Կառավարության ծրագրին կողմ կքվեարկի ընդամենը 2 խմբակցություն

ԱԺ արտահերթ նիստում շարունակվում է Կառավարության ծրագրի քննարկումը: Խմբակցությունների ելույթների ժամանակ ՕԵԿ խմբակցության ղեկավար Հեղինե Բիշարյանը, դիմելով վարչապետին, առաջարկեց Կառավարության ծրագրում նոր դրույթ ավելացնել՝ «թալանի» դեմ պայքարի:

«Այնպիսի դրույթ, որ դիմենք գործարարներին, նախկին ու ներկա պաշտոնյաներին, որ դրսում ունեն հնարավորություններ, դրանք բերեն ՀՀ»,- ասաց Բիշարյանը՝ կոչ անելով վերջ դնել ստվերային պայմանավորվածություններին եւ «թողնել, որ մարդիկ աշխատեն»:

Բիշարյանը նաեւ ողջունեց վարչապետի այն որոշումը, որ ազատվեց Կառավարության օդիոզ դեմքերից: Հավանաբար, նա նկատի ուներ նախարարներ Գագիկ Խաչատրյանին, Գագիկ Բեգլարյանին եւ Սյունիքի մարզպետ Սուրիկ Խաչատրյանին:

Բիշարյանն ասաց, որ չեն կարող կողմ լինել մի ծրագրի, «որտեղ թալանի դեմ պայքար չկա, բայց չեն էլ կարող հնարավորություն չտալ Կառավարությանը», ուստի ձեռնապահ կքվեարկեն:

ՀՀԿ-ի գործընկեր ՀՅԴ-ն կողմ կքվեարկի «գործնական» ծրագրին: Խմբակցության քարտուղար Աղվան Վարդանյանի խոսքով՝ ծրագիրը ոչ թե ինքնախաբեություն է ու գեղեցիկ խոսքեր, այլ «ծանրագույն վիճակի անկեղծ գնահատական, ներքին ու արտաքին սպառնալիքներին համարժեք՝ մեկ բառով գործնական ծրագիր»:

Ընդդիմադիր ՀԱԿ խմբակցության անունից ելույթով հանդես եկավ խմբակցության ղեկավար Լեւոն Զուրաբյանը: Վերջինս հիշեցրեց, որ վարչապետի նշանակումը Սահմանադրության խախտմամբ է եղել, քանի որ նախագահը մինչ վարչապետի թեկնածու նշանակելը պետք է խորհրդակցեր խմբակցությունների հետ, սակայն ՀԱԿ-ի հետ որեւէ քննարկում չի եղել:

Զուրաբյանի խոսքով՝ սա ոչ թե Կառավարության ծրագիր է, այլ «սեղմ ժամկետում տնտեսության վիճակի ախտորոշում»:

«Եթե, իսկապես, գործունեության ծրագիր լիներ, գործող համակարգի արատները կներկայացներ»,- ասաց նա՝ համոզմունք հայտնելով, որ Կառավարության փոփոխությունը պայմանավորված է միայն ընտրություններից առաջ դժգոհությունը մեղմելու համար:

Զուրաբյանն ադպես էլ չհստակեցրեց, թե ինչպես են քվեարկելու:

ԲՀԿ խմբակցության անունից խոսեց պատգամավոր Միքայել Մելքումյանը, վերջինս քննադատաբար մոտեցավ Կառավարության ծրագրին եւ ասաց, որ քանի որ «ԲՀԿ-ն իշխանություն չէ, չի կարող կիսել այս ծրագրի պատասխանատվությունը».

«Ուստի՝ մեր կուսակցական պատգամավորները չեն մասնակցի քվեարկությանը»:

Իշխող ՀՀԿ-ի տեսակետը ներկայացրեց խմբակցության ղեկավար Վահրամ Բաղդասարյանը՝ ասելով, որ կողմ ենք քվեարկելու:

«Ժառանգություն» խմբակցության անունից ելույթներ չեղան: Հիշեցնենք, որ երեկ իր ելույթում Զարուհի Փոստանջյանն ասաց, որ դեմ է քվեարկելու, իսկ մեզ հետ զրույցում, խոսելով խմբակցության այլ պատգամավորների մասին ասել էր, որ վերջիններս խմբակցության հետ որեւէ կապ չունեն, եւ կքվեարկեն այնպես, ինչպես «կհրահանգեն»:

Տպել
1900 դիտում

Հայաստան է այցելել ԱՄՆ Կանզաս նահանգի ազգային գվարդիայի պատվիրակությունը

Տիգրան Մանսուրյանի 80-ամյա հոբելյանին նվիրված «Մաեստրո Մանսուրյան» խորագրով համերգաշար կանցկացվի Երևանում

Դժվար է 37-ում շարունակել լինել ինքնուրույն ու մնալ միայնակ` չգնալով կոմպրոմիսի. Նազենի Հովհաննիսյան

Կոտայքում մեքենան ընկել է ձորը. հայտնաբերվել է ուղեւորներից մեկի՝ ՌԴ քաղաքացու մոխրացած դին

Ունենք ոստիկանություն, որը գործում է քաղաքական նպատակահարմարության սկզբունքից ելնելով․ Միքայել Նահապետյան

ԱԻ նախարարն արտահերթ նիստ է հրավիրել. հրդեհների թիվը կտրուկ աճել է

Արթուր Գրիգորյանն ու Հայկ Մարտիրոսյանը ֆեյսբուքյան գրառումների վերաբերյալ բացատրություն են տվել. դատախազություն

Երկու երիտասարդի դանակահարության դեպքը բացահայտվել է. 32-ամյա տղամարդը խոստովանել է

Սեբաստիայի Սբ. Գևորգ հայկական եկեղեցու վերակառուցման աշխատանքներ են նախատեսվում

Սյունիքում մոտ 10 հա բուսածածկույթ է հրդեհվել. տեղում աշխատում է 30 հրշեջ-փրկարար, 10 քաղաքացի

Իսահակյան փողոցի՝ Մաշտոց-Բաղրամյան պողոտաների միջև ընկած հատվածը վաղը փակ կլինի

Գեղարքունիքի Ծովակ գյուղում առանձնապես խոշոր չափերի յուրացման դեպք է բացահայտվել. վնասը՝ 18,4 մլն դրամ

Ադրբեջանում հայտնաբերվել է մոտ մեկ ամիս առաջ կործանված ՄիԳ-29-ի օդաչուի մարմինը

Ամեն օր սովորել և ինքնազարգանալ. «Քայլ դեպի տուն» ծրագրի հյուրն էր Մխիթար Հայրապետյանը

Հրշեջ-փրկարարները մարել են ավտոմեքենայում բռնկված հրդեհը

Ոչ շտապբուժօգնությանը վերաբերող կանչերը պետք է ուղղորդվեն դեպի պոլիկլինիկաներ. Արսեն Թորոսյան

Բակո Սահակյանը հանդիպել է ԵԱՀԿ գործող նախագահի անձնական ներկայացուցչի հետ

Գյումրիի բնակարաններից մեկում հայտնաբերվել է բնակչի դին

Հայաստանում Սիբիրյան խոցի դեպք է արձանագրվել. վարակվել է Գեղհովիտ համայնքի 2 բնակիչ

ՊԵԿ-ի դիմաց բողոքի ցույց իրականացրած քաղաքացու ապրանքը չի մաքսազերծվել, քրգործ է հարուցվել. ՊԵԿ