Նիկոլ Փաշինյանը փոփոխել է իր որոշումը՝ Սահմանադրական բարեփոխումների հանձնաժողովի անդամների թիվը 15-ից դարձնելով 16

ՀՀ վարչապետը որոշել է փոփոխություն կատարել դեկտեմբերի 30-ին իր ստորագրած որոշման մեջ եւ Սահմանադրական բարեփոխումների մասնագիտական հանձնաժողովի կազմը 15-ից դարձնել 16։ Այսպիսով, հանձնաժողովում ի պաշտոնե ներգրավված կլինի նաեւ ՀՀ ԱԺ պետական-իրավական հարցերի մշտական հանձնաժողովի նախագահը։

Այդ պաշտոնը զբաղեցնում է «Իմ քայլը» խմբակցությունից Վլադիմիր Վարդանյանը, որը հանձնաժողովում աշխատելու համար առաջարկվել էր խմբակցության կողմից։ Սա նշանակում է, որ նա հանձնաժողովի աշխատանքներին կներգրավվի ի պաշտոնե, իսկ խմբակցությունը Վարդանյանի փոխարեն հանձնաժողովի աշխատանքներին կգործուղի այլ ներկայացուցչի։

Հիշեցնենք, որ Սահմանադրական բարեփոխումների մասնագիտական հանձնաժողովի կազմում ընդգրկվելու են Արդարադատության նախարարը, Մարդու իրավունքների եվրոպական դատարանում ՀՀ ներկայացուցիչը, ՄԻՊ-ը, դատավորների ընդհանուր ժողովից 1 անդամ, 6 իրավաբան գիտնականներ, ՀԿ-ների 2 ներկայացուցիչներ, մեկական ներկայացուցիչ խորհրդարանական յուրաքանչյուր խմբակցությունից եւ արդեն նաեւ Պետաիրավական հարցերի հանձնաժողովի նախագահը:

ԲՀԿ-ն արդեն հայտարարել է, որ հանձնաժողովում խմբակցության անունից աշխատելու է Գեւորգ Պետրոսյանը, «Լուսավոր Հայաստան»-ը ներկայացրել է Տարոն Սիմոնյանի անունը։ Վլադիմիր Վարդանյանը մեր զրույցում ասաց, որ չգիտի, թե իրենց խմբակցության անունից ով կներկայացվի հանձնաժողովում։

Մեր հարցին, թե ի՞նչ առանցքային փոփոխություններ են նախատեսում քննարկման առարկա դարձնել, Վարդանյանը պատասխանեց, որ հանձնաժողովը դեռ նոր ձեւավորվում է, ուստի իրենք նախատեսում են քննարկել այն հարցերը, որոնք հուզում են հանրությանը, որոնք հրատապ լուծման կարիք ունեն:

Հանրությանը ամենաշատը հուզող հարցերից մեկը, որն էլ թերեւս առիթ հանդիսացավ սահմանադրական փոփոխություններ նախաձեռնելու համար, Սահմանադրական դատարանի եւ ընդհանրապես դատական համակարգի նկատմամբ հանրության վերաբերմունքն է։

Թե այս կապակցությամբ ի՞նչ լուծումներ են նախատեսում, Պետաիրավական հարցերի հանձնաժողովի նախագահն ասաց. «Ցանկացած լուծում, որը թույլ կտա հնարավորինս արագ հաղթահարել ճգնաժամը՝ մնալով սահմանադրական հունի մեջ, ցանկացած լուծում, որը թույլ կտա ձեւավորել հանրության ակնկալիքները բավարարող Սահմանադրական դատարան։ Բայց իրավագիտության մեջ շատ դեպքերում մանրամասներն են էական փոփոխություններ մտցնում բովանդակության մեջ: Դրա համար այս պահին, քանի դեռ չկա հանձնաժողով, հանձնաժողովը չի գումարել իր նիստերը, նիստերի ժամանակ չեն քննարկվել այն հիմնական մոտեցումները, որոնք առկա են այս կամ այն հարցի վերաբերյալ, քանի դեռ չկա սահմանադրական փոփոխությունների հայեցակարգ, դժվար է խոսել այդ մասին»:

Վերջերս ՀԱԿ կուսակցությունը հայտարարություն էր տարածել՝ առաջարկելով սահմանադրական փոփոխություններով վերադառնալ կիսանախագահական կառավարման մոդելին։ Այս կապակցությամբ ի՞նչ դիրքորոշում ունեք՝ հարցրի Վարդանյանին:

«Այն բոլոր պետությունները, որոնք փորձ են կատարել կիսանախագահականից անցնել խորհրդարանական կառավարման ձեւի, բավական լուրջ խիզախություն են արել՝ հաշվի առնելով, որ խորհրդարանական կառավարման ձեւը ենթադրում է լավ կուսակցական համակարգի ձեւավորված լինելը, ենթադրում է համապատասխան կուսակցական մշակույթի, քաղաքական մշակույթի ձեւավորված լինելը: Բայց, այնուհանդերձ, եթե մենք անցել ենք խորհրդարանական կառավարման ձեւին, որն այսօրվա դրությամբ հանդիսանում է Եվրոպական մայրցամաքում հիմնական կառավարման մոդելը, նման խոսակցություններ ծավալելը ինչ-որ առումով կարող է դիտարկվել մոտեցում, որն այնքան էլ հիմնավորված չէ: Մենք նոր ենք անցել խորհրդարանական կառավարման ձեւի, որի բոլոր առավելությունները, թերությունները ամբողջ ծավալով դեռ ի հայտ չեն էլ եկել, որ խոսենք փոխելու մասին»,- պատասխանեց նա՝ հավելելով, որ եթե խոսքը վերաբերում է սուպերվարչապետական համակարգի հետ կապված մտավախություններին, ապա բարեփոխումների ընթացքում կարելի է անդրադառնալ իշխանության ճյուղերի փոխզսպման մեխանիզմների կատարելագործմանը, հավասարակշռմանը, բայց ոչ կառավարման մոդելի փոփոխությունը դիտարկել համար 1 խնդիրը սահմանադրական փոփոխությունների կոնտեքստում:

Տպել
1939 դիտում

Պաշտոնական է՝ Արսեն Ջուլֆալակյանը Տոկիո 2020-ին չի մասնակցի. հունահռոմեականների 77կգ-ում ՀՀ-ն կներկայացնի Չալյանը

Ռուբեն Ռուբինյանն ընդունել է Հայաստանում Լեհաստանի արտակարգ եւ լիազոր դեսպան Պավել Չեպլակին

Բուքմեյքերական ընկերությունը խաղադրույքներ է ընդունում հանրաքվեին ընդառաջ. «Այո»-ի հաղթանակին գրեթե չեն կասկածում

Հայկական ծագում ունեցող հայտնի թենիսիստ Անդրե Աղասիին մեղադրել են դոպինգ օգտագործելու մեջ

Հրայր Թովմասյանի եւ Նորայր Փանոսյանի գործով նախաքննությունն ավարտվել է

Առանց գենդերային բաղադրիչի ներառման՝ հասարակության սոցիալ-տնտեսական զարգացումը չի կարող լիարժեք լինել․ Ժաննա Անդրեասյան

Պրոֆեսիոնալ ռեկետ է․ Արթուր Մեսչյանը՝ շինթույլտվություններից դժգոհ բնակիչների բողոքների մասին

Հայտնաբերվել է մոտ 130 000 «ապագայի» ձու եւ 54 000 հատ՝ ժամկետանց

Յուրա Մովսիսյանը շուրջ 1.5 տարի է՝ թիմ չունի

Տղամարդն ընկերոջը թմրանյութ է հյուրասիրել. հանգամանքները պարզվում են (տեսանյութ)

Ռուստամ Բադասյանն ու Դեբորա Գրիզերը քննարկել են հակակոռուպցիոն պայքարում համագործակցությունը զարգացնելու ուղղությունները

Վարչապետ Նիկոլ Փաշինյանի գլխավորությամբ այսօր քննարկվել է ՀՀ հարկային բարեփոխումների հայեցակարգը (լուսանկարներ)

«Այո»-ն շտաբներ կունենա բոլոր մարզերում ու քաղաքներում. միջոցառումների ժամանակացույցը կհրապարակվի Պապիկյանի ասուլիսում

Քրեական հեղինակություն Նորատուսցի Ալիկն ու նրան ուղեկցող 6 անձ բերման են ենթարկվել

Ուրվականի փոխարեն ի՞նչ է արձանագրել դպրոցի տեսախցիկն իրականում. տնօրենը պարզաբանում է

Դիզվառելիքի գործով Բարսեղ Բեգլարյանն ու Սերգո Կարապետյանը առերեսվել են

Զինված ուժերում 2019 թվականի հունիսից մինչեւ օրս կանխվել է ինքնասպանության 8 դեպք․ Արտակ Դավթյան

Նոր Նորքում ապօրինի թմրաշրջանառության շղթա է բացահայտել․ 4 անձ ձերբակալվել է, այդ թվում՝ անչափահաս (տեսանյութ)

Ազգային ժողովը 2020-ին 552 ժամանակակից համակարգիչ ձեռք կբերի

Սովորական հեռախոսը կամ ինչ-որ մեկի երեխա լինելը բանակում կարող է դառնալ անհավասարություն. Անդրանիկ Քոչարյան