Երևան
13 °C
Սահմանադրական դատարանում ընտրությունների արդյունքների վիճարկման դիմումների քննության ընթացքում «Զարթոնք» կուսակցության ղեկավար Արա Զոհրաբյանը միջնորդություն ներկայացրեց ՍԴ դատավոր Վահե Գրիգորյանի՝ գործի քննությանը մասնակցելու անհնարինության վերաբերյալ:
Հիշեցնենք, որ ավելի վաղ նույն միջնորդությամբ հանդես էր եկել նաև «Հայաստան դաշինքը»: Ըստ Սահմանադրական դատարանի մասին ՀՀ օրենքի 16-րդ հոդվածի՝ ՍԴ դատավորի՝ գործի քննությանը մասնակցելու անհնարինության հարց կարող է բարձրացնել Սահմանադրական դատարանի դատավորներից յուրաքանչյուրը: Ուստի աշխատակարգային նիստում Վահե Գրիգորյանին ինքնաբացարկի միջնորդություն էր ներկայացրել ՍԴ դատավոր Արեւիկ Պետրոսյանը, որը մերժվել էր:
Արա Զոհրաբյանի խոսքով՝ Վահե Գրիգորյանի՝ գործի մասնակցության պարագայում կողմնակալության խնդիր է առաջանալու, քանի որ այժմ որպես երրորդ անձ գործում ներգրավվել է նաև «Քաղաքացիական պայմանագիր»-ը, իսկ Գրիգորյանը ժամանակին եղել է ՔՊ ցուցակը գլխավորող Նիկոլ Փաշինյանի ներկայացուցիչը:
ՍԴ դատավոր Երվանդ Խունդկարյանը, դիմելով Արա Զոհրաբյանին, հարցրեց՝ տեղյակ չէ՞, որ նույն միջնորդությամբ հանդես է եկել նաև «Հայաստան» դաշինքը, տեղյակ է ինքը՝ այդ միջնորդությանը ՍԴ-ն անդրադարձ կատարե՞լ է, թե՞ ոչ:
Ի պատասխան Խունդկարյանի հարցադրման՝ «Զարթոնք» կուսակցության ղեկավարը նշեց, որ իրենց միջնորդությունն այլ է, կապված է ՔՊ-ի երրորդ անձ ներգրավվելու և դրա հետևանքների հետ, իսկ «Հայաստան» դաշինքի հիմքերը այլ են եղել՝ կապված Մարտի 1-ի գործի հետ:
«Հայաստան» դաշինքի ներկայացուցիչ Արամ Վարդևանյանն էլ, իր հերթին անդրադառնալով Զոհրաբյանի ներկայացրած միջնորդությանը, նշեց՝ երկու միջնորդությունների հիմքերը այլ են, իրար հետ համեմատել պետք չէ:
«Ես միանում եմ Արա Զոհրաբյանի ներկայացրած միջնորդությանը: Նրա կողմից ներկայացված հիմնավորումն ունի հստակ տրամաբանություն: Գտնում եմ, որ սա բացառություն իրավիճակ է, քանի որ հուլիսի 6-ին է միայն ՔՊ ներգրավվել գործում որպես երրորդ կողմ, իսկ մենք երբ ներկայացնում էինք մեր միջնորդությունը, այդ մասին հայտնի չէր»:
Վարդևանյանի խոսքով՝ Վահե Գրիգորյանը ՔՊ առաջին համարը հանդիսացող Նիկոլ Փաշինյանի հետ ժամանակին ունեցել է աշխատանքային և մտերիմ հարաբերություններ:
ՍԴ դատավոր Հրայր Թովմասյանն էլ նկատեց՝ այս փուլում միջնորդությունը ՍԴ-ի կողմից քննարկման առարկա չի կարող դառնալ:
«Քանի որ Սահմանադրական դատարանի մասին օրենքի համաձայն՝ այս հարցը քննվում է գործը վարույթ ընդունելու որոշման շրջանակներում: Այդ փուլը մենք արդեն անցել ենք: Ավելորդ ժամանակ ենք ծախսելու»,- հստակեցրեց Թովմասյանը:
Գործում երրորդ կողմ հանդիսացող «Քաղաքացիական պայմանագիր» կուսակցության ներկայացուցիչ Ռուստամ Բադասյանը, հակադարձելով միջնորդություն ներկայացրած կողմերին, շեշտեց՝ նրանց ներկայացրած փաստարկներն անհիմն են:
«Փաստաբանի և վստահորդի նույնականացումը փաստաբանության վարքագծի կանոններով ասում է՝ չի կարելի նույնականացնել փաստաբանին և իր վստահորդին: Հետևաբար բովանդակային առումով հիմքում ընդունելով այն հանգամանքը, որ ՍԴ դատավորներից որևէ մեկը ներկայացրել է որևէ անձի՝ չի կարող վկայել վերջինիս կանխակալ վերաբերմունքի մասին, այն էլ ոչ թե տվյալ անձի, այլ կուսակցության նկատմամբ, որի անդամ է տվյալ անձը»,- նկատեց Բադասյանը:
ՍԴ դատավոր Վահե Գրիգորյանն էլ իր հերթին նշեց՝ դատարանը պետք է որոշի՝ հարցը քննարկել, թե ոչ: «Եթե դատարանը կորոշի, որ այս փուլում կարող է նման հարց քննարկվել, ես պատրաստ եմ ներկայացնել իմ դիրքորոշումը: Ես չեմ ցանկանում թաքնվել ձևական պահանջների հետևում, քանի որ Զոհրաբյանի բարձրացրած հարցն ամբողջ ծավալով քննարկվել է աշխատակարգային նիստի ժամանակ»,- ասաց Գրիգորյանը։
Ի վերջո, ՍԴ-ն որոշում կայացրեց քննության առարկա չդարձնել Զոհրաբյանի միջնորդությունը:
Գետում ավտոմեքենա է արգելափակվել․ դուրս բերելու համար անհրաժեշտ է եղել փրկարարների օգնությունը (տեսանյութ)
Ուժեղ կարկտահարություն է դիտվել Արմավիրի մարզում (տեսանյութ)
Մոսկվան Զելենսկու նկատմամբ հետախուզում է հայտարարել
Անձրևաջրերի կուտակումներից խուսափելու նպատակով Երևանում նոր հեղեղատար համակարգեր կկառուցվեն (տեսանյութ)
ԱԳ նախարարի տեղակալն ու Հնդկաստանի դեսպանն այցելել են Հայաստանի ազգային պատկերասրահ
Եթե ինչ-որ բան լողում է ինչպես բադը, թռչում է, ձու է ածում ինչպես բադը, ապա վստահաբար դա հենց բադ է, որ կա․ Ալեքսանյան
Կառավարությունը հարձակում է իրականացրել Սահմանադրության վրա․ Վրաստանի նախագահը մեղադրող հայտարարություն է արել
«Գոլդ» համարանիշով «Մերսեդես»-ը՝ ավտոմեքենաների ջարդի հեղինակ. վարորդն այն թողել է դեպքի վայրում և հեռացել
Որտեղ են հայտնաբերվել Գյումրիում հրդեհից մահացած 3 և 5 տարեկան քույրերը․ մանրամասներ ողբերգական դեպքից (լուսանկարներ)
Բեռլինի պաշտպանական-արդյունաբերական ընկերության գործարանում երեկ բռնկված բռնկված հրդեհը մարել չի հաջողվում
Նիկոլ Փաշինյանը յասամաններ է նվիրել Աննա Հակոբյանին․ վարչապետը տեսանյութ է հրապարակել
Ծանրորդ Սամվել Գասպարյանը վիրահատվել է
ՀԱՄԱՍ-ի պատվիրակությունը մեկնել է Կահիրե, նպատակը Գազայի հատվածում հրադադարի բանակցությունները վերսկսելն է
Մենք չենք ճանաչում ինքներս մեզ բառիս բուն և փոխաբերական իմաստով, պետք է դուրս գալ աքսիոմատիկ տրամաբանությունից․ Փաշինյան
Գազայում լայնամասշտաբ սով է․ ՄԱԿ-ի Պարենի համաշխարհային ծրագրի ղեկավարը հայտարարություն է արել
Սրբազան կրակը դուրս բերելուց առաջ Երուսաղեմում ուժեղացվել են անվտանգային միջոցառումները․ ովքեր կարող են մտնել տաճար
Անձրևային եղանակը կպահպանվի․ հնարավոր է նաև կարկուտ տեղա
Ես խոսել եմ Շառլ Միշելի հետ․ ինչ է ասել Կոբախիձեն ԵԽ նախագահին «օտարերկրյա գործակալների մասին» օրենքի վերաբերյալ
Վրաերթի ենթարկված հետիոտնը մի քանի մետր շպրտվել, բախվել է կայանված «Մազդա»-ին․ վիրավորը հիվանդանոցի ճանապարհին մահացել է
Ինչպես Բալյանը ստեղծեց Գյումրու հիմնը, և ինչ նամակ էր գրել Շիրազը Ռուբեն Մաթևոսյանին․ «Սիրեմ Գը» այգին նոր անուն ունի
Լոնդոնը պետք է հարմարվի «նոր իրականությանը»․ շոգ օրերի թիվը կտրուկ աճում է
Նման ամպրոպ Երևանում դեռ չէի տեսել․ Սուրենյանը նոր տեսանյութ է հրապարակել
Ֆուատ Օքթայը ԱՄՆ կոնգրեսականների հետ Հայաստանի և Ադրբեջանի հարաբերությունների կարգավորմանը վերաբերող հարցեր է քննարկել
Գետափնյա գյուղի մոտակա կամրջով երթևեկությունը շարունակում է փակ մնալ
Ֆրանսիացի բժիշկների հետ քննարկվել են համագործակցության հնարավորությունները
Հիմնանորոգվում է Նորակերտ-Փոքր Մասրիկ ճանապարհի մի հատվածը (տեսանյութ)
Բրազիլիայի հարավում ջրհեղեղի զոհերի թիվը հասել է 39-ի, 68 մարդ անհետ կորած է համարվում (տեսանյութ)
«Մայրիկ Ֆուդ»-ի տոմատի մածուկի արտադրությունը կասեցվել է
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան մայիսի 4-ին
Գյումրու տներից մեկում բռնկված հրդեհը մարելուց հետո 3 և 5 տարեկան երեխաների դիեր են հայտնաբերվել
ԱՄՆ-ն Հայաստանի կողքին է` իր ինքնիշխանության պաշտպանության ճանապարհին․ Մարկ Քեմերոնը ողջունել է սահմանազատման գործընթացը
Անձրևից հետո Երևանի փողոցները հեղեղվել են ջրով (տեսանյութ)
Անցած գիշերվա Երևանի հեղեղաբեր ամպրոպը․ Գագիկ Սուրենյանը լուսանկար է հրապարակել
Ջրալցումներ, փլուզումներ, ջրում արգելափակված մեքենաներ․ տեղատարափ անձրևի հետևանքները Երևանի վարչական շրջաններում
Փլուզվել է Ողջաբերդ գետի հենապատը․ Նոր Արեշում տներ ու փողոցներ են հեղեղվել (լուսանկարներ)
Տներից մեկի բակում քաղաքացին ընկել է փոսն ու մահացել
Ադրբեջանի ԶՈՒ-ն Տավուշի դիրքերի ուղղությամբ կրակ չի բացել․ ՊՆ-ն հերքել է շրջանառվող տեղեկությունները
Լուրերը, թե ադրբեջանական կողմից Տավուշի հատվածում կրակոցներ են հնչել, կեղծ են
«Հզոր ամպրոպային ամպ»․ Գագիկ Սուրենյանը լուսանկարներ է հրապարակել
Ամիօ բանկը թողարկում է պարտատոմսեր
© 2024 Հայկական ժամանակ