Ծովախեցգետին, օձաձուկ, ութոտնուկ. կորոնավիրուսի պատճառով որ մթերքներն են արգելվում ներկրել Չինաստանից

Չինական կենդանական ծագման մթերքի եւ հումքի ներմուծման արգելքը Հայաստանում կգործի այնքան ժամանակ, քանի դեռ Առողջապահության համաշխարհային կազմակերպությունը չի հայտարարել, որ վտանգը վերացած է: Այս մասին «Հայկական ժամանակի» հետ զրույցում ասաց ՀՀ սննդամթերքի անվտանգության տեսչական մարմնի ղեկավար Գեորգի Ավետիսյանը:

Նոր կորոնավիրուսի մուտքը կանխելու նպատակով Հայաստանն արգելել է Չինաստանից եւ չինական ծագման հումքով այլ երկրներում արտադրված կենդանական ծագման մթերքի եւ հումքի ներմուծումը: Կենդանական ծագման մթերքներից Չինաստանից Հայաստան է ներմուծվում հիմնականում ծովամթերք՝ ծովախեցգետին, ծովատառեխ, օձաձուկ, ութոտնուկ եւ այլն:

ՀՀ սննդամթերքի անվտանգության տեսչական մարմնի ղեկավարը հայտնեց, որ Չինաստանից ավելի շատ բուսական ծագման ապրանքներ են ներմուծվում Հայաստան՝ սոյա, բրինձ եւ մի քանի տեսակի հատիկեղեն, որոնց վրա արգելք չկա:

2019 թվականին Չինաստանից Հայաստան է ներկրվել մոտ 15 տոննա ծովամթերք: Այս տարվա հունվարի 1-ից մինչեւ հունվարի 26-ը (մինչեւ արգելքը) ներմուծվել է շուրջ 1000 կգ մթերք: ՍԱՊԾ տեսչական մարմնի ղեկավարից հետաքրքրվեցինք, թե արդյոք արդեն իսկ ներմուծված կենդանական ծագման ապրանքի իրացման վրա ե՞ւս արգելք է դրվելու:

Վերջինս նշեց, որ որեւէ արգելք չկա: «Մի քանի ամիս առաջ ներմուծված կենդանական ծագման նման ապրանքը սովորաբար արդեն սպառված է լինում, ծովամթերքի դեպքում ժամկետները բավականին քիչ են»,- հավելեց նա: Ավետիսյանի խոսքով՝ հունվարի 1-ից ներմուծված 1000 կգ մթերքն այնքան էլ մեծ թիվ չէ, մի քանի օրում իրացված կլինի, ուստի դրա իրացման համար եւս արգելք չի եղել:

Անցած մեկ օրում Չինաստանում նոր կորոնավիրուսից մահացածների թիվը 26-ից հասել է 41-ի, վարակվածներինը՝ 1300-ի: Ըստ լրատվամիջոցների՝ մահացածների թվում է մի բժիշկ՝ Չինաստանի Ուհան քաղաքում: Հենց այս քաղաքից էլ սկիզբ է առել համաճարակը:

Նոր վիրուսը նաեւ աշխարհագրությունն է ընդլայնել. հիվանդացության դեպքեր են արձանագրվել Ավստրալիայում, Մալայզիայում, Ֆրանսիայում: Ավելի վաղ վարակի դեպքեր էին հայտնաբերվել ԱՄՆ-ում, Ճապոնիայում, Հարավային Կորեայում, Թայլանդում, Սինգապուրում, Նեպալում ու Վիետնամում:

Տպել
1300 դիտում

«Norma» ապրանքանիշը կվերսկսի արտադրությունը

Բաքուն ու Անկարան քննարկում են սպառազինության համատեղ արտադրության հարցը

Վարդենյաց լեռնանցքը փակ է կցորդիչով բեռնատարների համար, Թասի ոլորաններին տեղ-տեղ առկա է մերկասառույց

Տավուշի բնակիչներին առաջարկվում է Զանենյան ցեղատեսակի կաթնատու տոհմային այծեր

Առաջին դեպքը՝ Բրազիլիայում, առաջին մահը՝ Ֆրանսիայում, 106 մահ՝ 1 գիշերում. ԱՀԿ-ն անհանգստացած է կորոնավիրուսի թվերով

Վրաստանում արձանագրվել է կորոնավիրուսի առաջին դեպքը

Գեղարքունիքի մարզում «Թումո» ստեղծարար տեղեկատվական կենտրոնի շարժական ուսումնական առաջին կետը կտեղադրվի Գավառ քաղաքում

Ռուսաստանը եւ մի շարք երկրներ պահանջել են սկսել ԱՄՆ-ի և ՄԱԿ-ի միջեւ արբիտրաժային աշխատանքները

Հակոբ Արշակյանը Հայաստան է հրավիրել ԱՄԷ նախարար Բովարդիին

Կարևոր հայտարարություն «Այո» քարոզչական բրենդավորման շուրջ. առաջին տեղի մրցանակ 3 մլն դրամը կբաշխվի 3 անձի միջև (ուղիղ)

Շիրակի մարզում «ԱՅՈ» նախընտրական շտաբի աշխատանքները կհամակարգեն «Իմ քայլը» դաշինքի պատգամավորներն ու Շիրակի մարզպետը

Մհեր Գրիգորյանը շնորհավորել է Կանադայի նորանշանակ դեսպանին պաշտոնն ստանձնելու կապակցությամբ

Վահագն Վերմիշյանը կառավարության վաղվա նիստում կազատվի զբաղեցրած պաշտոնից

«Պատվի համարը» մարտի 9-ից կլինի Հանրայինի եթերում. դերասանական կազմում է նաեւ Արամ MP3-ի որդին

«Ճանապարհենք ձմեռը Շիրակի մարզում». հրավեր Շիրակից Հայաստանի մարզերին եւ ոչ միայն

Երեք ռուսաստանցու նոր կորոնավիրուսով վարակման փաստը հաստավել է

Արմավիրի քրեական հետախույզները մարիխուանայի իրացման դեպք են բացահայտել

Կրթական տեխնոլոգիաների ազգային կենտրոնի տնօրենի պաշտոնը թափուր է. նախկին տնօրեն Արտակ Պողոսյանը եւս կմասնակցի մրցույթին

Արցախի Հանրապետությունում իրականացվել են մի շարք միջոցառումներ կորոնավիրուսի ներթափանցումը կանխելու նպատակով

Էկոնոմիկայի նախարարությունում քննարկվել են ոռոգման սեզոնի մեկնարկին ընդառաջ առկա խնդիրները