Երևան
14 °C
ՀՀ վարչապետ Նիկոլ Փաշինյանը կառավարությունում այսօր հյուրընկալել է Հայաստանի Հանրապետության պետական կառավարման մարմիններում սփյուռքի մասնագետների ներգրավման «իԳործ» ծրագրի մասնակիցներին: Այս մասին տեղեկացնում է ՀՀ վարչապետի աշխատակազմի տեղեկատվության և հասարակայնության հետ կապերի վարչությունը:
Ներկաներին ուղղված ողջույնի խոսքում երկրի վարչապետը նշել է.
«Սփյուռքի գործերի գլխավոր հանձնակատար,
«իԳործ» ծրագրի հարգելի մասնակիցներ,
Ողջունում եմ բոլորիդ և ուրախ եմ մեր հանդիպման համար: Ուրախ եմ նաև, որ ծրագիրը հաջողությամբ իրականացվում է, և նախորդ տարիներին մենք փաստացի ունենք արդեն բավական թվով մարդիկ, ովքեր աշխատանքի են անցել Հայաստանի Հանրապետության պետական կառավարման համակարգում:
Հույս ունեմ, որ այս շրջափուլից հետո էլ ներկաներից շատերը կմնան աշխատելու Հայաստանում, աջակցելու Հայաստանի Հանրապետությանը պետական ինստիտուտների կառավարման և կառավարման արդյունավետությունը բարձրացնելու գործում, որովհետև իրականում մեր, ինչպես ցանկացած պետության, ամենամեծ կարիքը և անհրաժեշտությունն այնպիսի կադրեր ունենալը և ներգրավելն է, որոնք կարողանում են հարցեր լուծել և ոչ թե հարցեր առաջացնել: Դա, կարծում եմ, ամենամեծ խնդիրն է, և հույս ունեմ, որ ներկաները հենց այդ հմտությունների և կարողությունների մարդիկ են:
Եվ նաև, իհարկե, սա պատմական այս ժամանակահատվածում հատուկ ձևաչափ, հատուկ առաքելություն է դառնում, և ուզում եմ շնորհակալություն հայտնել բոլորիդ այս պատրաստակամությունը ցուցաբերելու համար, որովհետև ծրագրին մասնակցելու համար պետք է որոշում կայացնել, և դա ամենևին էլ պարզ որոշում չէ:
Հույս ունեմ, որ ձեր կայացրած այդ որոշումը չի բերի հիասթափության՝ առաջին հերթին ձեզ, և այդ կայացված որոշման արդյունքում մեր պետական կառավարման համակարգի որակը կլավանա, սփյուռքի հետ մեր հարաբերություններն ավելի բովանդակային և կոնկրետ կլինեն, արդյունքները՝ ավելի չափելի և շոշափելի»:
Սփյուռքի գործերի գլխավոր հանձնակատար Զարեհ Սինանյանը շնորհակալություն է հայտնել վարչապետ Փաշինյանին բարձր գնահատականի համար և մանրամասներ ներկայացրել ծրագրի ընթացքի վերաբերյալ՝ նշելով հետևյալը.
«Մեծարգո վարչապետ, սիրելի «իԳործականներ»,
Հայաստանի Հանրապետության Սփյուռքի գործերի գլխավոր հանձնակատարի գրասենյակը 2020 թվականից իրականացնում է «իԳործ» ծրագիրը, որի նպատակներն են պետական կառավարման համակարգի բարելավումը, Սփյուռքի ներգրավումը կառավարման համակարգում, ինչպես նաև մասնագիտական հայրենադարձությունը: Ծրագրի մասնակիցներն ընդգրկվում են Հայաստանի Հանրապետության պետական կառավարման մարմինների աշխատանքներում 1 տարի ժամկետով: Նրանց աշխատանքային փորձը և կարողությունները կիրառվում են պետական մարմինների կողմից իրականացվող աշխատանքներում և ծրագրերում, նպաստում են նորարարական գաղափարների և ոլորտային հետազոտությունների իրականացմանը:
Նախորդ 2 փուլերի մասնակիցների մոտ 68 տոկոսը հայրենադարձվել է՝ ակնկալվող 25 տոկոսի փոխարեն: Նրանցից ոմանք նշանակվել են բարձր պաշտոնների, մասնավորապես, փոխնախարար, կոմիտեի նախագահ, ՊՈԱԿ-ի տնօրեն, նախարարի խորհրդական և հանրային ծառայության այլ պաշտոններ: 2021-2022թթ. փուլի Հայաստանում մնացած ծրագրերի մասնակիցների 60 տոկոսն աշխատանքի է անցել, որոնցից 13-ը՝ Հայաստանի պետական կառավարման մարմիններում:
«իԳործ» ծրագրի 2022-2023թթ. խմբի մասին մի փոքր նշեմ: Այս տարի ևս ունենք 50 փորձագետ, որոնք աշխատում են 24 տարբեր գերատեսչությունում, այդ թվում՝ այս տարի ունենք նոր գերատեսչություններ, ինչպիսիք են` Վիճակագրական կոմիտեն, Հեռուստատեսության և ռադիոյի հանձնաժողովը և Շուկայի վերահսկողության տեսչական մարմինը: Մասնակիցները եկել են Ռուսաստանից, ԱՄՆ-ից, Լիբանանից, Արգենտինայից, Բելգիայից, Եգիպտոսից, Ֆրանսիայից, Կանադայից, Բելառուսից և Ուկրաինայից:
Ինչպես տեսնում եք, պարոն վարչապետ, մեր «իԳործականները» հիմնականում երիտասարդ են, բայց ունենք ներկայացուցիչներ տարիքային բոլոր շերտերից: Իհարկե, տարիքային որևէ սահմանափակում չունենք և մտադրություն էլ չունենք ունենալու: Նրանք աշխատում են շատ մեծ եռանդով՝ չնայած բոլոր դժվարություններին: Ընդհակառակը, բոլորն էլ գիտակցում են, որ իրենց ներգրավվածությամբ, իրենց մասնակցությամբ պատասխանատվության և բեռի մի փոքրիկ մասն էլ իրենք են կրում»:
«իԳործ» ծրագրի մասնակիցները իրենց երախտագիտությունն են հայտնել ՀՀ կառավարությանը՝ մեր երկրի պետական տարբեր գերատեսչություններում աշխատելու հնարավորության համար և ներկայացրել իրենց կողմից իրականացվող աշխատանքը, կիսվել տպավորություններով:
Հաջորդիվ ծավալվել է մտքերի փոխանակություն: ՀՀ վարչապետը պատասխանել է հանդիպման մասնակիցների բազմաթիվ հարցերին, որոնք վերաբերել են պետական կառավարման համակարգի բարեփոխումներին, արտաքին քաղաքականությանը, անվտանգային մարտահրավերներին, կրթության ոլորտի բարեփոխումներին, Սփյուռքի ներուժի իրացմանը, հայրենադարձության խթանմանը, թվայնացման օրակարգին, սոցիալական ծրագրերին, տարածքային համաչափ զարգացմանը և այլն: Նիկոլ Փաշինյանը ներկայացրել է նշված ուղղություններով Կառավարության կողմից իրականացվող քայլերն ու ծրագրերը, անդրադարձել առաջիկա անելիքներին:
Ամփոփելով հանդիպումը՝ վարչապետը ևս մեկ անգամ կարևորել է «իԳործ» ծրագիրը, որի նպատակներից է Սփյուռքի մեր հայրենակիցների ներուժի կիրառումը մեր պետության առջև ծառացած մարտահրավերների հաղթահարման գործում: «Մեր նպատակը Հայաստանն ապրելու համար գրավիչ ու հարմարավետ երկիր դարձնելն է: Պետք է նույնականացնենք առկա խնդիրների խորքային պատճառները և փորձենք լուծել: Ֆունդամենտալ պատճառներից է ինստիտուտների կայացվածության ցածր մակարդակը կամ չկայացվածությունը: Մեծապես գնահատելի է, որ եկել եք և ձեր փորձն եք ուզում ներդնել ՀՀ պետական ինստիտուտների կայացման գործում: Պետք է աշխատենք արդյունավետություն և զարգացում ապահովելու ուղղությամբ», - ասել է Նիկոլ Փաշինյանը և հաջողություն մաղթել «իԳործականներին»:
Մենք քայլ-քայլ, հետևողական գնալու ենք բոլոր խնդիրները լուծելու ճանապարհով․ վարչապետն այցելել է Արմավիրի մարզի համայնքներ
Զերծ մնալ զինծառայողներին քաղաքական ակցիաներին ներգրավելու փորձերից, ԶՈՒ հեղինակությանը վնասելու գործելաոճից․ ՊՆ
Եվրոպան պետք է պատրաստ լինի անհրաժեշտության դեպքում զսպելու Ռուսաստանին, ԵՄ-ն կուժեղացնի աջակցությունը Կիևին. Մակրոն
Էջմիածնից բերման ենթարկված 6 անձինք ազատ են արձակվել
6-7 բալ ուժգնությամբ երկրաշարժ Ադրբեջանում․ ցնցումները զգացվել են Սյունիքում
Երեխեք, ո՞նց եք․ վարչապետը չնախատեսված կանգառ է ունեցել Բամբակաշատում (տեսանյութ)
Կա՞ն հերթագրված երեխաներ․ վարչապետն այցելել է Մեծամորի Արևիկ բնակավայրի նորակառույց մոդուլային մանկապարտեզ (տեսանյութ)
Երևանի կենտրոնում բախվել են 4 ավտոմեքենա և թիվ 44 երթուղու ավտոբուսը. կա վիրավոր
Հայաստանը հայտարարվել է «Ամերիկյան երկրների մրցունակության փոխանակում» ծրագիրը հյուրընկալող երկիր
Եզրափակչից ժամեր առաջ Նիդեռլանդների ներկայացուցիչը հեռացվել է «Եվրատեսիլ 2024»-ից
Վրաստանում ժողովրդավարական հետընթացն անհանգստացնում է ԱՄՆ-ին. Սալիվան
«Եվրատեսիլ 2024». ինչպե՞ս այսօր քվեարկել Հայաստանի օգտին
Չեմպիոնի գործն արժևորվում է իր կենդանության օրոք․ Արայիկ Հարությունյան
«Առինջ մոլ»-ի հարևանությամբ բախվել են 46 համարի ավտոբուսն ու «Տոյոտա»-ն
Նիկոլ Փաշինյանը Ջրառատում մասնակցել է Սիմոն Մարտիրոսյանի անվան ծանրամարտի մարզադպրոցի բացմանը (տեսանյութ)
Նախագահը Լոս Անջելեսում խոսել է սահմանազատման գործընթացի, առկա զարգացումների, նաև քարոզչական ապատեղեկատվության մասին
Ինչ իրավիճակ է Լարսի ճանապարհին
Երեկվա հանրահավաքին էլի թեզեր հնչեցին, որոնք վաղը միջազգային ատյաններում օգտագործելու են Հայաստանի դեմ․ Պետրոս Ղազարյան
ՌԴ իրավապահները տեղեկացրել են Տիգրան Ուրիխանյանին ձերբակալելու մասին
Անհնազանդության ակցիաների մասնակից 48 անձ է բերման ենթարկվել
Ինչ պայմանավորվածություն է ձեռք բերվել Միրզոյան-Բայրամով հանդիպման ընթացքում
Ֆրանսիայի Սեն-Ալբան ատոմակայանի վարչական շենքում հրդեհ է բռնկվել
Օդի ջերմաստիճանը կնվազի․ անձրևները կշարունակվեն, նաև կարկուտ կտեղա
Ձեզ աջակցել ու աջակցում ենք Փաշինյան ջան․ վարչապետը չնախատեսված կանգառ է ունեցել Գայ բնակավայրում (տեսանյութ)
Թերությունները շտկված են․ վարչապետը հետևել է Արտիմետի դպրոցի մարզադահլիճի թերությունների վերացման աշխատանքներին
ՄԻՊ աշխատակազմն արտակարգ ռեժիմով է աշխատում՝ բողոքի ակցիաներով և հավաքներով պայմանավորված
Ոստիկանությունը րոպեների ընթացքում բացել է Գալստանյանի համակիրների փակած փողոցները
Ծառայակիցն ինքնաձիգն ուղղել է դեպի Նարեկ Նազարյանը, վիճաբանել են, կրակել է․ սպանության դեպքի նախաքննությունն ավարտվել է
Նիկոլ Փաշինյանը երկրորդ անգամ այցելել է Էջմիածնի թիվ 7 հիմնական դպրոց (տեսանյութ)
Անհնազանդության ակցիաների մասնակից 41 անձ է տարվել ոստիկանության բաժիններ․ փակ փողոցներ ու ճանապարհներ չկան
Աղոթում եմ, որ դուք սատկեք, ձեր բալեքը սատկեն. Գալստանյանի մարած շարժման մասնակիցը՝ ոստիկաններին (տեսանյութ)
Ինչ փոփոխություններ է արձանագրել տարադրամի շուկան մայիսի 11-ին
Աշտարակում աղմկահարույց կրակոցներ արձակած տղամարդը ներկայացել է ոստիկանություն և խոստովանել արարքը
Անհնազանդության ակցիաներ Երևանում․ ոստիկանությունը բերման է ենթարկում հասարակական կարգը խախտողներին
Ովքեր են Էջմիածնում բերման ենթարկված անձինք
ՌԴ-ում ձերբակալվել է Տիգրան Ուրիխանյանը. «Տելեգրամ» ալիքներ
Ալմաթիում այսօր կշարունակվեն Միրզոյան-Բայրամով բանակցությունները
Էջմիածնից 6 մարդ բերման է ենթարկվել զենք-զինամթերք պահելու, կրելու կասկածանքով
Պատերազմը ձեր համար ընդամենը լավ հնարավորություն է իշխանության գալու համար․ Պապոյան
Ամբողջ կտավը հյուսվում է մարդկային հույզերից․ լեգենդար «Ժիզել»-ով Երևանում է Անգլիայի ազգային բալետը (տեսանյութ)
© 2024 Հայկական ժամանակ