Քրգործ սյունիքի մարզպետի դեմ

17/11/2011 schedule11:02

Քրգործը հարուցվել է ՀՀ քրեական օրենսգրքի 118-րդ հոդվածով` ծեծ: Սույն հոդվածով պատիժ է սահմանված տուգանքը` նվազագույն աշխատավարձի առավելագույնը հարյուրապատիկի չափով կամ կալանքը` առավելագույնը երկու ամսով: Սիլվա Համբարձումյանը երեկ գրավոր դիմել է նաեւ ՀՀ ոստիկանապետ Վլադիմիր Գասպարյանին, որպեսզի ապահովվի իր անվտանգությունը, այսինքն, իրեն թիկնազոր տրամադրեն` Սյունիքի մարզպետից պաշտպանվելու համար: Սյունիքի ՀՀԿ-ական մարզպետը, ինչպես երեկ մեզ հայտնի դարձավ, առայժմ հարցաքննության չի կանչվել: Փոխարենը, երեկ նա շտապել էր հերքել, որ ծեծի է ենթարկել գործարար կնոջը: «Զանգվածային որոշ լրատվամիջոցներ տեղեկություններ են տարածել, ըստ որոնց` ս/թ. նոյեմբերի 14-ին Երեւանում` 17.30-ի սահմաններում, «Մարիոթ» հյուրանոցում ՀՀ Սյունիքի մարզպետ Սուրիկ Խաչատրյանը իբրեւ թե ծեծել է գործարար Սիլվա Համբարձումյանին: Անհրաժեշտ ենք համարում հայտնել, որ այդ լուրերը իրականությանը չեն համապատասխանում, դրանք հորինված, բացարձակ սուտ եւ զրպարտություն են` ուղղված ՀՀ Սյունիքի մարզպետ Սուրիկ Խաչատրյանի դեմ»,- ասված է Սյունիքի մարզպետարանի տեղեկատվության եւ հասարակայնության հետ կապերի բաժնի տարածած հերքման տեքստում:

Իրականում դեպքը տեղի է ունեցել բազմաթիվ ականատեսների ներկայությամբ, եւ դա ֆիքսվել է անգամ հյուրանոցի անվտանգության տեսախցիկներով: Երեկ, երբ այցելեցինք «Արմենիա-Մարիոթ», տեղի անվտանգության աշխատակիցը` Արման անունով, ասաց, թե տեսագրությունը չի պահպանվել եւ մեր ոչ մի հարցի չի կարող պատասխանել: Երիտասարդն ակնհայտորեն վախեցած էր ու մեր հարցերից խուսափելու համար դուրս եկավ շենքից: Սիլվա Համբարձումյանը մեզ հայտնեց, որ ինքը ՀՔԾ-ում միջնորդել է` «Արմենիա-Մարիոթ» հյուրանոցի ադմինիստրացիայից պահանջել միջադեպի տեսագրությունը: Նախօրեին, երբ դեպքը տեղի էր ունեցել` մենք գրավոր եւ բանավոր ՀՀ վարչապետի մամուլի խոսնակ Արամ Անանյանին հարցում էինք ուղարկել` պատժվելո՞ւ է արդյոք Սյունիքի մարզպետն իր արարքի համար: Երեկ, սակայն, այդպես էլ պատասխան չստացանք: Խորհրդարան եկած վարչապետ Տիգրան Սարգսյանը ծառայողական մուտքով ծլկեց` լրագրողներին չհանդիպելու համար, իսկ նրա խոսնակը ողջ օրը հեռախոսազանգերին չէր պատասխանում: Երբ ՀՀԿ խոսնակ Էդուարդ Շարմազանովին հարցրինք` պատժվելո՞ւ է մարզպետը, նա պատասխանեց. «Սյունիքի մարզպետարանը հերքել է, ես ոչինչ չեմ կարող ասել»: Այսինքն, ամեն անգամ Լիսկան նման սկանդալային բաներ պիտի անի, ու դուք ծածկադմբոց սարքե՞ք` մեր հարցին Շարմազանովը չպատասխանեց: Երբ ՀՀԿ փոխնախագահ Գալուստ Սահակյանից հետաքրքրվեցինք` ՀՀԿ-ն քննարկելո՞ւ է իր մարզպետի վարքը, նա պատասխանեց. «Սա ընդամենը լուր է դեռեւս, պիտի կարողանանք որոշակի մանրամասներ ճշտել: Քննարկումը կլինի այն ժամանակ, երբ լիազորված մարմինները կարողանան դրսեւորում ցույց տալ, որպեսզի կարողանանք իմանալ` ինչ է, թե չէ ՀՀԿ-ն քննչական մարմին չէ, որ քննություն կազմակերպի»:

Ինչ է եղել իրականում
Դեպքը տեղի է ունեցել այսպես. նոյեմբերի 15-ի երեկոյան մի շարք մարզպետներ եւ պատգամավորներ հավաքվել են «Արմենիա-Մարիոթ» հյուրանոցում, որպեսզի այնտեղից գնան Կոտայքի մարզպետ Կովալենկո Շահգալդյանի ծնունդին: Սուրիկ Խաչատրյանը, մտնելով հյուրանոց, ինչպես մեզ պատմել էին ականատեսները, ծնկով հարվածել էր իրեն դեմ դիմաց դուրս եկած Սիլվա Համբարձումյանին, իսկ այնուհետեւ սկսել էր հարվածներ տեղալ կնոջ գլխին: Համբարձումյանն էլ հայտարարել էր, որ հարձակման ընթացքը կանխել էին մի շարք պաշտոնյաներ. նշվում էր ԱԺ պատգամավորներ Խաչիկ Մանուկյանի, Սամվել Սարգսյանի անունները, ինչպես նաեւ Տավուշի մարզպետ Արմեն Ղուլարյանի անունը: Խաչիկ Մանուկյանը երեկ մեզ հետ զրույցում հայտարարեց, որ երբ ինքը մտել է հյուրանոց, ամեն ինչ արդեն ավարտված է եղել: «Ես երբ ներս մտա, տեսա մի սեղանի շուրջ նստած են Սյունիքի մարզպետն ու Սամվել Սարգսյանը, մյուս սեղանի շուրջ` 2 մետր հեռավորության վրա` Սիլվան ու Մենուա Հարությունյանը: Բարեւել եմ, նստել եմ, հետո Մենուան ինձ ասաց, որ միջադեպ է եղել, ես էլ ասեցի` ամոթ չի՞ ստեղ կռիվ եք անում»,- պատմում էր պատգամավորը: Նա նստել է Սուրիկ Խաչատրյանենց սեղանի մոտ, իսկ մի քանի րոպե հետո Սյունիքի եւ Տավուշի (Տավուշի մարզպետն, ըստ Խաչիկ Մանուկյանի, իր գալուց հետո է եկել) մարզպետների հետ դուրս է եկել հյուրանոցից: «Սիլվան սուտ է ասում, որ ես այնտեղ եմ եղել»,- ասաց պատգամավորը:

ՀՀԿ-ական մյուս պատգամավորը` Սամվել Սարգսյանը, մեզ պատմեց հետեւյալը. «Ես ծնկով խփելու պահը չեմ տեսել, ես տեսա, որ ձեռքով ապտակեց ու հասա: Այնքան արագ եղավ ամեն ինչ, ես չէի սպասում, ես այդ պատմություններին տեղյակ չէի, ինձ թվաց` մոտենում է, որ խոսեն, դրա համար այդքան ուշադիր չէի. «Մենք ենք, մեր սարերի» նման, որ իմանայի լինելու է դեպքի վայր, ուշադիր կլինեի: Հետո եկան Խաչիկը, Արմեն Ղուլարյանը, բայց այդ պահին չէ, մի 2 րոպե հետո: Սուրիկը հետո եկավ մեր սեղանի մոտ, բայց նորից գնաց, մոտեցավ Սիլվային, խոսեցին մի 2 րոպե, ու Սուրեն Խաչատրյանը գնաց: Հիմա թե ներողություն է խնդրել, թե ինչ, ես ինձ թույլ չտվեցի հարցնել: Հետո ես մոտեցա Սիլվային, փորձեցի մի քիչ հանգստացնել, բայց չստացվեց, շատ ներվայնացած էր, հուզված էր: Շատ տգեղ բան ստացվեց: Դա չպիտի արվեր, պիտի կարողանար զուսպ պահել իրեն մարզպետը»:

Սիլվա Համբարձումյանը մեզ հայտնեց, որ Սուրիկ Խաչատրյանը միջադեպից հետո, երբ մոտեցել է իրեն, ներողություն չի խնդրել: «Սկսեց ամբախ-զամբախ խոսել: Հետո Սամվելը մոտեցավ, ասաց` իր կողմից ներողություն եմ խնդրում, ասացի` դուք պարտավոր չեք ներողություն խնդրել»,- պատմեց Սիլվա Համբարձումյանը: Գործարարը մեզ հայտնեց, որ Սուրիկ Խաչատրյանը պետք է հրապարակային ներողություն խնդրի իրենից, նաեւ ասաց, որ իրենից գողացված 102 միլիոն դրամի գույքը մարզպետը պետք է վերադարձնի: Ինչպես տեղեկացրել էինք, օրեր առաջ ՀՔԾ-ում մեկ այլ գործ էր հարուցվել Սուրիկ Խաչատրյանի դեմ` կրկին Սիլվա Համբարձումյանի հայտարարության հիման վրա:

Տպել
625 դիտում

Կառավարությունը մերժեց «Լուսավոր Հայաստան»-ի ներկայացրած օրենքի նախագիծը

Ինչո՞ւ էր անհրաժեշտ, որ այդ մարդիկ Հայաստանից հեռանան, որպեսզի դառնան աշխարհահռչակ երաժիշտ. վարչապետ

Քրեակատարողական ծառայությանը 30 լրացուցիչ հաստիք կտրամադրվի. նախագիծն ընդունվեց

Տպավորություն է ստեղծվում, որ երբեմն եղել են իրավիճակներ, երբ գոյություն են ունեցել սեփական դեսպանատներ. վարչապետ

Արտոնություն՝ «Ինթերնեշնլ Մանուֆաքչրինգ գրուպ»-ին. կստեղծվի 60-70 նոր աշխատատեղ՝ 200 հազար դրամ աշխատավարձով

Կառավարությունը մերժեց Տիգրան Ուրիխանյանի կողմից ներկայացված օրենքի նախագիծը

Մխիթարյանի մասով «Արսենալի» երկրպագուների համբերության բաժակը լցվել է

ՀՀ ԶՈՒ ներկայացուցիչները մեկնել են ՌԴ, կլինեն Ռյազանի օդադեսանտային բարձրագույն ուսումնարանում

Խոշոր սեփականատեր ունենալը հատուկ է միայն մեկ խմբակցության․ մեր եւ երրորդ խմբակցությունում այդպիսիք չկան․ Հայկ Գեւորգյան

ՀՀ ԶՈՒ ներկայացուցիչները մասնակցում են ՀԱՊԿ շրջանակում անցկացվող աշխատանքային հանդիպմանը

ՄԻԵԴ-ն այսօր հրապարակել է Լեւոն Տեր-Պետրոսյանն ընդդեմ Հայաստանի վճիռը

ԱՄՆ-ի նախագահի ապրիլքսանչորսյան ուղերձը որևէ արժեք չունի. Թուրքիայի ԱԳՆ

Այն մարզիկները, ովքեր ոգեշնչման օրինակ են, պետք է տեսնեն, որ ՀՀ-ն գնահատում է իրենց վաստակը պետության առաջ. վարչապետ

1-ին անգամ մարզիկի համար նման մեծ գումար է հատկացվում. բյուջեից 133200 $-ին համարժեք գումար կհատկացվի Լեւոն Արոնյանին

2002-ին 200․000 դոլարով «Արարատցեմենտ»-ը վաճառվել է «Ռոբերտո» ընկերությանը, որի հիմնադիրը օֆշորային ընկերություն է

Քաղաքացու օրը Երևանի մի շարք փողոցներ փակ են լինելու (տեսանյութ)

Մեղադրանք Նոր Նորք վարչական շրջանի նախկին ղեկավարին ու ֆինբաժնի պետին՝ յուրացումների համար. ՔԿ

Երևանի մետրոպոլիտենի ֆուտբոլային գնացքի առաջին ուղերթը ապրիլի 26-ին է լինելու

Նիկոլ Փաշինյանն ու Աննա Հակոբյանը իրենց տանը հյուրընկալել են ամերիկահայ աշակերտներին (լուսանկարներ)

Ռուսական «Ձայնը» մեծ ռեպորտաժ է պատրաստել «փոքրիկ ղարաբաղցի» Միշայի ու Արցախի մասին (տեսանյութ)