Վանաձորի դպրոցը հեղեղվել է անձրեւաջրերով. անտարբերություն՝ պետական մակարդակով (լուսանկարներ, տեսանյութ)

Վանաձորի թիվ 27 հիմնական դպրոցի միջանցքներն ամբողջությամբ հեղեղվել են անձրեւաջրերով: 530 աշակերտ ունեցող դպրոցում իրավիճակն ավելի սարսափելի է դառնում հորդառատ անձրեւների ու ձյան տեղումների ժամանակ: Դպրոցի ողջ տարածքում դրված են մի քանի տասնյակ դույլեր, որոնք մի քանի րոպեում լցվում են ջրով: Անձրեւաջրերը պարզապես անարգել թափվում են դպրոցով մեկ:

Տնտեսական մասի աշխատակիցները վաղ առավոտից զբաղված են լաթերով հատակը մաքրելու ու ջրով լցված դույլերը դատարկելու գործով, որը պարզապես անիմաստ աշխատանք է, քանի որ մի կողմից մաքրում են, մյուս կողմից ջուրը հեղեղում է դպրոցը: Ի դեպ, դպրոցի նկուղը եւս տարիներ շարունակ լցված է ջրով:

Խոնավություն, բորբոս, քարուքանդ եղած բետոնե կոնստրուկցիաներ ու ոչ միայն: Դպրոցը կանգուն է միայն մետաղական կոնստուկցիաների վրա: Տարիների ընթացքում դպրոցը գնալով դարձել է վթարային, իսկ հին ու նոր իշխանության ներկայացուցիչներն ամեն տարի խոստացել են, թե դպրոցի տանիքը կհիմնանորոգվի հաջորդ տարի, ու այսպես ավելի քան 10 տարի շարունակ:

Դպրոցի տնօրեն Գարիկ Քարհանյանը ՀԺ-ի հետ զրույցում անդրադառնալով խնդրին նշեց, որ ավելի քան 20 տարի է՝ ինչ շենքը գտնվում է ջրի մեջ. «Դպրոցը կառուցվել է 1991թ-ին, ի սկզբանե ունեցել է հարթ տանիք, որը մեր պայմաններում չի արդարացնում: 2003թ-ին դպրոցի 4 մասնաշենքի տանիքը թիթեղապատվել է, իսկ մեջտեղի, շուրջ 2600 քմ հատվածը մնացել է հարթ, անձրեւները տանիքից լցվում են դպրոց ու հասնում մինչեւ նկուղ»,- ասաց նա:

Քարհանյանը, որը տնօրեն է նշանակվել 2011-ից, ասում է, որ ամեն տարի դիմել է վերադաս մարմիններին, պատասխանել են, որ նորոգման ծրագիրը ներառված է հրատապով կամ այլ ծրագրերում. «Վերջին անգամ դիմեցինք նախկին մարզպետ Հրանտ Մարգարյանին, հայտնեց, որ ներառված է 2019-ի մեջ, բայց… ամեն տարի նմանօրինակ պատասխան ենք ստացել»:

Չնայած ծայրահեղ վատ պայմաններին, դպրոցում մի շարք յուրօրինակ ու տարաբնույթ ծրագրեր են իրականացվում, դասապրոցեսը փայլուն է իրականացվում, ինչի վառ ապացույցը դպրոցի աշակերտների թվաքանակն է՝ անկախ դպրոցի կենցաղային վատ պայմաններից ու վթարային վիճակից:

Դպրոցում վերջերս բացվել է էկոդասարան, սմարթ դասարան, որտեղ հաճախում են 50-ից ավելի աշակերտներ, իրականացվում են հեռահար դասեր մարզի գյուղական համայնքների դպրոցներում, լեզուների խորացված ուսուցում է կազմակերպվում, համագործակցում են Դիլիջանի միջազգային դպրոցի հետ, առաջիկայում կհամագործակցեն ԱՅԲ դպրոցի հետ ու ոչ միայն:

Սրան զուգահեռ տնօրենը չի հերքում՝ դպրոցի սանիտարահիգիենիկ պայմանները շատ հարցերի են խոչընդոտում, ինչու ոչ նաեւ՝ աշակերտներին դպրոցից այլ դպրոց տեղափոխելու խնդրի են բախվել:

ՀԺ-ի հետ զրույցում աշակերտներն ու նրանց ծնողները խնդրում են Լոռու մարզպետ Անդրեյ Ղուկասյանին՝ մեկ անգամ այցելել դպրոց, նույն խնդրանքն ունեն նաեւ վարչապետից ու կրթության նախարարից՝ հուսալով, որ նոր իշխանության գալով իրենց դպրոցում եւս իրավիճակ կփոխվի, ու աշակերտները դպրոցում կշրջեն առանց անձրեւանոցների:

Տպել
5442 դիտում

Երեւան-Գյումրի գնացքի տոմսերի համար 3-4 ժամ հերթ են կանգնում, տոմսեր վաճառում են միայն բողոքներից հետո. ահազանգ

Գյումրու Սև բերդում տեղի է ունենում «Մեր ժամանակների հերոսը» խորագրով մրցանակաբաշխությունը. ուղիղ

Բացահայտվել է 73 մլն դրամի էլեկտրաէներգիայի ապօրինի օգտագործմամբ կրիպտոարժույթի արտադրություն իրականացնելու դեպք

28 տարի առաջ այս օրը մենք ինքներս ենք որոշել ապրել անկախ Հայաստանի Հանրապետությունում. Արարատ Միրզոյան

Սեպտեմբերի 21-ը հայ ժողովրդի համար դարձավ նոր ճանապարհի սկիզբ. Բակո Սահակյանը շնորհավորել է Նիկոլ Փաշինյանին

Գյումրու Սեւ բերդ ամրոցում մեկնարկում է «Մեր ժամանակների հերոսը» մրցանակաբաշխությունը (լուսանկարներ)

«Արսենալ»-ը շնորհավորել է Հայաստանի անկախության տոնը

Վարչապետը հարգանքի տուրք է մատուցել Հայրենիքի անկախության համար իրենց կյանքը զոհաբերած հայորդիների հիշատակին

Ինչպիսին կլինեն տոնական միջոցառումները Գյումրիում ու Երեւանում. ժամանակացույց

Ինչո՞ւ են նախկինները գործում կամիկաձեների դեմ

Մամեդյարովի հետ հանդիպումից առաջ Զոհրաբ Մնացականյանը հանդիպել է Արցախի ԱԳ նախարարի հետ

ԵՄ-ի և ՎԶԵԲ-ի աջակցությամբ Հայաստանում բացվում է մասնավոր բաժնեմասնակցային ներդրումային ֆոնդ` 70 մլն եվրո ներգրավմամբ

Արման Սարգսյանը դիրքեր է ճանապարհել ոստիկանության զորքերի ծառայողներին (տեսանյութ)

Արարատի մարզի Նորամարգ գյուղում այրվել է մոտ 200 հակ անասնակեր

ՀՀ կառավարությունը որդեգրել է նորարարական և ներառական տնտեսություն կառուցելու ուղին. Տիգրան Ավինյան

Հանրայինն ունի իր հայեցողությամբ վերահեռարձակող ընտրելու իրավունք. Արա Շիրինյանի պատասխանը՝ Օղլաղչյանին

Իջեւանում՝ մարզպետարանին հարող կամրջից մինչև հիվանդանոցին հարող կամուրջ կտեղադրվեն լեդ լուսատուներ

Գյումրու դրամատիկականը «Թռիչք»-ով բացեց 154-րդ թատերաշրջանը

Աննա Հակոբյանը տեսակցել է շենքի 6-րդ հարկից ընկած 2․5 տարեկան Արվին Վիքսոմին (լուսանկարներ)

Արցախի Հադրութի շրջանի եւ Ֆրանսիայի Իզեր նահանգի միջեւ ստորագրվել է բարեկամության հռչակագիր. Արցախի ԱԳՆ