանում են Հայաստանի եւ Ադրբեջանի արտգործնախարարների միջեւ, որոնք արդեն մի քանի հանդիպում են ունեցել», - ասել է նա:

Ադրբեջանի ռազմատենչ հռետորաբանության տեւական դադարը հասկանալի էր. Դուշանբեի պայմանավորվածություններից անմիջապես հետո դրանք բացասաբար կընկալվեին միջազգային հանրության կողմից: Իսկ հին հռետորաբանության շարունակությունը բացատրվում է, թերեւս, հասարակական պահանջով: Այս տեսանկյունից անհասկանալի ու անիմաստ են դառնում Հայաստանի եւ Ադրբեջանի արտգործնախարարների եւ ԵԱՀԿ Մինսկի խմբի համանախագահների հունվարյան հանդիպման արդյունքներով հայտարարության մեջ տեղ գտած «բնակչությանը խաղաղության նախապատրաստելուն ուղղված կոնկրետ միջոցառումներ ձեռնարկելու անհրաժեշտության» մասին ձեւակերպումը:

Երկու հասարակությունները՝ խաղաղությանը պատրաստ լինելու տեսանկյունից գտնվում են տարբեր մակարդակների վրա: Հայկական կողմում չկա ազգությամբ պայմանավորված թշնամու կերպար: Այլ կերպ ասած՝ ադրբեջանցին այսօր թշնամի է, որովհետեւ կրակում է մեզ վրա: Իսկ նրա կրակելու դրդապատճառն արդեն ադրբեջանական հասարակությունում առկա՝ թշնամու կերպարի տրամագծորեն հակառակ ընկալումն է, երբ հայատյացությունը քարոզվում է մանկապարտեզներից եւ դպրոցներից սկսած: Թե ինչու ենք մենք այսպիսի պայմաններում պատրաստ խաղաղության՝ անհասկանալի է, սակայն փաստ է նաեւ այն, որ խաղաղությանը պատրաստ լինելը չի խանգարում պատրաստվել պատերազմի:

Տպել
4594 դիտում

«Գազել» մակնիշի ավտոմեքենան ընկել է Ազատի ջրամբարը (տեսանյութ)

Երեւան հասնեմ՝ Հրայր Թովմասյանի ակնկալած օբյեկտիվ, արժանահավատ փաստը կհրապարակեմ. Նիկոլ Փաշինյան

Հասարակության ներսում խնամքով փորվող խրամատները

Շիրակի պետական համալսարանը չի լուծարվի, իսկ ռեկտորի ժպ-ն չի օգտվում նախարարի հովանավորչությունից. ԿԳՄՍ նախարար

Գեորգի Կուտոյանի կողմից ֆինանսական խնդիրներ ունենալու վերաբերյալ որեւէ փաստական տվյալներ չեն ստացվել. ՔԿ

ՇՊՀ-ում դեռ անցյալի իրավական գնահատականը չի տրվել. Գյումրիում ԿԳՄՍ նախարարի մասնակցությամբ քննարկում է կայացել

Սպիտակում «Brabus Gelandewagen» մակնիշի մեքենա է այրվել

Թուրքիայում զոհերի թիվը հասել է 22-ի, կտարհանվի աղետից տուժած թուրքական բանտը

100 փաստ՝ նոր Հայաստանի մասին

Եթե պարոն Մարուքյանը շարունակելու է տեղը չբերել՝ հայտնվելու է Աշոտյանի դերում․ Նիկոլ Փաշինյան

Սարալանջում գազի արտահոսքից հրդեհ է բռնկվել. այրվել է պահեստավորված անասնակերը

ԱԺ-ում ինչ-որ մարդիկ հայհոյախառն արտահայտություններ թույլ տվեցին․ իրենցով պետք է զբաղվել. Նիկոլ Փաշինյան

Մենք պատրաստվում ենք ԵԱՏՄ-ում շատ ակտիվ շարունակել աշխատել․ Նիկոլ Փաշինյան

Անընդունելի է ցանկացած փաստաթուղթ, որտեղ խոսք է գնում տարածքային զիջումների մասին. Հայկ Խանումյանի արձագանքը

«Առաջարկված սկզբունքները հնացել են և վերանայման կարիք ունեն». Մասիս Մայիլյանի արձագանքը Նիկոլ Փաշինյանին

Մենք այդ փողերը վերցնում ենք այնտեղից, որտեղ իրենք տարիներով խնդրում էին եւ չէին ստանում․ Փաշինյան

Բուհական եւ գիտական համակարգը ծայրից ծայր պետք է բարեփոխվի․ մեր պլանը պինդ, շեշտակի քայլերով առաջ գնալն է

Կարծում եմ, որ ՀՀ կառավարության եւ Դաշնակցության միջեւ չկա հակադրություն․ վարչապետ

Նիկոլ Փաշինյանին արձագանքել է նաեւ ԱՀ նախագահի թեկնածու Արայիկ Հարությունյանը

Տաթեւիկ Ռեւազյանի նշանակվելու օրից սկսվել է ամենաստոր արշավը նրա նկատմամբ, ամենաստոր բաներն էին գրում ինձ․ վարչապետ