Ուզում ենք, որ նավթի գները բարձրանա՞ն, թե՞ իջնեն. Նիկոլ Փաշինյանը՝ Վարդան Արամյանին

Ազգային Ժողովի «Ելք» խմբակցության ղեկավար Նիկոլ Փաշինյանը ԱԺ հանձնաժողովների համատեղ նիստում ՀՀ 2016 թվականի պետական բյուջեի կատարողականի քննարկման ժամանակ ֆինանսների նախարար Վարդան Արամյանին հարցեր ուղղելուց առաջ մի դիտարկում կատարեց:

Պատգամավորի խոսքով՝ միջազգային շուկայում նավթի գների տատանման վերաբերյալ տարբեր կարծիքներ են հնչում: «Տնտեսական բլոկի ներկայացուցիչները, կարծես թե, մի փոքր տխուր են արձանագրում նավթի գների անկումը Ռուսաստանի տնտեսության հետ կապված, տրանսֆերտների եւ այլն, ինչն ազդում է Հայաստանի տնտեսության վրա: Անվտանգության եւ քաղաքականության ոլորտի ներկայացուցիչները, կարծես թե, ուրախ են խոսում նավթի գների անկման մասին, որովհետեւ մեկնաբանվում է, որ Ադրբեջանի եկամուտները, նավթադոլարները, պակասում են»,- ասաց Նիկոլ Փաշինյանն ու հետաքրքրվեց նախարարից, թե ի՞նչ ենք մենք ուզում, ուզում ենք, որ նավթի գները բարձրանա՞ն, թե՞ իջնեն:

Պատգամավորի երկրորդ հարցը վերաբերվում էր արտաքին պարտքի սպասարկման վերաբերյալ անհրաժեշտ ֆինանսական միջոցների հատկացմանը: Նիկոլ Փաշինյանը հիշեցրեց, որ 2015 թվականին Վերահսկիչ պալատն արձանագրել էր, որ արտաքին պարտքի սպասարկման համար պետք է 1 միլիարդ դոլար: «Վերջին տարիներին այս մասին կառավարությունից կոնկրետ պատասխան չենք ստանում: Արդյո՞ք այս գնահատականը դուք կիսում եք եւ առաջիկայում՝ 2020 թվականին, արտաքին պարտքի սպասարկման համար անհրաժեշտ է լինելու 1 միլիարդ դոլար եւ առաջիկա 5 տարիներին: Ո՞ր թվականին է լինելու արտաքին պարտքի սպասարկման պիկը»,- հարցրեց Նիկոլ Փաշինյանն ու խնդրեց նախարարին, որպեսզի ներկայացնի բյուջեի եկամուտների եւ ծախսային մասով թերակատարման կառուցվածը:

Ֆինանսների նախարար Վարդան Արամյանը պատասխանելով պատգամավորի առաջին հարցին՝ նշեց, որ կապ կա նավթի գների եւ Հայաստան եկող տրանսֆերտների միջեւ: «Տրանսֆերտները լավ են, թե՝ վատ, որպես տնտեսագետ կարծում եմ, որ տրանսֆերտները մեղմում են հասարակության մեջ սոցիալական խնդիրները, բայց իրականում այլ պրոբլեմ է առաջացնում: Սա միջազգային վերլուծական ակադեմիական աշխարհն է ասում: Դա ստեղծում է քիչ աշխատելու հակվածություն»,- ասաց Վարդան Արամյանը՝ նշելով, որ երկրորդ խնդիրը, որը առաջացնում են տրանսֆերտները, առանց արտադրողականության բալանսային աշխատավարձի բարձրացումն է: «Իհարկե, ցանկանում ենք նավթի ցածր գին, որպես տնտեսագետ ցանկանում եմ ավելի քիչ տրանսֆերտներ տեսնեմ տնտեսությունում, եւ հիմնականում մեր տնտեսական աճը լինի ոչ թե տրանսֆերտներով ուղղորդված տնտեսական աճ, այլ մեր արտադրողականությամբ»,- հայտարարեց ֆինանսների նախարարը:

Անդրադառնալով արտաքին պարտքի սպասարկման հարցին, Վարդան Արամյանն ասաց, որ 2020 թվականին արտաքին պարտքի սպասարկման չափը նախատեսված է 500 միլիոն դալար: «Եթե մեզ հաջողվի միջինը 5 տոկոս տնտեսական աճ ապահովել, այո՛, մենք կարող ենք այդ 500 միլիոնը մարել; Իմաստը՞, ինչի համար մարենք»,- ասաց Վարդան Արամյանը՝ նշելով, որ կախված տնտեսական աճից կառավարությունը կարող է արտաքին պարտքի վերաթողարկում իրականացնել:

Ֆինասների նախարարը նշեց, որ պետական բյուջեի ծախսերը թերակատարվել են շուրջ 10 միլիարդ դրամի չափով, իսկ եկամուտները շուրջ 100 միլիարդ դրամի չափով: «Արդյո՞ք անհրաժեշտ էր, որ մենք ցանկացած ջանքով այդ 100 միլիարդ դրամը ետ բերեինք, իհարկե՝ ոչ, որովհետեւ այդ 100 միլիարդը մենք սկսելու էինք բերել տնտեսությունից, որտեղ այդ գումարը չի ստեղծվել»,- ասաց Վարդան Արամյանը:

Տպել
17441 դիտում

Հրդեհ Երեւանում. փրկարարները բնակարանից դուրս են բերել երեխաներին

Ողբերգական դեպք Երևանում․ «Սուրբ Գրիգոր Լուսավորիչ» բժշկական կենտրոնում 1,5 ամսական աղջնակ է մահացել

Գառնիի բնակարաններից մեկի նկուղում թմրանյութ է հայտնաբերվել

«Գիշեր էր: Մենք բախվեցինք փայտի մի մեծ կտորի».Վրաստանում ձկնորսական նավ է խորտակվել

«ԵՄ-ն շարունակելու է աշխատել հանուն Լեռնային Ղարաբաղի հակամարտության խաղաղ կարգավորման». Մոգերինի

Քաղաքական դաշտի որակը մտահոգիչ է․ իսկական ընդդիմություն է պետք

Ստեփանավան-Բերդ ավտոճանապարհին ավտոմեքենա է այրվել

ՀՀ պաշտպանության նախարար Դավիթ Տոնոյանն այցելել է զինվորական հոսպիտալ

Երեւանում Nissan March-ը բախվել է ծառին, հետո՝ գազատարին. կա 4 տուժած

Արցախում հարգանքի տուրք է մատուցվել Սպիտակի երկրաշարժի զոհերի հիշատակին

«Զվարթնոց» օդանավակայանում հայտնաբերվել է գումարով պայուսակ

Լոռու մարզում ՀՀ վարչապետը ներկայացրել է աղետի գոտու բնակարանաշինության ծրագրերը (լուսանկարներ)

Ո՞ւմ է պետությունը բնակարան պարտք, ինչո՞ւ օգտվել սուբվենցիոն ծրագրերից. վարչապետը պատասխանել է շիրակամուտցիների հարցերին

Ինչ անել երկրաշարժից առաջ, հետո, և հատկապես՝ ցնցումների ժամանակ

Գեւորգ Լոռեցյանը, նրա վարորդը եւ ֆուտբոլային ակումբներից մեկի նախագահը կալանավորվել են

Թալանել են ՀՀ ԱԺ «Լուսավոր Հայաստան» խմբակցության պատգամավոր Հրանտ Այվազյանի ավտոմեքենան

Կոտայքի մարզի Նոր Երզնկա գյուղի տներից մեկում հրդեհ է բռնկվել, բնակիչները ծխահարվել են

«Բրատիսլավան Մինսկի խմբի համանախագահների շուրթերով Ադրբեջանին ասաց՝ ոչ». քաղաքագետ

Ֆինանսների նախարարությունը պարգևատրումներ կտա աշխատակազմի թվի փոփոխության հաշվին արված տնտեսումով

Զինված հարձակում Բաղդադում. կա 16 զոհ