ԳԹԿ կառավարման խորհրդի կազմը հաստատվել է, թեստերի ժողովածուներն էլ վեճի առարկա են

Գնահատման եւ թեստավորման կենտրոնի (ԳԹԿ) կառավարման խորհրդի նոր կազմն արդեն հաստատված է: 

ԳԹԿ խորհրդի անդամները 14 են՝ 1-ական ներկայացուցիչ՝ վարչապետի աշխատակազմից ու կրթության եւ գիտության նախարարությունից, 2 անդամ՝ «Հավատարմագրված բուհերի ռեկտորների խորհուրդ» ՀԿ-ից, «Ռեկտորների խորհուրդ» ՀԿ-ից՝ 3 անդամ: Եվս 3 անդամ՝ «Դպրոցների տնօրենների ասցիացիա» ՀԿ-ից եւ 4 անդամ Գնահաաատման եւ թեստավորման կենտրոնի աշխատակազմից:

ԳԹԿ նորանշանակ անդամներն են`

  1. Սարգիս Թորոսյան – ՀՀ վարչապետի աշխատակազմի սոցիալական հարցերի վարչության պետ
  2. Գոհար Մամիկոնյան – ՀՀ կրթության եւ գիտության նախարարի խորհրդական
  3. Նորիկ Սարիբերկյան – Ավանդական բժշկության համալսարանի ռեկտոր
  4. Ժորա Ջհանգիրյան – Երեւանի «Գլաձոր» համալսարանի ռեկտոր
  5. Ոստանիկ Մարուխյան – Հայաստանի ազգային պոլիտեխնիկական համալսարանի ռեկտոր
  6. Լիլիթ Արզումանյան – Երեւանի թատրոնի եւ կինոյի պետական ինստիտուտի ռեկտորի պաշտոնակատար
  7. Գագիկ Գալստյան – Ճարտարապետության եւ շինարարության Հայաստանի ազգային համալսարանի ռեկտոր
  8. Ռուզաննա Կոստանյան – Երեւանի Խ. Դաշտենցի անվան համար 114 ավագ դպրոցի տնօրեն
  9. Սուսաննա Վարդանյան – ՄԱՍԷ «Էօրնեկեան հանրակրթական ուսումնական հաստատություն» հիմնարկի տնօրեն
  10. Սիլվա Խրիմյան – կրթության մասնագետ, մանկավարժական գիտությունների թեկնածու, դոցենտ
  11. Կարո Նասիբյան – Գնահատման եւ թեստավորման կենտրոնի (ԳԹԿ) տնօրենի տեղակալ
  12. Էդվարդ Սանթրոսյան – ԳԹԿ քննությունների կազմակերպման բաժնի պետ
  13. Արամ Մարտիրոսյան - ԳԹԿ տնտեսական բաժնի պետ
  14. Ալեքսան Եսայան - ԳԹԿ թեստաբանության բաժնի պետ

Սպասվում է, որ ԳԹԿ կառավարման խորհուրդը հետագա նիստերից մեկի ժամանակ որոշում կընդունի նաեւ կենտրոնի տնօրենի թափուր պաշտոնի մրցույթ հայտարարելու մասին: Արմեն Փաշայանը ԳԹԿ-ն արդեն մի քանի ամիս է՝ ղեկավարում է ժամանակավոր պաշտոնակատարի կարգավիճակով:

Կենտրոնը արդեն իսկ սկսել է նախապատատրաստվել գալիք պետական ավարտական եւ միասնական քննություններին: Առաջին հերթում, ինչպես հայտնի է, 9-րդ դասարանցիների կենտրոնացված քննությունն է՝ հայոց լեզու առարկայից: Արմեն Փաշայանը տեղեկացրեց, որ քննական կենտրոնների ընտրության գործընթացը դեռ ավարտված չէ:

Իսկ մինչ այդ, շուկայում են հայտնվել քննական թեստերի նմուշների տարբեր ժողովածուներ, որոնք երբեմն դառնում են քննարկումների ու փոխադարձ մեղադրանքների առարկա: Այդ ժողովածուներից մեկին ֆեյսբուքյան իր էջում վերջերս անդրադարձել էր լեզվաբան, Լեզվի կոմիտեի նախագահ Դավիթ Գյուրջինյանը: Խոսքը վերաբերում է ԳԹԿ մասնագետ Միրցա Հալաջյանի հեղինակած «Հայոց լեզու. ավարտական քննության թեստերի ժողովածու»-ին:

«Ամիսներ առաջ ՀՀ կրթության եւ գիտության նախարար Արայիկ Հարությունյանին առաջարկեցի հայոց լեզվի 9-րդ դասարանի ավարտական քննության հարցարանի նոր նմուշ, որը վերջերս պաշտոնապես ընդունվեց եւ հրապարակվեց ԳԹԿ-ի կայքում:
Ենթադրում էի, որ շուտափույթ կգրվեն նաեւ ժողովածուներ («գործարար» մասնագետները այդպիսի հարուստ փորձ ունեն): Բայց սահմաններ կան, որոնք չպիտի խախտվեն:
ԳԹԿ-ի աշխատակից Միրցա Հալաջյանն իր գրքույկի կազմի վրա ոչ ավել, ոչ պակաս գրել է «Ավարտական քննության թեստերի ժողովածու»: Սա ակնհայտ ապակողմնորոշում է ուսուցչական հանրությանը եւ հատկապես քննություն հանձնողներին: Հանուն քննության արդարության՝ ԳԹԿ-ի ղեկավարությունից պահանջում եմ հիշյալ մասնագետին արգելել զբաղվելու առաջիկա քննության հարցարանի կազմությամբ: Կրթության կարեւոր բաղադրիչներից մեկը բարոյականությունն է»,- գրել էր Գյուրջինյանը:

ԳԹԿ տնօրենի պաշտոնակատարը, արձագանքելով առաջ քաշված պահանջի վերաբերյալ մեր հարցին, ասաց. «Ես անընդհատ փորձում եմ զուսպ լինել եւ հեռու մնալ ինտրիգային այդ խնդիրներից, բայց կամա թե ակամա գալիս մոտենում են մեզ: Պարզապես չէի ուզենա դրանք մեկնաբանել: Նույնատիպ ժողովածու գրել են նաեւ Կրթության ազգային ինստիտուտի մասնագետները: Ինչո՞ւ են Միրցա Հալաջյանին շեշտադրում: Դա ժողովածու է, դա ստեղծագործական աշխատանքով զբաղվելու իրավունք է: Եվ դա նմուշ է: Գնահատաման եւ թեստավորման կենտրոնը դրա հետ բացարձակ առնչություն չունի: Ցանկացած մասնագետ կարող է ժողովածու տպագրել եւ վաճառքի հանել: Բացի հայոց լեզու առարկայից, բոլոր առարկաներից էլ կան, տպագրվում են: ԳԹԿ-ի անվանումն այդ ժողովածուում բացարձակ չկա: Իր անվան դիմաց էլ միայն գրված է՝ բանասիրական գիտությունների թեկնածու»:

Ի դեպ, վերջերս հրատարակվել էր նաեւ Դավիթ Գյուրջինյանի «Հայոց լեզվի ամփոփիչ հարցարաններ» ժողովածուն՝ նախատեսված 9-րդ դասարանն ավարտողների համար: Այս առնչությամբ նա արդեն հայտարարել է, որ 2015 թվականին լույս տեսած այդ գիրքը վերահրատարակվել է առանց իր գիտության ու համաձայնության: «Եթե այդպես է, թող դատարան դիմի»,- հակադարձում է ԳԹԿ տնօրենի պաշտոնակատարը:

Հ.Գ. Կրթության եւ գիտության նախարարությունն իրազեկել է, որ «Հայոց լեզու» առարկայի 9-րդ դասարանի ավարտական քննության թեստերի տարատեսակ ժողովածուները չեն հրատարակվել նախարարության երաշխավորությամբ, հետեւաբար արգելվում է դրանք օգտագործել ուսումնական հաստատություններում:

Տպել
3885 դիտում

Սարյանի էսքիզներով նորովի բեմադրվելու է Սպենդիարյանի «Ալմաստ» օպերան. ռեժիսորը դեռ հայտնի չէ

Կոտայքի մարզի «Արձագանք» եւ «Անվերջության ժապավեն» քանդակները կվերականգնվեն. մարզպետ

Կորոնավիրուսը խանգարում է ֆուտբոլին. Իտալիայի առաջնության 6 եւ Եվրոպա լիգայի 1 խաղ կանցնի առանց հանդիսականների

Դատավորների թեկնածուների ընտրության նոր մեխանիզմներ են սահմանվել. Ռուստամ Բադասյան

Արմեն Թավադյանի գործով երեկ ՀՔԾ են կանչվել Լեւոն եւ Սեդրակ Քոչարյանները. նրանք հրաժարվել են ցուցմունք տալուց

Հարավային Կորեայում կորոնավիրուսի 977 դեպք կա. երկրում էպիդեմիկ վտանգի չորրորդ աստիճան է հայտարարվել

Դատարանում շարունակվում է Ռոբերտ Քոչարյանի եւ մյուսների գործով դատական նիստը

Առևտրի ֆինանսավորման ոլորտում Ամերիաբանկն արժանացել է Միջազգային ֆինանսական կորպորացիայի 2 մրցանակի

5 մարզերում ձյուն է տեղում, մի շարք բնակավայրերում բուք է, կան փակ ճանապարհներ

Փայլուն տնտեսական տարի ենք սկսել. վարչապետ

Փրկարարներն արգելափակումից դուրս են բերել ավտոմեքենաները

ՀԴՄ սարքերի ձեռքբերման հետ կապված որոշակի ռիսկերի մասին ՊԵԿ-ը հայտարարություն է տարածել

ՀՀ-ում իշխանություն կորցրածները համախմբվում են, որ Արցախում ունենան հարթակ. հեղափոխությունը պետք է հասնի Արցախ. փորձագետ

20 հազար երկրպագու դահլիճում, տասնյակ հազարներ դրսում ու հայտնի հյուրեր. Լոս Անջելեսում հրաժեշտ են տվել Քոբի Բրայանթին

ԱԳ նախարարը հանդիպել է ՀՅԴ Հայ դատի հանձնախմբերի ներկայացուցիչների հետ. 6 ժամ է տեւել հանդիպումը

2020 թվականի հունվարին ՀՀ տնտեսական ակտիվության ցուցանիշն աճել է 8.9 տոկոսով

Երեկվա խոշոր վթարից տուժած 5 եւ 7 տարեկան երեխաներին տեղափոխել են Երեւան. 2-ի վիճակն էլ ծանր է

Աշխարհը պիտի պատրաստվի կորոնավիրուսի համաճարակի. Առողջապահության համաշխարհային կազմակերպություն

Արմեն Սարգսյանը շնորհավորական ուղերձներ է հղել Քուվեյթի Պետության Էմիրին ու թագաժառանգին

Պաշտպանի աջակցությամբ դատապարտյալը ենթարկվել է աչքի անվճար վիրահատության