Ամուսնու կալանավորվելուց հետո 5 երեխայի հետ դրսում մնացած կինն Էջմիածնում տուն է վարձել

Մանկահասակ երեխաների, այդ թվում 5 ամսական դստեր հետ Աբովյան փողոցում մուրացկանությամբ զբաղվող կինը համացանցում բարձրացած աղմուկից հետո հավաքված գումարով կարողացել է Էջմիածնում տուն վարձակալել: Այդ մասին մեզ հետ զրույցում տեղեկացրեց ինքը՝ Մարինա Սարգսյանը:

Օրերս համացանցում տարածվել էր այս ընտանիքի 5-րդ երեխայի՝ 5 ամսական Մարիամի լուսանկարը եւ տեղեկությունը, որ նրա համր մայրն իր երեխաների հետ ապրում է Աբովյան փողոցում: Նշվում էր, որ նրանց հայրը Սարի թաղում հուլիսին տեղի ունեցած բախումների ժամանակ ձերբակալվել է, իսկ վարձով ապրող ընտանիքը, զրկված լինելով կերակրող, պաշտպանող ձեռքից, հայտնվել է փողոցում՝ անճար ու անօգնական վիճակում:

Փորձեցինք զրուցել այս ընտանիքի ավագ դստեր՝ Սյուզաննայի հետ՝ հաշվի առնելով, որ մայրը համր է: Պարզվեց՝ մայրը համր չէ, այլ այդպես է ձեւացել՝ «մարդկանց հետ կոնտակտի մեջ չմտնելու համար»: Պարզվեց նաեւ, որ նրա ավագ դստեր անունն էլ իրականում ոչ թե Սյուզաննա է, այլ՝ Ռիմա: Իրականում Մարինա Սարգսյանը ոչ թե 3 երեխա ունի (Աբովյան փողոցում նրա հետ միայն 3-ն էին եղել), այլ՝ 5: Ռիման 11 տարեկան է, Միլենան՝ 10, Գեւորգը՝ 8, Դիաննան՝ 3, իսկ Մարիամը՝ 5 ամսական:

Մեզ հետ զրույցում Մարինան ասաց, որ արդեն 3 օր է՝ ապրում են Էջմիածնում վարձակալած տանը. «Մեզ օգնեցին, գումար տրամադրեցին, տունը վարձակալել ենք Էջմիածնում: Մեկ ամսվա վճարը տված է, եթե գումարով օգնեն, կվճարենք երկրորդ ամսվա գումարը, մինչեւ տեսնենք ոնց կլինի: Հավաքված մնացած գումարով մի քիչ ուտելիքի խնդիր ենք լուծել: Կային մարդիկ, որ հագուստով են օգնել»,- ասաց երիտասարդ կինը՝ ընդգծելով, որ մինչ այդ Մասիվում վարձած բնակարանում են ապրել, սակայն ամուսնու՝ Էդուարդ Սրապյանի ձերբակալվելուց հետո իրենց հանել են տնից՝ վարձը չտալու պատճառով:

Մեր հարցին, թե ամուսինն ինչո՞ւ է կալանավորվել՝ Մարինա Սարգսյանն ասաց, որ Սարի թաղի միտինգներին է մասնակցել: «Ընկերոջ հետ միտինգին է եղել, մի ոստիկանի է հարվածել, դա գիտենք միայն»,- ասաց նա: Հարցին՝ ամուսինն իրո՞ք ոստիկանի է հարվածել, թե՞ ոստիկանությունից են իրեն այդպես ասել՝ Մարինան պատասխանեց. «Ոստիկաններն են ասել մեզ»: 

Նա նշեց նաեւ, որ մինչ այժմ ամուսնուն չի կարողացել այցելել՝ գումար չունենալու պատճառով: Հիմա էլ, երբ նրա խոսքով փաստաբան տրամադրելու հնարավորություն կա՝ ամուսնու տեղը չգիտի: «Փաստաբան պիտի տրամադրեն, որոնում են, տեսնեն որ բանտում է, որ անվճար փաստաբան տրամադրեն»,- նշեց կինը: Մարինա Սարգսյանի խոսքով ամուսինը մինչ կալանավորվելն աշխատել է շինարարությունում:

Ի դեպ, ՀՀ Արդարադատության նախարարության քրեակատարողական վարչության մամուլի բաժնից մեզ հայտնեցին, որ «Նուբարաշեն» ՔԿՀ-ում Էդուարդ Սրապյան անունով կալանավոր չկա:

ՀՀ Քննչական կոմիտեից էլ տեղեկացանք, որ Սարի թաղի դեպքերի հետ կապված քրեական գործերով եւս նման անուն-ազգանունով անձ չի անցնում:

Տպել
3539 դիտում

ԱԺ «Իմ քայլը» խմբակցությունը փակ նիստ է անցկացնում

Իրանի Իսլամական Հանրապետության նախագահին հոկտեմբերի 1-ին սպասում ենք Երեւանում․ Փաշինյան

ՍԴ երկու անդամների հատուկ կարծիքի հրապարակումն ակնհայտ է դարձնում, որ ՍԴ-ն կայացրել է ապօրինի որոշում․ վարչապետ

Ադրբեջանական բանակը լայնածավալ զորավարժություններ է անցկացնում

Արթուր Ալեքսանյանը հրաժարվել է աշխարհի առաջնության եզրափակչին մասնակցելուց

Սեպտեմբերի 24-ից հոկտեմբերի 5-ը կանցկացվի աննախադեպ ծավալի ու բնույթի զորավարժություն. ՊՆ (տեսանյութ)

Գալիս եմ եզրակացության, որ Սաշիկը էդ ընտանիքի ամենաանմեղ դեմքն ա. Նիկոլ Փաշինյան

Վրաստանի նախագահի որդին աշխատանքի է անցել Էմանուել Մակրոնի վարչակազմում

Միքայել Մինասյանը սեփականաշնորհել է Լոռու մարզում գտնվող ստրատեգիական նշանակության շատ կարեւոր օբյեկտ․ վարչապետ

«Մեծ է Ձեր ներդրումը Հայոց ցեղասպանության ճանաչման ուղղությամբ». Արմեն Սարգսյանը հյուրընկալել է ԳԴՀ նախկին նախագահին

Չմոռանանք, որ մենք շատ երկար ժամանակ ընդդիմադիր դաշտում ենք գործել. Սեֆիլյանի և Չուգասզյանի հետ հանդիպման մասին

Արթուր Վանեցյանն ազատվել է ԱԱԾ տնօրենի պաշտոնից. նախագահի հրամանագիրը

Ինքն արդեն պետական պաշտոնյա չէ, եւ կարող է ցանկացած հայտարարություն անել. Փաշինյանը՝ Վանեցյանի մասին

Ոստիկանության «Զվարթնոց» օդանավակայանի բաժնի ծառայողները միջազգային մակարդակով հետախուզվողի են հայտնաբերել (տեսանյութ)

Ըմբիշ Չալյանն օլիմպիական ուղեգիր նվաճելուց հետո պարտվեց աշխարհի առաջնության կիսաեզրափակչում

Իմ հրաժարականը թող լինի «Կանգ ա՛ռ»-ի սթափեցնող քայլ. Վանեցյանի հայտարարությունը

ԱԱԾ տնօրենին ազատելու միջնորդագիրը ստորագրել եմ․ վարչապետ

Վեթինգ ասվածն ավելի շատ անունի վրա է ուշադրությունը կենտրոնացնում, քան բովանդակության. Փաշինյան

Ոստիկանները բացահայտել են ՀՊՏՀ-ի ռեկտորի նախկին պաշտոնակատարի ապօրինությունները (տեսանյութ)

Հիմա էլ կսկսեն ասել, թե Թեղուտի 50 տոկոս բաժնետերը իմ փոքրիկ Արփին է. Նիկոլ Փաշինյան