Երևան
26 °C
Երեկ մի քանի ժամ շարունակ հանրապետականները փակ դռների հետեւում Սերժ Սարգսյանի հետ քննարկել են իշխանական կոալիցիայի եւ կառավարությունում կառուցվածքային փոփոխությունների հարցը:
Արդեն մի քանի օր է, քաղաքական շրջանակներում տեղեկություններ կան, որ Հայ հեղափոխական դաշնակցությունը, որը մի շարք պաշտոններ է ակնկալում Սերժ Սարգսյանից՝ սահմանադրական հանրաքվեի ժամանակ ՀՀԿ-ին գործուն աջակցություն ցույց տալու դիմաց, բավական մեծ ախորժակ ունի: «ՀԺ»-ն օրերս հայտնել էր, որ դաշնակցությունը 2 մարզպետի ու 2 նախարարի պորտֆել է ուզում: Մինչ այդ դաշնակցականները պատրաստ էին նախարարական որեւէ պորտֆել չստանալ, փոխարենը երեք մարզպետի պաշտոն էին ուզում՝ 2017 թվականին սպասվող համապետական ընտրություններում ազդեցության մեծ լծակներ ձեռք բերելու ու ձայն ստանալու համար: Այս առաջարկը, սակայն, ըստ ՀՀԿ-ականների, Սերժ Սարգսյանը չի ընդունել:
Իշխանական աղբյուրները հայտնում են, որ կառավարությունում սպասվող կառուցվածքային փոփոխությունների շրջանակներում իրարից կանջատվեն տարածքային կառավարման եւ արտակարգ իրավիճակների նախարարությունները, եւ թերեւս ՀՅԴ-ին հանձնվի ԱԻՆ-ը:
Տեւական ժամանակ խոսվում է նաեւ էկոնոմիկայի նախարարի փոփոխության մասին: Նախօրեից էլ շրջանառության մեջ դրվեց էներգետիկայի եւ բնական պաշարների նախարարությունը բնապահպանության նախարարությանը միացնելու, իսկ էներգետիկայի նախարար Երվանդ Զախարյանին թոշակի ուղարկելու լուրը: Ինքը՝ 70-ամյա Զախարյանը, երեկվա իր ասուլիսում, անդրադառնալով սույն լուրերին, ասաց. «Գիտեք, նախ սկսենք նրանից, որ այդ բոլոր խոսակցությունները պատի տակի բամբասանքներ են: Հաջորդը, ինձ համար անսպասելի բան հայտնաբերեցի, որովհետեւ 70 տարին ինձ մոտ առաջին անգամ է լինում: 70 տարին… քաղաքական պաշտոնները տարիքային սահմանափակումներ չունեն: Ամեն ինչ ունի սկիզբ եւ ավարտ՝ առավել եւս քաղաքական պաշտոնները»:
ՀՀԿ-ականները, սակայն, քիչ հավանական են համարում, որ այս երկու նախարարությունները միացնելու դեպքում այդ նախարարի պոստը հանձնվի ՀՅԴ-ին:
Ի դեպ, ՀՀԿ-ականները, ըստ էության, բացառում են, որ իրենց գործընկեր կուսակցությանը հանձնվի կրթության եւ գիտության նախարարի պորտֆելը: Հիշեցնենք, ՀՅԴ ղեկավարությունը տեւական ժամանակ համառ պայքար էր մղում սույն պոստի համար: Ավելին, ամիսներ առաջ շրջանառվում էր, որ ՀՀԿ-ՀՅԴ կուլիսային բանակցությունների ընթացքում նման պայմանավորվածության հասնելու դեպքում ԿԳ գործող նախարար Արմեն Աշոտյանը կգործուղվի Ազգային անվտանգության խորհուրդ՝ ԱԱԽ քարտուղարի կարգավիճակով: Սույն պոստը թափուր է մնացել ՕԵԿ նախագահ Արթուր Բաղդասարյանի հրաժարականից հետո:
Իշխանական շրջանակներում խոսվում է, որ դաշնակցությանն առնվազն մեկ մարզպետի պաշտոն կհանձնվի: Նշվում է Արագածոտնի մարզպետի պոստը: Հիշեցնենք, սույն մարզում գործող մարզպետը ՀՀԿ-ական Սարգիս Սահակյանն է: Այս մարզը նախկինում եղել է ՀՅԴ-ի տիրապետության տակ. մարզպետը Սանկտ Պետերբուրգում Հայաստանի ներկայիս հյուպատոս Հրայր Կարապետյանն էր: Թե էլ որ մարզը կհանձնվի ՀՅԴ-ին՝ բանակցելու հարց է:
Ակնհայտ է, որ ՀՀԿ-ի բանակցությունները ՀՅԴ-ի հետ այնքան էլ հարթ չեն անցնում: ՀՅԴ-ն ուզում է հնարավորինս շատ բան ստանալ, ՀՀԿ-ն ուզում է հնարավորինս քիչ տալ:
Բոլորովին այլ է, սակայն, «Բարգավաճ Հայաստան» կուսակցության դեպքում: ԲՀԿ նախագահ Նաիրա Զոհրաբյանը օրերս մեզ հետ զրույցում ասել էր, որ իրենց կոալիցիա ձեւավորելու որեւէ առաջարկ չի եղել: Բայց արդեն 2 օր է, ԲՀԿ-ականները լրագրողների հետ զրույցներում չեն բացառում կոալիցիա մտնելու հավանականությունը: Ավելին. թափանցիկ ակնարկներ են անում, որ իրենք պատրաստ են դրան: Հասկանալի է, որ ի տարբերություն ՀՅԴ-ի, ԲՀԿ-ի հետ բանակցությունները շատ ավելի հարթ կանցնեն: Դրանում մասնավոր զրույցներում վստահություն են հայտնում նաեւ ՀՀԿ-ականները: Դա է պատճառը, որ պաշտոնապես ԲՀԿ-ի հետ բանակցություններ չեն սկսվել, եւ քաղաքական կուլիսներում չի շրջանառվում, թե սույն կուսակցությանն ինչ պոստեր կարող են հանձնվել: Մեզ հետ մասնավոր զրույցներում ՀՀԿ-ականները նշում են, որ դեռ քննարկվում է՝ ավելի նպատակահարմար է 2017-ի ԱԺ ընտրություններին ընդառաջ ԲՀԿ-ն մնա ընդդիմադի՞ր դաշտում (հիշեցնենք, անցյալ տարվա փետրվարյան սկանդալային իրադարձություններից հետո ԲՀԿ-ն, որ իրեն այլընտրանք էր հռչակել, հայտարարեց, որ ընդդիմություն է), թե՞ իշխանության մաս դառնա:
«ՀԺ»-ն սահմանադրական հանրաքվեից հետո գրել էր, որ սպասվում են նաեւ Երեւանի մի շարք վարչական շրջանների ղեկավարների փոփոխություններ: Ըստ մեր աղբյուրների, հավանական է համարվում, որ գործընկեր կուսակցությունների հետ բանակցությունների արդյունքում մի շարք համայնքներ ՀՀԿ-ն համաձայնի տալ գործընկերներին:
Երեկ, երբ մի քանիժամյա քննարկումներից հետո ՀՀԿ ԳՄ անդամ, ԱԺ ֆինանսավարկային եւ բյուջետային հանձնաժողովի նախագահ Գագիկ Մինասյանը եկավ լրագրողների հարցերին պատասխանելու եւ ակնարկեց, որ կոալիցիա կարող է ձեւավորվել ոչ միայն ՀՀԿ-ի ու ՀՅԴ-ի միջեւ, լրագրողներից մեկը նկատեց՝ ՀՀԿ-ն գործընկերներ շատ ունի: «Շատին էլ վերաբերվում է, համագործակցության տարբեր հնարավորություններ կան, եւ ես չեմ բացառում, որ տարբեր կուսակցություններ տարբեր հնարավորությունները օգտագործեն: Իսկ ինչպիսին կլինի՝ մեկը, երկուսը, երեքը, ավելի շատ, կորոշակիացվի մոտ ապագայում»: Լրագրողի հարցին՝ ՀՀԿ-ի ինչի՞ն է պետք կոալիցիան, Մինասյանը պատասխանեց. «Ես ասացի համագործակցության մասին, իսկ ՀՀԿ-ն միշտ կողմ է եղել համագործակցության՝ տարբեր ֆորմատներով: Ինչպիսին կլինի այդ համագործակցությունը, առաջիկայում կհստակեցվի»:
Սուրեն Պետրոսյանն ազատ է արձակվել
Անահիտ Ավանեսյանը Աշտարակի և Թալինի ԲԿ-ների վերազինման ուղղությամբ հանձնարարականներ է տվել
Հայ դպրոցականները 3 մեդալ են նվաճել Մենդելեևյան 58-րդ միջազգային օլիմպիադայում
Կոստանյանը Կատարի ԱԳՆ պետնախարարին է ներկայացրել «Խաղաղության խաչմերուկ»-ի սկզբունքները և պոտենցիալ հնարավորությունները
Հայրենիքի մեջ հայրենիք ենք փնտրել, մենք հիմա պետական գիտակցություն ենք մտնում նոր․ վարչապետ
Հարկադիր քարաթափում է իրականացվել Գեղարքունիքի և Կոտայքի մարզերում
Գագիկ Սուրենյանը նոր գրառում է արել
Հյուրանոցային համալիրում հայտնաբերվել է 2 օտարերկրացու մարմին, ևս 2 հոգի տեղափոխվել է հիվանդանոց․ ինչ է հայտնի
«Տոյոտա»-ն բախվել է կայանված «Մերսեդես բենց» մակնիշի ավտոմեքենային և շրջվել
Happy birthday love. Սուրեն Պապիկյանի կինը շնորհավորել է ամուսնու ծննդյան օրն ու համատեղ լուսանկար հրապարակել
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 28 սահմանային սյուն է տեղադրվել
Ժամը 17։30-ի դրությամբ Երևանում փակ ճանապարհներ չկան, Սևան-Երևան ճանապարհի երթևեկությունը վերականգնվել է
ՀՀ-ն ստացել է խաղաղության պայմանագրի նախագծի վերաբերյալ ադրբեջանական կողմի առաջարկները. ԱԳՆ խոսնակ
«Կողմնակալ» փաստաթուղթ է․ Բաքուն Եվրախորհրդարանի բանաձևը միակողմանի է որակել
Պետական դավաճանություն կատարելու համար քրեական հետապնդում է հարուցվել ՀՀ 2 քաղաքացու նկատմամբ․ նրանք հետախուզվում են
Տավուշի և Ղազախի հատվածում սահմանազատման գործընթացը տեխնիկապես ավարտվել է. Արմեն Խաչատրյան․ «Ազատություն»
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան ապրիլի 26-ին
Պատգամավոր Արթուր Խաչատրյանը բերման է ենթարկվել
Գիշերել են ազատազրկվածների համար նախատեսված ազատ հիվանդասենյակներում․ ՔԿՀ 2 աշխատակից ազատվել է զբաղեցրած պաշտոնից
Բարձր ենք գնահատում Ադրբեջանի և Հայաստանի միջև բանակցությունները, խաղաղության հասնելու լավ հնարավորություններ կան․ Ալիև
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
Բեռլինում կայացել է Շոլց-Ալիև հանդիպումը
Աննա Հակոբյանը լուսանկարներ է հրապարակել Գյումրի կատարած այցից
Ռուսաստանը նամակ է ուղարկել Հայաստան. այն հասել է Ազգային ժողով
ՆԱՏՕ-ից Ուկրաինային տրամադրված և ՌԴ-ի կողմից գրավված տեխնիկան բերվել է ցուցադրության (լուսանկարներ, տեսանյութ)
Շուրջ երկու տասնյակ ավտոմեքենա է տեղափոխվել տուգանային հրապարակ. վարորդները պատասխանատվության կենթարկվեն
Ապագայի շատ կոնկրետ նախագիծ է դրվում սեղանին, Հայաստանի լինելիության հարցն է լուծվում. վարչապետ (տեսանյութ)
Դիլիջանում կին վարորդը «Տոյոտա»-ով բախվել է կայանված «Մերսեդես»-ին, այնուհետ՝ գլխիվայր շրջվել
Փոխվարչապետն ու ՎԶԵԲ տարածաշրջանային տնօրենը կարևորել են Երևանում եվրոպական բանկի տարեկան հանդիպման կազմակերպումը
Բագրատ սրբազանն օգտագործում է նույն խոսույթը, ինչ ՀԱՊԿ-ը, որն իրականում աղետ է Հայաստանի համար. Տարոն Չախոյան
ՀՀ-ն իր էներգառեսուրսը պետք է գնի այնտեղից, որտեղ ամենաէժանն է ու շահավետը. Թունյանը՝ Ադրբեջանից գազ գնելու մասին
Մի քանի օրից կարճատև տեղումները կվերադառնան Երևանում ու մարզերում
ՀՀ ֆինանսների նախարարն ու ԵՄ դեսպան Մարագոսը քննարկել են բռնի տեղահանված անձանց խնդիրները
© 2024 Հայկական ժամանակ