Երևան
19 °C
searchclose
today
menuclose
Երևան
19 °C
Ապրիլի 24-ի ոգեկոչման արարողությունը, որն այս տարի ծրագրված էր կազմակերպել «Ապրիլի 24-ի ոգեկոչման հարթակը» Քադըքոյում՝ «Սյուրեյյա» օպերայի դիմաց, Ստամբուլի նահանգապետարանն արգելել է։
Նահանգապետարանը նախորդ տարի նույնպես արգելել էր ոգեկոչման արարողությունը։ Հիշեցնենք, որ Ստամբուլում ոգեկոչման միջոցառումներն անխափան անցկացվել են 2010-2019 թվականներին։
«Ոչ մի ողջամիտ հիմնավորում չկա այս տարի մեր ոգեկոչումն արգելելու համար, ինչպես անցյալ տարի էր։ Մինչ ռասիստական ժողովներն ու ցույցերն անցկացվում են ազատորեն, անընդունելի է արգելել այս միջոցառումը, որում մենք հարգանքով և հանգստությամբ ոգեկոչում ենք նրանց, ում կորցրել ենք 1915թ-ին: Մեր ոգեկոչման միջոցառումն արգելելով՝ նահանգապետարանը հստակ ցույց տվեց, որ դեմ է ժողովրդավարացման դինամիկային։
Կոչ ենք անում նահանգապետարանին հրաժարվել այս որոշումից»,- նշվել է «Ապրիլի 24-ի ոգեկոչման հարթակ»-ի տարածած հայտարարության մեջ։
Մարդու իրավունքների ընկերակցության (İHD) ընդդեմ ցեղապաշտության և խտրականության հանձնախումբը ապրիլի 24-ին ևս հանդես է եկել մամուլի համար հայտարարությամբ և դատապարտել նահանգապետարանի մերժումը։
Ավելի վաղ՝ ապրիլի 23-ին, սակայն, Թուրքիայում գործող «Կանաչ ձախ» (YSP) կուսակցության անդամները ոգեկոչել են Հայոց ցեղասպանության զոհերի հիշատակը։ Կուսակցության անդամներից Ջեմալ Փաշայի թոռ Հասան Ջեմալն իր ելույթի մեջ նշել է, որ կիսում է հայ ժողովրդի ցեղասպանության ցավը։ Վերջիններս, հիշելով 1915-ի արհավիրքը, կոչ են արել Թուրքիայի այսօրվա և վաղվա քաղաքական իշխանություններին քայլ անել դեպի իրական առերեսում։
Հիշատակվել են նաև Հրանտ Դինքն ու Սևակ Բալըքչըն, որոնք տարիներ առաջ Թուրքիայում զոհ գնացին խտրականությանը՝ ինքնության ճակատագրին։
Նկատենք, սակայն, որ մինչ Ջեմալ Փաշայի թոռ Հասան Ջեմալը հայաբնակ Շիշլիում, խղճի ձայնին հնազանդ, հաստատակամորեն դատապարտել է իր նախնիների ոճիրը, մյուսները ցեղասպանության ոճրագործներին ամեն վայրկյան դարձնում են հերոս և հրամցնում հանրությանը՝ խեղաթյուրելով պատմությունը։
Ջեմալ Փաշան և Հասան Ջեմալը
Ապրիլի 24-ի թվիթերյան իր գրառման մեջ Թուրքիայի խորհրդարանի հայ պատգամավոր, ընդդիմադիր «Ժողովուրդների դեմոկրատական կուսակցության» (ԺԴԿ-HDP) անդամ Կարո Փայլանը ևս բոլորի ուշադրությունն հրավիրել էր այդ փաստին:
«108 տարի անց ցեղասպանության ճարտարապետ Թալեաթ փաշայի անվան փողոցներում ենք քայլում։ Թալեաթ փաշայի անվան դպրոցներում ենք մեր երեխաներին սովորել տալիս։ Եթե Գերմանիայում այսօր Հիտլերի անվան պողոտաներ լինեին, Հիտլերի անվան դպրոցներում երեխաներ սովորեին, ինչպիսի՞ Գերմանիա կլիներ, ահա այդպիսի Թուրքիայում ենք մենք ապրում»,- նկատել էր նա:
Թուրքիայի խորհրդարանի հայ պատգամավոր, ընդդիմադիր «Ժողովուրդների դեմոկրատական կուսակցության» (ԺԴԿ-HDP) անդամ Կարո Փայլանը
Սա անհերքելի իրողություն է, որի մեջ տարիներով զգուշավոր ապրում են պոլսահայերը՝ աչալուրջ լինելով վերահաս վտանգներին։
Ս. Նահատակների հիշատակության արարողություն, Պոլիս, 2023 թ. ապրիլ 24
Պոլսի հայահոծ Քուրթուլուշ թաղամասում գտնվող Ֆերիգյուղի Սուրբ Վարդանանց եկեղեցում ապրիլի 24-ին ոգեկոչել են Մեծ եղեռնի զոհերի հիշատակը։ Ս. Նահատակների հիշատակության Ս. պատարագն ու բարեխոսական արարողությունը նախագահել է Ն.Ա.Տ. Սահակ Բ. Պատրիարք Հայրը:
Պատարագի ավարտին ի լուր ներկաների ընթերցվել է Թուրքիայի Հանրապետության նախագահ Ռեջեփ Թայիփ Էրդողանի Ապրիլի 24-ի պատգամը.
«Ամեն. Տ. Սահակ Բ. Պատրիարք Հայոց Թուրքիոյ,
Թանկագին անդամներ Հայ համայնքի
Թանկագին հայրենակիցներս,
Կ’ողջունեմ ձեզ սրտագին զգացումներով ու սիրով։
Առաջին Համաշխարհային պատերազմի դժուարին պայմաններուն մէջ իրենց կեանքերը կորուսած Օսմանեան Հայերը յարգանքով կը յիշատակեմ, իրենց թոռներուն ցաւակցութիւններս կը յայտնեմ։
Այս առթիւ, թէ՛ Առաջին Աշխարհամարտի ընթացքին ապրուած բաղխումներու, յարուցուած ապստամպութեանց եւ թէ՛ հրօսախմբային եւ ահաբեկչական շարժումներու պատճառաւ մահացած Օսմանեան հայրենակիցներու համար Աստուծմէ ողորմութիւն կը հայցեմ։
Դարուս աղէտը նկատուած 6 Փետրուարի երկրաշարժերուն՝ անգամ մը եւս ականատես եղանք, թէ մենք որպէս 85 միլիոն ժողովուրդ, նոյն դրօշին հովանիին ներքեւ խաղաղութիւն գտած, նոյն հայրենի հողին բաժնեկից, անցեալն ու ներկան մէկ, ճակատագրակից անհատներ ենք։
Որքան որ ալ տխուր ըլլան անցեալին ապրուած դէպքերը, պէտք չէ արտօնենք, որ անոնք գերեվարեն մեր ներկան ու ապագան։
Կը հաւատանք, որ փոխանակ ցաւերը մրցակցութեան նիւթ դարձնելու, յանուն մեր ապագաներուն, զանոնք բաժնելով ամոքելը լաւագոյն ուղին է։
Այս հասկացողութեամբ, վերջին քսան տարիներու ընթացքին, մեր առած քայլերով կ’աշխատինք զօրացնել մեր ներքին խաղաղութիւնը, ամրացնել՝ մեր միութիւնն ու միասնականութինը, ընդարձակել՝ մեր բոլոր հայրենակիցներուն իրաւունքի եւ ազատութեան սահմանները։
Կը ջանանք հաստատել մթնոլորտ մը, որպէսզի Թուրքիոյ մէջ ոչ ոք լուսանցքայնացուի, ոչ ոք իր հաւատքին ու ազգային պատկանելիութեան ինքնութեան պատճառաւ մերժման ենթարկուի, ընդհակառակը՝ բոլորը շրջապատուին եւ իրար գիրկընդխառնուին։
Հակառակ պատմութիւնը քաղաքականացնելու աշխատանքներուն՝ յառաջիկայ շրջանին եւս մեր այլազանութիւնները որպէս հարստութիւն ընկալելով, պիտի շարունակենք աշխատիլ, հասնելու՝ բարեկամութեան եւ խաղաղութեան։
Մեր երկրի մշակութային, գեղարուեստի, քաղաքականութեան, տնտեսութեան, ուսումնական, ընկերային կեանքի բնագաւառներուն մէջ անփոխարինելի ներդրումներ ունեցող մեր հայ հայրենակիցներուն ամէն մարզի մէջ տէր կանգնիլ, իրենց իրաւունքներն ու ազատութիւնները պաշտպանել պիտի շարունակենք։
Սրտանց կը հաւատամ, որ մեր Հայ համայնքի թանկագին անդամները եւս պիտի զօրակցին մեր այս ջանքերուն։
Այս խոհերով Կայսրութեան լուծման ընթացքին յաւիտենականութեան անցած Օսմանեան հայրենակիցները անգամ մը եւս յարգանքով կը յիշատակեմ»։
Ռէճէփ Թայյիպ Էրտօղան
Թուրքիոյ Հանրապետութեան Նախագահ»:
Պատրիարք հայրն իր երախտիքի խոսքն է ուղղել Թուրքիայի Հանրապետության նախագահին՝ ընդգծելով, որ վերջինս ի պաշտոնե նման վշտակցություն հայտնող Թուրքիայի Հանրապետության առաջին բարձրաստիճան ղեկավարն է։ Նորին Ամենապատվությունը հատուկ շեշտադրությամբ ընդգծել է Թուրքիա-Հայաստան երկկողմանի պետական հարաբերությունների կարևորությունն ամբողջ տարածաշրջանի խաղաղության ու կայունացման համար։
Պոլսո Հայոց պատրիարքը քարոզի ընթացքում անդրադարձել է Մեծ եղեռնին՝ կատարելով ուշագրավ հոգևոր վերլուծություններ։
Ն.Ա.Տ. Սահակ Բ. Պատրիարք Հայրը
Հավելենք, որ Հայոց ցեղասպանության փաստը ընդունող շրջանակներին Թուրքիայի ԱԳՆ-ն պիտակավորում է որպես «նեղմիտ քաղաքական հաշվարկներին ծառայողներ և պատմությունից թշնամանք դուրս բերողներ»։
Հ. Գ. 108 տարի հետո մեկուկես միլիոն հայ նահատակների կողքին է՛լի հայ նահատակներ, է՛լի հայ որբեր...
108 տարի հետո ինչպե՞ս հայ մանուկին այսօ՛ր փրկել ցեղասպանվելուց։
Լիլիթ Պողոսյան, Թուրքիա
Բեռնատարը մի քանի պտույտ գլորվելով հայտնվել է ձորում. վարորդը հոսպիտալացվել է
Տան հյուրասենյակում հայտնաբերվել է 17-ամյա աշակերտի մարմինը. սպանության հատկանիշներով նախաձեռնվել է վարույթ
ՀՀ-ն բարձր է գնահատում Լեհաստանի հետ գործընկերության շրջանակներում հաստատված խորը բարեկամական կապերը. ԱԳՆ
Կոռուպցիոն հանցանքների ցանկը վերանայելու շուրջ քննարկում է անցկացվել հասարակական սեկտորի հետ
Ջերմաստիճանը կշարունակի նվազել, ինտենսիվ անձրևի տեսքով տեղումները կպահպանվեն
«Եվրոպական ժառանգության օրերի ճամբար» ծրագիրը մեկնարկել է նաև Սպիտակի համայնքային գրադարանում
Կոոպմանը Բաքվում քննարկել է Եվրամիության հետ համագործակցությանն առնչվող հարցեր
«Ինձ հետ դու-ով չխոսեք». իրավիճակը ԱԺ-ում թեժացավ. Արշակյանը Արծվիկ Մինասյանին զրկեց ձայնի իրավունքից, նա լքեց դահլիճը
Ինչո՞ւ եք ահաբեկում կիրանցիներին, անբարոյականի պես գալիս, անընդհատ ստեր եք հորինում. Հովհաննիսյանը՝ ընդդիմադիրներին
Երբ է այս տարի նախատեսված անցկացնել «Վերջին դաս» միջոցառումը. ԿԳՄՍՆ-ն շրջաբերականներ է ուղարկել
ՏԿԵ նախարարը Արմավիրի մարզում հետևել է ճանապարհաշինական աշխատանքների ընթացքին
Տպավորություն է՝ դիմապակիների դեմ պատերազմ եք սկսել, պետք չէ մեքենաներ կոտրել․ Արշակյանը՝ ԵԿՄ «ՈՒԱԶ»-ը վնասելու մասին
545 հարկ վճարող չի ապահովել անկանխիկ վճարման ընդունման հնարավորություն․ ՊԵԿ
Հայտնաբերվել է թմրամիջոցների շրջանառության մեղադրանքով շուրջ 10 ամիս հետախուզվող տղամարդը
Վրաստանի վարչապետը Վաշինգտոնի պահանջների պատճառով հրաժարվել է ԱՄՆ այցից
Սամվել Ղուկասյանը նոր պաշտոն ունի
Կենտրոն վարչական շրջանը նոր ղեկավար ունի
Կասեցվել է «Ֆիշեռ» ՍՊԸ-ի ձկնամթերքի արտադրամասի գործունեությունը. ՍԱՏՄ
Երևանի Արցախի պողոտայում պայթյուն է տեղի ունեցել ընթացքի մեջ գտնվող «Մերսեդես»-ում. կան վիրավորներ
Հնդկաստանի քաղաքացիների կողմից խուլիգանության, նրանցից մեկի սպանության վարույթով կալանավորվել են վերջինիս հայրենակիցները
«Մամուլի ազատության ինդեքս 2024» զեկույցում Հայաստանը բարելավել է դիրքը. որ հորիզոնականում են հարևան երկրները
Ռուսական զորքերը Նիգերում տեղակայված են նույն բազայում, ինչ ամերիկյանը. Պենտագոն
Միացյալ Նահանգները Հայաստանի կողքին է իր ինքնիշխանության ամրապնդման գործում. Մայքլ Քարփենթերը՝ ՀՀ ԱԺ պատգամավորներին
Խնդրահարույց է լրագրողների թիրախավորման, նրանց մասնագիտական գործունեությունը խոչընդոտելու դեպքերի առկայությունը. ՄԻՊ
Թբիլիսիում անհայտ անձինք հարձակվել են ցուցարարների վրա, ծեծել նրանց (տեսանյութ)
Մեքենան հայտնվել է «Գազպրոմ»-ի փորած փոսում
Երևանի և 3 մարզի որոշ հասցեներում մի քանի ժամ լույս չի լինի
Զովունիում երկհարկանի շինության առաջին հարկում հրդեհ է բռնկվել
Կիպրոսը ողջունել է Երևանի և Բաքվի միջև սահմանազատման վերաբերյալ պայմանավորվածությունը
Մեքենան դուրս է եկել Երևան-Գյումրի ճանապարհի երթևեկելի հատվածից ու շրջվել. կան տուժածներ
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ ինչ է քննարկվել
Զինված ավազակային հարձակում Երևանում․ թալանել են կնոջը և դիմել փախուստի, դեպքի վայրում հայտնաբերվել է մարտական ատրճանակ
«Մարտի 1»-ի գործը ավարտված չէ, նոր փամփուշտներ կան, որոնք ուղարկված են փորձաքննության․ Վարդապետյան
Հնարավոր չէ «սրբազան»-ի տիտղոսի հետևում անվանարկել քաղաքական հակառակորդին՝ ակնկալելով պատասխան Նոր Կտակարանից․ Առաքելյան
Վաշինգտոնում հայ պատգամավորները ներկայացրել են Հայաստան-Ադրբեջան խաղաղության գործընթացը
Վարդահովիտում գետի վարարման հետևանքով քաղաքացիները չեն կարողացել անցնել մյուս ափը (տեսանյութ)
Ալիևը արդարանում է Պուտինի առջև. ինչու է Ադրբեջանի նախագահը անընդհատ խոսում միջնորդներ չլինելու մասին
Աննա Հակոբյանի նախաձեռնությամբ Գյումրու «Երեխաների տուն» մանկատան սաներն այցելել են Կենդանաբանական այգի (տեսանյութ)
ԱՄՆ-ի կողմից սահմանված պատժամիջոցների ցուցակում ներառվել են նաև Թուրքիան և Ադրբեջանը
15 նոր տրոլեյբուս և 171 նոր ավտոբուս․ Երևանի տրանսպորտային հավաքակայանը կհամալրվի (տեսանյութ)
