Գյումրու «Մոր եւ մանկան Ավստրիական հիվանդանոց»-ում բրուցելոզով հիվանդ կովի արյուն է հետազոտվել. Տիգրան Պետրոսյան

18/01/2020 schedule22:01

Գյումրու «Մոր եւ մանկան Ավստրիական  հիվանդանոց»-ի տնօրենի ընտրության hետ կապված լարվածությունը շարունակվեց նաեւ այսօր, արդեն Շիրակի մարզպետարանում: Մարզպետ Տիգրան Պետրոսյանը, ինչպես նախապես էր հայտարարվել, հրավիրել էր զլմ-ների ներկայացուցիչներին, որպեսզի ներկայացներ այն հիմնավորումներն ու հանգամանքները, որոնցով պայմանավորված տնօրենի ընտրության հարցում նախապատվությունը մրցույթը հաղթած թեկնածուներից տվել էր ոչ թե հիվանդանոցի նախկին տնօրեն Աշոտ Կուրղինյանին, այլ երկրորդ թեկնածուին՝ Ժորժիկ Սերոբյանին:  Ընտրությունն, ըստ Տիգրան Պետրոսյանի, եղել է բարդ, տարբեր հանգամանքներ կան հիմքում ընկած: Նաեւ իր վճռական նշանակությունն է ունեցել  ՀՀ առողջապահության նախարարության կողմից  կատարված ուսումնասիրությունների եզրակացությունները՝ կապված բաժանմունքների, հատկապես մանկաբարձագինեկոլոգիական և մանկական կառուցահատվածի մանրէաբանական լաբորատորիայի ընդհանուր հիգիենիկ և համաճարակաբանային ռեժիմների հետ:

Աշոտ Կուրղինյանը երեկվա ասուլիսում հայտարարել էր, որ մազպետը կլանային որոշում է կայացրել եւ, որ այս գործին խառնված է Պետրոսյանի մտերիմ ընկեր Կարեն Պետրոսյանը, ով բարեկամ է տնօրենի պաշտոնում նշանակված Ժորժիկ Սերոբյանին: Արդյո՞ք որոշումները մարզպետը թիմային է կայացնում: Հարցին Տիգրան Պետրոսյանն ասաց՝ թիմային քննարկում է, բայց վերջնական որոշումն անձամբ է կայացնում: Կա հանրային խորհրդատուների ինստիտուտ, նաեւ կարծիքներ է հարցնում ոլորտային մասնագետներից, քանի որ մարզպետն անձնական ամբիցիաներով եւ ցանկություններով չպետք է առաջնորդվի: Այն, որ Ավստրիական հիվանդանոցի տնօրեն է նշանակել Ժորժիկ Սերոբյանին, իր հստակ հիմնավորումն ունի: Ըստ Տիգրան Պետրոսյանի, իր ձեռքի տակ այնպիսի փաստաթղթեր են եղել, որոնց ուսումնասիրություններից հետո այլընտրանք իրականում չի էլ ունեցել:  Առավել վճռորոշ է եղել նաեւ մեկ հանգամանք: Վերջերս «Մոր եւ մանկան Ավստրիական  հիվանդանոց»-ի լաբորատորիայում, ըստ Տիգրան Պետրոսյանի, կովի արյուն է հետազոտվել:

«Բրուցելոզով հիվանդ կովի արյունը տրվել է հետազոտության Գյումրու «Մոր եւ մանկան Ավստրիական  հիվանդանոց»-ում մարդու անվան տակ, ասելով որ կովի արյուն է, եւ ընդ որում տրվել է սխալ եզրակացություն:  ՍԱՊԾ-ն երբ որ գնացել է հիվանդանոց, ասել են նորմալ է, ո՞վ է ասել, որ կովի արյուն չենք կարող վերցնել: Սրա հետ կապված ապացույցներ կան: Հիմա ես ո՞նց կարող էի անտեսել այս հանգամանքը եւս: Կներեք, բայց կարող եմ ասել, որ ընտրություն չեմ ունեցել»,-ասաց Տիգրան Պետրոսյանը:

Կովի արյան հետ կապված պատմությունը Աշոտ Կուրղինյանը սադրանք համարեց: Ասաց ընդհանրապես չի հասկանում, թե ինչի մասին է խոսքը: «Կասկած ունեմ, որ պլանավորված սադրանք է, դա տեղի է ունեցել էն ժամանակ, երբ մրցույթը հայտարարված էր, փաստաթղթի վրա ընդհանրապես չկա տնօրենի կնիք եւ ստորագրություն, էդպիսի թուղթ հնարավոր է հիվանդանոցից է դուրս եկել, հնարավոր է եւ չէ, ես չգիտեմ, թե ում ստորագրությամբ, բայց այսօր համակարգչով ցանկացած մեկը կարող է սարքել եւ ուզածը գրել: Բացարձակ տեղյակ չեմ, թե ինչի մասին է խոսքը:  Խնդրում եմ քննչական մարմիններին եւ դատախազությանը սա իմ կողմից որպես հայտարարություն ընդունել, եւ զբաղվել այդ հարցով, թե ով է բերել, ով է գրել, ի՞նչ տեսչական մարմին է ներս մտել, որ տնօրենը տեղյակ չի եղել: Նորից եմ ասում, սա սադրանք է, եւ էսօր ճիշտ պահին էդ թուղթը ջրի երես ելավ: Գտնեն բերողին, գտնեն կովին եւ պատժեն անողին»,-զայրացավ Կուրղինյանը: Բժիշկը նաեւ ավելացրեց, թե այնպես չէ, որ մարզպետարանում ամեն ինչ իդեալական է, դե թող դիմում գրի, գնա մարզպետը:

Ի դեպ, ընթացող ասուլիսին Աշոտ Կուրղինյանը դրսում էր հետեւում: Նրան ի  սկզբանե Տիգրան Պետրոսյանը թույլ չէր տվել մասնակցել, քանի որ այն նախատեսված էր միայն լրագրողների համար: Նախկին տնօրենին էին միացել նաեւ հիվանդանոցի մեկ տասնյակից ավելի աշխատակիցները:

Թվարկված խնդիրները Տիգրան Պետրոսյանը  քննարկել է Առողջապահության նախարար Արսեն Թորոսյանի հետ տնօրենի նշանակումից ընդամենը մեկ օր առաջ:  Ունի՞ մարզպետն անձնական շահ որոշման հարցում: Տիգրան Պետրոսյանն ասաց՝ այո: Մարզի երեխաների որակյալ  ծառայություն ստանալու շահը: Որոշումը կայացվել է ելնելով հենց այդ  երեխաների եւ հղիերի լավագույն շահից,-ասաց Տիգրան Պետրոսյանը:

Լրագրողների նկատառմանը, թե Ժորժիկ Սերոբյանը մարզպետի մտերիմն է եւ ակտիվ է եղել նախընտրական ժամանակահատվածում, մարզպետը չընդդիմացավ:  «Այո, նա մարդ է, ով  ոչ միայն ակտիվ աշխատել է իմ նախընտրական շտաբում, մարդ ով մշտապես կանգնած է եղել մեր կողքին: Նաեւ մասնագիտական որակներով եւ գիտելիքներով նախկին տնօրենին ոչնչով չզիջող  բժիշկ է»,-ասաց նա:

Իսկ այն, որ անընդհատ տարբեր ժամանակամիջոցներում քննարկվում է Տիգրան Պետրոսյանի թիմային լինելու հանգամանքը, Պետրոսյանն ասաց, նորմալ է: Այդ խոսակցությունները կային եւ այն օրերին, երբ մարզպետ էր նշանակվում, եւ դրանից հետո մինչեւ օրս:

Հիշեցնենք, որ երեկ Աշոտ Կուրղինյանը հրավիրել էր մամուլի ասուլիս, եւ հայտարարել, որ կատարվածը ոչ թե տնօրենի ընտրություն էր, այլ ուղղակիորեն հիվանդանոցն իր ձեռքից խլել էր, ինչը չի հանդուրժելու:

Արմենուհի Մինասյան

Տպել
1630 դիտում

Հիմա էլ ՍԴ-ի աշխատակազմի ղեկավարն է կոչ անում ապրիլի 5-ին բոյկոտել հանրաքվեն. Ալեն Սիմոնյան

Հաֆթարի ուժերը հայտարարել են Տրիպոլիի ափերի մոտ թուրքական նավ խոցելու մասին

Կփրկի՞ անձեռնմխելիությունը. աշխարհի առաջնորդներ, որոնք անցնում են հնչեղ քրգործերով

Այսօր շատ հիշարժան փաստաթուղթ եմ ստորագրել. Նիկոլ Փաշինյան

Հին թեզերը՝ նոր ձևաչափում. առաջին հրապարակային քննարկումը

Դանիայի խորհրդարանի նախագահ Հենրիկ Դամ Քրիստենսենի հետ հյուրընկալվեցինք Դանիայի թագուհի Մարգրեթ 2-րդի կողմից.Ա. Միրզոյան

Ոստիկանի սպանության մեջ մեղադրվող պատանու կալանավորման ժամկետը երկարաձգվել է. նա տեղափոխվել է ՔԿՀ

Արթիկում բացվել է երեխաների ցերեկային խնամքի առաջին կենտրոնը

Համայնքների ղեկավարներին առաջարկվել է թափառող շների ստերջացման գործընթաց սկսել

Բարսեղ Բեգլարյանի որդիները դատակոչվել, սակայն չէին ներկայացել դատարան. նիստը հետաձգվեց

16-ամյա երիտասարդի անձնական խուզարկությամբ հայտնաբերվել է երկու կռփազենք. ՀՀ ոստիկանություն

Երեւանի բնակարաններից մեկում 67-ամյա կնոջ դի է հայտնաբերվել

Քաղաքապետ Հայկ Մարությանի որոշմամբ Նոր Նորք վարչական շրջանի ղեկավարի պաշտոնը կզբաղեցնի Հովհաննես Մանուկյանը. Կարապետյան

Ալավերդիում ամբողջությամբ այրվել է վագոն-տնակ. տուժածներ չկան

Արարատի մարզպետ Գարիկ Սարգսյանն ընդունել է Հռոմից հաղթանակած վերադարձած ընբիշ Գեւորգ Ղարիբյանին

Պուտինն աշխատանքից ազատել է իր 7 տարվա օգնականին

Մարդու իրավունքների պաշտպանն ընդունել է Հայաստանում Շվեդիայի դեսպանության գործերի հավատարմատարին

ՊԵԿ-ը կանխել է թմրամիջոցների մաքսանենգության հերթական փորձը

Արարատի մարզում անչափահասների կատարած հանցագործություններն ավելացել են. մարզի դատախազությունը քայլերի է դիմել

Նախագահ Արմեն Սարգսյանը եւ Հայաստանում ԱՄՆ դեսպան Լին Թրեյսին հանդիպել են