Գագիկ Խաչատրյանի չկայացած գործուղումը. ո՞վ է ձեւավորում նոր կառավարությունը

Երեկվանից սկսեց ձեւավորվել ազգային համաձայնության կառավարությունը, որը «օգտագործելով ողջ հայության ներուժը,  պետք է վերականգնի իշխանությունների նկատմամբ ամենալայն վստահությունը»: Այն մասին, որ  նոր կառավարությունը պետք է լինի ազգային համաձայնության կառավարություն, հայտարարեց Սերժ Սարգսյանը դեռեւս օգոստոսին նախագահականում կազմակերպված ընդունելության ժամանակ:

Հավաքը, հիշեցնենք, տեղի ունեցավ «Սասնա ծռեր» խմբի անդամների կապիտուլյացիայից հետո, երբ հանգուցալուծվեց հուլիսի 17-ին ՊՊԾ գնդի գրավման հետեւանքով երկրում առաջացած ճգնաժամը: Սերժ Սարգսյանը հայտարարեց ազգային համաձայնության կառավարության ձեւավորելու անհրաժեշտության մասին,  որպես արձագանք այդ ճգնաժամին: 

«Վստահաբար պնդում եմ, որ ընդամենը ամիսներ անց մենք ունենալու ենք հենց այդպիսի կառավարություն»,- օգոստոսի 1-ին ասաց նա: Սեպտեմբերի 8-ին հրաժարական տվեց վարչապետ Հովիկ Աբրահամյանը, իսկ սեպտեմբերի 13-ին, թերեւս` որպես ողջ հայության ներուժի օգտագործման առաջին օրինակ, վարչապետ նշանակվեց վերջին տարիների Մոսկվայում հաստատված եւ «Գազպրոմի» «Մեժռեգիոնգազում» բարձր պաշտոն զբաղեցրած Կարեն Կարապետյանը: Երեկ էլ  քաղաքական դաշտում անհայտ դեմքեր նշանակվեցին նախարարներ:

Մամուլը շտապեց արձանագրել, որ նոր նախարարները ունեն մեկ ընդհանրություն, նրանք բոլորը տեխնոկրատներ են: Նորանշանակ նախարարները, ճիշտ է, հայաստանաբնակ են, սակայն լիովին տեղավորվում են հայության ներուժն օգտագործելու բանաձեւի մեջ, քանի որ մեկը ֆրանսիական «Պեռնո Ռիկար» ընկերությանը պատկանող կոնյակի գործարանի գլխավոր տնօրենն էր (գյուղնախարար Իգնատի Առաքելյան), մյուս երկուսը աշխատում էին Հայաստանում գործող ռուսական ընկերություններում (էներգետիկայի նախարար Աշոտ Մանուկյան եւ տրանսպորտի եւ կապի նախարար Վահան Մարտիրոսյան): 

Չորրորդ նշանակումը (ֆինանսների նախարար Վարդան Արամյան, որը  ՀՀ նախագահի աշխատակազմի ղեկավարի առաջին տեղակալն էր) լրիվ կուտոյանական ոճի մեջ է, երբ նախագահի աշխատակազմի «աշխատասեր եւ դրական»  կերպարներից մեկը մեծ եւ պատասխանատու ոլորտի ղեկավար է նշանակվում: 

Հանրությանը, սակայն, տվյալ դեպքում ավելի քիչ կհետաքրքրի, թե ովքեր են նոր նախարարները: Մարդկանց ուշադրության կենտրոնում է, թե ում են նրանք փոխարինում: Լեւոն Յոլյան, Գագիկ Բեգլարյան, Գագիկ Խաչատրյան, Սերգո Կարապետյան. պաշտոնանկ եղած այս նախարարներն էլ ունեն ընդհանրություն. նրանք կամ արդեն կայացած, կամ կայացման ճանապարհին գտնվող օլիգարխներ են:

Սերժ Սարգսյանի երեկվա հրամանագրերով իրենց պաշտոններում վերանշանակվել են անփոխարինելի պրոֆեսիոնալների իմիջ ստեղծած Դավիթ Հարությունյանը` կառավարության աշխատակազմի ղեկավար-նախարար, եւ Վաչե Գաբրելյանը` փոխվարչապետ, միջազգային տնտեսական ինտեգրման եւ բարեփոխումների նախարար:

Կարեն Կարապետյանի վարչապետ նշանակվելուց հետո մամուլում բազմաթիվ հոդվածներ են եղել այն մասին, թե որքանով է Կարապետյանն ազատ լինելու նոր նախարարներ նշանակելու եւ հներից ազատվելու հարցում: Լուրեր էին շրջանառվում, որ այս կամ նախարարին չազատելու հարցով Կարապետյանին միջնորդել է այսինչը կամ այնինչը: Նման «տանիք» ունեցողների շարքում էր նաեւ Գագիկ Բեգլարյանը, որից, ըստ հրապարակումների, Կարեն Կարապետյանը չպետք է կարողանար ազատվել: Երեկվա ոչ մեծ թվով նշանակումները, սակայն, ցույց տվեցին, որ նոր կառավարության ձեւավորման իրական եւ մամուլում ընթացող գործընթացներն այնքան էլ չեն համընկնում:

Եվս մեկ ուշագրավ հանգամանք. սեպտեմբերի 19-ին Կարեն Կարապետյանը որոշում էր ստորագրել սեպտեմբերի 21-23-ը Ֆինանսների նախարարի պաշտոնակատար Գագիկ Խաչատրյանին ՌԴ գործուղելու մասին: Սեպտեմբերի 20-ի` Սերժ Սարգսյանի հրամանագրով  ՀՀ-ն ունի նոր ֆինանսների նախարար, այսինքն` սեպտեմբերի 21-ին Գագիկ Խաչատրյանը ոչ մի կերպ չի կարող որպես նախարարի պաշտոնակատար մեկնել  Մոսկվա: Կարեն Կարապետյանը ստիպված է չեղյալ ճանաչել սեպտեմբերի 19-ի իր որոշումը եւ նոր որոշում ստորագրել: Այնքան էլ լավ բան չստացվեց: Կարծում ենք, սակայն, սա ընդամենը թյուրիմացության հետեւանք է: Երեկ օրվա վերջում Գագիկ Խաչատրյանի գործուղման մասին որոշումը հեռացվել էր կառավարության կայքից: 

Նոր կառավարության վերջնական կազմավորման համար Սահմանադրությամբ տրված ժամկետի ավարտին մինչեւ հոկտեմբերի 3-ը ժամանակ կա: Կան բազմաթիվ անուններ, որոնց նոր կառավարության կազմում լինել-չլինելը առանձնակի հետաքրքրության նյութ է, օրինակ` ԱԳ նախարար Էդվարդ Նալբանդյանը, պաշտպանության նախարար Սեյրան Օհանյանը, ՀՅԴ-ական նախարարներ եւ այլք: Մինչեւ հոկտեմբերի 3-ը թերեւս այսպես մաս մաս նոր նշանակումներ կլինեն: Դրանք, կարծում ենք, մեծ մասամբ անակնկալ կլինեն, երբեմն նույնիսկ` Կարեն Կարապետյանի համար:

Տպել
7877 դիտում

Դատարկ մետրո, սուպերմարկետներ, ժամանցի վայրեր. ի՞նչ է պատմում հայազգի Մանեն Միլանի մասին՝ կորոնավիրուսը տարածվելուց հետո

«Թաքնվելու տեղ չկա». անկում են ապրում ընկերությունների և նավթի գները, կորոնավիրուսի ազդեցությունը երկարաժամկետ է լինելու

Երգեցին քիչ, պարեցին կարճատեւ. Գյումրու Վարդանանց հրապարակի շատրվանները կրկին կհիմնանորոգվեն, բայց եռապատիկ թանկ

Փարիզում այրվում է Լիոնի կայարանը. Կոնգոյի ակտիվիստները կասկածվում են կայարանում կրակ բացելու մեջ. BBC

ՊՎԾ-ն Մանկավարժական համալսարանում գնումների գործընթացում 315 մլն. դրամի խախտումներ է արձանագրել

Վարչական տույժ է կիրառվել «Վոլտեն Արմ» ՍՊԸ-ի նկատմամբ

Բնապահպանության եւ ընդերքի տեսչական մարմնի թեժ գծին 2019 թվականին 119 ահազանգ է ստացվել

Կոտայքի մարզպետարանում ԿԳՄՍ նախարարության նախաձեռնությամբ տեղի է ունեցել քննարկում-իրազեկում

Կոթի գյուղի ուղղությամբ հակառակորդը կրակոցներ է արձակել

Մեզ տալիս են շորեր ու կոշիկներ, որոնցից հոտ է գալիս, հիմա էլ տեսախցիկներ են տեղադրել. հերթական բողոքը Օպերային թատրոնում

Ներսես Աշտարակեցու 250-ամյակի առթիվ Ամենայն Հայոց Կաթողիկոսի ծննդավայրում տեղի է ունեցել գիտաժողով

Աշտարակի քրեական հետախույզները ապօրինի թմրաշրջանառության դեպք են բացահայտել. բերման է ենթարկվել Արթիկի երկու բնակիչ

Մեծ Բրիտանիան ՄԱԿ-ի անվտանգության խորհրդի նիստ է հրավիրել՝ Իդլիբի իրավիճակով պայմանավորված

Հանրաքվեի պատշաճ նախապատրաստման եւ անցկացման համար ոստիկանությունում ստեղծվել է օպերատիվ շտաբ

Գուցե «առանձին կենտրոն մնալու» մոտիվի տակ ոչ թե մասնագիտական խիստ դիրքորոշումն է, այլ հենց նեղ անձնային շահը. Թորոսյան

Պուտինն ու Էրդողանը Իդլիբի հարցով կհանդիպեն մարտի 5-ին կամ 6-ին

Սպանության փորձի մեղադրանքով հետախուզվողը վնասազերծվել է. բերման ենթարկելու ընթացքում նա կրակոցներ է արձակել (տեսանյութ)

Թեհրանից ժամանեց հերթական և կարծես թե այս պահին վերջին ինքնաթիռը՝ մեր 82 քաղաքացիներով. Արսեն Թորոսյան

Արդարադատության փոխնախարարն ընդունել է Ժողովրդավարությունների համայնքի բարձրաստիճան պատվիրակությանը

200 միլիոն դոլարի ներդրումների պատմություն. ինչո՞ւ չի կարողանում 4-րդ օպերատորը դաշտ մտնել