Երևան
28 °C
Դեկտեմբերի 29-ին Ադրբեջանը հերթական դիվերսիոն հարձակումն իրականացրեց, այս անգամ ՀՀ Տավուշի մարզի Չինարի գյուղի ուղղությամբ: Միջադեպի մանրամասները հայտնի են, երեք զոհ հայկական կողմում, ադրբեջանցու մեկ դի ՀՀ տարածքում, եւ ՀՀ ՊՆ-ի պնդումը, թե հակառակորդը եւս վեց զոհ է ունեցել:
ՀՀ ԶՈՒ գլխավոր շտաբի պետ Մովսես Հակոբյանը այս կիրակի Հանրապետական հավաքակայանում լրագրողների հետ զրույցի ժամանակ դեպքի հետ կապված հետեւյալ մեկնաբանությունն արեց. «Այն, ինչ տեղի է ունեցել 3-րդ բանակային կորպուսի ուղղությամբ, մանրամասն վեր է լուծվել: Կարող ենք միայն ասել, որ հակառակորդը, որը խնդիր է իրականացրել, խոցվել է մեր կողմից, եւ դին գտնվում է մեզ մոտ, մնացած գործողությունները գաղտնի են: Ընդհանուր կարող եմ ասել, որ խումբը, որը մեկնել է օգնելու, բավականին հմուտ է եղել եւ հնարավորություն չի տվել հակառակորդին մինչեւ վերջ իր նպատակն իրականացնել»:
Դատելով Հակոբյանի մեկնաբանությունից եւ հենվելով ադրբեջանական հայտնի ձեռագրի վրա, կարող ենք ենթադրել, որ դեկտեմբերի 29-ի դիվերսիոն ներթափանցման փորձի նպատակը եղել է Թալիշում տեղի ունեցածի կրկնությունը: Եթե օգնության մեկնած խումբը չկարողանար կանխել վերջնական նպատակի իրականացումը, Չինարիի բնակիչները կարող էին ուղիղ հարվածի տակ հայտնվել, ինչպես եղավ Թալիշի ծերունիների հետ:
Սա սարսափելի վարկած է, սակայն իրականությունից հեռու չէ: Իսկ դա նշանակում է, որ ապրիլյան պատերազմից հետո ղարաբաղաադրբեջանական շփման գծի վերազինման գործողությունները պետք է շատ արագ նաեւ իրականացվեն հայաստանաադրբեջանական սահմանի ողջ երկայնքով: Իհարկե, նման հրատապության անհրաժեշտություն չէր առաջանա, եթե ի վերջո կատարվեին քառօրյայից հետո Վիեննայում եւ Սանկտ Պետերբուրգում նախագահների մակարդակով ձեռք բերված պայմանավորվածությունները: Սակայն, թերեւս, ավելի շուտ մենք Ադրբեջանի հետ սահմանների ողջ երկայնքը կվերազինենք նոր տեխնիկայով, քան Կասպրշիկի գրասենյակը կընդլայնվի, կամ միջադեպերի հետաքննության միջազգային մեխանիզմներ կներդրվեն այնտեղ:
Եվ, այնուամենայնիվ, դեկտեմբերի 29-ի միջադեպը եւս մեկ անգամ առիթ հանդիսացավ, որ հայկական կողմն ապացուցի, որ հետաքննության մեխանիզմների ներդրումն առաջնային անհրաժեշտություն է, եւ պետք է օր առաջ կյանքի կոչել Վիեննայի եւ Սանկտ Պետերբուրգի պայմանավորվածությունները: Այս մասին ասվում էր ՊՆ-ի եւ ԱԳՆ-ի հայտարարություններում:
Չինարիի միջադեպը թերեւս իր տեսակի մեջ առաջինն էր, որի շուրջ լուրջ դիվանագիտական սկանդալ բարձրացավ: Որպես կանոն՝ յուրաքանչյուր նման դեպքից հետո Հայաստանում մեծ քննարկում է ծավալվում, թե ինչու ՀԱՊԿ-ն չի անդրադառնում դրանց, հայտարարություն չի անում, չի դատապարտում Ադրբեջանի ոտնձգությունները կազմակերպության անդամ Հայաստանի նկատմամբ: Սույն հարցը բարձրացվեց անգամ Սերժ Սարգսյանի կողմից ՀԱՊԿ գագաթնաժողովներից մեկի ժամանակ, երբ նա իր ելույթում դաշնակից երկրներին նախատեց, որ նման իրավիճակներում հեռախոսը չեն վերցնում եւ չեն հետաքրքրվում, թե ինչ է կատարվում բարեկամ երկրում:
Հայաստանն արդեն երկար ժամանակ ապարդյուն աշխատանքներ է տանում սույն կազմակերպությունում իր դիրքերն ավելի շահեկան դարձնելու, լուրջ ազդեցություն եւ աջակցություն ձեւավորելու ուղղությամբ:
Դեկտեմբերի 29-ին ՀԱՊԿ գլխավոր քարտուղար Նիկոլայ Բորդյուժան սկանդալային հայտարարություն արեց Չինարիի միջադեպի կապակցությամբ: Նա կատարվածն անվանեց ՀԱՊԿ անդամ երկրի տարածքում տեղի ունեցած սադրիչ գործողություն եւ հայտարարության մեջ նշեց «Լեռնային Ղարաբաղի Հանրապետություն»: ՀԱՊԿ պաշտոնական կայքում հրապարակված սույն հայտարարության շուրջ պաշտոնական Բաքուն մեծ աղմուկ բարձրացրեց: Պաշտոնական Երեւանը նույնպես մեծ նշանակություն տվեց այս հայտարարությանը: Եվ իսկապես այն կարող էր շատ կարեւոր համարվել, ազդարարեր ի վերջո ՀԱՊԿ-ում Հայաստանի դիրքերի որոշակի բարելավման մասին, եթե չլիներ մեկ հանգամանք:
Նիկոլայ Բորդյուժան հայտարարությունն արեց այդ պաշտոնում իր պաշտոնավարման ավարտից մեկ օր առաջ: 2015-ի վերջին Բորդյուժայի պաշտոնավարման ժամկետը երկարացվել էր մինչեւ 2017-ի հունվարի 1-ը, իսկ ՀԱՊԿ վերջին`դեկտեմբերի 26-ի գագաթնաժողովում այն կրկին երկարացնելու որոշում չէր կայացվել, ինչը նշանակում էր, որ հունվարի 1-ից նա հեռանալու է:
ՀՀ ԱԳՆ խոսնակ Տիգրան Բալայանը դեկտեմբերի 29-ին «Արմենպրեսի» հարցին ի պատասխան ասաց, որ ՀՀ ԱԳՆ-ն համապատասխան միջոցառումներ է ձեռնարկում Տավուշի մարզում ադրբեջանական զինուժի կողմից դիվերսիոն ներթափանցման փորձի հետ կապված: Այնուհետեւ եղավ ՀՀ ԱԳՆ հայտարարությունը, որով պաշտոնական Երեւանը միջազգային հանրությունից կատարվածի վերաբերյալ կոնկրետ արձագանք էր ակնկալում: Եվ ԱԳՆ հայտարարությունից շատ չանցած, նաեւ` ԱԳՆ-ի ձեռնարկած միջոցառումների արդյունքում, հրապարակվեց ՀԱՊԿ հեռացող գլխավոր քարտուղարի հայտարարությունը:
Թերեւս, մի քանի փաստական տվյալ ներկայացնելով, ինչպես ադրբեջանցի դիվերսանտի դիակի լուսանկարն է, պետք է որ դժվար չլիներ մեկ օրից պաշտոնը լքող Բորդյուժայի հետ բանակցել ընդհուպ մինչեւ հայտարարության կոնկրետ ձեւակերպումների շուրջ:
Եվ, այնուամենայնիվ, Բորդյուժայի հայտարարությունն ավելի շուտ ՀՀ ԱԳՆ-ի վրիպումն էր, քան՝ ձեռքբերումը: Իսկ ամենամեծ սխալը «Լեռնային Ղարաբաղի Հանրապետություն» ձեւակերպման գայթակղությանը տրվելն էր: Արդյունքում`գուցեեւ կարճաժամկետ կտրվածքով Բորդյուժայի հայտարարությունը հարված էր Բաքվին եւ որոշակի ձեռքբերում Երեւանի համար, սակայն իսկապես խիստ կարճաժամկետ կտրվածքով:
Այսօր արդեն ո՛չ Բորդյուժան կա ՀԱՊԿ գլխավոր քարտուղարի պաշտոնում, ո՛չ էլ նրա հայտարարությունը` ՀԱՊԿ պաշտոնական կայքում: Կայքը փակ է տեխնիկական վերազինման պատճառով: Ամեն ինչ հուշում է, որ բացվելուց հետո Բորդյուժայի հայտարարությունը այնտեղ չի լինի (կամ կլինի որոշակի խմբագրմամբ):
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
Բեռլինում կայացել է Շոլց-Ալիև հանդիպումը
Աննա Հակոբյանը լուսանկարներ է հրապարակել Գյումրի կատարած այցից
Ռուսաստանը նամակ է ուղարկել Հայաստան. այն հասել է Ազգային ժողով
ՆԱՏՕ-ից Ուկրաինային տրամադրված և ՌԴ-ի կողմից գրավված տեխնիկան բերվել է ցուցադրության (լուսանկարներ, տեսանյութ)
Շուրջ երկու տասնյակ ավտոմեքենա է տեղափոխվել տուգանային հրապարակ. վարորդները պատասխանատվության կենթարկվեն
Ապագայի շատ կոնկրետ նախագիծ է դրվում սեղանին, Հայաստանի լինելիության հարցն է լուծվում. վարչապետ (տեսանյութ)
Դիլիջանում կին վարորդը «Տոյոտա»-ով բախվել է կայանված «Մերսեդես»-ին, այնուհետ՝ գլխիվայր շրջվել
Փոխվարչապետն ու ՎԶԵԲ տարածաշրջանային տնօրենը կարևորել են Երևանում եվրոպական բանկի տարեկան հանդիպման կազմակերպումը
Բագրատ սրբազանն օգտագործում է նույն խոսույթը, ինչ ՀԱՊԿ-ը, որն իրականում աղետ է Հայաստանի համար. Տարոն Չախոյան
ՀՀ-ն իր էներգառեսուրսը պետք է գնի այնտեղից, որտեղ ամենաէժանն է ու շահավետը. Թունյանը՝ Ադրբեջանից գազ գնելու մասին
Մի քանի օրից կարճատև տեղումները կվերադառնան Երևանում ու մարզերում
ՀՀ ֆինանսների նախարարն ու ԵՄ դեսպան Մարագոսը քննարկել են բռնի տեղահանված անձանց խնդիրները
Երևան-Էջմիածին ճանապարհի երթևեկությունը վերականգնվել է. ՆԳՆ-ն հայտնել է՝ ինչ վիճակ է մայրաքաղաքի փողոցներում
Մեծ Բրիտանիայի քրիստոնյա առաջնորդները կառավարությանը կոչ են արել ճանաչել Հայոց ցեղասպանությունը
ԼՂ-ի հայկական ներկայության բոլոր հետքերը ջնջելն Ալիևի վարչակարգի նախագիծն է․ Պետել
Մարմնամարզության երիտասարդների ԵԱ. Համլետ Մանուկյանն ու Մամիկոն Խաչատրյանը եզրափակչում են
Հաստատվել է ՄԻԵԴ-ի դատավորի պաշտոնում Հայաստանի թեկնածուների ցանկը
Ալիևը Գերմանիայում է. ինչ են քննարկելու Ադրբեջանի նախագահն ու Գերմանիայի կանցլերը
Եղբայրները հարվածել են Կառավարության դռանը, ջարդելով, գույքը վնասելով՝ ներխուժել շենք. նախաքննությունն ավարտվել է
Օտարերկրացի երիտասարդի մոտ թմրամիջոց է հայտնաբերվել. վերջինս ձերբակալվել է (տեսանյութ)
Բելառուսը հրապարակել է ռազմական դոկտրին, համաձայն որի՝ ագրեսիայի դեպքում օգնություն կցուցաբերի ՀԱՊԿ անդամներին
Բռնցքամարտի Եվրոպայի առաջնությունում Հայաստանը եզրափակչի 2 մասնակից կունենա
Երևանում ապամոնտաժվել է շուրջ 10.500 ինքնակամ գովազդ (տեսանյութ)
ԼՂ-ում տեղակայված թուրք-ռուսական համատեղ մշտադիտարկման կենտրոնը դադարեցրել է իր գործունեությունը
Երևանում փակ փողոցներ չկան․ ՆԳՆ ոստիկանություն
Ծեծկռտուք Երևանի դպրոցներից մեկում․ 14-ամյա տղաները ծեծել են համադասարանցուն, վերջինս տեղափոխվել է հիվանդանոց
Ինչպես օտարերկրյա քաղաքացիները պետք է մուտք գործեն «Ֆիզիկական անձանց էլեկտրոնային ծառայությունների միասնական համակարգ»
Նավուրի ճանապարհին իրականացվելու են հորատապայթեցման աշխատանքներ
Հայաստանում նոր ԱԷԿ-ի կառուցման հետազոտություններին ներգրավված են նաև ամերիկյան կազմակերպություններ. ՏԿԵ փոխնախարար
Երևանը դիտարկում է Հայաստանի ու Ադրբեջանի ԱԳ նախարարների հանդիպում կազմակերպելու Ղազախստանի առաջարկը. ԱԳՆ
Ոստիկանություն դիմած ռուս կանայք հայտնել են, թե «Հաղթանակ» զբոսայգու սեփականատերը հարվածել է իրենցից մեկին, թքել դեմքին
Վանաձորի նախկին քաղաքապետը կշարունակի մնալ կալանքի տակ
Պուտինը վերընտրվելուց հետո առաջին պաշտոնական այցը կկատարի. նա նշել է՝ որ երկիր է մեկնելու
Կոնվերս Բանկը միացել է Career City Fest-ին
Արաբական երկրները մերժել են Գազայի հարցով Թուրքիայի առաջարկը
© 2024 Հայկական ժամանակ