Երևան
16 °C
searchclose
today
menuclose
Երևան
16 °C
Քաղաքագետ Ստեփան Գրիգորյանի կարծիքով՝ Ֆրանսիայի Սենատի ընդունած հայանպաստ բանաձեւով Ֆրանսիան կատարեց կարեւորագույն դիվանագիտական եւ քաղաքական քայլ, որը թե՛ հիմա, թե՛ հետագայում Հայաստանին անչափ օգնելու է:
«Ֆրանսիան ՄԱԿ-ի Անվտանգության խորհրդի մշտական անդամ է: Այն այնքան լուրջ դիրքում է, որ միանշանակ բանաձեւն իր դրական ազդեցությունը կունենա: Հենց դրա հետ է կապված, որ Ադրբեջանը, իմանալով պատրաստվող այս բանաձեւի մասին, վազեվազ գնաց Ֆրանսիա, Ալիեւը հանդիպեց Մակրոնի հետ՝ փորձելով ազդել որոշման վրա, սակայն՝ ապարդյուն»,- «Հայկական ժամանակ»-ի հետ զրույցում ասում է Գրիգորյանը՝ ընդգծելով՝ թեպետ բանաձեւը պարտադիր ուժ չունի, այն ավելի շուտ առաջարկ է, սակայն հաշվի պետք է առնել, որ այդ քննարկումների ժամանակ Ֆրանսիայի կառավարությունը միանշանակ ողջունել է ամբողջ բանաձեւը, ուրեմն, վստահաբար, սա Սենատի եւ Կառավարության համաձայնեցված ընդհանուր որոշումն է:
Վերջինս նկատում է՝ շուտով կտեսենք, որ Ադրբեջանը ցանկանա թե ոչ իր հռետորաբանությունը մեղմացնելու է: «Այս բանաձեւն ու Ֆրանսիայի դիրքորոշումը զսպիչ մեխանիզմ կլինեն Ադրբեջանի հետագա քայլերի վրա: Չեմ ասում՝ վաղը կկատարի պահանջը, բայց այն, որ դա շատ ուժեղ հարվածեց Ադրբեջանի հեղինակությանը, փաստ է: Բանաձեւում խոսվում է նաեւ Հայաստանի քաղաքացիների անվտանգության մասին, եւ Սենատը կոչ է անում աջակցել Հայաստանին այդ պաշտպանությունն ապահովելու համար»,- նշում է զրուցակիցը:
Քաղաքագետի համոզմամբ, սակայն, այն դրականը, որը կա, պետք է Հայաստանը եւս ճիշտ ու արդյունավետ օգտագործի. «Նման բանաձեւեր հաճախ չեն ընդունվում: Հարկավոր է միջազգային հանդիպումների ժամանակ հղում տալ, տարածել այն»:
Անդրադառնալով որոշ գործիչների դիտարկումներին, ըստ որոնց՝ ուշագրավ է այն, որ Սենատում բանաձեւի քննարկմանը պատվո հյուրի կարգավիճակում ներկա են եղել Ֆրանսիայում Հայաստանի դեսպանն ու Լեռնային Ղարաբաղի ներկայացուցիչը՝ նկատում է. «Այո, դա եւս կարեւոր է, բայց եկեք չմոռանանք, որ այդ բանաձեւում նվազագույնը երեք կետ առնչվում է Լեռնային Ղարաբաղին: Ֆրանսիայի կառավարությանն առաջարկվում է ճանաչել Լեռնային Ղարաբաղը, որպեսզի կայուն լուծում ստանա հարցը, առաջարկվում է Լեռնային Ղարաբաղում բացել հումանիտար կենտրոն: Եվ երրորդ՝ անչափ կարեւոր կետը, որ Լաչինի միջանցքը պետք է վերահսկի ոչ թե Ադրբեջանը, այլ, ըստ նոյեմբերի 9-ի փաստաթղթի, ռուս խաղաղապահները»:
Գրիգորյանը վստահ է, որ Ֆրանսիան կարող է լինել Հայաստանի ինքնիշխանության եւ անվտանգության անկյունաքարային երաշխավորներից մեկը: «Ֆրանսիան միշտ էլ մեզ աջակցել է, իսկ այժմ հասկացավ, որ իրավիճակը վտանգավոր է, ուստի էլ ավելի ակտիվ քայլեր սկսեց ձեռնարկել այդ ուղղությամբ: Բայց մեր սուվերենությունը, անկախությունը բաղկացած է շատ բաղադրիչներից»,- ասում է նա:
Ըստ նրա՝ այսօր բացի Ֆրանսիայից՝ ՀՀ անկախության երաշխավորները պետք է լինեն ԱՄՆ-ը, Կանադան եւ մի քանի այլ՝ հզոր երկիր. «Մեկ հզոր երկրի աջակցությունը բավարար չէ, քանի որ փաստացի այսօր մեր անկախության դեմ է դուրս եկել նաեւ Ռուսաստանը: Եկեք իրար չխաբենք: Ո՞վ է պահանջում «Զանգեզուրի միջանցքը»: Չէ՞ որ այն պահանջողը միայն Ադրբեջանը չէ, նաեւ Ռուսաստանն է, որը իր շահերն ունի: Եթե միայն Ադրբեջանը պահանջեր, ես այսքան չէի անհանգստանա: Այստեղ Ֆրանսիայի աջակցությունը մեծ է, բայց բավարար չէ: Մեզ պետք է ներգրավել եւս մի քանի խոշոր խաղացողի, որպեսզի կարողանանք փրկել մեր սուվերենությունը»:
Ստեփան Գրիգորյանը, անդրադառնալով նախքան բանաձեւի ընդունումը ադրբեջանական կողմի գործադրած ջանքերին, կատակում է. «Նրանց մոտ այնքանով հաջողվեց կանխել, որ 296 հոգուց մեկը դեմ քվեարկեց: Ադրբեջանը կարողացավ մեկ հոգու շրջել»: (-Խմբ. Ֆրանսիայի Սենատի պատգամավոր Նատալի Գուլեն է եղել միակ սենատորը, որը երեկ դեմ է քվեարկել Ֆրանսիայի Սենատում ընդունված հայանպաստ բանաձեւին)։
Ըստ քաղաքագետի՝ կատարվածը կարող է նաեւ պատճառ դառնալ, որ Ֆրանսիա-Ադրբեջան դիվանագիտական հարաբերությունների շփման մակարդակը փոփոխվի: «Ադրբեջանի նախագահի տիկինը՝ Մեհրիբան Ալիեւան, դադարեցրեց ՅՈՒՆԵՍԿՕ-ի բարի կամքի դեսպանի գործունեությունը: Եվ եկեք չմոռանանք, որ նա ոչ միայն Ալիեւի կինն է, այլ այդ երկրի փոխվարչապետը: Բնականաբար, նոր զարգացումներ եւս գուցե լինեն, բայց դա մեզ չպետք է շատ հուզի»,- շեշտում է նա:
Ինչքան ուժ ունեն, այլանդակում են քաղաքական ընդդիմախոսությունը, սահմաններ կան, որոնք անցնել չի կարելի․ Սաֆարյան
Վաշինգտոնում արձանագրվել է՝ վերջին տարիներին Հայաստանն էական առաջընթաց է գրանցել ժողովրդավարության ամրապնդման ոլորտում
Եթե հարկ լինի՝ հրապարակավ կմեկնաբանենք․ ՌԴ-ն սպասում է ՀՀ ԱԺ պատասխանին՝ Ալեն Սիմոնյանի հայտարարության հետ կապված
Միրզոյանը Մալթայի ԱԳ նախարարին է ներկայացրել հայ-ադրբեջանական հարաբերությունների կարգավորման գործընթացը
Կոնվերս բանկը մեկնարկել է ՓՄՁ վերաֆինանսավորման արշավ
ՌԴ-ն կասկածի տակ չի դնում Հայաստանի ինքնիշխան իրավունքը. Զախարովան՝ ՀԱՊԿ-ից ՀՀ-ի դուրս գալու հավանականության հարցի մասին
Ucom-ի գլխավոր տնօրենը դասախոսություն է կարդացել Ֆրանսիական համալսարանում
«Երեքնուկ» կամրջի մոտ մեքենաներ են բախվել․ կա 1 զոհ և 2 վիրավոր
Հոգեբանական բռնություն էր․ Վարդապետյանը՝ Ծիծեռնակաբերդում Աննա Հակոբյանի և դստեր հետ կապված դեպքի մասին
Հանցանքի մոտիվը լրագրողական գործունեությունն է․ դատախազը՝ Լևոն Քոչարյանի օգնականի գործի մասին
Երևանում մեկնարկում է ՈՒԵՖԱ-ի ֆուտզալի Չեմպիոնների լիգայի եզրափակիչը․ Արայիկ Հարությունյան (լուսանկար)
Ժամը 18:20-ին Տավուշի մարզի Կիրանց բնակավայրից 2500 մ հյուսիս տեղի է ունենալու պայթեցման աշխատանք․ ՊՆ
Արմեն Դանիելյանը ընտրվել է ԲԴԽ դատավոր անդամ
14–ամյա տղան գտել է ԼՂ-ից հանգուցյալ պապի բերած նռնակի պայթուցիչը և ցանկացել է հանել օղակը․ մանրամասներ պայթյունի դեպքից
Հեռախոսով հայհոյել են իրար, հետո վիճաբանել, որի ժամանակ 42-ամյա տղամարդը առարկայով հարվածել, սպանել է համաքաղաքացուն
44-օրյա պատերազմը ամենալուրջ և դաժան դասն էր ինձ համար, որից 3 գլխավոր հետևություն ենք արել․ ՀՀ գլխավոր դատախազ
Կարեն Ջալավյանը որպես վկա հարցաքննվում է Հակակոռուպցիոն դատարանում
Օվերչուկն ու Մուստաֆաևը վերահաստատել են ռուս-ադրբեջանական կառուցողական երկխոսությունը շարունակելու պատրաստակամությունը
Կիևը նոր հարձակում է նախապատրաստում Ղրիմի կամրջի վրա․ ինչ է զգուշացրել Զախարովան Վաշինգտոնին, Լոնդոնին և Բրյուսելին
Ինչ աշխատանք է տարվում Ադրբեջանում պահվող գերիների և ԼՂ ղեկավարության վերադարձի մասով․ Վարդապետյանը մանրամասնել է
Դոլարը կրկին էժանացել է, եվրոն՝ թանկացել․ ինչ փոփոխություններ է արձանագրել տարադրամի շուկան մայիսի 3-ին
Հանրային հեռուստաընկերության մոտ «դրիֆտ» արած երիտասարդը ձերբակալվել է (տեսանյութ)
Կարմիր հրապարակում Հաղթանակի շքերթին կմասնակցի ավելի քան 9 հազար զինվորական. Շոյգու
Մեքենան դուրս է եկել ճանապարհից ու բախվել հողաթմբին. կան տուժածներ
Մոր կողմից երեխայի բռնության դեպքով 11 դրվագ է բացահայտվել, կա ՔԿՀ-ում գտնվող ու գործին ներգրավված անձ. դատախազ
Տարածվում է Վրաստանի հատուկ քննչական ծառայության ղեկավարի՝ Հայաստան այցելելու մասին հին տեղեկատվություն
2023-ին ԶՈՒ և այլ զորքերի զորամասերում արձանագրված դեպքերը գրեթե կիսով չափ նվազել են. Վարդապետյան
Փարիզում կկայանա ԵՄ-ի, Ֆրանսիայի և Չինաստանի ղեկավարների եռակողմ հանդիպումը
Հայաստանի և Իրանի միջև ստորագրվել է մշակութային համագործակցության ծրագիր
Ադրբեջանի պաշտպանության փոխնախարարն Իրանում է. քննարկվել են ռազմական համագործակցության հարցեր
Բեռնատարը մի քանի պտույտ գլորվելով հայտնվել է ձորում. վարորդը հոսպիտալացվել է
Տան հյուրասենյակում հայտնաբերվել է 17-ամյա աշակերտի մարմինը. սպանության հատկանիշներով նախաձեռնվել է վարույթ
ՀՀ-ն բարձր է գնահատում Լեհաստանի հետ գործընկերության շրջանակներում հաստատված խորը բարեկամական կապերը. ԱԳՆ
Կոռուպցիոն հանցանքների ցանկը վերանայելու շուրջ քննարկում է անցկացվել հասարակական սեկտորի հետ
Ջերմաստիճանը կշարունակի նվազել, ինտենսիվ անձրևի տեսքով տեղումները կպահպանվեն
«Եվրոպական ժառանգության օրերի ճամբար» ծրագիրը մեկնարկել է նաև Սպիտակի համայնքային գրադարանում
Կոոպմանը Բաքվում քննարկել է Եվրամիության հետ համագործակցությանն առնչվող հարցեր
«Ինձ հետ դու-ով չխոսեք». իրավիճակը ԱԺ-ում թեժացավ. Արշակյանը Արծվիկ Մինասյանին զրկեց ձայնի իրավունքից, նա լքեց դահլիճը
Ինչո՞ւ եք ահաբեկում կիրանցիներին, անբարոյականի պես գալիս, անընդհատ ստեր եք հորինում. Հովհաննիսյանը՝ ընդդիմադիրներին
Երբ է այս տարի նախատեսված անցկացնել «Վերջին դաս» միջոցառումը. ԿԳՄՍՆ-ն շրջաբերականներ է ուղարկել
