Վարչապետի հետ որպես փոխնախարար չեմ շփվում. Կարեն Կարապետյանի փեսա

Արդեն տեղեկացրել ենք, որ ՀՀ էներգետիկ ենթակառուցվածքների եւ բնական պաշարների նախարարությունը քաղաքացիական հասարակության եւ մասնավոր հատվածի հետ համատեղ պատրաստվում է Հայաստանի սահմանային գյուղերում սովորական լամպերն անվճար փոխարինել Լեդ լուսադիոդային լամպերով: Առաջին գյուղը, որ ամբողջությամբ անցել է Լեդ լամպերի կիրառմանը ԼՂՀ-ի Աստղաշեն գյուղն է եղել: Նշենք, որ Աստղաշեն գյուղը ՀՀ վարչապետ Կարեն Կարապետյանի ծննդավայրն է:

 ՀՀ էներգետիկ ենթակառուցվածքների եւ բնական պաշարների փոխնախարար Հայկ Հարությունյանից, որը վարչապետ Կարեն Կարապետյանի փեսան է, հետաքրքրվեցինք.

- Ինչպե՞ս է ստացվել, որ առաջին գյուղն ընտրվել է հենց Աստղաշենը:

- Այդ գյուղն արվեց հենց Կարեն Կարապետյանի աջակցությամբ, երբ որ ինքը մասնավոր սեկտորում էր:

- Այսինքն՝ ինքն ի սկզբանե մասնակցությո՞ւն ունեցավ այս ծրագրում:

- Այո, որպես առաջին պիլոտ, որը մենք օգտագործեցինք բոլորին ցուցադրելու, որ կարելի է նման ծրագիր՝ «Լուսավոր սահման», ծրագիր սկսել, այդ ծրագրի հիմքում նաեւ եղավ այդ ամեն ինչը: Ինքն անձամբ տեսել է ծրագրի արդյունքները եւ, կարծում եմ, որ ինքն էլ կաջակցի:

- Հաշվի առնելով ձեր կապը Կարեն Կարապետյանի ընտանիքի հետ….

- Չեմ կարծում, որ այստեղ որեւէ կապ ունի:

- Երբ այդ ծրագիրն իրականացրել եք վարչապետը դեռ Կարեն Կարապետյանը չէր, ինչպե՞ս եք ստեղծել այդ կապը:

- Եկեք չանձնականացնենք այս ծրագիրը: Եկեք, ընդհանրապես, այդ թեմայի մասին չխոսենք: Մի քիչ տհաճ էլ է, որ մենք այդ հարթակում ենք դիտարկում այս լավ ծրագիրը: Այն ժամանակ ինքը եղել է մասնավոր սեկտորում, տեսել է լավ ծրագիր է, աջակցել է: Ես եմ առաջարկել, ինքն աջակցել է որպես մասնավոր նախաձեռնություն արել է, արդյունքները շատ լավ է եղել: Ես այդ արդյունքներն օգտագործել եմ, բոլորին համոզել եմ, որպեսզի միանան, հիմա ստացվել է բավականին լավ ծրագիր ու շատերը կմիանան դրան:

- Հետագա ծրագրերում կա՞ նրա աջակցությունը:

- Կարծում եմ՝ կլինի:

- Քննարկում ունեցե՞լ եք որպես փոխնախարար:

- Ես որպես փոխնախարար իր հետ չեմ շփվում, շփվում եմ նախարարի հետ:

- Նախարարն էլ կառավարության ղեկավարի՞ հետ:

- Երբ այս ծրագիրը թափ հավաքի, դուք կարծում եմ՝ կառավարությունից կլսեք աջակցությունն այս ծրագրի մասին:

- Դուք փոխնախարար եք սկսել աշխատել Հովիկ Աբրահամյանի կառավարության ժամանակ, Երվանդ Զախարյանն էր այն ժամանակ Էներգետիկայի եւ բնական պաշարների նախարարը, ապա Լեւոն Յոլյանը, հետո արդեն նոր կառավարությունը՝ ի դեմս Կարեն Կարապետյանի, ապա նոր նախարար եւ դուք շարունակում եք մնալ փոխնախարար: Կապ կարո՞ղ է ունենա վարչապետի անձը այս պաշտոնում ձեր  պաշտոնավարման շարունակական լինելու հարցում:

- Միայն ես չեմ մնացել, մեր նախարարությունում փոխնախարարների կազմի փոփոխություն ճիշտ է եղել է, բայց այնպես չի, որ բոլորը փոխվել են: Եթե, դուք ինքներդ նշեցիք, որ փոխվել է եւ ես արդեն իմ երրորդ նախարարի հետ եմ աշխատում (ծիծաղում է, հեղ.), նախկինում նաեւ Արմեն Մովսիսյանի հետ եմ աշխատել Մեծամորում, իմ գործի գնահատականը տալիս են նախարարները: Եթե դժգոհություն լիներ, ես չեմ կարծում, որ հիմա իմ պաշտոնում կլինեի:

-Հայաստանում գործում է ծանոթ-բարեկամ-խնամի…

-Դուք ինքներդ…, եկեք էլ «վսյո», էս թեմայով չենք խոսում: Ես այս պաշտոնին եմ երկու ու կես տարի կամ ու ես ոչ մի քայլ հետ առաջ այս հարթության (նկատի ունի վարչապետի գործոնը) արդյունքում չի եղել եւ խնդրում եմ այս հարցն ավարտում ենք: Իմ համար, անկեղծ ասած, տհաճ է:

- Տհաճ է խոսել այդ թեմայի՞ց:

-Տհաճ է խոսել այդ թեմայով, որովհետեւ այսօր լրիվ ուրիշ թեմա է: «Լուսավոր սահման» նախաձեռնությունն է, դուք եկել եք իմ անձնական խնդիրներից եք…:

- Անձնական չի:

- Շատ անձնական է:

- Այսինքն՝ փոխնախարարի եւ վարչապետի պաշտոնի մասին հարց տալն անձնական խնդի՞ր եք դիտարկում:

- Չէ, դուք անձնական հարթակում եք դիտարկում:

Բացարձակապես:

- Դե, եթե անձնական հարթակում չեք դիտարկում, ես ասում եմ՝ ես շփվում եմ նախարարի հետ, նախարարը շփվում է վարչապետի հետ: Դրանով թեման փակում ենք:

Տպել
4193 դիտում

Ի՞նչ արժեն մեր մատնահետքերը. փող տպելու մեքենա

«Մի բուռ ոսպով, առանց յուղի». նրանց կյանքը ուրիշ է

Բացահայտվել են օտարերկրացիների կողմից երեխաների ապօրինի որդեգրման բազմաթիվ դեպքեր (տեսանյութ)

Մեր աղոթքն ենք մատուցում համայնքի հոգևոր հովվի և նրա հոր հոգիների խաղաղության համար. Գարեգին Բ

Ապարանի ոստիկանները ապօրինի ծառահատման դեպք են բացահայտել (տեսանյութ)

Հայտնաբերվել է Արենիին պատկանող և 2 մլն դրամ արժողությամբ խողովակները գողացած անձը (տեսանյութ)

Նոյեմբերի 14-ին Աջափնյակի մի շարք հասցեներում 12 ժամով կդադարեցվի ջրամատակարարումը

Դավադիրներ կարող են լինել, դավադրություն՝ երբեք

Կլինեն նոր ծրագրեր, նոր դասագրքեր, քիչ տնային աշխատանք․ մշակվել են հանրակրթության պետական նոր չափորոշիչներ

Մեղավորները շինարարական կազմակերպություններն են. Եղեգնաձորի համայնքապետը արձագանքում է Նիկոլ Փաշինյանի դիտողություններին

1983թ.-ին ծնված Վիգեն Գ.-ի ինքնասպանության փորձը կանխվել է. ԱԻՆ

ԱՄՆ-ում Սպիտակ տան դիմաց բողոքի ցույց է ընթանում՝ ընդդեմ Թրամփ-Էրդողան հանդիպման (ուղիղ)

Վայոց ձորի մարզի Զառիթափ գյուղում մոտ 1 հա բուսածածկույթ է այրվել. ԱԻՆ

Լոռու մարզի Կաթնաղբյուր գյուղի վերջնամասում մոտ 30 հա խոտածածկույթ է այրվել. ԱԻՆ

Ակադեմիկոս Յուրի Հովհաննիսյանը դարձել է Դեմիդովի մրցանակի դափնեկիր

ՀՖՖ նախագահ Արթուր Վանեցյանը հանդիպել է Հայաստանի ազգային հավաքականի հետ (տեսանյութ)

Մենք պետք է ունենանք ոչ միայն լավ երաժիշտներ, այլեւ լավ երաժշտությունը պրոպագանդողների ակտիվ շրջանակ. Տիգրան Մանսուրյան

Փոխվարչապետ Տիգրան Ավինյանն ընդունել է Գերմանիայի դեսպանին

ԵՄ-ն իր անվտանգության համար ստիպված է համագործակցել Թուրքիայի հետ. Հունգարիայի արտգործնախարար

«Forbes»-ը բացահայտել է՝ ինչ ինքնաթիռներ ունեն հայկական ծագմամբ ռուս գործարարները