Կխնդրեմ՝ ներողություն խնդրեք ՀՀ քաղաքացիներից. Սուրեն Գրիգորյանը՝ Գևորգ Գորգիսյանին

ԱԺ-ում Սահմանադրական դատարանի դատավորների վաղաժամ կենսաթոշակի գնալու մասին օրենքի նախագծի քննարկման ժամանակ «Իմ քայլը» խմբակցության պատգամավոր Սուրեն Գրիգորյանը վերահաստատեց այն պնդումը, որ այս նախագիծը նպատակ չունի հեռացնել նախկին իշխանության օրոք նշանակված դատավորներին: 

Նախագիծը, որով առաջարկվում է ՍԴ անդամի կողմից հրաժարական ներկայացվելու դեպքում մինչեւ իր համար Սահմանադրությամբ սահմանված պաշտոնավարման տարիքը լրանալը տրամադրել իր աշխատավարձի չափով կենսաթոշակ, չի վերաբերում ՍԴ դատավորներ Վահե Գրիգորյանին ու Արման Դիլանյանին, այլ միայն մյուս յոթ դատավորներին: Վերջիններս ընտրվել են հին Սահմանադրության կանոնակարգերով, իսկ այդ Սահամանդարությունն ուժն ամբողջովին կորցրել է 2018 թվականի ապրիլին:  

Խորհրդարանական իշխող մեծամասնությունը, կառավարության ներկայացուցիչները բազմիցս հայտարարել են, որ ՍԴ գործող կառուցվածքն ու յոթ դատավորների ընտրվելու կարգը չեն համապատասխանում գործող Սահմանադրությամբ ամրագրված պահանջներին: Հենց այս իրավիճակին լուծում տալու համար էլ Արդարդատության նախարարությունը ներկայացրել է վերոնշյալ նախագիծը:

«Բարգավաճ Հայաստան» խմբակցության պատգամավոր Նաիրա Զոհրաբյանը ԱԺ-ում իր ելույթի ժամանակ, խոսելով այդ 7 դատավորների մասին, այսօր ավելի վաղ ասել էր, որ իր ուշքը չի գնում «Հրայր Թովմասյան պլյուս վեցնյակ»-ի համար:

Սուրեն Գրիգորյանը Զոհրաբյանի այս մտքին ի պատասխան արձագանքեց, որ երբ իրենք խոսում էին այս նախագծի մասին, հարց հնչեց՝ իսկ արդյոք այն դատավորները, որոնց այսպիսի առաջարկ է արվում, իրենց նվաստացած չե՞ն զգա. «Երբ ՍԴ դատավորների մասին խոսվում է նախագահի անունը տալով +6 տրամաբանությամբ, ընդունելի՞ է, որ այդ խմբակցության պատգամավորի մասին խոսվի խմբակցության ղեկավարի ազգանունով եւ +25»,-ասաց Գրիգորյանը՝ հարց ուղղելով, թե՝ վիրավորակա՞ն է սա, թե՝ ոչ:

Գրիգորյանի պնդմամբ՝ օրինագծին դեմ հնչած ոչ մի ելույթ չէր համապատասխանում նախագծի բովանդակությանը: Այն միտքը, թե նախկիններից ուզում են ազատվել, պատգամավորի կարծիքով, անհիմն է: «Պետք չէ հորինել թեզեր, հետո այդ թեզերը հերոսաբար ջախջախել: Չկան այդ թեզերը այս նախագծի հիմնավորումներում»,-ասաց պատգամավորը:

Սահմանադրական այն կարգը, որով նախատեսված է նշանակել դատավորներին, Գրիգորյանի պնդմամբ, ճիշտ է: Նրա կարծիքով՝ այս թեմայի շուրջ նույնպես մանիպուլյացիա է արվում: «Բա ասում էիք Սահմանադրությունը կեղծվել է, ժողովրդի կամքը չի արտահայտում: Այո՛, ասել ենք եւ ասում ենք, բայց դա չի նշանակում, որ տեքստի եւ դրույթների մասով չի կարող լինել համաձայնություն»,-ասաց Գրիգորյանը՝ հավելելով, որ ամենալավ Սահմանադրությունը, եթե գրվում է քաղաքական նպատակներով, դա լեգիտիմ Սահմանադրություն չէ, հետեւաբար պետք չէ մեկը մյուսի հետ խառնել:

Պատգամավորը համաձայն չէ նաեւ այն մտքին, թե Սահմանադրական դատարանում չկա ճգնաժամ, քանի որ թղթերը տալիս են. «Սերժ Սարգսյանի իշխանությունն էլ էր թղթերը տալիս, կա՞ր քաղաքական, ժողովրդավարության ճգնաժամ, թե՝ ոչ: Բա ո՞նց եղավ այս հեղափոխությունը, եթե չկար»,- ասաց Գրիգորյանը՝ հավելելով, որ եթե թղթերը կան, դա չի նշանակում, որ ամեն ինչ նորմալ է: Թղթերը միշտ եղել են ու կլինեն, խնդիրը այդ թղթերի բովանդակությունն է:

«Լուսավոր Հայաստան» խմբակցության պատգամավոր Գեւորգ Գորգիսյանն էլ կարծիք հայտնեց, որ հասարակության մեծ մասը նույնիսկ չգիտի, թե ինչ է Սահմանադրական դատարանը:

Այս կարծիքի շուրջ Սուրեն Գրիգորյանը կոչ արեց դադարել մտածել, թե ԱԺ-ում հավաքված են էլիտայով, խելացիներով, ժողովուրդն էլ ոչ մի բան չի հասկանում, թացը չորից չի տարբերում: «Ոչ միայն տարբերում է, այլեւ՝ մեզնից լավ է տարբերում: ՀՀ ժողովրդին դուք վիրավորում եք, պարոն Գորգիսյան, երբ ասում եք, որ ժողովուրդը քառակուսի ու պրիմիտիվ է պատկերացնում: Խնդրում եմ՝ այդ հարցումը կբերեք եւ ԱԺ ամբիոնից ցույց կտաք, իսկ եթե ցույց չտաք, կխնդրեմ՝ ներողություն խնդրեք ՀՀ քաղաքացիներից»,-ասաց պատգամավորը՝ հավելելով, որ գուցե եւ ժողովրդի լայն մասին չհետաքրքրի ՍԴ-ն, բայց սահմանադրական մարմինների միջեւ վեճերի լուծումը, ընտրությունների արդյունքներում վերջին խոսքը ՀՀ-ում վերապահված է Սահմանադրական դատարանին: Պատգամավորի կարծիքով՝ ոչ մի դատարան իր սխալ եւ անհեռատես որոշմամբ չի կարող երկիրը գցել նման տուռբուլենտ զոնայի մեջ, ինչպես կարող է անել Սահմանադրական դատարանը:

Հարցին, թե արդյոք հանրության կարծիքը հաշվի առե՞լ են նախագիծը գրելիս, Գրիգորյանը պատասխանեց, որ նիստերը ուղիղ եթերով ցույց չեն տալիս, որ մարդիկ նայեն եւ էսթետիկ հաճույք ստանան: Ամբողջ գործընթացը թափանցիկ է նրա համար, որ մարդիկ տեղյակ լինեն, եթե ունեն ասելիք, ասեն:

«Բացի իմ ընդդիմադիր գործընկերներից՝ բյուջեի մասով հակափաստարկ իմ շրջապատում չեմ լսել»,-ասաց պատգամավորը՝ կիսելով նաեւ ԱԺ նախագահ Արարատ Միրզոյանի այն մոտեցումը, թե սա եւս մեկ մանիֆեստացիա է իշխանության արժեհամակարգի, տեսլականի եւ հավատարմությանը՝ ժողովրդավարության արժեքներին:

Ժաննա Ջեյրանյան

Տպել
1300 դիտում

Ֆինանսների փոխնախարարը հանդիպել է ԵՄ պատվիրակության հայաստանյան ներկայացուցչության անդամներին

Տիգրան Ավինյանն ընդունել է Ասիական զարգացման բանկի Հայաստանի գրասենյակի նորանշանակ տնօրենին

Ես անասունին ոնց հասցնեմ մոտակա սպանդանոց, ավելի լավ ա ջուրը գցեմ, պրծնեմ. լոռեցի անասնապահները ճամփա փակելը հետաձգել են

ՀՀ ՊՆ աշխատանքային խումբը մասնակցում է ՀԱՊԿ միացյալ շտաբում անցկացվող քննարկումներին

ՌԴ նախագահ Վլադիմիր Պուտինը պարգեւատրել է ԱԻՆ աշխատակիցներին (տեսանյութ)

Քիմ Քարդաշյանի «Արդարադատության նախագիծ» վավերագրական ֆիլմի թրեյլերն արդեն հասանելի է (տեսահոլովակ)

Զինվորական ծառայության են մեկնել Վայոց ձորի մարզի զինակոչիկները. ՊՆ

Ճանապարհին անասունը քաշ ա քցում, ստրես ա տանում. բողոքի ցույցի մասնակիցները խոստացան ճանապարհը փակելուց բացի նաև քանդել

Պողոս Պողոսյանի սպանության գործով դատապարտված Աղամալ Հարությունյանը հարցաքննվել է

Կստեղծվի 500-ից ավելի նոր աշխատատեղ. հաստիքները համալրելու համար պետք է ուղարկել ինքնակենսագրականները

Նախ գրպանից գողացել էր բանալին, այնուհետեւ անձնագիրը, սոցիալական քարտը, բանկային քարտերն ու 80 հզ դրամ (տեսանյութ)

Ամերիկացի հայտնի հաղորդավարուհին տարածել է Հայաստանում արված տեսանյութը եւ 6 մլն-ից ավելի դիտում հավաքել (տեսանյութ)

«Հայպետհիդրոմետի» նախկին շենքը մասամբ քանդել են. դրա փոխարեն հյուրանոց կլինի

Դատարանը չթույլատրեց Մանվել Գրիգորյանին մեկնել Ֆրանսիա՝ բուժումը շարունակելու

Վարչապետի մոտ քննարկվել են քաղաքացիական ծառայության գրասենյակի գործունեությունն ու առաջիկա տարում նախատեսվող անելիքները

«5-րդ» ալիքի սեփականատեր Արմեն Թավադյանը ազատ չի արձակվի

Երբ Սուրեն Գրիգորյանը այստեղից խոսում էր, ուզում էի ասել՝ պարո՛ն Աշոտյան, «պարիկով» եկել եք, որ ի՞նչ անեք․ Գորգիսյան

ՈՒԵՖԱ-ն եւս շնորհավորեց Մխիթարյանի ծննդյան օրը (լուսանկարներ)

Մեր ընդդիմադիր գործընկերոջ համար ավելի կարեւոր է իշխանությանը սեւացնելու համար դեմ գնալ անգամ պետական շահին․ Գրիգորյան

«Ռոման» նույնպես շնորհավորել է Մխիթարյանի ծննդյան օրը (տեսանյութ)