Աղմուկ հանած եւ Կինոկենտրոնից 16 միլիոն դրամ ստացած «Չնչիկ»-ն այս տարի էլ մեծ էկրան չի բարձրանա

Ազգային կինոկենտրոնը 2018 թվականի դեկտեմբերին 16 միլիոն դրամ գումար էր հատկացրել ռեժիսոր Արամ Շահբազյանի «Չնչիկ» ֆիլմին: Ըստ ռեժիսորի՝ դա բավարար գումար էր ֆիլմի վերջնական աշխատանքներն ավարտին հասցնելու համար: ֆիլմը մեծ էկրան պետք է բարձրանար այս տարվա գարնանը, սակայն տարին ավարտվում է, իսկ պրեմիերայի մասին որեւէ լուր անգամ չկա:

«Չնչիկ» լիամետրաժ խաղարկային ֆիլմի արտադրությունը սկսվել էր դեռեւս 2008 թվականին: Չորս նախարար փոխած ֆիլմը դեռեւս 2010 թվականին պետք է ավարտված լիներ, սակայն անհրաժեշտ գումարը տարբեր պատճառաբանություններով չէր հատկացվում: Սայլը տեղից շարժվեց 2018 թվականի ամռանը, երբ ֆիլմի ռեժիսոր Արամ Շահբազյանն անժամկետ հացադուլ հայտարարեց: Մշակույթի նախարարության շենքի դիմաց Շահբազյանի հացադուլը 2018 թվականին կանխել էր դեռեւս նորանշանակ նախարար Լիլիթ Մակունցը, իջել իր գրասենյակից, խնդրել վերջինիս դադարեցնել այն ու բարձրանալ վերեւ՝ հարցի շուրջ խոսելու: Ավելի ուշ Շահբազյանը «Հայկական ժամանակ»-ի հետ զրույցում ասաց, որ Մակունցի հետ խոսելուց հետո է միայն հարցին լուծում տրվել:

10 տարի անց վերջապես գումարը հատկացնելուց հետո էլ ռեժիսոր Արամ Շահբազյանի «Չնչիկ» ֆիլմը կարծես, թե իր տեղը չի գտնում եւ ինչպես ռեժիսորն է կատակով ասում՝ ֆիլմին դեռ 10 տարի առաջ են «թուղթ ու գիր արել»:

«Ընդհանուր աշխատանքները պիտի որ մեկ ամսից ավարտենք: Պրեմեիերան չկայացավ, քանի որ պարզվեց, որ ֆիլմը ավարտին հասցնելու բոլոր աշխատանքները դրսում ենք անելու: Չնչիկը ծանր եկել է, ծանր էլ գնում է»,- ասաց նա: Պրեմիերայի մասին ռեժիսորը դեռ ժամկետ չկարողացավ նշել: Աշխատանքները վերջանական ավարտին հասցնելու համար այս պահին մնացել է տիտրերը տեղադրելն ու ձայնային համադրում կատարելը:

«Չնչիկ»-ը չորս երկրի համարտադրություն է՝ Հայաստան, Շվեյցարիա, Հոլանդիա, Գերմանիա: ֆիլմը պատմություն է մի խենթ աղջկա մասին, որն ապրում է փակ հասարակությունում: Հիմքում իրական մի դեպք է, որը պատահել է Հայաստանի գյուղերից մեկում: Երիտասարդ աղջկա հայրը սպանել էր իր դստերը, որը համարձակվել էր առանց օրինական ամուսնանալու հղիանալ:

Վախենալով, որ իր ընտանիքը կարող է ադաթով ապրող համագյուղացիների մոտ ծիծաղի արժանանալ, ընտանիքի հայրը գերադասել էր առանց ավելորդ աղմուկի «ջնջել» իր դստեր հետքը: Ֆիլմում ներկայացվում է, թե ինչպես է կարծրատիպերով ապրող հասարակությունը մեկուսացնում տարբերվող անհատին, պարտադրում իր կանոնները եւ իրավունք վերապահում դատել ու վճռել անհատի ճակատագիրը: Մարդն իր աշխարհով եւ ցանկություններով մնում է անպաշտպան: Գլխավոր դերում Լիլի Էլբակյանն է:

Տպել
2379 դիտում

Կուբանում ռուսական ռազմական ուղղաթիռ է կործանվել, անձնակազմը զոհվել է

Հայաստանը Վերին Լարսում կունենա մաքսային կցորդ

Տնտեսագիտական համալսարանի ռեկտորի նախկին պաշտոնակատարը դատի է տվել ԿԳՄՍՆ-ին

Դանիել Իոաննիսյանը եւ Ալբերտ Ստեփանյանը նշանակվել են Հանրային խորհրդի անդամներ

Օդանավակայանից Հանրապետության հրապարակ հասնելու համար գերմանացին վճարել է 34.000 դրամ

Հայտնի են Չեմպիոնների լիգայի 1/8 եզրափակչի բոլոր թիմերը

Վթար՝ Նոր Գեղի-Լուսակերտ ավտոճանապարհին. կան տուժածներ

Մեկնարկել է ՀՀ կառավարության հերթական նիստը. օրակարգում ներառված է 70 հարց

ԱՄՆ ՄԶԳ մասնագետների հետ քննարկվել են ֆինանսական միջոցների հասանելիության խնդիրները

ԵԿՄ կնիքով հաստատված փաստաթղթեր են պատրաստվել՝ կեղծ տեղեկատվության մասին. ԱԱԾ բացահայտումը

«Հայկական տառարվեստը և դրա մշակութային դրսևորումները» հայտը՝ ՅՈՒՆԵՍԿՕ-ի՝ ոչ նյութական մշակութային ժառանգության ցանկում

ՀԸՖ-ն համագործակցության հուշագիր է ստորագրել Արաբական երկրների ըմբշամարտի ֆեդերացիայի հետ

Երևանում 2020-ին բակերի հիմնանորոգման և կառուցման համար կծախսվի 1 մլրդ 34 մլն դրամ

Արմեն Սարգսյանը հեռախոսազրույց է ունեցել Մեծի Տանն Կիլիկիո կաթողիկոս Արամ Առաջինի հետ

ԱԳ նախարարի տեղակալը մասնակցել է Արգենտինայի նորընտիր նախագահի պաշտոնի ստանձնմանը և երդմնակալությանը

Արմեն Սարգսյանը ստորագրել է մի քանի օրենքներում փոփոխություն եւ լրացում կատարելու մասին օրենքը

Երևանի Արտաշիսյան փողոցում չբնակեցված երկհարկանի վագոն-տնակ է հրդեհվել

Երևանի Գոգոլի փողոցի տներից մեկի մոտ ավտոմեքենան ամբողջությամբ այրվել է

Վանաձոր-Ալավերդի-Բագրատաշեն ճանապարհահատվածը բեռնատարների համար փակ է

Երիտասարդը թոշակ հատկացնելու պատրվակով մտել էր բնակիչներից մեկի տուն ու փող գողացել (տեսանյութ)