Երևան
16 °C
Արդեն 11 օր է՝ փակ է Արցախն աշխարհին կապող միակ ճանապարհը՝ Լաչինի միջանցքը, ու, չնայած ստեղծված իրավիճակին, շրջափակված Արցախում մշակութային ու կրթական կենտրոնները բնականոն կերպով շարունակում են գործել:
Ստեփանակերտի պատկերասրահում, օրինակ, դեկտեմբերի 20-ին բացվել է նկարիչ-քանդակագործ Հրանտ Մնացականյանի անհատական ցուցահանդեսը, որն անցել է մարդաշատ: Իսկ այսօր պատկերասրահում տեղի կունենա կամերային երաժշտության փառատոնի հերթական երեկոն:
«Ցուցահանդեսին շատ այցելուներ ենք ունեցել: Երեխաները առաջվա նման գալիս են էքսկուրսիաների, ու, չնայած իրավիճակին, մեր աշխատանքը բնականոն ձևով շարունակվում է: Օր է լինում՝ քիչ այցելուներ ենք ունենում, սակայն նախկինում եղածի հետ համեմատելիս տարբերությունը մեծ չէ, հետաքրքրությունն էլ նույնն է»,- «Հայկական ժամանակ»-ի հետ զրույցում նշում է պատկերասրահի էքսկուրսավար Էլինա Համբարձումյանը:
Իսկ ահա Ստեփանակերտի Մեսրոպ Մաշտոցի անվան հանրապետական գրադարանում վերջին օրերին ընթերցողների թիվն ավելի է աճել:
«Այս անորոշությունից ցրվելու համար շատերը գալիս են գրադարան: Ընթերցողներ ունենք, որ Հայաստանից եկել և մնացել են այստեղ: Գալիս են գրադարան՝ ընթերցասրահ, ու փորձում այդպես անցկացնել իրենց ժամանակը, ցրվել»,- ասում է գրադարանի տնօրեն Ալյոնա Գրիգորյանը:
Ալյոնան պատմում է, որ գրադարանում տարեվերջյան գրքի քննարկումներ ու շնորհանդեսներ էին նախատեսված, սակայն ստեղծված իրավիճակի հետևանքով հետաձգվել են. «Հյուրեր պետք է գային նաև Երևանից, և ստիպված հետաձգել ենք այս միջոցառումները: Հետո այդ ոգին ու տրամադրությունն էլ չկա, բայց մնացածն իրեն հունով կազմակերպում ենք»:
Վերջինիս խոսքով՝ Արցախում վախի մթնոլորտ չկա, ասում է՝ ինչից պետք է վախենան՝ իրենց տանն են, պարզապես անորոշությունն է ճնշում: Իսկ մոտեցող տոների մասին հուշող միակ բանը օրացույցն է:
«Տոնական տրամադրություն չկա: Հիմնականում դպրոցներում են փորձում տոնական միջոցառումներ կազմակերպել, այն էլ՝ մինչև տասը տարեկան երեխաների համար, որովհետև մեծերն արդեն հասկանում են իրականությունը: Հետո նաև խանութներն են դատարկվել, իսկ տոներին նաև սեղանները պետք է տոնական լինեն: Նախատոնական ապրանքների առևտուրը Հայաստանից սովորաբար դեկտեմբերի 10-ից հետո էր արվում, ինչն այս պայմաններում արդեն հնարավոր չէ: Ինչ տոնի մասին է խոսքը, որ անգամ ուսուցչուհուն չես կարող ծաղիկ առնել՝ նվիրել, կամ, առհասարակ, հարազատներին նվերներ անել»,- սրտնեղում է նա:
Արցախի Թումո կենտրոնի տոնական զարդարանքներն էլ, իրավիճակի հետ կապված, այս տարի տեղ չեն հասել, սակայն Արցախում, այնուամենայնիվ, կենտրոնը կզարդարվի և կլուսավորվի այլընտրանքային մոտեցմամբ:
«Մենք շատ սիրուն զարդարանքներ ունենք, բայց, ցավոք սրտի, այս տարի այն մեզ չհասավ: Փորձում ենք զարդարանքներ գտնել, լուսավորել կենտրոնը, որպեսզի երեխաների տոնական ու ուրախ տրամադրությունն ապահովենք: Չնայած ստեղծված իրավիճակին՝ մենք շարունակում ենք ուսանողներին մաքսիմում տալ այն, ինչ կարող ենք»,- նշում է Արցախի Թումո կենտրոնի ղեկավար Խաչատուր Հայրապետյանը:
Խաչատուրը պատմում է, որ այս օրերին Արցախում մնացած Synopsys Armenia-ի աշխատակիցները կապ են հաստատել իրենց հետ և հանդիպում ունեցել Թումոյի ուսանողների հետ:
«Փորձում են այստեղ եղած ժամանակն այդպես օգտագործել, ու շատ ոգևորված էին: Մասնագետները կիսվեցին իրենց գիտելիքով ու փորձով ՏՏ ոլորտում, ծանոթացրին միկրոէլեկտրոնային սխեմաներին և դրանց արտադրությանը: Բավական շատ ուսանողներ էին հավաքվել, ու եթե իրավիճակը շարունակվեց, հավանաբար նրանց հետ փոքր պրոյեկտներ կանենք»,- ասում է նա:
Քանի որ դեպի Թումո այցերը կազմակերպվում են տարբեր շրջաններից, համայնքներից ու գյուղերից, և Արցախում նաև գործում է երեք Թումո տուփ՝ Մարտակերտի, Ասկերանի ու Մարտունի շրջաններում, հիմնական խնդիրը կապված է փոխադրամիջոցների հետ:
«Երեխաների փոխադրման հարցը ինքներս ենք կազմակերպում տարբեր համայնքներից ու գյուղերից, այժմ դիզվառելիքի դեֆիցիտի հետ կապված փոխադրման խնդիր ունենք, ու շատ տեղերից նրանք չեն կարողանում հասնել դասերի: Սակայն մենք փորձում ենք այլընտրանքներ գտնել՝ գազով մեքենաներ ենք գտնում, որպեսզի երեխաները և դասերը չտուժեն»,- նկատում է Արցախի Թումոյի ղեկավարը:
Վերջինիս խոսքով՝ երեխաները հատկապես այս օրերին ավելի մեծ ոգևորությամբ են գալիս կենտրոն՝ դասերի. «Կենտրոնում դասընթացների ու պրոյեկտների ընթացքում երեխաները կտրվում են շրջափակման մասին լուրերից, ցրվում են և տարվում Թումո աշխարհով՝ հմտությունները սովորելով, զարգանալով ու ինքնակրթվելով»:
Հերմինե Կարապետյան
Ինչո՞ւ եք ահաբեկում կիրանցիներին, անբարոյականի պես գալիս, անընդհատ ստեր եք հորինում. Հովհաննիսյանը՝ ընդդիմադիրներին
«Վերջին դաս» միջոցառումը կազմակերպելիս բացառել դրամահավաքը. ԿԳՄՍՆ-ն շրջաբերականներ է ուղարկել
ՏԿԵ նախարարը Արմավիրի մարզում հետևել է ճանապարհաշինական աշխատանքների ընթացքին
Տպավորություն է՝ դիմապակիների դեմ պատերազմ եք սկսել, պետք չէ մեքենաներ կոտրել․ Արշակյանը՝ ԵԿՄ «ՈՒԱԶ»-ը վնասելու մասին
545 հարկ վճարող չի ապահովել անկանխիկ վճարման ընդունման հնարավորություն․ ՊԵԿ
Հայտնաբերվել է թմրամիջոցների շրջանառության մեղադրանքով շուրջ 10 ամիս հետախուզվող տղամարդը
Վրաստանի վարչապետը Վաշինգտոնի պահանջների պատճառով հրաժարվել է ԱՄՆ այցից
Սամվել Ղուկասյանը նոր պաշտոն ունի
Կենտրոն վարչական շրջանը նոր ղեկավար ունի
Կասեցվել է «Ֆիշեռ» ՍՊԸ-ի ձկնամթերքի արտադրամասի գործունեությունը. ՍԱՏՄ
Երևանի Արցախի պողոտայում պայթյուն է տեղի ունեցել ընթացքի մեջ գտնվող «Մերսեդես»-ում. կան վիրավորներ
Հնդկաստանի քաղաքացիների կողմից խուլիգանության, նրանցից մեկի սպանության վարույթով կալանավորվել են վերջինիս հայրենակիցները
«Մամուլի ազատության ինդեքս 2024» զեկույցում Հայաստանը բարելավել է դիրքը. որ հորիզոնականում են հարևան երկրները
Ռուսական զորքերը Նիգերում տեղակայված են նույն բազայում, ինչ ամերիկյանը. Պենտագոն
Միացյալ Նահանգները Հայաստանի կողքին է իր ինքնիշխանության ամրապնդման գործում. Մայքլ Քարփենթերը՝ ՀՀ ԱԺ պատգամավորներին
Խնդրահարույց է լրագրողների թիրախավորման, նրանց մասնագիտական գործունեությունը խոչընդոտելու դեպքերի առկայությունը. ՄԻՊ
Թբիլիսիում անհայտ անձինք հարձակվել են ցուցարարների վրա, ծեծել նրանց (տեսանյութ)
Մեքենան հայտնվել է «Գազպրոմ»-ի փորած փոսում
Երևանի և 3 մարզի որոշ հասցեներում մի քանի ժամ լույս չի լինի
Զովունիում երկհարկանի շինության առաջին հարկում հրդեհ է բռնկվել
Կիպրոսը ողջունել է Երևանի և Բաքվի միջև սահմանազատման վերաբերյալ պայմանավորվածությունը
Մեքենան դուրս է եկել Երևան-Գյումրի ճանապարհի երթևեկելի հատվածից ու շրջվել. կան տուժածներ
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ ինչ է քննարկվել
Զինված ավազակային հարձակում Երևանում․ թալանել են կնոջը և դիմել փախուստի, դեպքի վայրում հայտնաբերվել է մարտական ատրճանակ
Մարտի 1-ի գործը ավարտված չէ, նոր փամփուշտներ կան, որոնք ուղարկված են փորձաքննության․ Վարդապետյան
Հնարավոր չէ «սրբազան»-ի տիտղոսի հետևում անվանարկել քաղաքական հակառակորդին՝ ակնկալելով պատասխան Նոր Կտակարանից․ Առաքելյան
Վաշինգտոնում հայ պատգամավորները ներկայացրել են Հայաստան-Ադրբեջան խաղաղության գործընթացը
Վարդահովիտում գետի վարարման հետևանքով քաղաքացիները չեն կարողացել անցնել մյուս ափը (տեսանյութ)
Ալիևը արդարանում է Պուտինի առջև. ինչու է Ադրբեջանի նախագահը անընդհատ խոսում միջնորդներ չլինելու մասին
Աննա Հակոբյանի նախաձեռնությամբ Գյումրու «Երեխաների տուն» մանկատան սաներն այցելել են Կենդանաբանական այգի (տեսանյութ)
ԱՄՆ-ի կողմից սահմանված պատժամիջոցների ցուցակում ներառվել են նաև Թուրքիան և Ադրբեջանը
15 նոր տրոլեյբուս և 171 նոր ավտոբուս․ Երևանի տրանսպորտային հավաքակայանը կհամալրվի (տեսանյութ)
Հայտնի է ընդունելության միասնական քննությունների 2-րդ փուլի հայտագրման վերջնաժամկետը․ հնարավոր է կիրառվեն մետաղորսիչներ
Տավուշի թեմի առաջնորդի գործառույթը աղոթելն է, ոչ թե ասֆալտին նստելը կամ պառկելը, ՀՀ-ի վրա հարձակում հրահրելը. Սուքիասյան
Բախվել են թիվ 18 երթուղին սպասարկող «Ժոնգ Տոնգ» և թիվ 1 երթուղին սպասարկող «ՄԱՆ» մակնիշի ավտոբուսները․ կա վիրավոր
Դուք չեք պատկերացնի՝ մեզ ինչքան էր պետք․ Գագիկ Սուրենյանը նոր գրառում է արել
Մարզային փրկարարական վարչությունների ղեկավարներին կարգադրվել է մարտական հաշվարկում ընդգրկել նաև ամենագնացները
Թուրքիան դադարեցրել է առևտրային հարաբերություններն Իսրայելի հետ
ՀՀ-Ադրբեջան սահմանազատման հանձնաժողովների վերջին պայմանավորվածությունն առաջընթաց է խաղաղության օրակարգում․ Բայրամով
Եղբայրները գումարային հարցի շուրջ վիճաբանել են 3 անձի հետ, որոնք հարվածներ են հասցրել, հետո դանակահարել նրանցից մեկին
© 2024 Հայկական ժամանակ