Նպատակը մեկն է՝ ազատվել Չալդրանյանից. Համազգայինի դերասանները դեկտեմբերի 1-ից գործադուլ կանեն

Սոս Սարգսյանի անվան Համազգային թատրոնում նոյեմբերի 9-ից սկսված լարվածությունը քառապատկվեց այն բանից հետո, երբ այսօր՝ նոյեմբերի 29-ին, թատրոնի տնօրեն եւ գեղարվեստական ղեկավար Վիգեն Չալդրանյանը, հրաժարական տալով գեղարվեստական ղեկավարի պաշտոնից, այդ պաշտոնին նշանակեց ռեժիսոր Սուրեն Շահվերդյանին:

Այսօր Համազգային թատրոնում հրավիրված մամուլի ասուլիսում դերասանները ներկայացրեցին իրենց բողոքներն ընդդեմ Չալդրանյանի: Նշեցին, որ ի սկզբանե, երբ բողոքել են եւ Չալդրանյանին ասել, որ չեն ուզում իր հետ աշխատել, վերջինս հանգիստ տոնայնությամբ ասել է. «Տասն օրից կխոսենք այդ մասին, ջան»:

Դերասանների խոսքով՝ սկզբում չեն ցանկացել որեւէ աղմուկ բարձրացնել, փորձել են թատրոնի ներսում հարցը կարգավորել: Ցանակցել են, որ 2 տարի թատրոնը հիմնովին խարխլելուց հետո Չալդրանյանն անաղմուկ եւ ինքնակամ հեռանա: Սակայն, եթե Չալդրանյանն ավելի վաղ ՀԺ-ի հետ զրույցում ասել էր, որ աթոռից կառչած չէ, առայժմ, կարծես, թե կառչած է մնում: Ավելին, Չալդրանյանի կողմից այս նոր նշանակումը դերասանները որակում են վերջինիս կողմից իրականացված հերթական սադրիչ քայլը:

Ընդգծում են, որ օգտվելով իրենց սահմանադրական իրավունքից, դեկտեմբերի 1-ից հայտարարելու են անժամկետ գործադուլ:

«Կարծում եմ՝ մենք դրա իրավունքն ունենք: Մի ամբողջ ժողովուրդ կանգնեց եւ ասաց՝ պարոն Սերժ Սարգսյան, մենք չենք ուզում, որ դուք մեզ ղեկավարեք եւ պարոն Սարգսյանը հեռացավ: Մենք որպես փոքրիկ ընտանիք պետության մոդուլն ենք եւ պահանջում ենք, որ Չալդրանյանը հեռանա»,-ասաց դերասան Դավիթ Հակոբյանը:

Դերասաններին խիստ զայրացրել է նաեւ մշակույթի փոխնախարար Նազենի Ղարիբյանի մոտեցումն ու առաջարկած լուծումները խնդրի վերաբերյալ: Նազենի Ղարիբյանը Համազգայինի ստեղծագործական կազմի հետ հանդիպման ընթացքում պարզել է, որ ՊՈԱԿ-ի տնօրենի կողմից համատեղությամբ հաստիք զբաղեցնելը հակասում է պետական ոչ առեւտրային կազմակերպությունների մասին ՀՀ օրենքի 15-րդ հոդվածի 3-րդ մասի պահանջին:

Այսինքն, ստացվում է՝ Չալդրանյանը շուրջ մեկ տարի անօրինական կերպո՞վ է զբաղեցրել է երկու պաշտոն: Եվ նախարարությունը այդ բացահատումն արել է միայն վերջինիս շուրջ բարձրացված աղմուկից հետո: Հիշեցնենք, Չալդրանյանին այդ պոստերում նշանակել է մշակույթի նախկին նախարար Արմեն Ամիրյանը: 

«Փոխնախարարը մեզ ասաց, որ մենք դերասան ենք եւ պետք է պրոֆեսիոնալ մոտեցում ցուցաբերենք: Այո, մենք դերասան ենք, մեր քամակները մեր երեսին է կապած: Բայց քանի անգամ է ձեզանից որեւէ մեկը, կամ նախարարներից մեկը բեմ բարձրացել այն ժամանակ, երբ իր մայրը հիվանդանոցում անգիտակից պառկած է, քանի անգամ է բեմ բարձրացել, որ հասկանա, թե ինչ է նշանակում բեմական պրոֆեսիոնալիզմ, երբ երեխայիդ վիրահատում են, իսկ դու ստիպված ես բեմում կոմեդիա խաղալ: Եվ մեզ պրոֆեսիոնալիզմ են սովորեցնում: Թատրոնը մարդկային փոխհարաբերությունների կենտրոն է եւ չի կարելի այն տանել անմարդկային փոխհարաբերություններ: Իսկ Չալդրանյանը հենց այդպես է արել, մարդիկ չեն ուզում թատրոն գալ, դա նույն բանն է, ինչ մարդը չուզենա տուն գնալ»,-ասաց դերասան Դավիթ Հակոբյանը:

Դերասանները դժգոհություն հայտնեցին, որ մշակույթի նախարարությունում էլ նորմալ խոսակցություն տեղի չի ունեցել: Փոխնախարարի կողմից անընդհատ շահարկվել է այն արտահայտությունը, թե Չալդրանյանի արարքներում հանցակազմ պարունակող ոչինչ չկա: «Եթե հանցակազմ լիներ, մենք նախարարին չէինք դիմի, կդիմեինք իրավապահ մարմիններին: Մեզ ցույց տվեցին այն թուղթը, համաձայն որի՝ Չալդրանյանը չի կարող երկու պաշտոն զբաղեցնել: Եվ Վիգենն էլ մեծահոգաբար հրաժարվեց գեղարվեստական ղեկավարի պաշտոնից, որպեսզի մնա տնօրեն»,-ասացին դերասանները:

Նրանք պատմեցին, որ Վիգեն Չալդրանյանը թատրոն մտնելու առաջին իսկ օրվանից ասել է, որ ուզում է նոր թատրոն ստեղծել, սակայն իրենց պետք չէ նոր թատրոն ստեղծել, քանի որ վաղուց ունեն իրենց թատրոնը՝  իր էսթետիկայով եւ գեղարվեստական մտածողությամբ. «Ունենք թատրոն, որը կարող է մեկին դուր գալ, մյուսին՝ չէ, մեկին լուրջ թվալ, մյուսին՝ անլուրջ՝ ինչպես նախկին նախարարին: Ունենք մեր տեսակը, որը ստեղծվել է հզոր անհատների կողմից»:

Դերասանների նկարները Չալդրանյանը հեռացրել է թատրոնի միջանցքից, հեռացրել է նաեւ Սոս Սարգսյանի նկարը, իսկ երբ իրեն հարցրել են, թե կոլեկտիվի կարծիքը հաշվի առե՞լ է, պատասխանել է՝ ես կոլեկտիվ ճաշակ չեմ ընդունում: «Թատրոնի գեղարվեստական ղեկավարը կոլեկտիվ ճաշակ չի ընդունում, սա արդեն դիլետանտիզմ է: Եթե դու, կոլեկտիվում աշխատելով, դա չես ընդունում, ապա ի՞նչ գործ ունես այստեղ»,-ասացին դերասանները:

Դերասան Արման Նավասարդյանի վստահեցմամբ՝ այսօր չկա մի դերասան, որը լավ կարծիք ունենա Վիգեն Չալդրանյանի մասին եւ ցանկանա նրա հետ աշխատել: Նավասարդյանը վստահեցնում է՝ թատրոնը Չալդրանյանի օրոք ոչ մի հյուրախաղերի չի մասնակցել:

«Շարունակելով այն միտքը, թե այսօր ինչի է վերածվել Սոս Սարգսյանի անվան Համազգային թատրոնը, ուզում եմ մի բան պատմել: Վիգեն Չալդրանյանը մի օր ինձ ասաց՝ դուք չհամաձայնվեցիք իմ բարությանը, ես ձեռքերիս վրա ձեզ խավիար էի մատուցում, դուք հաց ու պանիր ուզեցիք, ես ձեզ հագցրեցի գեղեցիկ շորեր, ասեցիք՝ չէ, մենք տրեխներով ենք ուզում ապրել: Այս ամենն ասելով՝ նա նկատի ուներ Սոս Սարգսյանին եւ նրա ժամանակները: Եվ այսօր խոսում է նրա մասին: Սոս Սարգսյանի հիշատակը մենք ենք ու այս թատրոնը, որը նա եկել եւ ուզում է կազմաքանդել»,-ասաց դերասան Արման Նշանյանը:

Դերասանները ցավով խոստովանում են, որ թատրոնը երկու տարվա մեջ Չալդրանյանը երկու մասի է բաժանել՝  Վ. Չալդրանյանի թատրոնն՝ իր գեղագիտությամբ ու մեկ՝ «Սանտա կռուզ» ներկայացմամբ եւ Սոս Սարգսյանի թատրոնն՝ իր բոլոր ներկայացումներով: «Իր ներկայացման զգեստները նա առանձին է պահում, բեմադրական մասի վարիչին արգելում է որեւէ այլ ներկայացման մեջ խառնվի: Թատրոնը գնալով մեռնում է: Մի ներկայացում էլ զոռով խաղացինք, այն էլ իր գրած այստեղի-այնտեղից բստրած պիեսը, որը  զոռով բեմադրեցինք: Գումար չէր տալիս, պարոն Հակոբյանն իր գրպանից էր հանել, որ տար, սկանդալ ենք արել, որ 200 հազար դրամ փող տա, որ իր գրած ախմախ պիեսը բեմադրվի, որ խաղանք»,-ասաց Ստեփան Ղամբարյանը:

Դերասաններն ասում են, որ չեն ուզում երկու տարվա մեջ ունենալ մեկ ներկայացում: Վստահեցնում են, որ Չալդրանյանի օրոք Համազգային թատրոնի դահլիճները սկսեցին դառնալ կիսադատարկ եւ ներկայացումներին ամենաշատը 50 տոմս վաճառվել: Այժմ նրանք ունեն իրենց թեկնածուներին՝ դերասանուհի, ռեժիսոր Նարինե Գրիգորյանին տեսնում են գեղարվեստական ղեկավարի պաշտոնում, իսկ դերասան Արման Նավասարդյանին՝ տնօրենի:

Տպել
1154 դիտում

Վրաստանի նախագահը համաներում է շնորհել հետախուզման մեջ գտնվող անձի. նախարար

Ներդրումային քաղաքականություն և խթանում. քննարկում Միջազգային ֆինանսական կորպորացիայի ներկայացուցիչների հետ

Զոհրաբ Մնացականյանը Լատվիայի նախագահի ուշադրությունը հրավիրել է Հայաստանում ընթացող բարեփոխումների վրա

Կրակոցներ եւ սպանության փորձ՝ Արմավիրի մարզում. հանգամանքները պարզվում են

Մոսկվայում տեղի կունենա Կոմիտասի 150-ամյակին նվիրված համերգ. կմասնակցի նաեւ Հասմիկ Պապյանը

Չեմպիոնների լիգայի գործող չեմպիոնը պարտվեց մրցաշարի առաջին տուրում (տեսանյութ)

Ծանրամարտի աշխարհի առաջնությունում Հայաստանը ներկայացնելու է 9 մարզիկ. ԿԳՄՍՆ

Արդարադատության փոխնախարարներն ընդունել են Վենետիկի հանձնաժողովի փորձագիտական խմբի պատվիրակությանը

Երեւանի 73 համարի երթուղին այլեւս չի սպասարկվում, քաղաքացիները ստիպված են երկու տրանսպորտային միջոցից օգտվել

Հավատացնում եմ, որ դեռ շատ եմ հաղթելու, դուք էլ շատ եք ուրախանալու. Արթուր Ալեքսանյան

Հայաստանում առաջին անգամ հետիոտնային անցումներում տեղադրվել են երեխաների տեսքով ֆիգուրներ

Երեւանում Niva-ն մխրճվել է հայտնի երգիչ Գրիգոր Աղախանյանի կայանած Range Rover-ի մեջ

Վթար Սևան-Մարտունի-Գետափ ավտոճանապարհին. կա 2 տուժած

Գրանցվել է խոտածածկ տարածքներում բռնկված 25 հրդեհ` ընդգրկելով մոտ 45 հա տարածք

Թուրքիայում կրկին քուրդ քաղաքապետ է ձերբակալվել

Աշտարակի ոստիկանները ապօրինի ծառահատման դեպք են բացահայտել (տեսանյութ)

Վանաձորցի քրեական հեղինակություն է բերման ենթարկվել․ նա հետախուզվում էր սպանության փորձի մեղադրանքով

Երևանի Աջափնյակ վարչական շրջանի ղեկավարի տեղակալ Արամ Մանուկյանն ազատման դիմում է ներկայացրել

Բակո Սահակյանն ընդունել է ֆիզիկական կուլտուրայի և սպորտի ոլորտի մի խումբ ներկայացուցիչների

ԶՈՒ զորամասերից մեկում հակաօդային պաշտպանության մարզումներ են անցկացվել