Այսօր մեկնարկում է ֆուտբոլի Չեմպիոնների լիգայի խմբային փուլը

Այսօր եւ վաղը կայանալիք 16 հանդիպումներով (յուրաքանչյուր օր՝ 8-ական հանդիպում) մեկնարկում է ֆուտբոլի Չեմպիոնների լիգայի խաղարկության խմբային փուլը. եվրոպական ուժեղագույն ակումբները 62-րդ անգամ սկսում են պայքարը ամենահեղինակավոր ակումբային մրցանակի համար: 17 երկրների 32 ակումբներ են մասնակցում Չեմպիոնների լիգայի խմբային փուլին. իսպանական, գերմանական, անգլիական 4-ական, պորտուգալական, ֆրանսիական 3-ական, ռուսական, իտալական 2-ական թիմեր, ինչպես նաեւ Բուլղարիայի, Շվեյցարիայի, Ուկրաինայի, Թուրքիայի, Շոտլանդիայի, Հոլանդիայի, Լեհաստանի, Բելգիայի, Դանիայի, Խորվաթիայի չեմպիոնները: Կանոնակարգի համաձայն 32 թիմերը բաժանվել են 8 խմբերի՝ 4-ական յուրաքանչյուրում, եւ խմբերում 1-2 տեղեր գրավածները իրավունք են ստանալու շարունակել պայքարը:

1-ին տուրի շրջանակներում կայանալիք հանդիպումներից առավել մեծ հետաքրքրություն են առաջացնում եվրոպական ֆուտբոլային առաջատար երկրների թիմերի միջեւ կայանալիք հանդիպումները. այսօր մրցելու են «ՊՍԺ» (Ֆրանսիա) - «Արսենալ» (Անգլիա), «Մանչեսթեր Սիթի» (Անգլիա) - «Բորուսիա» (Մյունխենգլադբախ, Գերմանիա), վաղը՝ «Տոտենհեմ» (Անգլիա) - «Մոնակո» (Ֆրանսիա), «Յուվենտուս» (Իտալիա) - «Սեւիլիա» (Իսպանիա) զույգերը: Չեմպիոնների լիգայի գործող գավաթակիր Մադրիդի «Ռեալը» նոր խաղարկությունը սկսելու է տնային հանդիպումով. վաղը իսպանական թիմը հյուրընկալելու է պորտուգալական «Սպորտինգին»: Թեեւ «Ռեալը» համարվում է այս խաղի ակնհայտ ֆավորիտ, բայց հանդիպումը հետաքրքրություն է առաջացնում առաջին հերթին Կրիշտիանու Ռոնալդուի հետ կապված մի հանգամանքով. «Սպորտինգը» Ռոնալդուի կարիերայում 1-ին պրոֆեսիոնալ թիմն է, «Ռեալը»՝ վերջինը: «Սա ինձ համար յուրահատուկ խաղ է, քանի որ «Սպորտինգը» կարեւոր տեղ է գրավում իմ սրտում: Ցանկանում էի, որ մենք հայտնվենք նույն խմբում: Անհամբերությամբ եմ սպասում իմ նախկին թիմի հետ նոր հանդիպմանը»,- հայտարարել է ՉԼ-ի բոլոր ժամանակների լավագույն ռմբարկու Կրիշտիանու Ռոնալդուն: Պորտուգալացին, ի դեպ, «Եվրո 2016»-ի եզրափակիչում ստացած վնասվածքի հետեւանքով 62 օրյա պարտադրված դադարից հետո խաղադաշտ վերադարձավ անցյալ կիրակի՝ Իսպանիայի առաջնության «Ռեալ» - «Օսասունա» խաղում եւ հանդիպման մեկնարկից ընդամենը 6 րոպե անց դարձավ գոլի հեղինակ: «Ռեալը» այդ խաղում հաղթեց 5-2 հաշվով, սահմանեց Իսպանիայի առաջնություններում ակումբային նոր ռեկորդ (15 անընդմեջ հաղթանակ) եւ առանց միավորների կորստի՝ 9 միավորով, միանձնյա գլխավորում է Իսպանիայի առաջնության աղյուսակը: «Սպորտինգը» իր հերթին 4 անընդմեջ հաղթանակներ է տոնել Պորտուգալիայի առաջնությունում եւ նույնպես միանձնյա առաջատարն է: Այնպես որ, վաղը կայանալիք «Ռեալ» - «Սպորտինգ»  խաղը նաեւ Իսպանիայի եւ Պորտուգալիայի առաջատարների հանդիպումն է:

Իսպանական մյուս թոփ ակումբը՝ «Բարսելոնան» Լիգայի մեկնարկային խաղն անցկացնելու է այսօր. «Կամպ Նոու» ստադիոնում Իսպանիայի գործող չեմպիոնը հյուրընկալելու է Շոտլանդիայի չեմպիոն «Սելթիկին»: Սա էլ Իսպանիայի եւ Շոտլանդիայի չեմպիոնների հանդիպում է: «Բարսելոնան» Իսպանիայի առաջնության վերջին տուրում սեփական հարկի տակ անակնկալ պարտություն կրեց մրցաշարի նորեկ «Ալավեսից» 1-2 հաշվով: Բնականաբար, այս պարտությունը լրջորեն զայրացրել է «Բարսային» եւ այս թիմի երկրպագուներին, այնպես որ, «Սելթիկին» այսօր սպասվում է իսկապես դաժան երեկո:

Ավելացնեմ, որ Չեմպիոնների լիգայի 1-ին տուրի բոլոր 16 հանդիպումները մեկնարկելու են Երեւանի ժամանակով 22:45-ին:

13.09. 2016 թ.

«ՊՍԺ» (Ֆրանսիա) - «Արսենալ» (Անգլիա), ցուցադրվելու է Premium Armenia TV-ով

«Բազել» (Շվեյցարիա) - «Լուդոգորեց» (Բուլղարիա)

«Դինամո» (Կիեւ, Ուկրաինա) - «Նապոլի» (Իտալիա)

«Բենֆիկա» (Պորտուգալիա) - «Բեշիքթաշ» (Թուրքիա)

«Բարսելոնա» (Իսպանիա) - «Սելթիկ» (Շոտլանդիա), Armenia TV

«Մանչեսթեր Սիթի» (Անգլիա) - «Բորուսիա» (Մյունխենգլադբախ, Գերմանիա)

«Բավարիա» (Գերմանիա) - «Ռոստով» (Ռուսաստան)

«ՊՍՎ» (Հոլանդիա) - «Ատլետիկո» (Մադրիդ, Իսպանիա)

 14. 09. 2016 թ.

«Բայեր» (Գերմանիա) - «ԲԿՄԱ» (Ռուսաստան)

«Տոտենհեմ» (Անգլիա) - «Մոնակո» (Ֆրանսիա)

«Ռեալ» (Մադրիդ, Իսպանիա) - «Սպորտինգ» (Պորտուգալիա), Armenia TV

«Լեգիա» (Լեհաստան) - «Բորուսիա» (Դորտմունդ, Գերմանիա)

«Բրյուգե» (Բելգիա) - «Լեստեր» (Անգլիա)

«Պորտու» (Պորտուգալիա) - «Կոպենհագեն» (Դանիա)

«Օլիմպիկ» (Լիոն, Ֆրանսիա) - «Դինամո» (Զագրեբ, Խորվաթիա)

«Յուվենտուս» (Իտալիա) - «Սեւիլիա» (Իսպանիա), Premium Armenia TV

 

Տպել
2105 դիտում

2019թ. խոշոր հարկատուների կողմից եկամտահարկ վճարվել է 208 մլրդ դրամ, ինչը 20%-ով ավելի է 2018թ. համեմատությամբ. վարչապետ

Արսեն Թորոսյանը ՀՀ ԱՆ հուշամեդալով է պարգեւատրել բժշկական գիտությունների դոկտոր, պրոֆեսոր Արմեն Չարչյանին

Վարոս Սիմոնյանը JETRO-ի ներկայացուցիչների հետ քննարկել է հայ-ճապոնական տնտեսական համագործակցության հեռանկարները

Հայկ Մհրյանը նշանակվել է ՀՀ ոստիկանության պետի տեղակալ

Տիգրան Սարգյանը ղեկավարելու է Եվրասիական զարգացման բանկի թվային նախաձեռնությունների հիմնադրամը. ԵՏՀ

Վանաձորի «Բուսաբանական այգու» պահակը հատել է հարակից անտառի ծառերը

Վլադիմիր Վարդանյանն ընտրվեց ԵԽԽՎ Մարդու իրավունքների ենթահանձնաժողովի նախագահ. Ռուբեն Ռուբինյան

Ապօրինի թմրանյութ պատրաստելու, պահելու և օգտագործելու կասկածանքով Գյումրիում 36-ամյա տղամարդ է բերման ենթարկվել

Հրդեհ՝ Դիլիջանի թիվ N զորամասի հրաձգարանին հարակից անտառում. հրդեհաշիջմանը նաեւ զինծառայողներն են մասնակցել

«Մանկական Եվրատեսիլում» հաղթած Վլադիրմիրն ու կանադական «Ձայնում» փայլած Միրիամը կմրցեն «Եվրատեսիլ 2020» գնալու համար

«Վարկս Էյ Էմ» ընկերության կողմից վարկերի տրամադրման գործընթացն Արցախում կասեցված է. ԱՀ ֆինանսների նախարար

Մարտունու բժշկական կենտրոնում հեմոդիալիզի բաժանմունք է բացվել

«Ճըվճըվ Արո»-ի որդին դատապարտվել է 6 տարի 6 ամիս ազատազրկման

Էկոնոմիկայի նախարար Տիգրան Խաչատրյանն ընդունել է Հորդանանի Հաշիմյան թագավորության պատվիրակությանը

Ապրիլյան պատերազմի ժամանակ բանակն իր առջեւ դրված խնդիրը կատարել է․ ճակատագրական սխալներ չեն եղել․ Սեյրան Օհանյան

Ռուստամ Բադասյանն ընդունել է Միացյալ Թագավորության դեսպանության գործերի ժամանակավոր հավատարմատար Դեյվիդ Մորանիին

Դեղերի փորձագիտական կենտրոնի տնօրեն է նշանակվել Վիլեն Գաբրիելյանը

Կեղծ թղթադրամներով գնումներ արած երիտասարդը կալանավորվել է․ ոստիկանություն (տեսանյութ)

Աշխատանքի ընդունե՞լն էր անօրինական, թե՞ ազատելը. ուսուցչին աշխատանքից 2-րդ անգամ են ազատել

Սեյրան Օհանյանը ԱԺ նախագահին այցելել է քաղաքավարությունից եւ բարեկրթությունից ելնելով․ քաղաքական հարցեր չեն քննարկել