Երևան
21 °C
Օրերս Եվրոպայի խորհրդի խորհրդարանական վեհաժողովը քննարկեց և քվեարկությամբ ընդունեց «Հայաստանում ժողովրդավարական ինստիտուտների գործունեությունը» խորագրով բանաձևի նախագիծը: Փաստաթղթի հեղինակներն են Ֆինլանդիան ներկայացնող Կիմմո Կիլյունենը և Շվեդիան ներկայացնող Բորիանա Աբերգը:
Պատգամավորները նախագծին կից զեկույցում անդրադարձել են 2018 թվականին Հայաստանում տեղի ունեցած բարեփոխումներին՝ ողջունելով թավշյա հեղափոխությունից հետո գրանցվող ժողովրդավարական առաջընթացը:
Նշվում է, որ Հայաստանում 2018-ի դեկտեմբերին և 2021-ի հունիսին կայացած համապետական ընտրությունները եղել են ժողովրդավարական, և դրանց ընթացքում չեն գրանցվել նախորդ ընտրություններում արձանագրված ընտրախախտումները:
Զեկույցում բարձր են գնահատվում նաև դատական և ընտրական ոլորտի բարեփոխումները և առանձնացվում մի շարք առաջարկներ՝ արդյունքների ամրապնդման համար: Անդրադարձ կա նաև Լեռնային Ղարաբաղի հակամարտությանը: ԵԽԽՎ-ն փաստաթղթում կոչ է անում հասնել հակամարտության արդար և կայուն հանգուցալուծմանը՝ ԵԱՀԿ Մինսկի խմբի շրջանակում:
Կոչ է արվել նաև իրականացնել միջոցառումներ՝ մի կողմից խոսքի ազատության և մարդու արժանապատվությունն ապահովելու և մյուս կողմից ապատեղեկատվության ու ատելության խոսքի դեմ պայքարելու միջև բալանս ապահովելու ուղղությամբ, ինչպես նաև՝ շարունակելու ոլորտային բարեփոխումները:
ԵԽԽՎ բանաձևն ընդունվել է 50 կողմ, 14 դեմ և 16 ձեռնպահ ձայներով: Հայանպաստ փաստաթղթին, ինչպես սպասելի էր, դեմ են քվեարկել թուրք և ադրբեջանցի պատգամավորները: Դեմ քվեարկողների թվում են եղել նաև մեկ հոլանդացի պատվիրակ և ԵԽԽՎ-ում հայկական պատվիրակության անդամ, «Պատիվ ունեմ» խմբակցության քարտուղար Հայկ Մամիջանյանը:
Վերջինս, մեկնաբանելով իր այդ քայլը, ասել է, որ ինքն ունակ չէ քվեարկել կողմ այնպիսի մի զեկույցի, որտեղ բացահայտ սուտ է ներկայացվում:
«Հայաստանում կան քաղբանտարկյալներ, Հայաստանում ոտնահարվում է ժողովրդավարությունը, ու պատրաստ եմ ևս 100 անգամ դեմ քվեարկել այդ կեղծ զեկույցին»,- նշել է Մամիջանյանը:
«Հայկական ժամանակ»-ի հետ զրույցում անդրադառնալով Բանաձևին՝ քաղաքագետ Ստեփան Գրիգորյանն այն դրական գնահատեց: «Բանաձևում կային դիտողություններ մեր նկատմամբ, միայն դրականը չէր, սակայն ընդհանուր առմամբ վատը չէ: Այո՛, գնահատվել է, որ մեզ մոտ ժողովրդավարության առումով դրական զարգացումներ կան»,- նկատում է Գրիգորյանը:
Քաղաքագետի դիտարկմամբ՝ ԵԽԽՎ-ի «խաղի կանոններն են» այդպիսին՝ բոլոր պատվիրակությունների մեջ պետք է լինեն ընդդիմության ներկայացուցիչներ. «Հայկ Մամիջանյանն էլ ընդդիմադիր գործիչ է, և ինքն է որոշում, թե ինչպես քվեարկել: Ես չեմ մեկնաբանի նրա քայլը: Ինձ դուր է գալիս փաստաթուղթը, ինքն էլ կարող է չհավանել»:
Անդրադառնալով զեկույցի ազդեցությանը Հայաստանի վրա՝ Ստեփան Գրիգորյանն ասում է՝ այն ունի կոնկրետ արդիական նշանակություն:
«Այո՛, կան մի շարք խնդիրներ երկրում, սակայն ԵԽԽՎ-ն դրական է գնահատում տեղի ունեցող փոփոխությունները: Դա նշանակում է՝ Եվրամիությունը ֆինանսապես մեզ ավելի շատ կաջակցի, տրամադրվածությունը մեր նկատմամբ կփոխի: Լրջագույն դրական ազդեցություն կունենա քաղաքական հարցերի վրա, օրինակ՝ գերիների վերադարձի, Լեռնային Ղարաբաղի հարցերի և այլն»,- կարծում է քաղաքագետը՝ ավելացնելով՝ ԵԽԽՎ-ում նկատել են, որ մեզ մոտ ժողովրդավարություն կա, ինչն Ադրբեջանի դեպքում չեն տեսնում:
Ստեփան Գրիգորյանի կարծիքով՝ Բանաձևը նաև կնպաստի, որ վերականգնվեն ԵԱՀԿ Մինսկի խմբի աշխատանքները:
«Քաղաքացիական պայմանագիր» խմբակցության պատգամավոր Հերիքնազ Տիգրանյանն էլ մեզ հետ զրույցում ընդգծում է՝ Մամիջանյանի՝ Բանաձևի ընդունմանը դեմ քվեարկելն իր համար անակնկալ չէր: «Իրենք սկզբունք ունեն որդեգրած՝ որքան վատ, այդքան լավ: Ցանկացած դրական փոփոխություն մեր երկրում ուրիշները կգնահատեն, սակայն նրանք՝ ոչ: Հետևաբար, որպես այդ քայլի «արդարացում և հիմնավորում», պետք է ասեն, թե՝ հայանպաստ չէ»,- կարծում է պատգամավորը:
Տիգրանյանի խոսքով՝ պետք է առնվազն կույր լինել՝ չտեսնելու համար՝ ինչ բարեփոխումներ են տեղի ունենում ՀՀ-ում:
«Չեն տեսնում միջազգային կազմակերպությունների զեկույցները, կոռուպցիայի դեմ պայքարը: Հայկ Մամիջանյանի այս քայլն ուղղված է ընդդեմ պետականության, ոչ թե իշխանության, ինչպես իրենք են նշում: Սա նշանակում է՝ չուրախանալ սեփական երկրի հաջողություններով՝ ոտնահարելով ամեն արժեք»,- եզրափակում է պատգամավորը:
Անյուտա Աթանեսյան
«Երևանի ավտոբուս» ՓԲԸ-ն տնօրենի նոր պաշտոնակատար ունի
2 արծաթե, 5 բրոնզե մեդալ. բռնցքամարտի Հայաստանի հավաքականը վերադառնում է Եվրոպայի առաջնությունից
Ադրբեջանում քաղաքացին գլուխը մտցրել է ջրի բաքի մեջ ու չի կարողացել հանել. փրկարարները կտրել են բաքը (տեսանյութ)
Կոլորադոյի հայ համայնքի հետ հանդիպմանը դեսպան Մակունցն անդրադարձել է ՀՀ ներկա մարտահրավերներին
Բլինքենն Ալիևին կոչ է արել ազատել անարդարացիորեն ձերբակալված բոլոր անձանց
Բերքաբերի մոտակայքում տեղի է ունենալու պայթեցման աշխատանք. ՊՆ-ն խնդրում է խուճապի չմատնվել
Երևան-Սևան ավտոճանապարհին «Մերսեդես»-ը հարվածել է երկաթե արգելապատնեշին ու կոտրել այն
Հայաստանում միայն ռուսերեն ուսուցմամբ քանի դպրոց կա, որքան աշակերտներ ունեն և որտեղ են դրանք
Ոսկեպարի շրջանում ադրբեջանական ստորաբաժանումների առաջխաղացման մասին լուրը կեղծ է
Փաշինյանն ու Բլինքենը քննարկել են Հայաստան-Ադրբեջան սահմանազատման գործընթացն ու «Խաղաղության խաչմերուկ» նախագիծը
Էկոնոմիկայի նախարարը մասնագետների հետ քննարկել է խաղողագործության և գինեգործության ոլորտում առկա մարտահրավերները
Կա՞ր հոգևորական, որ ծպտուն հանեց Հոկտեմբերի 27-ին կամ Մարտի 1-ին, ուժեղ տղերք են դարձել, դասեր են տալիս. Մկրտչյան
«Վարչապետի գավաթն» ավելի ու ավելի շատ պետք է կապված լինի կրթության, դպրոցի հետ. Նիկոլ Փաշինյան (լուսանկարներ)
Ֆրանսիան Աթենքում հանդիսավոր արարողությամբ ստացել է օլիմպիական կրակը (լուսանկարներ)
Սյունիքի փոխմարզպետը ավտոբուսի վթարից տուժած իրանցիներին նվերներ ու ծաղիկներ է տարել
Պահեստազորի գնդապետ Միհրան Մախսուդյանի որդին 2 ամսով կալանավորվել է
Կատարում Վահան Կոստանյանը ներկայացրել է Հայաստանի տնտեսական գրավչությանը նպաստող գործոնները
Արգելակները «չեն պահել», ավտոբուսը կոտրել է պատնեշն ու գլորվել ձորը, բոլոր զոհերն իրանցիներ են. ձերբակալվել է վարորդը
Արևշատ գյուղի կամրջից ավտոմեքենան ընկել է Ազատ գետը. կա տուժած
Ավինյանի որոշմամբ՝ Արման Տեր-Թովմասյանն ազատվել է «Ջրային Կառույցներ» ընկերության տնօրենի պաշտոնից
Վանաձորում վրաերթի է ենթարկվել 13-ամյա երեխա
Միրզոյանը Կատարի գործընկերոջը ներկայացրել է Հայաստան-Ադրբեջան կարգավորման գործընթացի զարգացումները
Աղդամում ականի պայթյունից ադրբեջանցի է վիրավորում ստացել
Ավտովթար Ջերմուկ-Գնդեվազ ճանապարհին. ծանր վիճակում հոսպիտալացվել է 2 տուժած
Երևանում փակ ճանապարհներ չկան, դեպի Գյումրի ուղղությամբ երթևեկությունը վերականգնվել է
Քիմ Քարդաշյանն այցելել է Սպիտակ տուն և հանդիպել ԱՄՆ փոխնախագահին (լուսանկարներ)
Մեկնարկել է ՀՀ ԱԳ նախարար Արարատ Միրզոյանի պաշտոնական այցը Կատար
Ալեն Սիմոնյանը մեկնում է արձակուրդ
Շվեդիայում կրկին հրապարակայնորեն այրել են Ղուրանը (լուսանկարներ)
Կիևը գերմանական ընկերությունից պահանջել է ավելի քան 800 Vector անօդաչու թռչող սարք
Սպասվում է անձրև, ամպրոպ, առանձին հատվածներում՝ կարկուտ և քամու ուժգնացում. կցրտի 7-9 աստիճանով
Սյունիքի մարզպետը և Կապանում Իրանի գլխավոր հյուպատոսը տեսակցել են ավտոբուսի վթարի հետևանքով տուժած քաղաքացիներին
Հայաստանը շուտով Թուրքիային կփոխանցի Անիի կամրջի վերականգնման շուրջ իր մոտեցումները. ԱԳՆ
Մեկնարկել է «ՀՀ վարչապետի գավաթ» սեղանի թենիսի սիրողական մրցաշարի եզրափակիչ փուլը
Սպորտային մարմնամարզության ԵԱ. Արթուր Դավթյանն արծաթե մեդալ է նվաճել
Բլինքենն ուղևորվելու է Մերձավոր Արևելք
Քաղաքացին Գութանասար բարձրանալիս կոտրել է ոտքը. փրկարարները մոտ 6 կմ-ից իջեցրել են, օգնել հոսպիտալացվել
Վրաստանից էլեկտրաէներգիայի արտահանումն աճել է 14 անգամ. որքան է վաճառվել Հայաստանին
Գետափնյա գյուղի մոտակա կամրջով երթևեկությունը դեռևս փակ է
Մահացել է ազատամարտի մասին երգեր կատարող Սահակ Սահակյանը
© 2024 Հայկական ժամանակ