Գործող գյուղապետը հրաժարվում է դահլիճ տրամադրել ՔՊ թեկնածուին՝ համերգներ են Նոր կյանքում

Արարատի մարզի Նոր կյանք համայնքի գործող ղեկավար Մայիս Աբրահամյանը հրաժարվում է գյուղի մշակույթի տան դահլիճը տրամադրել «Քաղաքացիական պայմանագիր» կուսակցությանը՝ նախընտրական հանդիպում անցկացնելու համար:

Այդ մասին մեզ հետ զրույցում հայտնեց սեպտեմբերի 18-ին կայանալիք ընտրություններում  «Քաղաքացիական պայմանագրի» թեկնածու Գարիկ Սարգսյանի շտաբի անդամ Սիփան Փաշինյանը:

«Սեպտեմբերի 15-ին նախատեսում էինք գյուղում հանդիպում կազմակերպել ընտրողների հետ, որին հրավիրված էին մասնակցելու նաեւ ՔՊ վարչության անդամներ Նիկոլ Փաշինյանն ու Սասուն Միքայելյանը: Գարիկ Սարգսյանի շտաբի ղեկավար Էդուարդ Աղաջանյանը գրավոր դիմել էր գյուղապետարան, որ մեզ տրամադրեն մշակույթի տան դահլիճը: 3 օրվա ընթացքում գյուղապետարանը պարտավոր էր պատասխանել մեզ: Սակայն, մեկ շաբաթ անց գրավոր տեղեկացրին, որ ամսի 15-ին միջոցառում ունեն այդ դահլիճում: Դրանից հետո դիմում ներկայացրինք՝ խնդրելով ամսի 16-ին տրամադրել դահլիճը: Պարզվում է՝ Նոր Կյանք գյուղը մշակութային մեծ կենտրոն է Հայաստանում. այսօր մեզ ասացին, որ 16-ին էլ մշակութային միջոցառում ունեն, չեն կարող տրամադրել տարածքը»,- տեղեկացրեց Փաշինյանը:

Հարցին՝ սա արդյո՞ք դիտարկվում է միտումնավոր խոչընդոտ՝ քարոզարշավի բնականոն անցկացման համար՝ Գարիկ Սարգսյանի շտաբի անդամը պատասխանեց. «Այո, իհարկե: Գյուղապետը խուճապի մեջ է, քանի որ 17 տարվա մեջ երբեւէ մրցակից չի ունեցել, բոլորին կարողացել է չեզոքացնել, ինչը չի հաջողվում Գարիկ Սարգսյանի դեպքում: 17 տարվա մեջ սա առաջին դեպքն է, որ գյուղացիներին տրվել է ընտրելու հնարավորություն, ինչից նեղվել է Աբրահամյանը եւ փորձում է խոչընդոտներ հարուցել»:

Սիփան Փաշինյանը, սակայն, վստահեցնում է, որ իրենք ամեն դեպքում անցկացնելու են հանդիպումը: «Անկախ ամեն ինչից մենք ընտրողների հետ հանդիպում անցկացնելու ենք, մեր հանդիպումն անցկացնելու համար մշակույթի տուն չտրամադրելը չի կարող դառնալ խոչընդոտ: Մենք կարող ենք մշակույթի տան դիմաց էլ հանդիպում անցկացնել»,- նշեց նա:

Փորձեցինք պարզաբանում ստանալ Նոր կյանքի գործող գյուղապետ Մայիս Աբրահամյանից: Նա մեզ հեռախոսով ասաց, որ այդ պահին գնում է ելույթ ունենալու, չի կարող խոսել:

Ավելի ուշ մեր հարցերը ուղղեցինք.

- Պարոն Աբրահամյան, ի՞նչ միջոցառում եք անցկացնում մշակույթի տան դահլիճում. գյուղապետի թեկնածուի շտաբին պատասխանել եք, որ մշակութային միջոցառում կա:

- Մշակութային միջոցառումը ի՞նչ է լինում, սեւ ու սպիտա՞կ: Մշակութային միջոցառում է, երգում են, պարում են, ուրախանում են ժողովրդի հետ: Ընենց չի, որ ես հանդիպում եմ ժողովրդի հետ, բայց ինքը չի հանդիպում: Ես ոչ մի խոսք չեմ խոսացել, ընդամենը համերգ է, մարդիկ ուրախանում են:

- Համերգը քանի՞ օր է շարունակվելու:

- Մի քանի օր, մինչեւ ընտրությունները վերջանան:

- Ընտրությո՞ւններով է պայմանավորված համերգը:

- Հիմա ըտենց ա պլանավորված, էդ խմբին էդպես է հարմար եղել, որ էդ խումբը գա էդ օրերին համերգ տա:

- Էդ ո՞ր խումբն է:

- Մի հատ լավ խումբ է:

- Անունը...

- Էղավ, լավ (անջատում է-խմբ.):

Տպել
6809 դիտում

Գյումրու Վարդանանց հրապարակի եղեւնիները կհանվեն

Կոմպոզիտորների՝ Դիլիջանի ստեղծագործական տունը կարճ ժամանակում պետք է դարձնենք ծաղկուն ու խնամված վայր. Աննա Հակոբյան

Հրաժարվեք Հայաստանում օտարերկրյա ներդրողների գործունեության մեջ քաղաքական ենթատեքստ փնտրել. «ԳեոՊրոՄայնինգ»-ը՝ ԶԼՄ-ներին

Վարչապետ Նիկոլ Փաշինյանի մոտ կայացել է խորհրդակցություն երեխաների որդեգրումների թեմայի վերաբերյալ

«Սիթի օֆ Սմայլ/Ժպիտների քաղաք»-ը անհրաժեշտության դեպքում կաջակցի 21-ամյա Արամի բուժմանը

Կեղծված են և՛ ԱԺ պատգամավորի բլանկի ձևը, և՛ իմ ստորագրությունը. Հրաչյա Հակոբյանը մեկնաբանել է ռուսական կայքի հոդվածը

Նիկոլ Փաշինյանի վերջին այցից հետո զբոսաշրջիկների թիվը Գյումրիում կրկնապատկվել է. Սամվել Բալասանյան

Գերմանիայի պաշտպանության նախարարը հրաժարական է տվել Scorpions-ի «Փոփոխությունների քամի» երգի հնչյունների ներքո

Գտնվում ենք այն քոթեջում, որտեղ ապրել և ստեղծագործել է Առնո Բաբաջանյանը, մթնոլորտը հիասքանչ է. Աննա Հակոբյան

Երեւանի ավագանու նախկին անդամ Սոնա Աղեկյանը ազատ է արձակվել

ԿԳՄՍ նախարար Արայիկ Հարությունյանն ընդունել է Ճապոնիայի դեսպան Ջուն Յամադային

Երևանի թիվ 17 հիմնական դպրոցի կառավարման խորհուրդը հայտարարում է տնօրենի թափուր պաշտոնի մրցույթ

Ձերբակալվել է «Սևան ազգային պարկ» ՊՈԱԿ-ի «Արևիկ» մասնաճյուղի անտառագետը

Արցախում 2 տարեկան երեխան թունավորվել է մոր տված սխալ դեղահաբից

Քննարկվել է «Զվարթնոց» օդանավակայանի ընդլայնման հարցը

«Պոբեդա»-ն այսօր կվերականգնի Գյումրիում ձմեռային չվացուցակով թռիչքների ավիատոմսերի վաճառքը

Սոնա Աղեկյանը քաղաքապետարան է ներկայացել կոյաջրերի տարայով. նրան բերման են ենթարկել

Հայաստանում անշարժ գույքի գործարքները աճել են, եւ աճը մարզերի ու ոչ Երեւանի հաշվին է. Նիկոլ Փաշինյան

Մալաթիայի շուկայի տարածքում հրդեհը բռնկվել է արագ սննդի կետում. մանրամասներ

Ծնելիության ցուցանիշի նվազման տեմպը դանդաղում է. Արսեն Թորոսյան