«Աստղիկ» ԲԿ-ն նախապատրաստվում է 3-րդ լյարդի փոխպատվաստմանը, պացինետների վիճակը լավ է

Դեկտեմբերի 14-ին Երեւանի «Աստղիկ» բժշկական կենտրոնում կատարված արդեն 2-րդ լյարդի փոխպատվաստումից հետո հիվանդի վիճակը լավ է, նա օր օրի առողջանում է, լյարդը գործում է: Հիվանդանոցում նախապատրաստվում են մոտ ապագայում 3-րդ վիրահատությունը կատարել: Այս մասին, մեզ հետ զրույցում, նշեց կենտրոնի վիրաբուժական գծով փոխտնօրեն Հայրապետ Բարսեղյանը:

24-ամյա կնոջը փոխպատվաստել են քրոջ լյարդի մի մասը: Բժշկի խոսքով՝ փոխպատվաստված լյարդն արդեն բավականաչափ մեծացել է եւ կամաց-կամաց իր տեղն է զբաղեցնում: Պացիենտը գտնվում է բժիշկների հսկողության ներքո: Ինչպես ներկայացրեց Բարսեղյանը, լյարդը նման հատկություն ունի, այն որոշ ժամանակ հետո նորից աճում է, վերականգվում է եւ դառնում այնքան, որքան՝ տվյալ օրգանիզմին անհրաժեշտ է:

Այս վիրահատությունն, ըստ Բարսեղյանի, մի քանի անգամ ավելի բարդ գործընթաց է, քան սրտի, երիկամի եւ մյուս օրգանների փոխպատվատումները: Այն ռիսկային է ե՛ւ դոնորի, ե՛ւ ռեցիպիենտի համար: Այդ պատճառով մինչ վիրահատությունը հայ բժիշկները բավական երկար ժամանակ նախապատրաստվել են, արտերկրի տարբեր կլինիկաներում փորձառություն ստացել:

Այժմ նրանք համագործակցում են Մոսկվայի Բուռնազյանի անվան բժշկական կենտրոնի հետ: Վերջին 2-2.5 տարիների ընթացքում մասնագետները մի քանի անգամ այնտեղ եղել են, վերապատրաստվել, այնտեղից փորձառու վիրաբույժներ եկել, մասնակցել են վիրահատություններին:

«Մենք պլանավորել ենք, որ առայժմ համատեղ աշխատանքը շարունակելու ենք այնքան, մինչեւ մեր կազմած աշխատանքային խումբը լիարժեք այդ փորձը ձեռք բերի: Իհարկե դեռ շատ անելիքներ ունենք, շատ բաներ կան, որ պետք է ընթացքում սովորենք, եւ շատ նորություներ կան, որ փորձի հետ միասին կգա»,- նշեց Բարսեղյանը՝ հավելելով, որ փորձը հնարավոր կլինի ձեռք բերել, երբ հնարավորինս շատ վիրահատություններ կատարվեն, իսկ այստեղ դրա կարիքը զգացողները շատ են, որոնք ստիպված են լինում գնալ արտերկիր՝ վիրահատվելու:

Հետաքրքրվեցինք, դեռեւս ապրիլի 24-ին կատարված առաջին վիրահատությունից հետո պացիենտի վիճակով, ինչին ի պատասխան, բժիշկը նշեց, որ սկզբում նրա մոտ հետվիրահատական բարդություններ էին առաջացել, սակայն ամեն ինչ անցյալում է, եւ նա լիարժեք առողջ մարդ է: Նա, այնուամենայնիվ, գտնվում է բժիշկների հսկողության տակ եւ հաճախ է գալիս հիվանդանոց:

Հիշեցնենք, որ 2019 թվականի ապրիլի 24–ին վերոնշյալ կենտրոնում առաջին անգամ Հայաստանում կատարվել էր լյարդի փոխպատվաստում:

Տպել
461 դիտում

Փրկարարները հայտնաբերել են Գավառ քաղաքում կորած քաղաքացու դին. ԱԻՆ

Դավիթ Տոնոյանը ներկա է գտնվել կանանց համար հատուկ մշակված ձեռնամարտի հնարքների ցուցադրությանը (լուսանկարներ)

Քննարկում ենք «Այո»-ի բրենդինգի մրցույթը հաղթած տարբերակի շուրջ ստեղծված իրավիճակը. Վահագն Ալեքսանյան

Դե, առաջացել են, էլի, տեսնում եք՝ առաջացել են. Սերգո Կարապետյանը դիզվառելիքի տրամադրման գործում առաջացած խնդրի մասին

Հայտնի է Մարտի 1-ի զոհերի հիշատակը հավերժացնող հուշարձանի մրցույթում հաղթող նախագիծն ու հեղինակի անունը

Սերժ Սարգսյանի գործով դատախազը չի հեռացվի վարույթից. դատարանը հրապարակեց որոշումը

ՎՏԲ-Հայաստան Բանկը մեկնարկել է նոր VTB Gen-Z նախագիծը՝ նախատեսված ուսանողների և նորավարտների համար

Փնտրվում է բնօրինակի հեղինակը. «Այո»-ի նոր լոգոն 1991 թվականի հանրաքվեինն է եղել

Վարչապետը դժգոհ է կոռուպցիայի դեմ պայքարի արդյունքներից. հանձնարարականներ՝ իրավապահ համակարգին

ՁԻԱՀ-ի կանխարգելման հանրապետական կենտրոնը նոր տնօրեն ունի

Հանձնարարել եմ աջակիցներիս զերծ մնալ սադրանքներին տրվելուց. Ա. Հարությունյանի թիմը քարոզարշավն սկսում է մոմավառությամբ

ԶՈՒ բոլոր զորամասերում արգելվել են զինծառայողների ծնողների և հարազատների այցելությունները, արձակուրդները. ՊՆ

Իոաննիսյանի միջնորդությամբ Ռոբերտ Քոչարյանի աջակցին արգելվել է սահմանափակել կամ արգելափակել իր ֆեյսբուքյան օգտահաշիվը

ԱԱԾ-ն հայտնաբերել է ռումբ տեղադրելու մասին կեղծ ահազանգի 3 անչափահաս հեղինակներին

Հնդկաստանում միջկրոնական բախումներ են. կան զոհեր, ներգրավվել է զորքը

«Լճաշեն» պոմպակայանում վթարի հետևանքով 11,5 ժամով դադարեցվել է Գեղարքունիքի և Կոտայքի ջրամատակարարումը

Կոռուպցիայի դեմ պայքարը նոր թափ եւ որակ պետք է ստանա. խորհրդակցություն Կառավարությունում (տեսանյութ)

Խաչատրյանների փաստաբանական խումբը ահազանգում է հերթական խախտումների մասին

Արարատի մարզում 1027 շահառու այլեւս նպաստ չի ստանում. Գարիկ Սարգսյան

Կեսգիշերին Գյումրիում ավարտվեց «Հարսանիք թիկունքում» ներկայացման էկրանավորումը (լուսանկարներ)