Ամանորին երեք օրը երկուսով անցկացնելը կարժենա 4 հազարից 300 հազար դրամ. առավել մատչելի են հյուրատները

05/12/2019 schedule21:40

Բոլոր նրանց, ովքեր նախատեսում են Ամանորը տոնել ոչ թե տանը, այլ Հայաստանի որեւէ այլ անկյունում, հյուրանոցներն ու հյուրատները բազմազան առաջարկներ ունեն: 

Դրանք շատ տարբեր են՝ գերշքեղից մինչեւ փոքրիկ սենյակ՝ տարրական հարմարություններով: Ըստ այդմ, նաեւ խիստ տարբեր են գները: Դիտարկելով դեկտեմբերի 31-ից մինչեւ հունվարի 3-ը երկու անձի համար առկա առաջարկները՝ կարող ենք նշել, որ այս պահին ամանորյա տոնական եռուզեռից ասենք երեք օրով խուսափել եւ տոնական տրամադրությամբ հանգստանալ հնարավոր է՝ վճարելով ընդամենը 4 հազար դրամից մինչեւ 300 հազար դրամ: 

Շիրակի մարզում երկու անձի համար եռօրյա հանգիստն արժե 6 հազարից 191 հազար դրամ. գերակշռում են միջին գները՝ 15 հազար, 22 հազար, 43 հազար դրամ: 

Լոռիում հանգստանալը կարող է արժենալ 5 հազարից 22 հազար դրամ:

Տավուշում ոչ պակաս, քան 6 հազար 700, իսկ ամենաշատը 45 հազար դրամ կպահանջվի:

Արագածոտնում հանգիստը կարժենա 4 հազար 400-ից 35 հազար 150 դրամ:

Կոտայքում երեք օր հանգստանալու դիմաց կպահանջվի 6 հազար 500-ից 95 հազար դրամ:

Արմավիրում հնարավոր է հանգստանալ 4 հազարից 110 հազար դրամով. գերակշռում են 12-45 հազար դրամանոց առաջարկները:

Արարատում առաջարկվում է 4 հազարից 65 հազար դրամով հանգստանալ. շատ են հյուրանոց-հյուրատները, որ այդ երեք օրը կսպասարկեն ձեզ ընդահանուր առմամբ 12-30 հազար դրամի դիմաց:

Գեղարքունիքում հնարավոր է ամանորյա եռօրյակն երկու հոգով անցկացնել 6 հազար 700-ից 47 հազար դրամով:

Վայոց Ձորում 3 հազար 8 հարյուրից 32 հազար 800 դրամ կպահանջվի:

Սյունիքում գնային ցատկը մեծ չէ՝ 6 հազարից 23 հազար:

Արցախում մինիմալ հարմարություններով երեք օրով տուն կվարձակալեք 30 հազար դրամով, իսկ նախագահական սենյակում ձեր զույգի երեք օր անցկացնելը կարժենա ընդհանուր 300 հազար դրամ:

Երեւանը կհյուրընկալի ձեզ 7 հազար 500-ից 106 հազար դրամով: Հետաքրքիր է, ի դեպ, որ 106 հազար դրամ արժեքը նախատեսված է եռաստղանի հյուրանոցի համար, իսկ հինգ աստղ ունեցող հյուրանոցներ կան, որոնք առաջարկում են եռօրյա տոնական հանգիստ 72 հազար, 45 հազար եւ 38 հազար դրամի դիմաց:

Առաջարկները նաեւ բազմազան են. մատչելի պայմաններով «մահճակալ եւ շրջագայություն», «մահճակալ եւ նախաճաշ» (bed&tour, bed&breakfast) տարբերակներից մինչեւ 3-անգամյա սնունդ, առանձին մանկական սենյակ, լողավազան, ֆիթնես սրահ, բիլիարդ, կինոթատրոն, սեղանի թենիս, Ամանորի շոու ծրագիր եւ ընթրիք: 

«Հայկական ժամանակ»-ի հետ զրույցում «Հոթել էյեմ»-ից հայտնեցին, որ Ամանորի համար թե՛ Հայաստանից եւ թե՛ արտերկրից սենյակներ ամրագրել սկսել են դեռ հոկտեմբերից: Առավել մեծ է Աղվերանի, Դիլիջանի եւ Ծաղկաձորի հյուրանոցային համարների պահանջարկը:

Թեպետ այս տարի նախորդ տարիների համեմատ հյուրանոցներում սենյակների վարձակալությունն ակտիվ չէ, հյուրընկալները նախատեսում են զարմացնել ու հիացնել իրենց հյուրերին՝ կազմելով նոր ծրագրեր: Վանաձոր, Գյումրի, Ծաղկաձոր քաղաքների հյուրանոցների մեր հարցումները ցույց տվեցին, որ ի տարբերություն նախորդ տարիների, երբ այս շրջանում վարձակալված էին լինում բոլոր սենյակները, այս տարի դեռևս կան ազատ սենյակներ եւ տնակներ: «Տոներին, իհարկե, պատրաստվում ենք, ինչպես միշտ»,- մեզ հետ զրույցում նշեցին հյուրանոցների աշխատակիցները:

Եվ այսպես, եթե որոշեցիք շրջագայել առաջարկների համացանցային տիրույթով, կարող եք օգտվել google.com/travel/hotels համակարգից եւ վերը նշված առաջարկներին ծանոթանալ ըստ առանձին բնակավայրերի:

 Կարմեն Մարտիրոսյան 

Տպել
2614 դիտում

Երեկ հրազենային վիրավորում ստացած զինծառայողներից մեկը կյանքի հետ անհամատեղելի վիրավորում ունի. Դավիթ Տոնոյան

Սերժ Սարգսյանի զագրեբյան ելույթը խղճահարության արժանի դրսեւորում էր․ Նիկոլ Փաշինյան

Իմ կոստյումը գիտե՞ք ինչով է տարբերվում Սերժ Սարգսյանի կոստյումից․ Նիկոլ Փաշինյան

Մեր իշխանությունը չի անում քաղաքական առեւտուր․ վարչապետ

ՀՀ նախագահ Արմեն Սարգսյանը շնորհավորական ուղերձ է հղել Չինաստանի նախագահին

Կան բազմաթիվ քաղաքացիներ, ովքեր 2017-ին ընտրակաշառք են վերցրել, իսկ 2018-ին դարձել են «նոր» Հայաստանի քաղաքացի․վարչապետ

Հայ դիրքապահների ուղղությամբ արձակվել է ավելի քան 700 կրակոց

2018-ի մայիսից ամենօրյա, ամենշաբաթյա, հետո ամենամսյա ռեժիմով Հ․ Թովմասյանն իր ծառայություններն է առաջարկել ինձ․ Փաշինյան

Տարածաշրջանում խաղաղության եւ կայունության ապագայի պատասխանատվությունը անձնապես կրում ենք մենք․ Նիկոլ Փաշինյան

Մեղավորը բանտում է. Իրանի ԱԳՆ-ն՝ Իրանի օդային տարածքում ուկրաինական Boeing 737 ինքնաթիռի կործանման մասին

Թող Արցախի նախագահի թեկնածուները ասեն՝ իրենց համար ընդունելի՞ է Սերժ Սարգսյանի թողած ժառանգությունը. Նիկոլ Փաշինյան

Փաշինյանը ոստիկանապետի եւ ԱԱԾ տնօրենի պաշտոններում տեսնում է ներկա պաշտոնակատարներին

Ռեւանշի փորձեր են եղել եւ այդ փորձի ողնաշարը ջարդված է. Նիկոլ Փաշինյան

Բոլոր քաղաքացներին, որոնք կազինոյում պարտվել են, տո՞ւն ենք տալիս․ Փաշինյանը բացատրեց՝ Գյումրիում ով տուն կստանա, ով՝ ոչ

Սա ՀՀ ԶՈւ-երի զինանշանը չէ, այլ՝ ՀՀ ՊՆ տարբերանշանի տարբերակը. Արծրուն Հովհաննիսյանը՝ ՀՀ ՊՆ տարբերանշանի տարբերակի մասին

Ապրիլյան պատերազմի վերաբերյալ մանրամասն քննարկում եմ ունեցել ՌԴ մեր գործընկերների հետ․ Փաշինյան

Վանաձորի ավտոտնակներից մեկում 6 հատ սառնարան եւ կահույք է այրվել

Նախագահ Արմեն Սարգսյանը շնորհավորական ուղերձ է հղել Հունաստանի նորընտիր նախագահին

Վարդենյաց լեռնանցքը բեռնատարների համար փակ է, Սոթք-Քարվաճառ ավտոճանապարհին առկա է մերկասառույց

Նիկոլ Փաշինյանը երեկ այցելել է ՀՔԾ՝ քրգործերից մեկով կատարվող քննչական գործողությանը մասնակցելու. ՀՔԾ պարզաբանումը