Երևան
28 °C
Սեպտեմբերի 18-ին նշանակված Սեւանի քաղաքապետի ընտրություններում անսովոր իրավիճակ է ստեղծվել՝ առաջադրվել են միանգամից Հանրապետական կուսակցության երեք անդամներ՝ գործող քաղաքապետ Ռուդիկ Ղուկասյանը եւ նախկին քաղաքապետեր Աշոտ Ալեքսանյանն ու Գեւորգ Մալխասյանը:
Ստեղծված պատկերը անսովոր է նաեւ ՀՀԿ-ի համար, այդ պատճառով էլ կուսակցությունում մինչեւ վերջ չէին կողմնորոշվում, թե ում պաշտպանել: Երեկ ժամը 18:00-ին ավարտվեց թեկնածուների առաջադրման վերջնաժամկետը, եւ դրանից ընդամենը րոպեներ առաջ է ՀՀԿ-ի Սեւանի շրջանային կառույցը որոշել առայժմ որեւէ մեկին չպաշտպանել, իհարկե, չբացառելով, որ այդ մասին որոշումը կկայացնի հաջորդ շաբաթ: Սեւանից ստացած մեր տեղեկությունների համաձայն` այս երկու նախկին քաղաքապետերն էլ քաղաքում եւ կուսակցության շրջանային կառույցում որոշակի ազդեցություն ունեն, այդ պատճառով էլ ՀՀԿ-ն դժվար է կողմնորոշվում ու չի ցանկանում որեւէ մեկին նեղացնել, որպեսզի չկորցնի նրանց հնարավորություններն ընդհանրապես: Չէ որ առջեւում համապետական ընտրություններ են, եւ իշխանություններին Սեւանում նրանց ազդեցությունը շատ անհրաժեշտ կլինի:
Իսկ ընդհանուր առմամբ Սեւանում քաղաքապետի վեց թեկնածու է առաջադրվել: Վերը նշված երեք անուններից զատ կա նաեւ Սարգիս Մուրադյանը, որը ՀՀԿ շրջանային կառույցի ղեկավարի տեղակալ Խաժակ Մուրադյանի որդին է: Նա «Սեւան ազգային պարկ» ՊՈԱԿ-ի փոխտնօրենն է: Վերջինիս հնարավորություններն էլ են բարձր գնահատվում թե՛ իր պաշտոնի, թե՛ հոր, եւ թե՛ աներոջ աջակցության շնորհիվ: Մեր տեղեկություններով, նրան դրդել է առաջադրվել նաեւ «Սեւան ազգային պարկի» տնօրեն Աշոտ Գրիգորյանը: Վերջինս լարված հարաբերություններ ունի քաղաքապետ Ռուդիկ Ղուկասյանի հետ, քանի որ քաղաքապետարանն անընդհատ դժգոհում է նրա աշխատանքից: Եվ Աշոտ Գրիգորյանը հիմա փորձում է ամեն ինչ անել, որ Ղուկասյանը պարտվի ու ինքն ազատվի նրա դժգոհությունից: Իսկ Սարգիս Մուրադյանի աները ոչ միայն Սեւանում, այլեւ տարածաշրջանում ու անգամ մայրաքաղաքում հայտնի Թերակղզու Հակոբն է, Սեւանա լճի թերակղզու հայտնի օբյեկտի սեփականատերը: Եվ ահա այս մարդկանց հնարավորությունների ու աջակցության արդյունքում, Մուրադյանի հնարավորությունները պակաս բարձր չեն գնահատվում:
Թեկնածուներից Մհեր Պողոսյանը ՀՀԿ Սեւանի շրջանային կառույցի ղեկավար Ալեքսան Պողոսյանի որդին է: Միաժամանակ նա «Գազպրոմ-Արմենիայի» Սեւանի տարածքային կառուցում իրացման բաժնի պետ է: Վերջինիս առաջադրվելու լուրերը վաղուց էին շրջանառության մեջ դրվել, նա անգամ ընտրական 500.000 դրամ գրավն էր վճարել: Հետո որոշել էր չառաջադրվել, բայց հոր խոսքերով՝ առաջադրվել է, որպեսզի չկորցի այդ գումարը: Առաջիկայում ինքնաբացարկ կհայտարարի ու հետ կստանա այդ փողը:
Վեցերորդ թեկնածու Արտակ Վարդանյանին առաջադրել է «Դաշնակցություն» կուսակցությունը: Վերջինս աշխատում է «Գազպրոմ-Արմենիայի» Սեւանի կառույցում եւ մեր տեղեկություններով այնտեղ գործի է տեղավորվել ՀՅԴ-ի՝ այս տարի ՀՀԿ-ի հետ համագործակցության համաձայնություն ստորագրելուց հետո: Մեր տեղեկություններով, նա հաղթելու շանսեր չի ունենա, եթե ՀՀԿ-ն հանկարծ չորոշի նրան աջակցել: Պարզապես ՀՅԴ-ն Սեւանում իր փոքր, բայց կայուն ընտրազանգվածն ունի:
Սեւանում ստեղծված իրավիճակի մասին մենք զրուցեցինք ՀՀԿ Սեւանի շրջանային կառույցի ղեկավար Ալեքսան Պողոսյանի հետ:
- Պարոն Պողոսյան, ինչո՞ւ չորոշեցիք որեւէ թեկնածուի, թեկուզ գործող քաղաքապետին պաշտպանել:
- Սեւանի քաղաքապետի պահով որոշում չի կայացվել, իմ տղան էլ էր թեկնածուների մեջ, ու քանի որ որոշում չկա, դրա համար էլ իմ տղան չի մասնակցի:
- Մյուսների նման ձեր տղան էլ կարող էր առաջադրվել, հետո սպասել կուսակցության որոշմանը:
- Ոչ, ես կուսակցության որոշումները հարգող մարդ եմ, նման իրավիճակում ես իմ տղային չէի խառնի այդ խառը պատմություններին: Ի դեպ, իմ տղան ավելի մեծ շանսեր ուներ: Սեւանի երիտասարդության միահամուռ ուժերը կանգնած էին նրա կողքին:
- Ինչո՞ւ դժվարացաք որոշել, թե ում պաշտպանել ու այդպես էլ որոշում չկայացրիք:
- Բայց մենք որոշում կկայացնենք, դեռ ամեն ինչ վերջացած չէ:
- Առաջադրվել է նաեւ ՀՅԴ թեկնածուն, հնարավո՞ր է որպես կոալիցիոն գործընկեր հանկարծ որոշեք նրան աջակցել:
- Նմանատիպ հարցերը վերեւներում են որոշում, քաղաքական համաձայնության են գալիս, որից հետո նոր կարելի է այդ հարցին պատասխանել: Ես նման որոշման մասին տեղյակ չեմ:
- Կուսակցական ձեր տեղակալի որդին նույնպես առաջադրվել է: Հնարավո՞ր է հանկարծ նրան պաշտպանեք, քանի որ նա էլ ազդեցիկ աջակիցներ ունի՝ հանձինս հոր, աներոջ եւ «Սեւան ազգային պարկի» տնօրենի:
- Հնարավոր է, շատ հնարավոր է:
- Նման իրավիճակ ՀՀԿ-ի այլ տարածքներում սովորաբար չի լինում, եւ ինչպես դուք եք ասում, վերեւներում են այդ որոշումը կայացնում: Ինչպե՞ս առանց կուսակցության հետ համաձայնեցնելու առաջադրվեցին երեք ՀՀԿ-ականներ եւ ՀՀԿ-ական ձեր տեղակալի որդին:
- Իմ տեղակալի որդին երեխա չէ, արդեն չափահաս մարդ է, երեք երեխա ունի եւ նման որոշում կայացնելու իրավունք ունի:
- Իսկ ինչո՞վ է պայմանավորված լինելու ձեր կուսակցական որոշումը:
- Հաջորդ շաբաթվա մեջ հավանաբար կկայացնենք: Շատ հնարավոր է, որ ի վերջո ազատ թողնենք, քանի որ այդքան ՀՀԿ-ականներ են առաջադրվել: Հասկանանք, էլի, թե ինչ անենք: Ձեր ասածի նման մենք էլ ենք զարմացած այս իրավիճակի վրա, դրա համար էլ ես իմ տղային առաջադրվելուց հետ պահեցի:
- Ալեքսանյանը կամ Մալխասյանը առաջադրվելուց առաջ խորհրդակցե՞լ են ձեզ հետ, դուք նրանց ի՞նչ եք ասել:
- Իհարկե խորհրդակցել են, իհարկե, ասել եմ՝ նման բան չանեք, բայց իրենք առաջադրվել են:
Հյուրանոցային համալիրում հայտնաբերվել է 2 օտարերկրացու մարմին, ևս 2 հոգի տեղափոխվել է հիվանդանոց․ ինչ է հայտնի
«Տոյոտա»-ն բախվել է կայանված «Մերսեդես բենց» մակնիշի ավտոմեքենային և շրջվել
Happy birthday love. Սուրեն Պապիկյանի կինը շնորհավորել է ամուսնու ծննդյան օրն ու համատեղ լուսանկար հրապարակել
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 28 սահմանային սյուն է տեղադրվել
Ժամը 17։30-ի դրությամբ Երևանում փակ ճանապարհներ չկան, Սևան-Երևան ճանապարհի երթևեկությունը վերականգնվել է
ՀՀ-ն ստացել է խաղաղության պայմանագրի նախագծի վերաբերյալ ադրբեջանական կողմի առաջարկները. ԱԳՆ խոսնակ
«Կողմնակալ» փաստաթուղթ է․ Բաքուն Եվրախորհրդարանի բանաձևը միակողմանի է որակել
Պետական դավաճանություն կատարելու համար քրեական հետապնդում է հարուցվել ՀՀ 2 քաղաքացու նկատմամբ․ նրանք հետախուզվում են
Տավուշի և Ղազախի հատվածում սահմանազատման գործընթացը տեխնիկապես ավարտվել է. Արմեն Խաչատրյան․ «Ազատություն»
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան ապրիլի 26-ին
Պատգամավոր Արթուր Խաչատրյանը բերման է ենթարկվել
Գիշերել են ազատազրկվածների համար նախատեսված ազատ հիվանդասենյակներում․ ՔԿՀ 2 աշխատակից ազատվել է զբաղեցրած պաշտոնից
Բարձր ենք գնահատում Ադրբեջանի և Հայաստանի միջև բանակցությունները, խաղաղության հասնելու լավ հնարավորություններ կան․ Ալիև
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
Բեռլինում կայացել է Շոլց-Ալիև հանդիպումը
Աննա Հակոբյանը լուսանկարներ է հրապարակել Գյումրի կատարած այցից
Ռուսաստանը նամակ է ուղարկել Հայաստան. այն հասել է Ազգային ժողով
ՆԱՏՕ-ից Ուկրաինային տրամադրված և ՌԴ-ի կողմից գրավված տեխնիկան բերվել է ցուցադրության (լուսանկարներ, տեսանյութ)
Շուրջ երկու տասնյակ ավտոմեքենա է տեղափոխվել տուգանային հրապարակ. վարորդները պատասխանատվության կենթարկվեն
Ապագայի շատ կոնկրետ նախագիծ է դրվում սեղանին, Հայաստանի լինելիության հարցն է լուծվում. վարչապետ (տեսանյութ)
Դիլիջանում կին վարորդը «Տոյոտա»-ով բախվել է կայանված «Մերսեդես»-ին, այնուհետ՝ գլխիվայր շրջվել
Փոխվարչապետն ու ՎԶԵԲ տարածաշրջանային տնօրենը կարևորել են Երևանում եվրոպական բանկի տարեկան հանդիպման կազմակերպումը
Բագրատ սրբազանն օգտագործում է նույն խոսույթը, ինչ ՀԱՊԿ-ը, որն իրականում աղետ է Հայաստանի համար. Տարոն Չախոյան
ՀՀ-ն իր էներգառեսուրսը պետք է գնի այնտեղից, որտեղ ամենաէժանն է ու շահավետը. Թունյանը՝ Ադրբեջանից գազ գնելու մասին
Մի քանի օրից կարճատև տեղումները կվերադառնան Երևանում ու մարզերում
ՀՀ ֆինանսների նախարարն ու ԵՄ դեսպան Մարագոսը քննարկել են բռնի տեղահանված անձանց խնդիրները
Երևան-Էջմիածին ճանապարհի երթևեկությունը վերականգնվել է. ՆԳՆ-ն հայտնել է՝ ինչ վիճակ է մայրաքաղաքի փողոցներում
Մեծ Բրիտանիայի քրիստոնյա առաջնորդները կառավարությանը կոչ են արել ճանաչել Հայոց ցեղասպանությունը
ԼՂ-ի հայկական ներկայության բոլոր հետքերը ջնջելն Ալիևի վարչակարգի նախագիծն է․ Պետել
Մարմնամարզության երիտասարդների ԵԱ. Համլետ Մանուկյանն ու Մամիկոն Խաչատրյանը եզրափակչում են
Հաստատվել է ՄԻԵԴ-ի դատավորի պաշտոնում Հայաստանի թեկնածուների ցանկը
Ալիևը Գերմանիայում է. ինչ են քննարկելու Ադրբեջանի նախագահն ու Գերմանիայի կանցլերը
Եղբայրները հարվածել են Կառավարության դռանը, ջարդելով, գույքը վնասելով՝ ներխուժել շենք. նախաքննությունն ավարտվել է
© 2024 Հայկական ժամանակ