Երևան
21 °C
searchclose
today
menuclose
Երևան
21 °C
Մինչև 2026 թվականը կրկնապատկել զբոսաշրջիկների թիվը, 2023թ-ին ընթացիկ տարվա համեմատ՝ 5, իսկ նախորդ տարվա համեմատ 10 անգամ ավելացնել Հայաստանը գովազդելուն կամ զբոսաշրջային մարքեթինգին ուղղված ֆինանսավորումը: Սա մտադիր է իրականացնել ՀՀ էկոնոմիկայի նախարարությունը։
Ըստ նախարար Վահան Քերոբյանի՝ 2023թ-ի ընթացքում հատուկ հատկացումներ ու ծրագրեր կուղղվեն զբոսաշրջային ենթակառուցվածքների զարգացմանը։
Երեկ Ազգային ժողովում 2023թ-ի պետական բյուջեի նախագծի քննարկման ժամանակ Քերոբյանը նկատել էր՝ եթե ընթացիկ տարվա 9 ամիսներին Հայաստան է ժամանել ավելի քան 1 միլիոն զբոսաշրջիկ, ապա նախատեսված ծրագրերի իրականացումից հետո՝ մինչև 2026թ., զբոսաշրջիկների թիվը կկրկնապատկվի:
«Այս տարի հուլիս և օգոստոս ամիսներին մեր հյուրանոցային ամբողջ պարկը 100 տոկոսով զբաղված է եղել։ Այլ երկրների զբոսաշրջային ընկերությունները մեզ ասում էին՝ բազմաթիվ զբոսաշրջիկների մերժել են, քանի որ չեն կարողացել տեղավորել Հայաստանում։ Սա առաջին հերթին վերաբերում է Երևան և Գյումրի քաղաքներին, որտեղ մենք հյուրանոցների խիստ պակաս ունենք։ Ակնհայտորեն պետք է հյուրանոցների թիվն ավելացնել, և հիմա մենք Կառավարության գործընկերների հետ դիտարկում ենք հյուրանոցների ստեղծմանը կամ զարգացմանը խթանող ինչ-որ ծրագիր իրականացնելու հարցը»,- նշել էր նախարարը:
Զբոսավարների ասոցիացիայի նախագահ Յաշա Սոլոմոնյանը «Հայկական ժամանակ»-ի հետ զրույցում նախ նկատում է՝ Հայաստանում զբոսաշրջային ակտիվությունն այս տարի բավականին մեծ է թե՛ ներգնա, թե՛ արտագնա մասով, ինչը պայմանավորված է աշխարհաքաղաքական իրավիճակով։ Չնայած մեծ հոսքը Ռուսաստանից է, բայց Եվրոպայի զբոսաշրջիկներն էլ հետ չեմ մնում։ Սա հաշվի առնելով՝ պետք է հասկանալ՝ ո՞ւմ է ուղղված լինելու Հայաստանը գովազդելու կամ զբոսաշրջային մարքեթինգին ուղղված ֆինանսավորումը:
«Պետք է հասկանալ՝ ո՞րն է լինելու թիրախը, ո՞վ է այն զբոսաշրջիկը, ում ուզում ենք բերել Հայաստան։ Զբոսաշրջիկի քանակը և որակը նույնպես կարևոր են, այսինքն՝ մի դեպքում հնարավոր է՝ 10 զբոսաշրջիկից ավելի շատ գումար գեներացնել տնտեսության համար, մյուս դեպքում՝ կարող է 200 զբոսաշրջիկից ավելի քիչ գումար գեներացնել, բայց ունենալ ավելի շատ վնաս։ Ի վերջո, այն հուշարձանները, որ այցելում են, դրանք ունեն, այսպես ասած, մաշվելու հավանականություն։ Դրա համար հարց է առաջանում՝ ինչպե՞ս ճիշտ գովազդել, որպեսզի բերել այն զբոսաշրջիկին, որը մինիմալ վնաս, բայց մաքսիմալ օգուտ կբերի երկրին»,- ասում է նա։
Ըստ Սոլոմոնյանի՝ այս ամենի մեջ իրատեսական է նաև այն կանխատեսումը, ըստ որի՝ մինչև 2026թ. զբոսաշրջիկների թիվը կկրկնապատկվի․ «Սակայն այստեղ կարևորվում է որակ-քանակ հարաբերակցությունը․ հնարավո՞ր է՝ մեկ միլիոն զբոսաշրջիկից գեներացնել այնքան գումար, ինչքան 5 միլիոնից, բայց 5 միլիոնը կբերի ավելի շատ աղմուկ, ավելի շատ մաշվածություն, քան մեկ միլիոնը»։
Հայաստանում զբոսաշրջիկների նախընտրած վայրերից ակտիվությունը մեծ է Երևանում և մայրաքաղաքին հարակից մարզերում, նշում է Սոլոմոնյանը։ Կոտայքի, Արարատի, Արագածոտնի ուղղություններն են, որ հիմնականում ակտիվ են։ Համեմատաբար դանդաղել է դեպի հարավ-հյուսիս ուղղությունը, Գյումրին շարունակում է մնալ զբոսաշրջության ակտիվ կենտրոններից մեկը։ Զբոսաշրջիկների հոսքը շատ է Իրանից, ՌԴ-ից, Վրաստանից, ԱՄՆ-ից, Գերմանիայից և Ֆրանսիայից, ինչպես նաև Իտալիայից, Իսպանիայից։ Ասիական ուղղություններից ակտիվ են Հնդկաստանը, Հարավային Կորեան, Չինաստանը։ Ըստ նրա՝ մեկ զբոսաշրջիկն օրական կարող է ծախսել 100-150 դոլար։
Զբոսավարների ասոցիացիայի նախագահը կարևոր է համարում, որ շեշտվում է հյուրանոցային համալիրների թվի ավելացումը, քանի որ ենթակառուցվածքների խնդիրը շարունակում է արդի մնալ Հայաստանում։
«Այս տարի այլ խնդիր կար. ՌԴ-ից ռելոկացիա եղած հյուրերից շատ-շատերը զբաղեցրել էին հյուրանոցային մեր բազան, բացի այդ՝ խնդիր կար գին-որակ հարաբերակցության մեջ։ Ճիշտ է, որակյալներ ունենք, բայց կարևոր է, որ այս ոլորտին նույնպես ուշադրություն դարձնեն։ Զուգահեռ նաև դոլարի ու եվրոյի արժեզրկումը բավականին թանկացրել է մեր տուրիստական փաթեթները։ Հայաստանը դարձել է թանկ տուրիստական ուղղություն»,- նշում է նա հավելելով՝ այսինքն՝ եթե նախկինում 100 հազար դրամը արժեր 200 եվրո, ապա հիմա եվրոպացին այդ գնի համար վճարում է 300 եվրո։
«Ռիմա թրավել» զբոսաշրջային գործակալության հիմնադիր-տնօրեն Ռիմա Խաչատրյանն էլ մեզ հետ զրույցում շեշտում է այն կետերը, որոնք անհրաժեշտ են զբոսաշրջիկների ուշադրությունը դեպի Հայաստան գրավելու համար։
«Նախ, մեր գիդերը պետք է ավելի որակյալ լինեն և համապատասխան հատուկ համազգեստներ կրեն։ Այսինքն՝ զբոսաշրջիկները պետք է տարբերակեն գիդին իր հագուստով այլ անձանց մեջ։ Պետք է մեր տրանսպորտային ծառայության վարորդները հագնվեն նույն կերպ, ինչպես գիդերը, որովհետև դա երկրի դեմքն է: Առաջին տպավորությունը զբոսաշրջիկը ստանում է երկրից, երբ նրան դիմավորում են այդ երկրի օդանավակայանից»,- ասում է Խաչատրյանը։
Ըստ նրա՝ կարևոր է նաև համապատասխան գիդերի վերապատրաստման գործընթացը․ «Օրինակ՝ Իսրայելում կամ այլ պետությունում յուրաքանչյուր մարդ չի կարող պատահականորեն դառնալ գիդ, պետք է վերապատրաստվի, իսկ Հայաստանում ով ցանկանում է, դառնում է։ Շատ կարևոր է նաև, որ զբոսաշրջային վայրերի ճանապարհներին ուշադրություն դարձվի, դրանք վերանորոգվեն»։
Խաչատրյանի խոսքով՝ զբոսաշրջային մարքեթինգի ֆինանսավորումը պետք չէ իրականացնել հատուկ ծրագրերի միջոցով։ Հնարավոր է ճիշտ ռազմավարություն մշակել և համագործակցել զբոսաշրջային ընկերությունների կամ կազմակերպությունների հետ: «Ֆինանսավորել այդ կազմակերպություններին, պայմանագրեր կնքել, նշել, թե ինչ ծառայություններ են անհրաժեշտ։ Օրինակ՝ պետք է դրսից բերել զբոսաշրջիկներ և ներկայացնել Հայաստանը, դա առաջարկել ոլորտի փորձառու ընկերություններին, ովքեր կկարողանան իրագործել»,- ասում է նա:
Ըստ նրա՝ մեկ զբոսաշրջիկը մեր երկրում 6-7 օրում ծախսում է 800-1000 դոլար, ՌԴ զբոսաշրջիկները բավականին ակտիվ են։ Կարևոր է ճիշտ մշակել հիմնական աշխատելաձև, որպեսզի նախ, երկրի բյուջեն ֆինանսական առումով ակտիվ լինի, հետո՝ տուրիստական գործակալությունները գումար աշխատեն։
Մայրաքաղաքում փակ ճանապարհներ չկան․ ոստիկանություն
Հայտնի է՝ որտեղ կկառուցվի Ալբերտ Ազարյանի անվան մանկապատանեկան մարզադպրոցը և ինչ ժամկետում
Սուրենյանը հայտնել է առաջիկայում սպասվող եղանակային կտրուկ փոփոխության մասին
«Երևանի ավտոբուս» ՓԲԸ-ն տնօրենի նոր պաշտոնակատար ունի
2 արծաթե, 5 բրոնզե մեդալ. բռնցքամարտի Հայաստանի հավաքականը վերադառնում է Եվրոպայի առաջնությունից
Ադրբեջանում քաղաքացին գլուխը մտցրել է ջրի բաքի մեջ ու չի կարողացել հանել. փրկարարները կտրել են բաքը (տեսանյութ)
Կոլորադոյի հայ համայնքի հետ հանդիպմանը դեսպան Մակունցն անդրադարձել է ՀՀ ներկա մարտահրավերներին
Բլինքենն Ալիևին կոչ է արել ազատել անարդարացիորեն ձերբակալված բոլոր անձանց
Բերքաբերի մոտակայքում տեղի է ունենալու պայթեցման աշխատանք. ՊՆ-ն խնդրում է խուճապի չմատնվել
Երևան-Սևան ավտոճանապարհին «Մերսեդես»-ը հարվածել է երկաթե արգելապատնեշին ու կոտրել այն
Հայաստանում միայն ռուսերեն ուսուցմամբ քանի դպրոց կա, որքան աշակերտներ ունեն և որտեղ են դրանք
Ոսկեպարի շրջանում ադրբեջանական ստորաբաժանումների առաջխաղացման մասին լուրը կեղծ է
Փաշինյանն ու Բլինքենը քննարկել են Հայաստան-Ադրբեջան սահմանազատման գործընթացն ու «Խաղաղության խաչմերուկ» նախագիծը
Էկոնոմիկայի նախարարը մասնագետների հետ քննարկել է խաղողագործության և գինեգործության ոլորտում առկա մարտահրավերները
Կա՞ր հոգևորական, որ ծպտուն հանեց Հոկտեմբերի 27-ին կամ Մարտի 1-ին, ուժեղ տղերք են դարձել, դասեր են տալիս. Մկրտչյան
«Վարչապետի գավաթն» ավելի ու ավելի շատ պետք է կապված լինի կրթության, դպրոցի հետ. Նիկոլ Փաշինյան (լուսանկարներ)
Ֆրանսիան Աթենքում հանդիսավոր արարողությամբ ստացել է օլիմպիական կրակը (լուսանկարներ)
Սյունիքի փոխմարզպետը ավտոբուսի վթարից տուժած իրանցիներին նվերներ ու ծաղիկներ է տարել
Պահեստազորի գնդապետ Միհրան Մախսուդյանի որդին 2 ամսով կալանավորվել է
Կատարում Վահան Կոստանյանը ներկայացրել է Հայաստանի տնտեսական գրավչությանը նպաստող գործոնները
Արգելակները «չեն պահել», ավտոբուսը կոտրել է պատնեշն ու գլորվել ձորը, բոլոր զոհերն իրանցիներ են. ձերբակալվել է վարորդը
Արևշատ գյուղի կամրջից ավտոմեքենան ընկել է Ազատ գետը. կա տուժած
Ավինյանի որոշմամբ՝ Արման Տեր-Թովմասյանն ազատվել է «Ջրային Կառույցներ» ընկերության տնօրենի պաշտոնից
Վանաձորում վրաերթի է ենթարկվել 13-ամյա երեխա
Միրզոյանը Կատարի գործընկերոջը ներկայացրել է Հայաստան-Ադրբեջան կարգավորման գործընթացի զարգացումները
Աղդամում ականի պայթյունից ադրբեջանցի է վիրավորում ստացել
Ավտովթար Ջերմուկ-Գնդեվազ ճանապարհին. ծանր վիճակում հոսպիտալացվել է 2 տուժած
Երևանում փակ ճանապարհներ չկան, դեպի Գյումրի ուղղությամբ երթևեկությունը վերականգնվել է
Քիմ Քարդաշյանն այցելել է Սպիտակ տուն և հանդիպել ԱՄՆ փոխնախագահին (լուսանկարներ)
Մեկնարկել է ՀՀ ԱԳ նախարար Արարատ Միրզոյանի պաշտոնական այցը Կատար
Ալեն Սիմոնյանը մեկնում է արձակուրդ
Շվեդիայում կրկին հրապարակայնորեն այրել են Ղուրանը (լուսանկարներ)
Կիևը գերմանական ընկերությունից պահանջել է ավելի քան 800 Vector անօդաչու թռչող սարք
Սպասվում է անձրև, ամպրոպ, առանձին հատվածներում՝ կարկուտ և քամու ուժգնացում. կցրտի 7-9 աստիճանով
Սյունիքի մարզպետը և Կապանում Իրանի գլխավոր հյուպատոսը տեսակցել են ավտոբուսի վթարի հետևանքով տուժած քաղաքացիներին
Հայաստանը շուտով Թուրքիային կփոխանցի Անիի կամրջի վերականգնման շուրջ իր մոտեցումները. ԱԳՆ
Մեկնարկել է «ՀՀ վարչապետի գավաթ» սեղանի թենիսի սիրողական մրցաշարի եզրափակիչ փուլը
Սպորտային մարմնամարզության ԵԱ. Արթուր Դավթյանն արծաթե մեդալ է նվաճել
Բլինքենն ուղևորվելու է Մերձավոր Արևելք
Քաղաքացին Գութանասար բարձրանալիս կոտրել է ոտքը. փրկարարները մոտ 6 կմ-ից իջեցրել են, օգնել հոսպիտալացվել
