Հաջորդ ԱԺ-ի քարտեզը ըստ ՀՀԿ-ի. «Ժառանգությունն» այնտեղ տեղ չունի

23/09/2015 schedule12:00

Հանրապետականները կամաց-կամաց իրենց համար գծում են ապագա խորհրդարանի քարտեզը: Եվ այդ քարտեզում «Ժառանգություն» կուսակցությունը տեղ չունի:

Մասնավոր զրույցներում ՀՀԿ-ականները պնդում են, որ հաջորդ գումարման Ազգային ժողովում «Ժառանգությունը» չի հայտնվելու. համենայնդեպս՝ ըստ իրենց քարտեզի: Այս պահին ԱԺ «Ժառանգություն» խմբակցությունում միայն մեկ հոգի է «Ժառանգություն» կուսակցության անդամ՝ Զարուհի Փոստանջյանը: ՀՀԿ-ական շրջանակներում խոսվում է, որ խմբակցության այլեւս նախկին ղեկավար Ռուբեն Հակոբյանին, որ օրերս լքեց կուսակցությունը, անձամբ Սերժ Սարգսյանն է խոստացել, որ հաջորդ խորհրդարան կմտնի դաշնակցության ցուցակով: Խմբակցության քարտուղար Թեւան Պողոսյանը, ըստ շրջանառվող խոսակցությունների, հաջորդ խորհրդարանական ընտրություններին մասնակցելու է ԱԺ անկախ պատգամավոր Էդմոն Մարուքյանի ստեղծած կուսակցությունով, թեեւ պաշտոնական հաստատում սույն տեղեկությունը չի ստացել: Ալեքսանդր Արզումանյանի ներկայությունը խմբակցությունում բացարձակ ֆորմալ բնույթ է կրում: Այսինքն, խմբակցությունն, ըստ էության, արդեն քայքայված է: Այս ընթացքում ներկուսակցական խմորումների պատճառով «Ժառանգությունը» լքեցին անհատներ, որոնց բացակայությունը մեծ կորուստ էր կուսակցության համար: Թե ինչպես է իր այսօրվա ռեսուրսներով «Ժառանգությունը» պայքարելու ՀՀԿ-ի վերոնշյալ պլանի դեմ, դժվար է ասել:   

Երեկ մեզ հետ զրույցում «Ժառանգության» նախկին անդամ, քաղաքագետ Ստյոպա Սաֆարյանն ասում էր, որ Ռուբեն Հակոբյանի հեռանալով «Ժառանգությունից» մարդկային ռեսուրս չի պակասել, նա ինչպես մենակ եկել էր, այնպես էլ մենակ գնաց, բայց նրա հեռացումը մեծ հարված հասցրեց կուսակցության քաղաքական հեղինակությանը՝ հիշեցնելով նաեւ հին վերքերը: «Հաջորդ խորհրդարան մտնելու շանս, կարծում եմ, բոլորը ունեն: Քաղաքականության մեջ որեւէ քաղաքական ուժ ապահովագրված չէ սխալներից, բայց նաեւ պիտի տեսանելի լինի, որ այս ամենից հետո կուսակցությունը հետեւություններ է անում եւ թույլ չի տալիս նման սխալներ, վարում է ակտիվ քաղաքականություն: «Ժառանգությունը» ընդհանուր առմամբ ոչ միայն այս վիճակից պիտի կարողանա ճիշտ դուրս գալ, այլ նաեւ վերադառնալ ճիշտ քաղաքական դիրքերին եւ կատարել այն ֆունկցիան, որը կատարում էր նախկինում, այլապես, իհարկե, կվերածվի սովորական մի կուսակցության, բավականին աղոտ հույսերով»,- ասում էր Սաֆարյանը:

Քաղաքականության մեջ, ըստ նրա, վերելքներն ու վայրէջքները քաղաքական գործչի համար նորմալ են, բայց ոչ հաստատ անկումները եւ ոչ հաստատ՝ պարբերաբար, անընդհատ թույլ տրվող սխալները, որովհետեւ լիդերության ինստիտուտը շատ հստակ պահանջներ ունի՝ նախաձեռնողականություն, առաջադեմ գաղափարներ, որոնց հետեւից մարդիկ կգնան եւ ճշգրիտ քայլեր, որոնք կգնահատվեն: «Հիմա ընդդիմության հետեւից ինչո՞ւ չեն գնում, որովհետեւ ընդդիմության սխալներն այնքան շատ են լինում, իսկ մարդիկ չեն սիրում անընդհատ սխալվող քաղաքական ուժին կամ քաղաքական գործչին: Մարդիկ հետեւում են նրան, ով իրենցից առաջ է տեսնում: Եթե քաղաքական ուժը առաջնորդության պահանջները չի բավարարում, իհարկե, վերջում անկման դինամիկայով հասնելու է ոչ այնքան հաճելի հանգրվանի: Եվ դրա համար մենք տեսնում ենք ե՛ւ ՀԱԿ-ի դեպքը, ե՛ւ նախկին ընդդիմադիր ուժերի դեպքը, «Ժառանգության» դեպքերը... հետեւաբար, երբ խոսում ենք շանսերի մասին, շանսերը ավելանում են միայն այն դեպքում, երբ հստակ հասկանում ես, թե ինչ պետք է արվի: Ավելի լավ է ոչինչ չանել, քան անընդհատ սխալվել»,- ասում էր քաղաքագետը:

Հարցին՝ արդյոք Րաֆֆի Հովհաննիսյանի պարբերաբար բացակայություններն ու Արեւմտյան Հայաստանի հետ կապված նրա ծրագրերը չե՞ն խոսում այն մասին, որ վերջինս էլ իր հերթին է որոշել «ձեռքերը լվանալ», Սաֆարյանը պատասխանեց. «Իհարկե, լիդերի բացակայությունը զգացնել տալիս է ընդհանուր անցուդարձի եւ քաղաքական կուսակցության հետագծի վրա, բայց ես չեմ կարող դա մեկնաբանել որպես քաղաքականությունից հրաժարվել կամ դիրքերի զիջում: Ես երբեւիցե չեմ զգացել կամ չեմ լսել այդ տրամադրությունները, որ Րաֆֆի Հովհաննիսյանը հոգնել է քաղաքականությունից կամ այլեւս չի ուզում կամ չի պատրաստվում հաջորդ ընտրություններին: Միգուցե այլք ունենան նման տպավորություն, բայց թերեւս Հովհաննիսյանին չի հաջողվում գտնել՝ «ինչ անել այս իրավիճակում» հարցի պատասխանը, թերեւս սա ավելի ճիշտ կլինի որպես իրավիճակի գնահատական»: Ըստ Սաֆարյանի, չկա կուսակցության ընդհանուր քաղաքական գիծը, ձեռագիրը, կուսակցությունն ավելի շատ պաշտպանվում է, եւ այդ վիճակը ոչ այնքան շահեկան դիրքերում է դնում իրեն, որ ինքը բան չունի ներկայացնելու հասարակությանը, անընդհատ ստիպված է բացատրություն տալ այս կամ այն տհաճ միջադեպի կապակցությամբ:  

Ուշագրավ է, որ երեկ ԱԱԾ-ն հայտարարություն տարածեց, որով Զարուհի Փոստանջյանին զգուշացնում է որ «տապալում, շենքերի քանդում» արտահայտությունները եւ նման բովանդակությամբ կոչերը ՀՀ քրեական օրենսգրքով նկարագրված հանցավոր արարքների բնութագրիչ հատկանիշներից են եւ այդպիսի գործողություններն ուղղակիորեն առնչվում են օրենսդրությամբ ազգային անվտանգության մարմինների առաջ դրված խնդիրներին: «Ուստի ցանկացած նման կոչ, առավել եւս գործողություն կատարելու փորձ կկանխվի ՀՀ ազգային անվտանգության ծառայության տրամադրության տակ եղած բոլոր օրինական միջոցներով»,- ասված էր ԱԱԾ-ի տարածած հայտարարությունում։ ԱԱԾ-ն նշել էր, որ սեպտեմբերի 18-ին Փոստանջյանը ԱԺ ամբիոնից թույլ է տվել սադրիչ արտահայտություններ: ««Ժառանգություն» խմբակցության նորաթուխ ղեկավարի պաշտոնամուտի իր ելույթով Փոստանջյանը փորձեց իր կարգավիճակի փոփոխությունն, այսպես ասած, շռնդալից դարձնել, սակայն, ակնհայտորեն գերազանցեց ինքն իրեն եւ փորձեց ոտնակոխ անել քաղաքական պայքարի թույլատրելիության իրավական սահմանը, որից այն կողմ անխուսափելիորեն պետք է վրա հասնի սեփական արտահայտությունների ու արարքների համար պատասխանատվությունը»,- ասված էր հաղորդագրությունում։

Տպել
2323 դիտում

Մեծ պատիվ է. Համբարձումյանը՝ Մխիթարյանի բացակայության պայմաններում ավագի թեւկապը կրելու մասին

Թիմը դժվարությամբ էր ըմբռնում նոր մարզչի ասածները. ՀՀ ֆուտբոլի հավաքականի ֆուտբոլիստը՝ պարտության մասին

Նախկին պատգամավոր Ալիկ Պետրոսյանը կալանավորվեց. դատարանը հրապարակեց որոշումը

Տղաները մաքսիմում նվիրվեցին, բայց որակական առումով զիջեցինք. ՀՀ ֆուտբոլի հավաքականի մարզիչը՝ Հունաստանին պարտվելու մասին

Քիմ Քարդաշյանն ու Քանյե Ուեսթը վաճառում են իրենց առանձնատունը․ այն գնահատել են 3,5 միլիոն դոլար

Վերջ. ՀՀ ֆուտբոլի հավաքականը պարտվեց դժգույն խաղով ու պաշտոնապես հրաժեշտ տվեց Եվրո 2020-ին

Երեւանում 37-ամյա կինը լույս աշխարհ է բերել 11-րդ երեխային

Քեզ հետ ենք, Վենետիկ․ Իտալիայում ՀՀ դեսպանությունը զորակցություն է հայտնում հեղեղվող քաղաքի բնակչությանը

Նախագահ Արմեն Սարգսյանի հրամանով հետմահու Արիության մեդալով է պարգեւատրվել հրշեջ-փրկարար Սամվել Վարդանի Դևելյանը. ԱԻՆ

Վյաչեսլավ Հարությունովի պաշտպանը դատարանին միջնորդեց դատակոչել Գագիկ Ծառուկյանին, Էդուարդ Բաբայանին, Իվետա Տոնոյանին

Նախագահ Արմեն Սարգսյանն ընդունել է Վրաստանի Համագործակցության հիմնադրամի նախագահին

Բազմամարդ բողոքի ակցիա Թբիլիսիում՝ արտահերթ ընտրությունների պահանջով. 2 օր է՝ երթեւեկելի պողոտան փակ է

Նախագահ Արմեն Սարգսյանը հյուրընկալել է Ղազախստանի խորհրդարանի Սենատի նախագահ Դարիգա Նազարբաևային

Գործկո՛մ, դո՛ւրս. ՀՀ ֆուտբոլի հավաքականի երկրպագուները պահանջում են ՀՖՖ գործկոմի հրաժարականը

Բացառվում է, որ ցանկապատի մեջ ապրենք. Մխիթար Սեբաստացի կրթահամալիրի աշակերտները կենդանի պատ են կազմել

Իսրայելը և Միացյալ Նահանգները ոչ մի բարեկամ չունեն. Հասան Ռոհանի

Վարչապետն ընդունել է Ղազախստանի խորհրդարանի Սենատի նախագահին

Բացահայտվել է Հայոց ցեղասպանության բանաձևն արգելափակած ամերիկացի սենատորի կապը թուրք լոբբիստների հետ

«Իմ Սարյանը» ցուցահանդեսը կշարունակվի մինչև նոյեմբերի 19-ը

ՃՈ-ն ուժեղացված ծառայություն է իրականացնում Ֆրանսիայի հրապարակում