Իշխանությունը Ֆարմանյանն է

08/05/2015 schedule22:27

ԱԺ Հանրապետական խմբակցության պատգամավոր Սամվել Ֆարմանյանի վերջին շրջանի ընդդիմադիր հայտարարությունները տարակուսանք են առաջացրել ոչ միայն նրա կուսակիցների մոտ:

Նախօրեին Ֆարմանյանը Վանաձորի ՀՀԿ-ական քաղաքապետին ցմփոր անվանեց՝ հայտարարելով, թե ինչո՞ւ պետք է պատասխանատու լինի ինչ-որ քաղաքապետի կերած կեղտերի համար, ում, որպես իշխանություն, չգիտի՝ ոնց վերահսկի: Մինչ այդ, ԱԺ արտաքին հարաբերությունների հանձնաժողովի նիստում Ֆարմանյանը «դեմ» քվեարկեց բազմամիլիոն մի վարկային համաձայնագրի՝ կրկին քննադատական հայտարարություններ հնչեցնելով: Դրանից առաջ էլ նա ԱԺ լիագումար նիստում բախվեց ՀՀԿ խմբակցության պատգամավոր Արտաշես Գեղամյանի հետ: Ի՞նչ է կատարվում. երեկ փորձեցինք պարզել անձամբ Սամվել Ֆարմանյանից:

- Պարոն Ֆարմանյան, վերջին շրջանի ձեր պատգամավորական գործունեությունը կուլիսային քննարկման առարկա է դարձել: Ինչո՞վ են պայմանավորված ձեր հայտարարությունները եւ ի՞նչ է սա նշանակում: Ինչ-որ հակասություննե՞ր կան:

- Միգուցե ձեզ մոտ կամ որեւէ մեկի մոտ կարող է նման տպավորություն ստեղծվել, բայց դա ոչ թե հատուկ ծրագրավորված մտքերի կամ սցենարների արտահայտություն է, այլ շատ նորմալ, ընթացիկ խորհրդարանական աշխատանք: Ես, լինելով քաղաքական մեծամասնության ներկայացուցիչ, շատ հեռու եմ այն մտքից, որ որեւէ մեկը զերծ է սխալներից, եւ հեռու եմ այն մտքից, որ սխալների բարձրաձայնման կամ քննադատության հարցում որեւէ սահմանափակում պետք է ունենալ: Նման բարձրաձայնումների կամ քննադատությունների հիմքում բացառապես պատասխանատվության զգացումն է, որպես քաղաքական մեծամասնություն, եւ ոչինչ ավելին:

- Այսինքն՝ դուք հիմա ուզում եք ասել, որ որեւէ հակասություն չկա՞ ՀՀԿ ներսում:

- Հանրապետության նախագահի կողմից իրականացվող քաղաքական կուրսի վերաբերյալ որեւէ հակասություն ոչ միայն չունեմ, այլ ամբողջովին աջակցում եմ այդ կուրսին եւ ինձանից կախվածը անում եմ:  

- Իսկ ՀՀԿ ներսում եւ իշխանության ներսում՝ ընդհանրապես, դժգոհություններ չե՞ն եղել ձեր այդ հայտարարություններից:

- Հանրապետության նախագահի կողմից ես երբեւէ որեւէ դժգոհություն չեմ լսել իմ պատգամավորական գործունեության հետ կապված, իսկ որ իմ որոշ գործընկերների մոտ կարող են հարցեր առաջանալ, դա նույնքան օրինաչափ է, որքան ինձ մոտ հարցեր կարող են առաջանալ իմ գործընկերների կողմից կատարվող կամ չկատարվող հայտարարությունների, արվող կամ չարվող գործողությունների վերաբերյալ: Սա շատ օրինաչափ է ցանկացած մեծ կուսակցության պարագայում, եւ այստեղ, ինչպես ասում են, մութ սենյակում կատու փնտրելու անհրաժեշտություն իսկապես չկա, եւ բոլոր այն մարդիկ, ովքեր հեռուն գնացող եզրակացություններ են անում, սխալվում են իրենց մտքերում:

- Օրինակ՝ Վանաձորի քաղաքապետին երեկ ինչո՞ւ ցմփոր ասացիք:

- Վանաձորի քաղաքապետը, մարդ, ով զբաղեցնում է հանրապետության 3-րդ քաղաքի քաղաքապետի պաշտոնը, պարտավոր է իմանալ հետեւյալը, որ մեր շատ ու շատ գործընկերներ լրատվական դաշտից՝ տարբեր պատճառներով պայմանավորված, երբեմն նյութերը ներկայացնում են այնպես, որպեսզի դրանք ավելի հետաքրքիր լինեն լայն հասարակության համար: Բայց քաղաքապետի տարբերությունը սովորական ընթերցողից պետք է լիներ այն, որ մինչեւ ասվածի կամ չասվածի ընկալելը, իրեն իրավունք չվերապահեր կատարել հայտարարություններ, որոնք հարիր չէ, որ քաղաքապետը կատարում է կապված պատգամավորական քննարկումների հետ: Ես այսքանը կարող եմ ասել եւ կարծում եմ, որ Վանաձորի քաղաքապետը, թեեւ ուշացումով, բայց հասկացել է դա: Իսկ ո՞վ է ասել, որ քաղաքապետը իշխանություն է եւ ես քննադատում եմ իշխանությանը, եւ ոչ թե հակառակը, որ մենք ենք իշխանություն եւ կարծիք ենք հայտնում տեղի ունեցած բացթողումների վերաբերյալ: Ճիշտ հակառակն է իրականում. ոչ թե ես եմ քննադատում իշխանությանը, այլ նրանք են ընդդիմանում կամ նրանք են շեղվում իշխանության համար կարեւոր հարցերում որդեգրած կուրսից:

Տպել
2436 դիտում

Մայիսի 9-ի փողոցի տներից մեկում հրդեհ է բռնկվել. տուժածներ չկան

Ինֆարկտ տարած գյուղապետը հետ է վերցրել փաստաթղթերը. նախընտրական կրքեր գյուղերում

ԱԻՆ-ը կոչ է անում երթեւեկել բացառապես ձմեռային անվադողերով. սպասվում են տեղումներ ձյան տեսքով

Արշակունյաց պողոտայում ավտոմեքենա է այրվել. տուժածներ չկան

Արմեն Գրիգորյանը կմասնակցի ԱՊՀ անդամ երկրների ԱԽ քարտուղարների յոթերորդ ամենամյա հանդիպմանը

Էրդողանն անդրադարձել է ԱՄՆ Սենատում Հայոց ցեղասպանության բանաձևի վրա դրված վետոյին

Մ-2 ավտոճանապարհի Գորիս-Սիսիան հատվածում՝ դեպի Իշխանասար լեռ, բռնկված հրդեհն ինքնամարվել է (տեսանյութ)

Քաղաքապետը դեռեւս չի ստորագրել կենդանաբանական այգու տնօրենի ազատման դիմումը

Երևանի կենտրոնում կրակել են շան վրա. փամփուշտը դիպել է անմիջապես ողնաշարին

Ներկայացվել է «Հայաստանի էներգետիկ համակարգի նվազագույն ծախսերով 2020 – 2036 թվականների զարգացման պլան» հաշվետվությունը

ԱՄՆ կոնգրեսականները կոչ են արել վերանայել Ադրբեջանին հատկացվող ռազմական օգնության քաղաքականությունը

Հայաստան Մ-19 - Չեռնոգորիա Մ-19 հանդիպումն ավարտվեց ոչ-ոքի՝ 3:3 հաշվով. ՀՖՖ

Արթուր Դանիելյանը միացել է Հայաստանի Մ-21 հավաքականին. ՀՖՖ

Գյումրու դեպոյի մեքենավարները դիմել են ԱԱԾ, դատախազություն, ոստիկանություն (լուսանկարներ, տեսանյութ)

Փոխվարչապետ Տիգրան Ավինյանն ընդունել է Միջազգային գիտատեխնիկական կենտրոնի պատվիրակությանը

Խորհրդարանն առաջին ընթերցմամբ ընդունեց «օրենքով գողերին» քրեական պատասխանատվության ենթարկելու նախագիծը

Մաթեմատիկա, հայոց լեզու եւ պատմություն առարկաների ուսուցիչները աշխատանքի ընդունվելուց առաջ քննություն կհանձնեն

Շվեդ ուսանողները շրջել են խորհրդարանի շենքում. ԱԺ

Դպրոցում 6 քննություն հանձնելով՝ ընդունելության քննությունները, ըստ էության, վերանալու են. նախարարը՝ նոր նախագծի մասին

Վարչապետը հանդիպում է ունեցել ռուսական առաջատար ԶԼՄ-ների ներկայացուցիչների հետ